| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. батамагосаласуд̇д̇ам̣
9. Paṭhamakosalasuttaṃ
29. ‘‘яаавад̇аа, бхигкавз, гаасигосалаа, яаавад̇аа ран̃н̃о басзнад̣̇исса госаласса виж̇ид̇ам̣ 1, рааж̇аа д̇ад̇т̇а басзнад̣̇и госало аг̇г̇амагкааяад̇и. ран̃н̃оби ко, бхигкавз, басзнад̣̇исса госаласса ад̇т̇зва ан̃н̃ат̇ад̇д̇ам̣ ад̇т̇и вибарин̣аамо. звам̣ бассам̣, бхигкавз, суд̇аваа арияасааваго д̇асмимби ниб̣б̣инд̣̇ад̇и. д̇асмим̣ ниб̣б̣инд̣̇анд̇о аг̇г̇з вираж̇ж̇ад̇и, баг̇зва хийнасмим̣.
29. ‘‘Yāvatā, bhikkhave, kāsikosalā, yāvatā rañño pasenadissa kosalassa vijitaṃ 2, rājā tattha pasenadi kosalo aggamakkhāyati. Raññopi kho, bhikkhave, pasenadissa kosalassa attheva aññathattaṃ atthi vipariṇāmo. Evaṃ passaṃ, bhikkhave, sutavā ariyasāvako tasmimpi nibbindati. Tasmiṃ nibbindanto agge virajjati, pageva hīnasmiṃ.
‘‘яаавад̇аа, бхигкавз, жанд̣̇имасуурияаа барихаранд̇и д̣̇исаа бханд̇и вирожамаанаа, д̇аава сахассад̇хаа лого. д̇асмим̣ сахассад̇хаа логз сахассам̣ жанд̣̇аанам̣ сахассам̣ суурияаанам̣ 3 сахассам̣ синзрубаб̣б̣ад̇арааж̇аанам̣ сахассам̣ ж̇амб̣уд̣̇ийбаанам̣ сахассам̣ абараг̇ояаанаанам̣ сахассам̣ уд̇д̇арагуруунам̣ сахассам̣ буб̣б̣авид̣̇зхаанам̣ жад̇д̇аари махаасамуд̣̇д̣̇асахассаани жад̇д̇аари махаарааж̇асахассаани сахассам̣ жаад̇умахаарааж̇игаанам̣ сахассам̣ д̇аавад̇им̣саанам̣ сахассам̣ яаамаанам̣ сахассам̣ д̇усид̇аанам̣ сахассам̣ ниммаанарад̇ийнам̣ сахассам̣ бараниммид̇авасавад̇д̇ийнам̣ сахассам̣ б̣рахмалогаанам̣. яаавад̇аа, бхигкавз, сахассий логад̇хаад̇у, махааб̣рахмаа д̇ад̇т̇а аг̇г̇амагкааяад̇и. махааб̣рахмуноби ко, бхигкавз, ад̇т̇зва ан̃н̃ат̇ад̇д̇ам̣ ад̇т̇и вибарин̣аамо. звам̣ бассам̣, бхигкавз, суд̇аваа арияасааваго д̇асмимби ниб̣б̣инд̣̇ад̇и. д̇асмим̣ ниб̣б̣инд̣̇анд̇о аг̇г̇з вираж̇ж̇ад̇и, баг̇зва хийнасмим̣.
‘‘Yāvatā, bhikkhave, candimasūriyā pariharanti disā bhanti virocamānā, tāva sahassadhā loko. Tasmiṃ sahassadhā loke sahassaṃ candānaṃ sahassaṃ sūriyānaṃ 4 sahassaṃ sinerupabbatarājānaṃ sahassaṃ jambudīpānaṃ sahassaṃ aparagoyānānaṃ sahassaṃ uttarakurūnaṃ sahassaṃ pubbavidehānaṃ cattāri mahāsamuddasahassāni cattāri mahārājasahassāni sahassaṃ cātumahārājikānaṃ sahassaṃ tāvatiṃsānaṃ sahassaṃ yāmānaṃ sahassaṃ tusitānaṃ sahassaṃ nimmānaratīnaṃ sahassaṃ paranimmitavasavattīnaṃ sahassaṃ brahmalokānaṃ. Yāvatā, bhikkhave, sahassī lokadhātu, mahābrahmā tattha aggamakkhāyati. Mahābrahmunopi kho, bhikkhave, attheva aññathattaṃ atthi vipariṇāmo. Evaṃ passaṃ, bhikkhave, sutavā ariyasāvako tasmimpi nibbindati. Tasmiṃ nibbindanto agge virajjati, pageva hīnasmiṃ.
‘‘ход̇и со, бхигкавз, самаяо яам̣ аяам̣ лого сам̣ваддад̇и. сам̣ваддамаанз, бхигкавз, логз язбхуяязна сад̇д̇аа аабхассарасам̣вад̇д̇анигаа 5 бхаванд̇и. д̇з д̇ад̇т̇а хонд̇и маномаяаа бийд̇ибхагкаа саяам̣бабхаа анд̇алигкзжараа субхадтааяино жирам̣ д̣̇ийгхамад̣̇д̇хаанам̣ д̇идтанд̇и. сам̣ваддамаанз, бхигкавз, логз аабхассараа д̣̇зваа аг̇г̇амагкааяанд̇и. аабхассараанамби ко, бхигкавз, д̣̇зваанам̣ ад̇т̇зва ан̃н̃ат̇ад̇д̇ам̣ ад̇т̇и вибарин̣аамо. звам̣ бассам̣, бхигкавз, суд̇аваа арияасааваго д̇асмимби ниб̣б̣инд̣̇ад̇и . д̇асмим̣ ниб̣б̣инд̣̇анд̇о аг̇г̇з вираж̇ж̇ад̇и, баг̇зва хийнасмим̣.
‘‘Hoti so, bhikkhave, samayo yaṃ ayaṃ loko saṃvaṭṭati. Saṃvaṭṭamāne, bhikkhave, loke yebhuyyena sattā ābhassarasaṃvattanikā 6 bhavanti. Te tattha honti manomayā pītibhakkhā sayaṃpabhā antalikkhecarā subhaṭṭhāyino ciraṃ dīghamaddhānaṃ tiṭṭhanti. Saṃvaṭṭamāne, bhikkhave, loke ābhassarā devā aggamakkhāyanti. Ābhassarānampi kho, bhikkhave, devānaṃ attheva aññathattaṃ atthi vipariṇāmo. Evaṃ passaṃ, bhikkhave, sutavā ariyasāvako tasmimpi nibbindati . Tasmiṃ nibbindanto agge virajjati, pageva hīnasmiṃ.
7 ‘‘д̣̇асаяимаани, бхигкавз, гасин̣ааяад̇анаани. гад̇амаани д̣̇аса? бат̇авийгасин̣амзго сан̃ж̇аанаад̇и уд̣̇д̇хам̣ ад̇хо д̇ирияам̣ ад̣̇ваяам̣ аббамаан̣ам̣; аабогасин̣амзго сан̃ж̇аанаад̇и…бз… д̇зж̇огасин̣амзго сан̃ж̇аанаад̇и… вааяогасин̣амзго сан̃ж̇аанаад̇и… нийлагасин̣амзго сан̃ж̇аанаад̇и… бийд̇агасин̣амзго сан̃ж̇аанаад̇и… лохид̇агасин̣амзго сан̃ж̇аанаад̇и… од̣̇аад̇агасин̣амзго сан̃ж̇аанаад̇и… аагаасагасин̣амзго сан̃ж̇аанаад̇и… вин̃н̃аан̣агасин̣амзго сан̃ж̇аанаад̇и уд̣̇д̇хам̣ ад̇хо д̇ирияам̣ ад̣̇ваяам̣ аббамаан̣ам̣. имаани ко, бхигкавз, д̣̇аса гасин̣ааяад̇анаани.
8 ‘‘Dasayimāni, bhikkhave, kasiṇāyatanāni. Katamāni dasa? Pathavīkasiṇameko sañjānāti uddhaṃ adho tiriyaṃ advayaṃ appamāṇaṃ; āpokasiṇameko sañjānāti…pe… tejokasiṇameko sañjānāti… vāyokasiṇameko sañjānāti… nīlakasiṇameko sañjānāti… pītakasiṇameko sañjānāti… lohitakasiṇameko sañjānāti… odātakasiṇameko sañjānāti… ākāsakasiṇameko sañjānāti… viññāṇakasiṇameko sañjānāti uddhaṃ adho tiriyaṃ advayaṃ appamāṇaṃ. Imāni kho, bhikkhave, dasa kasiṇāyatanāni.
‘‘зд̇ад̣̇аг̇г̇ам̣, бхигкавз, имзсам̣ д̣̇асаннам̣ гасин̣ааяад̇анаанам̣ яад̣̇ид̣̇ам̣ вин̃н̃аан̣агасин̣ам̣ зго сан̃ж̇аанаад̇и уд̣̇д̇хам̣ ад̇хо д̇ирияам̣ ад̣̇ваяам̣ аббамаан̣ам̣. звам̣сан̃н̃иноби ко, бхигкавз, санд̇и сад̇д̇аа. звам̣сан̃н̃ийнамби ко, бхигкавз, сад̇д̇аанам̣ ад̇т̇зва ан̃н̃ат̇ад̇д̇ам̣ ад̇т̇и вибарин̣аамо. звам̣ бассам̣ , бхигкавз, суд̇аваа арияасааваго д̇асмимби ниб̣б̣инд̣̇ад̇и. д̇асмим̣ ниб̣б̣инд̣̇анд̇о аг̇г̇з вираж̇ж̇ад̇и, баг̇зва хийнасмим̣.
‘‘Etadaggaṃ, bhikkhave, imesaṃ dasannaṃ kasiṇāyatanānaṃ yadidaṃ viññāṇakasiṇaṃ eko sañjānāti uddhaṃ adho tiriyaṃ advayaṃ appamāṇaṃ. Evaṃsaññinopi kho, bhikkhave, santi sattā. Evaṃsaññīnampi kho, bhikkhave, sattānaṃ attheva aññathattaṃ atthi vipariṇāmo. Evaṃ passaṃ , bhikkhave, sutavā ariyasāvako tasmimpi nibbindati. Tasmiṃ nibbindanto agge virajjati, pageva hīnasmiṃ.
9 ‘‘адтимаани, бхигкавз, абхибхааяад̇анаани. гад̇амаани адта? аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани; ‘д̇аани абхибхуяяа ж̇аанаами бассаамий’д̇и, звам̣сан̃н̃ий ход̇и. ид̣̇ам̣ батамам̣ абхибхааяад̇анам̣.
10 ‘‘Aṭṭhimāni, bhikkhave, abhibhāyatanāni. Katamāni aṭṭha? Ajjhattaṃ rūpasaññī eko bahiddhā rūpāni passati parittāni suvaṇṇadubbaṇṇāni; ‘tāni abhibhuyya jānāmi passāmī’ti, evaṃsaññī hoti. Idaṃ paṭhamaṃ abhibhāyatanaṃ.
‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани; ‘д̇аани абхибхуяяа ж̇аанаами бассаамий’д̇и, звам̣сан̃н̃ий ход̇и. ид̣̇ам̣ д̣̇уд̇ияам̣ абхибхааяад̇анам̣.
‘‘Ajjhattaṃ rūpasaññī eko bahiddhā rūpāni passati appamāṇāni suvaṇṇadubbaṇṇāni; ‘tāni abhibhuyya jānāmi passāmī’ti, evaṃsaññī hoti. Idaṃ dutiyaṃ abhibhāyatanaṃ.
‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани; ‘д̇аани абхибхуяяа ж̇аанаами бассаамий’д̇и, звам̣сан̃н̃ий ход̇и. ид̣̇ам̣ д̇ад̇ияам̣ абхибхааяад̇анам̣.
‘‘Ajjhattaṃ arūpasaññī eko bahiddhā rūpāni passati parittāni suvaṇṇadubbaṇṇāni; ‘tāni abhibhuyya jānāmi passāmī’ti, evaṃsaññī hoti. Idaṃ tatiyaṃ abhibhāyatanaṃ.
‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и аббамаан̣аани суван̣н̣ад̣̇уб̣б̣ан̣н̣аани; ‘д̇аани абхибхуяяа ж̇аанаами бассаамий’д̇и, звам̣сан̃н̃ий ход̇и. ид̣̇ам̣ жад̇уд̇т̇ам̣ абхибхааяад̇анам̣.
‘‘Ajjhattaṃ arūpasaññī eko bahiddhā rūpāni passati appamāṇāni suvaṇṇadubbaṇṇāni; ‘tāni abhibhuyya jānāmi passāmī’ti, evaṃsaññī hoti. Idaṃ catutthaṃ abhibhāyatanaṃ.
‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани. сзяяат̇ааби наама умаабубпам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣, сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ нийлам̣ нийлаван̣н̣ам̣ нийланид̣̇ассанам̣ нийланибхаасам̣; звамзвам̣ аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и нийлаани нийлаван̣н̣аани нийланид̣̇ассанаани нийланибхаасаани; ‘д̇аани абхибхуяяа ж̇аанаами бассаамий’д̇и, звам̣сан̃н̃ий ход̇и. ид̣̇ам̣ бан̃жамам̣ абхибхааяад̇анам̣.
‘‘Ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni. Seyyathāpi nāma umāpupphaṃ nīlaṃ nīlavaṇṇaṃ nīlanidassanaṃ nīlanibhāsaṃ, seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ nīlaṃ nīlavaṇṇaṃ nīlanidassanaṃ nīlanibhāsaṃ; evamevaṃ ajjhattaṃ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni; ‘tāni abhibhuyya jānāmi passāmī’ti, evaṃsaññī hoti. Idaṃ pañcamaṃ abhibhāyatanaṃ.
‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани. сзяяат̇ааби наама ган̣игаарабубпам̣ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣, сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ бийд̇ам̣ бийд̇аван̣н̣ам̣ бийд̇анид̣̇ассанам̣ бийд̇анибхаасам̣; звамзвам̣ аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и бийд̇аани бийд̇аван̣н̣аани бийд̇анид̣̇ассанаани бийд̇анибхаасаани; ‘д̇аани абхибхуяяа ж̇аанаами бассаамий’д̇и, звам̣сан̃н̃ий ход̇и. ид̣̇ам̣ чадтам̣ абхибхааяад̇анам̣.
‘‘Ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni. Seyyathāpi nāma kaṇikārapupphaṃ pītaṃ pītavaṇṇaṃ pītanidassanaṃ pītanibhāsaṃ, seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ pītaṃ pītavaṇṇaṃ pītanidassanaṃ pītanibhāsaṃ; evamevaṃ ajjhattaṃ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni; ‘tāni abhibhuyya jānāmi passāmī’ti, evaṃsaññī hoti. Idaṃ chaṭṭhaṃ abhibhāyatanaṃ.
‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани. сзяяат̇ааби наама б̣анд̇хуж̇ийвагабубпам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣, сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ лохид̇агам̣ лохид̇агаван̣н̣ам̣ лохид̇аганид̣̇ассанам̣ лохид̇аганибхаасам̣; звамзвам̣ аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и лохид̇агаани лохид̇агаван̣н̣аани лохид̇аганид̣̇ассанаани лохид̇аганибхаасаани; ‘д̇аани абхибхуяяа ж̇аанаами бассаамий’д̇и, звам̣сан̃н̃ий ход̇и. ид̣̇ам̣ сад̇д̇амам̣ абхибхааяад̇анам̣.
‘‘Ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni. Seyyathāpi nāma bandhujīvakapupphaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ, seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ lohitakaṃ lohitakavaṇṇaṃ lohitakanidassanaṃ lohitakanibhāsaṃ; evamevaṃ ajjhattaṃ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni; ‘tāni abhibhuyya jānāmi passāmī’ti, evaṃsaññī hoti. Idaṃ sattamaṃ abhibhāyatanaṃ.
‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани. сзяяат̇ааби наама осад̇хид̇аарагаа од̣̇аад̇аа од̣̇аад̇аван̣н̣аа од̣̇аад̇анид̣̇ассанаа од̣̇аад̇анибхаасаа, сзяяат̇аа ваа бана д̇ам̣ вад̇т̇ам̣ б̣аараан̣асзяяагам̣ убхад̇обхааг̇авимадтам̣ од̣̇аад̇ам̣ од̣̇аад̇аван̣н̣ам̣ од̣̇аад̇анид̣̇ассанам̣ од̣̇аад̇анибхаасам̣; звамзвам̣ аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани; ‘д̇аани абхибхуяяа ж̇аанаами бассаамий’д̇и, звам̣сан̃н̃ий ход̇и. ид̣̇ам̣ адтамам̣ абхибхааяад̇анам̣. имаани ко, бхигкавз, адта абхибхааяад̇анаани.
‘‘Ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni. Seyyathāpi nāma osadhitārakā odātā odātavaṇṇā odātanidassanā odātanibhāsā, seyyathā vā pana taṃ vatthaṃ bārāṇaseyyakaṃ ubhatobhāgavimaṭṭhaṃ odātaṃ odātavaṇṇaṃ odātanidassanaṃ odātanibhāsaṃ; evamevaṃ ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni; ‘tāni abhibhuyya jānāmi passāmī’ti, evaṃsaññī hoti. Idaṃ aṭṭhamaṃ abhibhāyatanaṃ. Imāni kho, bhikkhave, aṭṭha abhibhāyatanāni.
‘‘зд̇ад̣̇аг̇г̇ам̣, бхигкавз, имзсам̣ адтаннам̣ абхибхааяад̇анаанам̣ яад̣̇ид̣̇ам̣ аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇и од̣̇аад̇аани од̣̇аад̇аван̣н̣аани од̣̇аад̇анид̣̇ассанаани од̣̇аад̇анибхаасаани; ‘д̇аани абхибхуяяа ж̇аанаами бассаамий’д̇и, звам̣сан̃н̃ий ход̇и. звам̣сан̃н̃иноби ко, бхигкавз, санд̇и сад̇д̇аа. звам̣сан̃н̃ийнамби ко, бхигкавз, сад̇д̇аанам̣ ад̇т̇зва ан̃н̃ат̇ад̇д̇ам̣ ад̇т̇и вибарин̣аамо. звам̣ бассам̣, бхигкавз, суд̇аваа арияасааваго д̇асмимби ниб̣б̣инд̣̇ад̇и. д̇асмим̣ ниб̣б̣инд̣̇анд̇о аг̇г̇з вираж̇ж̇ад̇и, баг̇зва хийнасмим̣.
‘‘Etadaggaṃ, bhikkhave, imesaṃ aṭṭhannaṃ abhibhāyatanānaṃ yadidaṃ ajjhattaṃ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni; ‘tāni abhibhuyya jānāmi passāmī’ti, evaṃsaññī hoti. Evaṃsaññinopi kho, bhikkhave, santi sattā. Evaṃsaññīnampi kho, bhikkhave, sattānaṃ attheva aññathattaṃ atthi vipariṇāmo. Evaṃ passaṃ, bhikkhave, sutavā ariyasāvako tasmimpi nibbindati. Tasmiṃ nibbindanto agge virajjati, pageva hīnasmiṃ.
‘‘жад̇ассо имаа, бхигкавз, бадибад̣̇аа. гад̇амаа жад̇ассо? д̣̇угкаа бадибад̣̇аа д̣̇анд̇хаабхин̃н̃аа, д̣̇угкаа бадибад̣̇аа киббаабхин̃н̃аа, сукаа бадибад̣̇аа д̣̇анд̇хаабхин̃н̃аа, сукаа бадибад̣̇аа киббаабхин̃н̃аа – имаа ко, бхигкавз, жад̇ассо бадибад̣̇аа.
‘‘Catasso imā, bhikkhave, paṭipadā. Katamā catasso? Dukkhā paṭipadā dandhābhiññā, dukkhā paṭipadā khippābhiññā, sukhā paṭipadā dandhābhiññā, sukhā paṭipadā khippābhiññā – imā kho, bhikkhave, catasso paṭipadā.
‘‘зд̇ад̣̇аг̇г̇ам̣, бхигкавз, имаасам̣ жад̇уннам̣ бадибад̣̇аанам̣ яад̣̇ид̣̇ам̣ сукаа бадибад̣̇аа киббаабхин̃н̃аа. звам̣бадибаннааби ко, бхигкавз, санд̇и сад̇д̇аа. звам̣бадибаннаанамби ко, бхигкавз, сад̇д̇аанам̣ ад̇т̇зва ан̃н̃ат̇ад̇д̇ам̣ ад̇т̇и вибарин̣аамо. звам̣ бассам̣, бхигкавз, суд̇аваа арияасааваго д̇асмимби ниб̣б̣инд̣̇ад̇и. д̇асмим̣ ниб̣б̣инд̣̇анд̇о аг̇г̇з вираж̇ж̇ад̇и, баг̇зва хийнасмим̣.
‘‘Etadaggaṃ, bhikkhave, imāsaṃ catunnaṃ paṭipadānaṃ yadidaṃ sukhā paṭipadā khippābhiññā. Evaṃpaṭipannāpi kho, bhikkhave, santi sattā. Evaṃpaṭipannānampi kho, bhikkhave, sattānaṃ attheva aññathattaṃ atthi vipariṇāmo. Evaṃ passaṃ, bhikkhave, sutavā ariyasāvako tasmimpi nibbindati. Tasmiṃ nibbindanto agge virajjati, pageva hīnasmiṃ.
‘‘жад̇ассо имаа, бхигкавз, сан̃н̃аа. гад̇амаа жад̇ассо? барид̇д̇амзго сан̃ж̇аанаад̇и, махаг̇г̇ад̇амзго сан̃ж̇аанаад̇и, аббамаан̣амзго сан̃ж̇аанаад̇и, ‘над̇т̇и гин̃жий’д̇и аагин̃жан̃н̃ааяад̇анамзго сан̃ж̇аанаад̇и – имаа ко, бхигкавз, жад̇ассо сан̃н̃аа.
‘‘Catasso imā, bhikkhave, saññā. Katamā catasso? Parittameko sañjānāti, mahaggatameko sañjānāti, appamāṇameko sañjānāti, ‘natthi kiñcī’ti ākiñcaññāyatanameko sañjānāti – imā kho, bhikkhave, catasso saññā.
‘‘зд̇ад̣̇аг̇г̇ам̣, бхигкавз, имаасам̣ жад̇уннам̣ сан̃н̃аанам̣ яад̣̇ид̣̇ам̣ ‘над̇т̇и гин̃жий’д̇и аагин̃жан̃н̃ааяад̇анамзго сан̃ж̇аанаад̇и. звам̣сан̃н̃иноби ко, бхигкавз, санд̇и сад̇д̇аа. звам̣сан̃н̃ийнамби ко, бхигкавз, сад̇д̇аанам̣ ад̇т̇зва ан̃н̃ат̇ад̇д̇ам̣ ад̇т̇и вибарин̣аамо. звам̣ бассам̣, бхигкавз, суд̇аваа арияасааваго д̇асмимби ниб̣б̣инд̣̇ад̇и. д̇асмим̣ ниб̣б̣инд̣̇анд̇о аг̇г̇з вираж̇ж̇ад̇и, баг̇зва хийнасмим̣.
‘‘Etadaggaṃ, bhikkhave, imāsaṃ catunnaṃ saññānaṃ yadidaṃ ‘natthi kiñcī’ti ākiñcaññāyatanameko sañjānāti. Evaṃsaññinopi kho, bhikkhave, santi sattā. Evaṃsaññīnampi kho, bhikkhave, sattānaṃ attheva aññathattaṃ atthi vipariṇāmo. Evaṃ passaṃ, bhikkhave, sutavā ariyasāvako tasmimpi nibbindati. Tasmiṃ nibbindanto agge virajjati, pageva hīnasmiṃ.
‘‘зд̇ад̣̇аг̇г̇ам̣ , бхигкавз, б̣аахирагаанам̣ д̣̇идтиг̇ад̇аанам̣ яад̣̇ид̣̇ам̣ ‘но жассам̣, но жа мз сияаа, на бхависсаами, на мз бхависсад̇ий’д̇и. звам̣д̣̇идтино, бхигкавз , зд̇ам̣ баадиган̇кам̣ – ‘яаа жааяам̣ бхавз аббадигуляад̇аа, саа жасса на бхависсад̇и; яаа жааяам̣ бхаванирод̇хз баадигуляад̇аа, саа жасса на бхависсад̇ий’д̇и. звам̣д̣̇идтиноби ко, бхигкавз, санд̇и сад̇д̇аа. звам̣д̣̇идтийнамби ко, бхигкавз, сад̇д̇аанам̣ ад̇т̇зва ан̃н̃ат̇ад̇д̇ам̣ ад̇т̇и вибарин̣аамо. звам̣ бассам̣, бхигкавз, суд̇аваа арияасааваго д̇асмимби ниб̣б̣инд̣̇ад̇и. д̇асмим̣ ниб̣б̣инд̣̇анд̇о аг̇г̇з вираж̇ж̇ад̇и, баг̇зва хийнасмим̣.
‘‘Etadaggaṃ , bhikkhave, bāhirakānaṃ diṭṭhigatānaṃ yadidaṃ ‘no cassaṃ, no ca me siyā, na bhavissāmi, na me bhavissatī’ti. Evaṃdiṭṭhino, bhikkhave , etaṃ pāṭikaṅkhaṃ – ‘yā cāyaṃ bhave appaṭikulyatā, sā cassa na bhavissati; yā cāyaṃ bhavanirodhe pāṭikulyatā, sā cassa na bhavissatī’ti. Evaṃdiṭṭhinopi kho, bhikkhave, santi sattā. Evaṃdiṭṭhīnampi kho, bhikkhave, sattānaṃ attheva aññathattaṃ atthi vipariṇāmo. Evaṃ passaṃ, bhikkhave, sutavā ariyasāvako tasmimpi nibbindati. Tasmiṃ nibbindanto agge virajjati, pageva hīnasmiṃ.
‘‘санд̇и, бхигкавз, згз саман̣аб̣раахман̣аа барамад̇т̇ависуд̣̇д̇хим̣ бан̃н̃аабзнд̇и. зд̇ад̣̇аг̇г̇ам̣, бхигкавз, барамад̇т̇ависуд̣̇д̇хим̣ бан̃н̃аабзнд̇аанам̣ яад̣̇ид̣̇ам̣ саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. д̇з д̇ад̣̇абхин̃н̃ааяа д̇асса сажчигирияааяа д̇хаммам̣ д̣̇зсзнд̇и. звам̣ваад̣̇иноби ко, бхигкавз, санд̇и сад̇д̇аа. звам̣ваад̣̇ийнамби ко, бхигкавз, сад̇д̇аанам̣ ад̇т̇зва ан̃н̃ат̇ад̇д̇ам̣ ад̇т̇и вибарин̣аамо. звам̣ бассам̣, бхигкавз, суд̇аваа арияасааваго д̇асмимби ниб̣б̣инд̣̇ад̇и. д̇асмим̣ ниб̣б̣инд̣̇анд̇о аг̇г̇з вираж̇ж̇ад̇и, баг̇зва хийнасмим̣.
‘‘Santi, bhikkhave, eke samaṇabrāhmaṇā paramatthavisuddhiṃ paññāpenti. Etadaggaṃ, bhikkhave, paramatthavisuddhiṃ paññāpentānaṃ yadidaṃ sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Te tadabhiññāya tassa sacchikiriyāya dhammaṃ desenti. Evaṃvādinopi kho, bhikkhave, santi sattā. Evaṃvādīnampi kho, bhikkhave, sattānaṃ attheva aññathattaṃ atthi vipariṇāmo. Evaṃ passaṃ, bhikkhave, sutavā ariyasāvako tasmimpi nibbindati. Tasmiṃ nibbindanto agge virajjati, pageva hīnasmiṃ.
‘‘санд̇и, бхигкавз, згз саман̣аб̣раахман̣аа барамад̣̇идтад̇хамманиб̣б̣аанам̣ бан̃н̃аабзнд̇и. зд̇ад̣̇аг̇г̇ам̣, бхигкавз, барамад̣̇идтад̇хамманиб̣б̣аанам̣ бан̃н̃аабзнд̇аанам̣ яад̣̇ид̣̇ам̣ чаннам̣ пассааяад̇анаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ вид̣̇ид̇ваа анубаад̣̇аа вимогко. звам̣ваад̣̇им̣ ко мам̣, бхигкавз, звамагкааяим̣ згз саман̣аб̣раахман̣аа асад̇аа д̇ужчаа мусаа абхууд̇зна аб̣бхаажигканд̇и – ‘саман̣о г̇од̇амо на гаамаанам̣ барин̃н̃ам̣ бан̃н̃аабзд̇и, на руубаанам̣ барин̃н̃ам̣ бан̃н̃аабзд̇и, на взд̣̇анаанам̣ барин̃н̃ам̣ бан̃н̃аабзд̇ий’д̇и. гаамаанан̃жаахам̣ , бхигкавз, барин̃н̃ам̣ бан̃н̃аабзми, руубаанан̃жа барин̃н̃ам̣ бан̃н̃аабзми, взд̣̇анаанан̃жа барин̃н̃ам̣ бан̃н̃аабзми, д̣̇идтзва д̇хаммз нижчаад̇о ниб̣б̣уд̇о сийд̇ибхууд̇о анубаад̣̇аа бариниб̣б̣аанам̣ бан̃н̃аабзмий’’д̇и. навамам̣.
‘‘Santi, bhikkhave, eke samaṇabrāhmaṇā paramadiṭṭhadhammanibbānaṃ paññāpenti. Etadaggaṃ, bhikkhave, paramadiṭṭhadhammanibbānaṃ paññāpentānaṃ yadidaṃ channaṃ phassāyatanānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā anupādā vimokkho. Evaṃvādiṃ kho maṃ, bhikkhave, evamakkhāyiṃ eke samaṇabrāhmaṇā asatā tucchā musā abhūtena abbhācikkhanti – ‘samaṇo gotamo na kāmānaṃ pariññaṃ paññāpeti, na rūpānaṃ pariññaṃ paññāpeti, na vedanānaṃ pariññaṃ paññāpetī’ti. Kāmānañcāhaṃ , bhikkhave, pariññaṃ paññāpemi, rūpānañca pariññaṃ paññāpemi, vedanānañca pariññaṃ paññāpemi, diṭṭheva dhamme nicchāto nibbuto sītibhūto anupādā parinibbānaṃ paññāpemī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. батамагосаласуд̇д̇аван̣н̣анаа • 9. Paṭhamakosalasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. д̣̇уд̇ияамахаабан̃хасуд̇д̇аад̣̇иван̣н̣анаа • 8-9. Dutiyamahāpañhasuttādivaṇṇanā
