| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. পঠমকুক্কুটারামসুত্তং
8. Paṭhamakukkuṭārāmasuttaṃ
১৮. এৰং মে সুতং – একং সমযং আযস্মা চ আনন্দো আযস্মা চ ভদ্দো পাটলিপুত্তে ৰিহরন্তি কুক্কুটারামে। অথ খো আযস্মা ভদ্দো সাযন্হসমযং পটিসল্লানা ৰুট্ঠিতো যেনাযস্মা আনন্দো তেনুপসঙ্কমি; উপসঙ্কমিত্ৰা আযস্মতা আনন্দেন সদ্ধিং সম্মোদি। সম্মোদনীযং কথং সারণীযং ৰীতিসারেত্ৰা একমন্তং নিসীদি। একমন্তং নিসিন্নো খো আযস্মা ভদ্দো আযস্মন্তং আনন্দং এতদৰোচ –
18. Evaṃ me sutaṃ – ekaṃ samayaṃ āyasmā ca ānando āyasmā ca bhaddo pāṭaliputte viharanti kukkuṭārāme. Atha kho āyasmā bhaddo sāyanhasamayaṃ paṭisallānā vuṭṭhito yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā bhaddo āyasmantaṃ ānandaṃ etadavoca –
‘‘‘অব্রহ্মচরিযং, অব্রহ্মচরিয’ন্তি, আৰুসো আনন্দ, ৰুচ্চতি। কতমং নু খো, আৰুসো, অব্রহ্মচরিয’’ন্তি? ‘‘সাধু সাধু, আৰুসো ভদ্দ! ভদ্দকো খো তে, আৰুসো ভদ্দ, উম্মঙ্গো, ভদ্দকং পটিভানং, কল্যাণী পরিপুচ্ছা। এৰঞ্হি ত্ৰং, আৰুসো ভদ্দ, পুচ্ছসি – ‘অব্রহ্মচরিযং, অব্রহ্মচরিযন্তি, আৰুসো আনন্দ, ৰুচ্চতি। কতমং নু খো, আৰুসো, অব্রহ্মচরিয’’’ন্তি? ‘‘এৰমাৰুসো’’তি। ‘‘অযমেৰ খো , আৰুসো, অট্ঠঙ্গিকো মিচ্ছামগ্গো অব্রহ্মচরিযং, সেয্যথিদং – মিচ্ছাদিট্ঠি…পে॰… মিচ্ছাসমাধী’’তি। অট্ঠমং।
‘‘‘Abrahmacariyaṃ, abrahmacariya’nti, āvuso ānanda, vuccati. Katamaṃ nu kho, āvuso, abrahmacariya’’nti? ‘‘Sādhu sādhu, āvuso bhadda! Bhaddako kho te, āvuso bhadda, ummaṅgo, bhaddakaṃ paṭibhānaṃ, kalyāṇī paripucchā. Evañhi tvaṃ, āvuso bhadda, pucchasi – ‘abrahmacariyaṃ, abrahmacariyanti, āvuso ānanda, vuccati. Katamaṃ nu kho, āvuso, abrahmacariya’’’nti? ‘‘Evamāvuso’’ti. ‘‘Ayameva kho , āvuso, aṭṭhaṅgiko micchāmaggo abrahmacariyaṃ, seyyathidaṃ – micchādiṭṭhi…pe… micchāsamādhī’’ti. Aṭṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৮-১০. পঠমকুক্কুটারামসুত্তাদিৰণ্ণনা • 8-10. Paṭhamakukkuṭārāmasuttādivaṇṇanā
