| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൩. പഠമകോധഗരുസുത്തം
3. Paṭhamakodhagarusuttaṃ
൪൩. ‘‘ചത്താരോമേ, ഭിക്ഖവേ, പുഗ്ഗലാ സന്തോ സംവിജ്ജമാനാ ലോകസ്മിം. കതമേ ചത്താരോ? കോധഗരു ന സദ്ധമ്മഗരു, മക്ഖഗരു ന സദ്ധമ്മഗരു, ലാഭഗരു ന സദ്ധമ്മഗരു, സക്കാരഗരു ന സദ്ധമ്മഗരു. ഇമേ ഖോ, ഭിക്ഖവേ, ചത്താരോ പുഗ്ഗലാ സന്തോ സംവിജ്ജമാനാ ലോകസ്മിം.
43. ‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Kodhagaru na saddhammagaru, makkhagaru na saddhammagaru, lābhagaru na saddhammagaru, sakkāragaru na saddhammagaru. Ime kho, bhikkhave, cattāro puggalā santo saṃvijjamānā lokasmiṃ.
‘‘ചത്താരോമേ, ഭിക്ഖവേ, പുഗ്ഗലാ സന്തോ സംവിജ്ജമാനാ ലോകസ്മിം. കതമേ ചത്താരോ? സദ്ധമ്മഗരു ന കോധഗരു, സദ്ധമ്മഗരു ന മക്ഖഗരു, സദ്ധമ്മഗരു ന ലാഭഗരു , സദ്ധമ്മഗരു ന സക്കാരഗരു. ഇമേ ഖോ, ഭിക്ഖവേ, ചത്താരോ പുഗ്ഗലാ സന്തോ സംവിജ്ജമാനാ ലോകസ്മി’’ന്തി.
‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Saddhammagaru na kodhagaru, saddhammagaru na makkhagaru, saddhammagaru na lābhagaru , saddhammagaru na sakkāragaru. Ime kho, bhikkhave, cattāro puggalā santo saṃvijjamānā lokasmi’’nti.
‘‘കോധമക്ഖഗരൂ ഭിക്ഖൂ, ലാഭസക്കാരഗാരവാ;
‘‘Kodhamakkhagarū bhikkhū, lābhasakkāragāravā;
ന തേ ധമ്മേ വിരൂഹന്തി, സമ്മാസമ്ബുദ്ധദേസിതേ.
Na te dhamme virūhanti, sammāsambuddhadesite.
‘‘യേ ച സദ്ധമ്മഗരുനോ, വിഹംസു വിഹരന്തി ച;
‘‘Ye ca saddhammagaruno, vihaṃsu viharanti ca;
തേ വേ ധമ്മേ വിരൂഹന്തി, സമ്മാസമ്ബുദ്ധദേസിതേ’’തി. തതിയം;
Te ve dhamme virūhanti, sammāsambuddhadesite’’ti. tatiyaṃ;
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൩-൪. കോധഗരുസുത്തദ്വയവണ്ണനാ • 3-4. Kodhagarusuttadvayavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൨-൪. പഞ്ഹബ്യാകരണസുത്താദിവണ്ണനാ • 2-4. Pañhabyākaraṇasuttādivaṇṇanā
