| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਪਠਮਕੋਸਲਸੁਤ੍ਤવਣ੍ਣਨਾ
9. Paṭhamakosalasuttavaṇṇanā
੨੯. ਨવਮੇ ਯਾવਤਾਤਿ ਯਤ੍ਤਕਾ। ਕਾਸਿਕੋਸਲਾਤਿ ਕਾਸਿਕੋਸਲਜਨਪਦਾ। ਅਤ੍ਥੇવ ਅਞ੍ਞਥਤ੍ਤਨ੍ਤਿ ਠਿਤਸ੍ਸ ਅਞ੍ਞਥਤ੍ਤਂ ਅਤ੍ਥਿਯੇવ। ਅਤ੍ਥਿ વਿਪਰਿਣਾਮੋਤਿ ਮਰਣਮ੍ਪਿ ਅਤ੍ਥਿਯੇવ। ਤਸ੍ਮਿਮ੍ਪਿ ਨਿਬ੍ਬਿਨ੍ਦਤੀਤਿ ਤਸ੍ਮਿਮ੍ਪਿ ਸਮ੍ਪਤ੍ਤਿਜਾਤੇ ਉਕ੍ਕਣ੍ਠਤਿ। ਅਗ੍ਗੇ વਿਰਜ੍ਜਤੀਤਿ ਸਮ੍ਪਤ੍ਤਿਯਾ ਅਗ੍ਗੇ ਕੋਸਲਰਾਜਭਾવੇ વਿਰਜ੍ਜਤਿ। ਪਗੇવ ਹੀਨਸ੍ਮਿਨ੍ਤਿ ਪਠਮਤਰਂਯੇવ ਹੀਨੇ ਇਤ੍ਤਰਮਨੁਸ੍ਸਾਨਂ ਪਞ੍ਚ ਕਾਮਗੁਣਜਾਤੇ।
29. Navame yāvatāti yattakā. Kāsikosalāti kāsikosalajanapadā. Attheva aññathattanti ṭhitassa aññathattaṃ atthiyeva. Atthi vipariṇāmoti maraṇampi atthiyeva. Tasmimpi nibbindatīti tasmimpi sampattijāte ukkaṇṭhati. Agge virajjatīti sampattiyā agge kosalarājabhāve virajjati. Pageva hīnasminti paṭhamataraṃyeva hīne ittaramanussānaṃ pañca kāmaguṇajāte.
ਮਨੋਮਯਾਤਿ ਝਾਨਮਨੇਨ ਨਿਬ੍ਬਤ੍ਤਾ। ਬਾਰਾਣਸੇਯ੍ਯਕਨ੍ਤਿ ਬਾਰਾਣਸਿਯਂ ਉਪ੍ਪਨ੍ਨਂ। ਤਤ੍ਥ ਕਿਰ ਕਪ੍ਪਾਸੋਪਿ ਮੁਦੁ, ਸੁਤ੍ਤਕਨ੍ਤਿਕਾਯੋਪਿ ਤਨ੍ਤવਾਯਾਪਿ ਛੇਕਾ, ਉਦਕਮ੍ਪਿ ਸੁਚਿ ਸਿਨਿਦ੍ਧਂ। ਉਭਤੋਭਾਗવਿਮਟ੍ਠਨ੍ਤਿ ਦ੍વੀਸੁਪਿ ਪਸ੍ਸੇਸੁ ਮਟ੍ਠਂ ਮੁਦੁ ਸਿਨਿਦ੍ਧਂ ਖਾਯਤਿ। ਚਤਸ੍ਸੋ ਪਟਿਪਦਾ ਲੋਕਿਯਲੋਕੁਤ੍ਤਰਮਿਸ੍ਸਿਕਾ ਕਥਿਤਾ। ਸਞ੍ਞਾਸੁ ਪਠਮਾ ਕਾਮਾવਚਰਸਞ੍ਞਾ, ਦੁਤਿਯਾ ਰੂਪਾવਚਰਸਞ੍ਞਾ, ਤਤਿਯਾ ਲੋਕੁਤ੍ਤਰਸਞ੍ਞਾ, ਚਤੁਤ੍ਥਾ ਆਕਿਞ੍ਚਞ੍ਞਾਯਤਨਸਞ੍ਞਾ। ਯਸ੍ਮਾ ਪਨ ਸਾ ਸਞ੍ਞਾ ਅਗ੍ਗਾਤਿ ਆਗਤਾ, ਤਤੋ ਪਰਂ ਸਞ੍ਞਾਪਞ੍ਞਤ੍ਤਿ ਨਾਮ ਨਤ੍ਥਿ, ਤਸ੍ਮਾ ਅਗ੍ਗਨ੍ਤਿ વੁਤ੍ਤਾ।
Manomayāti jhānamanena nibbattā. Bārāṇaseyyakanti bārāṇasiyaṃ uppannaṃ. Tattha kira kappāsopi mudu, suttakantikāyopi tantavāyāpi chekā, udakampi suci siniddhaṃ. Ubhatobhāgavimaṭṭhanti dvīsupi passesu maṭṭhaṃ mudu siniddhaṃ khāyati. Catasso paṭipadā lokiyalokuttaramissikā kathitā. Saññāsu paṭhamā kāmāvacarasaññā, dutiyā rūpāvacarasaññā, tatiyā lokuttarasaññā, catutthā ākiñcaññāyatanasaññā. Yasmā pana sā saññā aggāti āgatā, tato paraṃ saññāpaññatti nāma natthi, tasmā agganti vuttā.
ਬਾਹਿਰਕਾਨਨ੍ਤਿ ਸਾਸਨਤੋ ਬਹਿਦ੍ਧਾ ਪવਤ੍ਤਾਨਂ। ਨੋ ਚਸ੍ਸਂ ਨੋ ਚ ਮੇ ਸਿਯਾਤਿ ਸਚੇ ਅਹਂ ਅਤੀਤੇ ਨ ਭવਿਸ੍ਸਂ, ਏਤਰਹਿਪਿ ਮੇ ਅਯਂ ਅਤ੍ਤਭਾવੋ ਨ ਸਿਯਾ। ਨ ਭવਿਸ੍ਸਾਮਿ ਨ ਮੇ ਭવਿਸ੍ਸਤੀਤਿ ਸਚੇਪਿ ਅਨਾਗਤੇ ਨ ਭવਿਸ੍ਸਾਮਿ, ਨ ਚ ਮੇ ਕਿਞ੍ਚਿ ਪਲਿਬੋਧਜਾਤਂ ਭવਿਸ੍ਸਤਿ। ਅਗ੍ਗੇ વਿਰਜ੍ਜਤੀਤਿ ਉਚ੍ਛੇਦਦਿਟ੍ਠਿਯਂ વਿਰਜ੍ਜਤਿ। ਉਚ੍ਛੇਦਦਿਟ੍ਠਿ ਹਿ ਇਧ ਨਿਬ੍ਬਾਨਸ੍ਸ ਸਨ੍ਤਤਾਯ ਅਗ੍ਗਨ੍ਤਿ ਜਾਤਾ।
Bāhirakānanti sāsanato bahiddhā pavattānaṃ. Nocassaṃ no ca me siyāti sace ahaṃ atīte na bhavissaṃ, etarahipi me ayaṃ attabhāvo na siyā. Na bhavissāmi na me bhavissatīti sacepi anāgate na bhavissāmi, na ca me kiñci palibodhajātaṃ bhavissati. Agge virajjatīti ucchedadiṭṭhiyaṃ virajjati. Ucchedadiṭṭhi hi idha nibbānassa santatāya agganti jātā.
ਪਰਮਤ੍ਥવਿਸੁਦ੍ਧਿਨ੍ਤਿ ਉਤ੍ਤਮਤ੍ਥવਿਸੁਦ੍ਧਿਂ। ਨੇવਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਏਤਂ ਅਧਿવਚਨਂ। ਆਕਿਞ੍ਚਞ੍ਞਾਯਤਨਞ੍ਹਿ વਿਪਸ੍ਸਨਾਪਦਟ੍ਠਾਨਤ੍ਤਾ ਅਗ੍ਗਂ ਨਾਮ ਜਾਤਂ, ਨੇવਸਞ੍ਞਾਨਾਸਞ੍ਞਾਯਤਨਂ ਦੀਘਾਯੁਕਤ੍ਤਾ। ਪਰਮਦਿਟ੍ਠਧਮ੍ਮਨਿਬ੍ਬਾਨਨ੍ਤਿ ਇਮਸ੍ਮਿਞ੍ਞੇવ ਅਤ੍ਤਭਾવੇ ਪਰਮਨਿਬ੍ਬਾਨਂ। ਅਨੁਪਾਦਾ વਿਮੋਕ੍ਖੋਤਿ ਚਤੂਹਿ ਉਪਾਦਾਨੇਹਿ ਅਗ੍ਗਹੇਤ੍વਾ ਚਿਤ੍ਤਸ੍ਸ વਿਮੋਕ੍ਖੋ। ਅਰਹਤ੍ਤਸ੍ਸੇਤਂ ਨਾਮਂ। ਪਰਿਞ੍ਞਨ੍ਤਿ ਸਮਤਿਕ੍ਕਮਂ। ਤਤ੍ਥ ਭਗવਾ ਪਠਮਜ੍ਝਾਨੇਨ ਕਾਮਾਨਂ ਪਰਿਞ੍ਞਂ ਪਞ੍ਞਾਪੇਤਿ, ਅਰੂਪਾવਚਰੇਹਿ ਰੂਪਾਨਂ ਪਰਿਞ੍ਞਂ ਪਞ੍ਞਾਪੇਤਿ, ਅਨੁਪਾਦਾਨਿਬ੍ਬਾਨੇਨ વੇਦਨਾਨਂ ਪਰਿਞ੍ਞਂ ਪਞ੍ਞਾਪੇਤਿ। ਨਿਬ੍ਬਾਨਞ੍ਹਿ ਸਬ੍ਬવੇਦਯਿਤਪ੍ਪਹਾਨਤ੍ਤਾ વੇਦਨਾਨਂ ਪਰਿਞ੍ਞਾ ਨਾਮ। ਅਨੁਪਾਦਾਪਰਿਨਿਬ੍ਬਾਨਨ੍ਤਿ ਅਪਚ੍ਚਯਪਰਿਨਿਬ੍ਬਾਨਂ। ਇਦਂ ਪਨ ਸੁਤ੍ਤਂ ਕਥੇਨ੍ਤੋ ਭਗવਾ ਅਨਭਿਰਤਿਪੀਲ਼ਿਤਾਨਿ ਪਞ੍ਚ ਭਿਕ੍ਖੁਸਤਾਨਿ ਦਿਸ੍વਾ ਤੇਸਂ ਅਨਭਿਰਤਿવਿਨੋਦਨਤ੍ਥਂ ਕਥੇਸਿ। ਤੇਪਿ ਅਨਭਿਰਤਿਂ વਿਨੋਦੇਤ੍વਾ ਦੇਸਨਾਨੁਸਾਰੇਨ ਞਾਣਂ ਪੇਸੇਤ੍વਾ ਸੋਤਾਪਨ੍ਨਾ ਹੁਤ੍વਾ ਅਪਰਭਾਗੇ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਾਪੁਣਿਂਸੂਤਿ।
Paramatthavisuddhinti uttamatthavisuddhiṃ. Nevasaññānāsaññāyatanasamāpattiyā etaṃ adhivacanaṃ. Ākiñcaññāyatanañhi vipassanāpadaṭṭhānattā aggaṃ nāma jātaṃ, nevasaññānāsaññāyatanaṃ dīghāyukattā. Paramadiṭṭhadhammanibbānanti imasmiññeva attabhāve paramanibbānaṃ. Anupādā vimokkhoti catūhi upādānehi aggahetvā cittassa vimokkho. Arahattassetaṃ nāmaṃ. Pariññanti samatikkamaṃ. Tattha bhagavā paṭhamajjhānena kāmānaṃ pariññaṃ paññāpeti, arūpāvacarehi rūpānaṃ pariññaṃ paññāpeti, anupādānibbānena vedanānaṃ pariññaṃ paññāpeti. Nibbānañhi sabbavedayitappahānattā vedanānaṃ pariññā nāma. Anupādāparinibbānanti apaccayaparinibbānaṃ. Idaṃ pana suttaṃ kathento bhagavā anabhiratipīḷitāni pañca bhikkhusatāni disvā tesaṃ anabhirativinodanatthaṃ kathesi. Tepi anabhiratiṃ vinodetvā desanānusārena ñāṇaṃ pesetvā sotāpannā hutvā aparabhāge vipassanaṃ vaḍḍhetvā arahattaṃ pāpuṇiṃsūti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਪਠਮਕੋਸਲਸੁਤ੍ਤਂ • 9. Paṭhamakosalasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮-੯. ਦੁਤਿਯਮਹਾਪਞ੍ਹਸੁਤ੍ਤਾਦਿવਣ੍ਣਨਾ • 8-9. Dutiyamahāpañhasuttādivaṇṇanā
