| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
8. батамагун̣д̣алийвимаанаван̣н̣анаа
8. Paṭhamakuṇḍalīvimānavaṇṇanā
алан̇гад̇о маляад̇харо сувад̇т̇од̇и гун̣д̣алийвимаанам̣. д̇асса гаа убад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна д̣̇вз аг̇г̇асаавагаа сабариваараа гаасийсу жааригам̣ жаранд̇аа суурияад̇т̇ан̇г̇аманавзлааяам̣ ан̃н̃ад̇арам̣ вихаарам̣ баабун̣им̣су. д̇ам̣ бавад̇д̇им̣ суд̇ваа д̇асса вихаарасса г̇ожараг̇аамз ан̃н̃ад̇аро убаасаго т̇зрз убасан̇гамид̇ваа ванд̣̇ид̇ваа баад̣̇ад̇хованам̣ баад̣̇аб̣бхан̃ж̇анад̇злам̣ ман̃жабийтам̣ бажжад̇т̇аран̣ам̣ бад̣̇ийбияан̃жа убанзд̇ваа сваад̇анааяа жа ниманд̇зд̇ваа д̣̇уд̇ияад̣̇ивасз махаад̣̇аанам̣ бавад̇д̇зси, т̇зраа д̇асса анумод̣̇анам̣ вад̇ваа баггамим̣су. со абарзна самаязна гаалам̣ гад̇ваа д̇аавад̇им̣сзсу д̣̇ваад̣̇асаяож̇анигз ганагавимаанз ниб̣б̣ад̇д̇и. д̇ам̣ ааяасмаа махаамог̇г̇аллаанад̇т̇зро имаахи г̇аат̇аахи бадибужчи –
Alaṅkatomalyadharo suvatthoti kuṇḍalīvimānaṃ. Tassa kā upatti? Bhagavā sāvatthiyaṃ viharati jetavane. Tena samayena dve aggasāvakā saparivārā kāsīsu cārikaṃ carantā sūriyatthaṅgamanavelāyaṃ aññataraṃ vihāraṃ pāpuṇiṃsu. Taṃ pavattiṃ sutvā tassa vihārassa gocaragāme aññataro upāsako there upasaṅkamitvā vanditvā pādadhovanaṃ pādabbhañjanatelaṃ mañcapīṭhaṃ paccattharaṇaṃ padīpiyañca upanetvā svātanāya ca nimantetvā dutiyadivase mahādānaṃ pavattesi, therā tassa anumodanaṃ vatvā pakkamiṃsu. So aparena samayena kālaṃ katvā tāvatiṃsesu dvādasayojanike kanakavimāne nibbatti. Taṃ āyasmā mahāmoggallānatthero imāhi gāthāhi paṭipucchi –
1094.
1094.
‘‘алан̇гад̇о маляад̇харо сувад̇т̇о, сугун̣д̣алий габбид̇агзсамассу;
‘‘Alaṅkato malyadharo suvattho, sukuṇḍalī kappitakesamassu;
аамуд̇д̇ахад̇т̇аабхаран̣о яасассий, д̣̇иб̣б̣з вимаанамхи яат̇ааби жанд̣̇имаа.
Āmuttahatthābharaṇo yasassī, dibbe vimānamhi yathāpi candimā.
1095.
1095.
‘‘д̣̇иб̣б̣аа жа вийн̣аа бавад̣̇анд̇и ваг̇г̇ум̣, адтадтагаа сигкид̇аа саад̇хуруубаа;
‘‘Dibbā ca vīṇā pavadanti vagguṃ, aṭṭhaṭṭhakā sikkhitā sādhurūpā;
д̣̇иб̣б̣аа жа ган̃н̃аа д̇ид̣̇асажараа ул̣аараа, нажжанд̇и г̇ааяанд̇и бамод̣̇аяанд̇и.
Dibbā ca kaññā tidasacarā uḷārā, naccanti gāyanti pamodayanti.
1096.
1096.
‘‘д̣̇звид̣̇д̇хибад̇д̇оси махаанубхааво…бз…
‘‘Deviddhipattosi mahānubhāvo…pe…
ван̣н̣о жа д̇з саб̣б̣ад̣̇исаа бабхаасад̇ий’’д̇и.
Vaṇṇo ca te sabbadisā pabhāsatī’’ti.
соби д̇асса имаахи г̇аат̇аахи б̣яаагааси –
Sopi tassa imāhi gāthāhi byākāsi –
1097. ‘‘со д̣̇звабуд̇д̇о ад̇д̇амано…бз… яасса гаммассид̣̇ам̣ палам̣’’.
1097. ‘‘So devaputto attamano…pe… yassa kammassidaṃ phalaṃ’’.
1098.
1098.
‘‘ахам̣ мануссзсу мануссабхууд̇о, д̣̇исваана саман̣з сийлаванд̇з;
‘‘Ahaṃ manussesu manussabhūto, disvāna samaṇe sīlavante;
самбаннавиж̇ж̇аажаран̣з яасассий, б̣ахуссуд̇з д̇ан̣хагкаяуубабаннз;
Sampannavijjācaraṇe yasassī, bahussute taṇhakkhayūpapanne;
аннан̃жа баанан̃жа басаннажид̇д̇о, саггажжа д̣̇аанам̣ вибулам̣ ад̣̇аасим̣.
Annañca pānañca pasannacitto, sakkacca dānaṃ vipulaṃ adāsiṃ.
1099.
1099.
‘‘д̇зна мзд̇аад̣̇исо ван̣н̣о…бз…
‘‘Tena metādiso vaṇṇo…pe…
ван̣н̣о жа мз саб̣б̣ад̣̇исаа бабхаасад̇ий’’д̇и.
Vaṇṇo ca me sabbadisā pabhāsatī’’ti.
1094. д̇ад̇т̇а сугун̣д̣алийд̇и сунд̣̇арзхи гун̣д̣алзхи алан̇гад̇аган̣н̣о. ‘‘сагун̣д̣алий’’д̇иби баато, сад̣̇исам̣ гун̣д̣алам̣ сагун̣д̣алам̣, д̇ам̣ асса ад̇т̇ийд̇и сагун̣д̣алий, яуд̇д̇агун̣д̣алий ан̃н̃аман̃н̃ан̃жа д̇уяхан̃жа анужчавигагун̣д̣алийд̇и ад̇т̇о. габбид̇агзсамассууд̇и саммаагаббид̇агзсамассу. аамуд̇д̇ахад̇т̇аабхаран̣од̇и бадимуггаан̇г̇улияаад̣̇ихад̇т̇аабхаран̣о.
1094. Tattha sukuṇḍalīti sundarehi kuṇḍalehi alaṅkatakaṇṇo. ‘‘Sakuṇḍalī’’tipi pāṭho, sadisaṃ kuṇḍalaṃ sakuṇḍalaṃ, taṃ assa atthīti sakuṇḍalī, yuttakuṇḍalī aññamaññañca tuyhañca anucchavikakuṇḍalīti attho. Kappitakesamassūti sammākappitakesamassu. Āmuttahatthābharaṇoti paṭimukkaaṅguliyādihatthābharaṇo.
1098. д̇ан̣хагкаяуубабаннзд̇и д̇ан̣хагкаяам̣ арахад̇д̇ам̣, ниб̣б̣аанамзва ваа убаг̇ад̇з, ад̇хиг̇ад̇аванд̇зд̇и ад̇т̇о. сзсам̣ вуд̇д̇анаяамзва.
1098.Taṇhakkhayūpapanneti taṇhakkhayaṃ arahattaṃ, nibbānameva vā upagate, adhigatavanteti attho. Sesaṃ vuttanayameva.
батамагун̣д̣алийвимаанаван̣н̣анаа нидтид̇аа.
Paṭhamakuṇḍalīvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 8. батамагун̣д̣алийвимаанавад̇т̇у • 8. Paṭhamakuṇḍalīvimānavatthu
