| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. батамагосаласуд̇д̇аван̣н̣анаа
9. Paṭhamakosalasuttavaṇṇanā
29. навамз яаавад̇аад̇и яад̇д̇агаа. гаасигосалаад̇и гаасигосалаж̇анабад̣̇аа. ад̇т̇зва ан̃н̃ат̇ад̇д̇анд̇и тид̇асса ан̃н̃ат̇ад̇д̇ам̣ ад̇т̇иязва. ад̇т̇и вибарин̣аамод̇и маран̣амби ад̇т̇иязва. д̇асмимби ниб̣б̣инд̣̇ад̇ийд̇и д̇асмимби самбад̇д̇иж̇аад̇з угган̣тад̇и. аг̇г̇з вираж̇ж̇ад̇ийд̇и самбад̇д̇ияаа аг̇г̇з госаларааж̇абхаавз вираж̇ж̇ад̇и. баг̇зва хийнасминд̇и батамад̇арам̣язва хийнз ид̇д̇арамануссаанам̣ бан̃жа гаамаг̇ун̣аж̇аад̇з.
29. Navame yāvatāti yattakā. Kāsikosalāti kāsikosalajanapadā. Attheva aññathattanti ṭhitassa aññathattaṃ atthiyeva. Atthi vipariṇāmoti maraṇampi atthiyeva. Tasmimpi nibbindatīti tasmimpi sampattijāte ukkaṇṭhati. Agge virajjatīti sampattiyā agge kosalarājabhāve virajjati. Pageva hīnasminti paṭhamataraṃyeva hīne ittaramanussānaṃ pañca kāmaguṇajāte.
маномаяаад̇и жхаанаманзна ниб̣б̣ад̇д̇аа. б̣аараан̣асзяяаганд̇и б̣аараан̣асияам̣ уббаннам̣. д̇ад̇т̇а гира габбаасоби муд̣̇у, суд̇д̇аганд̇игааяоби д̇анд̇авааяааби чзгаа, уд̣̇агамби сужи синид̣̇д̇хам̣. убхад̇обхааг̇авимадтанд̇и д̣̇вийсуби бассзсу мадтам̣ муд̣̇у синид̣̇д̇хам̣ кааяад̇и. жад̇ассо бадибад̣̇аа логияалогуд̇д̇арамиссигаа гат̇ид̇аа. сан̃н̃аасу батамаа гаамааважарасан̃н̃аа, д̣̇уд̇ияаа руубааважарасан̃н̃аа, д̇ад̇ияаа логуд̇д̇арасан̃н̃аа, жад̇уд̇т̇аа аагин̃жан̃н̃ааяад̇анасан̃н̃аа. яасмаа бана саа сан̃н̃аа аг̇г̇аад̇и ааг̇ад̇аа, д̇ад̇о барам̣ сан̃н̃аабан̃н̃ад̇д̇и наама над̇т̇и, д̇асмаа аг̇г̇анд̇и вуд̇д̇аа.
Manomayāti jhānamanena nibbattā. Bārāṇaseyyakanti bārāṇasiyaṃ uppannaṃ. Tattha kira kappāsopi mudu, suttakantikāyopi tantavāyāpi chekā, udakampi suci siniddhaṃ. Ubhatobhāgavimaṭṭhanti dvīsupi passesu maṭṭhaṃ mudu siniddhaṃ khāyati. Catasso paṭipadā lokiyalokuttaramissikā kathitā. Saññāsu paṭhamā kāmāvacarasaññā, dutiyā rūpāvacarasaññā, tatiyā lokuttarasaññā, catutthā ākiñcaññāyatanasaññā. Yasmā pana sā saññā aggāti āgatā, tato paraṃ saññāpaññatti nāma natthi, tasmā agganti vuttā.
б̣аахирагаананд̇и саасанад̇о б̣ахид̣̇д̇хаа бавад̇д̇аанам̣. но жассам̣ но жа мз сияаад̇и сажз ахам̣ ад̇ийд̇з на бхависсам̣, зд̇арахиби мз аяам̣ ад̇д̇абхааво на сияаа. на бхависсаами на мз бхависсад̇ийд̇и сажзби анааг̇ад̇з на бхависсаами, на жа мз гин̃жи балиб̣од̇хаж̇аад̇ам̣ бхависсад̇и. аг̇г̇з вираж̇ж̇ад̇ийд̇и ужчзд̣̇ад̣̇идтияам̣ вираж̇ж̇ад̇и. ужчзд̣̇ад̣̇идти хи ид̇ха ниб̣б̣аанасса санд̇ад̇ааяа аг̇г̇анд̇и ж̇аад̇аа.
Bāhirakānanti sāsanato bahiddhā pavattānaṃ. Nocassaṃ no ca me siyāti sace ahaṃ atīte na bhavissaṃ, etarahipi me ayaṃ attabhāvo na siyā. Na bhavissāmi na me bhavissatīti sacepi anāgate na bhavissāmi, na ca me kiñci palibodhajātaṃ bhavissati. Agge virajjatīti ucchedadiṭṭhiyaṃ virajjati. Ucchedadiṭṭhi hi idha nibbānassa santatāya agganti jātā.
барамад̇т̇ависуд̣̇д̇хинд̇и уд̇д̇амад̇т̇ависуд̣̇д̇хим̣. нзвасан̃н̃аанаасан̃н̃ааяад̇анасамаабад̇д̇ияаа зд̇ам̣ ад̇хиважанам̣. аагин̃жан̃н̃ааяад̇анан̃хи вибассанаабад̣̇адтаанад̇д̇аа аг̇г̇ам̣ наама ж̇аад̇ам̣, нзвасан̃н̃аанаасан̃н̃ааяад̇анам̣ д̣̇ийгхааяугад̇д̇аа. барамад̣̇идтад̇хамманиб̣б̣аананд̇и имасмин̃н̃зва ад̇д̇абхаавз бараманиб̣б̣аанам̣. анубаад̣̇аа вимогкод̇и жад̇уухи убаад̣̇аанзхи аг̇г̇ахзд̇ваа жид̇д̇асса вимогко. арахад̇д̇ассзд̇ам̣ наамам̣. барин̃н̃анд̇и самад̇иггамам̣. д̇ад̇т̇а бхаг̇аваа батамаж̇жхаанзна гаамаанам̣ барин̃н̃ам̣ бан̃н̃аабзд̇и, аруубааважарзхи руубаанам̣ барин̃н̃ам̣ бан̃н̃аабзд̇и, анубаад̣̇ааниб̣б̣аанзна взд̣̇анаанам̣ барин̃н̃ам̣ бан̃н̃аабзд̇и. ниб̣б̣аанан̃хи саб̣б̣авзд̣̇аяид̇аббахаанад̇д̇аа взд̣̇анаанам̣ барин̃н̃аа наама. анубаад̣̇аабариниб̣б̣аананд̇и абажжаяабариниб̣б̣аанам̣. ид̣̇ам̣ бана суд̇д̇ам̣ гат̇знд̇о бхаг̇аваа анабхирад̇ибийл̣ид̇аани бан̃жа бхигкусад̇аани д̣̇исваа д̇зсам̣ анабхирад̇ивинод̣̇анад̇т̇ам̣ гат̇зси. д̇зби анабхирад̇им̣ винод̣̇зд̇ваа д̣̇зсанаанусаарзна н̃аан̣ам̣ бзсзд̇ваа сод̇аабаннаа худ̇ваа абарабхааг̇з вибассанам̣ вад̣дхзд̇ваа арахад̇д̇ам̣ баабун̣им̣сууд̇и.
Paramatthavisuddhinti uttamatthavisuddhiṃ. Nevasaññānāsaññāyatanasamāpattiyā etaṃ adhivacanaṃ. Ākiñcaññāyatanañhi vipassanāpadaṭṭhānattā aggaṃ nāma jātaṃ, nevasaññānāsaññāyatanaṃ dīghāyukattā. Paramadiṭṭhadhammanibbānanti imasmiññeva attabhāve paramanibbānaṃ. Anupādā vimokkhoti catūhi upādānehi aggahetvā cittassa vimokkho. Arahattassetaṃ nāmaṃ. Pariññanti samatikkamaṃ. Tattha bhagavā paṭhamajjhānena kāmānaṃ pariññaṃ paññāpeti, arūpāvacarehi rūpānaṃ pariññaṃ paññāpeti, anupādānibbānena vedanānaṃ pariññaṃ paññāpeti. Nibbānañhi sabbavedayitappahānattā vedanānaṃ pariññā nāma. Anupādāparinibbānanti apaccayaparinibbānaṃ. Idaṃ pana suttaṃ kathento bhagavā anabhiratipīḷitāni pañca bhikkhusatāni disvā tesaṃ anabhirativinodanatthaṃ kathesi. Tepi anabhiratiṃ vinodetvā desanānusārena ñāṇaṃ pesetvā sotāpannā hutvā aparabhāge vipassanaṃ vaḍḍhetvā arahattaṃ pāpuṇiṃsūti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. батамагосаласуд̇д̇ам̣ • 9. Paṭhamakosalasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. д̣̇уд̇ияамахаабан̃хасуд̇д̇аад̣̇иван̣н̣анаа • 8-9. Dutiyamahāpañhasuttādivaṇṇanā
