| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. পঠমকুলপুত্তসুত্তং
3. Paṭhamakulaputtasuttaṃ
১০৭৩. ‘‘যে হি কেচি, ভিক্খৰে, অতীতমদ্ধানং কুলপুত্তা সম্মা অগারস্মা অনগারিযং পব্বজিংসু, সব্বে তে চতুন্নং অরিযসচ্চানং যথাভূতং অভিসমযায। যে হি কেচি, ভিক্খৰে, অনাগতমদ্ধানং কুলপুত্তা সম্মা অগারস্মা অনগারিযং পব্বজিস্সন্তি, সব্বে তে চতুন্নং অরিযসচ্চানং যথাভূতং অভিসমযায। যে হি কেচি, ভিক্খৰে, এতরহি কুলপুত্তা সম্মা অগারস্মা অনগারিযং পব্বজন্তি, সব্বে তে চতুন্নং অরিযসচ্চানং যথাভূতং অভিসমযায।
1073. ‘‘Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajiṃsu, sabbe te catunnaṃ ariyasaccānaṃ yathābhūtaṃ abhisamayāya. Ye hi keci, bhikkhave, anāgatamaddhānaṃ kulaputtā sammā agārasmā anagāriyaṃ pabbajissanti, sabbe te catunnaṃ ariyasaccānaṃ yathābhūtaṃ abhisamayāya. Ye hi keci, bhikkhave, etarahi kulaputtā sammā agārasmā anagāriyaṃ pabbajanti, sabbe te catunnaṃ ariyasaccānaṃ yathābhūtaṃ abhisamayāya.
‘‘কতমেসং চতুন্নং? দুক্খস্স অরিযসচ্চস্স দুক্খসমুদযস্স অরিযসচ্চস্স দুক্খনিরোধস্স অরিযসচ্চস্স দুক্খনিরোধগামিনিযা পটিপদায অরিযসচ্চস্স। যে হি কেচি, ভিক্খৰে, অতীতমদ্ধানং কুলপুত্তা সম্মা অগারস্মা অনগারিযং পব্বজিংসু…পে॰… পব্বজিস্সন্তি…পে॰… পব্বজন্তি, সব্বে তে ইমেসংযেৰ চতুন্নং অরিযসচ্চানং যথাভূতং অভিসমযায।
‘‘Katamesaṃ catunnaṃ? Dukkhassa ariyasaccassa dukkhasamudayassa ariyasaccassa dukkhanirodhassa ariyasaccassa dukkhanirodhagāminiyā paṭipadāya ariyasaccassa. Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajiṃsu…pe… pabbajissanti…pe… pabbajanti, sabbe te imesaṃyeva catunnaṃ ariyasaccānaṃ yathābhūtaṃ abhisamayāya.
‘‘তস্মাতিহ, ভিক্খৰে, ‘ইদং দুক্খ’ন্তি যোগো করণীযো, ‘অযং দুক্খসমুদযো’তি যোগো করণীযো, ‘অযং দুক্খনিরোধো’তি যোগো করণীযো, ‘অযং দুক্খনিরোধগামিনী পটিপদা’তি যোগো করণীযো’’তি। ততিযং।
‘‘Tasmātiha, bhikkhave, ‘idaṃ dukkha’nti yogo karaṇīyo, ‘ayaṃ dukkhasamudayo’ti yogo karaṇīyo, ‘ayaṃ dukkhanirodho’ti yogo karaṇīyo, ‘ayaṃ dukkhanirodhagāminī paṭipadā’ti yogo karaṇīyo’’ti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. পঠমকুলপুত্তসুত্তাদিৰণ্ণনা • 3. Paṭhamakulaputtasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. পঠমকুলপুত্তসুত্তাদিৰণ্ণনা • 3. Paṭhamakulaputtasuttādivaṇṇanā
