| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. පඨමකුලපුත්‌තසුත්‌තං
3. Paṭhamakulaputtasuttaṃ
1073. ‘‘යෙ හි කෙචි, භික්‌ඛවෙ, අතීතමද්‌ධානං කුලපුත්‌තා සම්‌මා අගාරස්‌මා අනගාරියං පබ්‌බජිංසු, සබ්‌බෙ තෙ චතුන්‌නං අරියසච්‌චානං යථාභූතං අභිසමයාය. යෙ හි කෙචි, භික්‌ඛවෙ, අනාගතමද්‌ධානං කුලපුත්‌තා සම්‌මා අගාරස්‌මා අනගාරියං පබ්‌බජිස්‌සන්‌ති, සබ්‌බෙ තෙ චතුන්‌නං අරියසච්‌චානං යථාභූතං අභිසමයාය. යෙ හි කෙචි, භික්‌ඛවෙ, එතරහි කුලපුත්‌තා සම්‌මා අගාරස්‌මා අනගාරියං පබ්‌බජන්‌ති, සබ්‌බෙ තෙ චතුන්‌නං අරියසච්‌චානං යථාභූතං අභිසමයාය.
1073. ‘‘Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajiṃsu, sabbe te catunnaṃ ariyasaccānaṃ yathābhūtaṃ abhisamayāya. Ye hi keci, bhikkhave, anāgatamaddhānaṃ kulaputtā sammā agārasmā anagāriyaṃ pabbajissanti, sabbe te catunnaṃ ariyasaccānaṃ yathābhūtaṃ abhisamayāya. Ye hi keci, bhikkhave, etarahi kulaputtā sammā agārasmā anagāriyaṃ pabbajanti, sabbe te catunnaṃ ariyasaccānaṃ yathābhūtaṃ abhisamayāya.
‘‘කතමෙසං චතුන්‌නං? දුක්‌ඛස්‌ස අරියසච්‌චස්‌ස දුක්‌ඛසමුදයස්‌ස අරියසච්‌චස්‌ස දුක්‌ඛනිරොධස්‌ස අරියසච්‌චස්‌ස දුක්‌ඛනිරොධගාමිනියා පටිපදාය අරියසච්‌චස්‌ස. යෙ හි කෙචි, භික්‌ඛවෙ, අතීතමද්‌ධානං කුලපුත්‌තා සම්‌මා අගාරස්‌මා අනගාරියං පබ්‌බජිංසු…පෙ.… පබ්‌බජිස්‌සන්‌ති…පෙ.… පබ්‌බජන්‌ති, සබ්‌බෙ තෙ ඉමෙසංයෙව චතුන්‌නං අරියසච්‌චානං යථාභූතං අභිසමයාය.
‘‘Katamesaṃ catunnaṃ? Dukkhassa ariyasaccassa dukkhasamudayassa ariyasaccassa dukkhanirodhassa ariyasaccassa dukkhanirodhagāminiyā paṭipadāya ariyasaccassa. Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajiṃsu…pe… pabbajissanti…pe… pabbajanti, sabbe te imesaṃyeva catunnaṃ ariyasaccānaṃ yathābhūtaṃ abhisamayāya.
‘‘තස්‌මාතිහ, භික්‌ඛවෙ, ‘ඉදං දුක්‌ඛ’න්‌ති යොගො කරණීයො, ‘අයං දුක්‌ඛසමුදයො’ති යොගො කරණීයො, ‘අයං දුක්‌ඛනිරොධො’ති යොගො කරණීයො, ‘අයං දුක්‌ඛනිරොධගාමිනී පටිපදා’ති යොගො කරණීයො’’ති. තතියං.
‘‘Tasmātiha, bhikkhave, ‘idaṃ dukkha’nti yogo karaṇīyo, ‘ayaṃ dukkhasamudayo’ti yogo karaṇīyo, ‘ayaṃ dukkhanirodho’ti yogo karaṇīyo, ‘ayaṃ dukkhanirodhagāminī paṭipadā’ti yogo karaṇīyo’’ti. Tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. පඨමකුලපුත්‌තසුත්‌තාදිවණ්‌ණනා • 3. Paṭhamakulaputtasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. පඨමකුලපුත්‌තසුත්‌තාදිවණ්‌ණනා • 3. Paṭhamakulaputtasuttādivaṇṇanā
