| Library / Tipiṭaka / ਤਿਪਿਟਕ • Tipiṭaka / વਿਮਾਨવਤ੍ਥੁਪਾਲ਼ਿ • Vimānavatthupāḷi |
੮. ਪਠਮਕੁਣ੍ਡਲੀવਿਮਾਨવਤ੍ਥੁ
8. Paṭhamakuṇḍalīvimānavatthu
੧੦੯੪.
1094.
‘‘ਅਲਙ੍ਕਤੋ ਮਲ੍ਯਧਰੋ ਸੁવਤ੍ਥੋ, ਸੁਕੁਣ੍ਡਲੀ ਕਪ੍ਪਿਤਕੇਸਮਸ੍ਸੁ।
‘‘Alaṅkato malyadharo suvattho, sukuṇḍalī kappitakesamassu;
ਆਮੁਤ੍ਤਹਤ੍ਥਾਭਰਣੋ ਯਸਸ੍ਸੀ, ਦਿਬ੍ਬੇ વਿਮਾਨਮ੍ਹਿ ਯਥਾਪਿ ਚਨ੍ਦਿਮਾ॥
Āmuttahatthābharaṇo yasassī, dibbe vimānamhi yathāpi candimā.
੧੦੯੫.
1095.
‘‘ਦਿਬ੍ਬਾ ਚ વੀਣਾ ਪવਦਨ੍ਤਿ વਗ੍ਗੁਂ, ਅਟ੍ਠਟ੍ਠਕਾ ਸਿਕ੍ਖਿਤਾ ਸਾਧੁਰੂਪਾ।
‘‘Dibbā ca vīṇā pavadanti vagguṃ, aṭṭhaṭṭhakā sikkhitā sādhurūpā;
ਦਿਬ੍ਬਾ ਚ ਕਞ੍ਞਾ ਤਿਦਸਚਰਾ ਉਲ਼ਾਰਾ, ਨਚ੍ਚਨ੍ਤਿ ਗਾਯਨ੍ਤਿ ਪਮੋਦਯਨ੍ਤਿ॥
Dibbā ca kaññā tidasacarā uḷārā, naccanti gāyanti pamodayanti.
੧੦੯੬.
1096.
‘‘ਦੇવਿਦ੍ਧਿਪਤ੍ਤੋਸਿ ਮਹਾਨੁਭਾવੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ।
‘‘Deviddhipattosi mahānubhāvo, manussabhūto kimakāsi puññaṃ;
ਕੇਨਾਸਿ ਏવਂ ਜਲਿਤਾਨੁਭਾવੋ, વਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ॥
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
੧੦੯੭.
1097.
ਸੋ ਦੇવਪੁਤ੍ਤੋ ਅਤ੍ਤਮਨੋ…ਪੇ॰… ਯਸ੍ਸ ਕਮ੍ਮਸ੍ਸਿਦਂ ਫਲਂ॥
So devaputto attamano…pe… yassa kammassidaṃ phalaṃ.
੧੦੯੮.
1098.
‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਦਿਸ੍વਾਨ ਸਮਣੇ ਸੀਲવਨ੍ਤੇ।
‘‘Ahaṃ manussesu manussabhūto, disvāna samaṇe sīlavante;
ਸਮ੍ਪਨ੍ਨવਿਜ੍ਜਾਚਰਣੇ ਯਸਸ੍ਸੀ, ਬਹੁਸ੍ਸੁਤੇ ਤਣ੍ਹਕ੍ਖਯੂਪਪਨ੍ਨੇ।
Sampannavijjācaraṇe yasassī, bahussute taṇhakkhayūpapanne;
ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤੋ, ਸਕ੍ਕਚ੍ਚ ਦਾਨਂ વਿਪੁਲਂ ਅਦਾਸਿਂ॥
Annañca pānañca pasannacitto, sakkacca dānaṃ vipulaṃ adāsiṃ.
੧੦੯੯.
1099.
‘‘ਤੇਨ ਮੇਤਾਦਿਸੋ વਣ੍ਣੋ…ਪੇ॰…વਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ॥
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
ਪਠਮਕੁਣ੍ਡਲੀવਿਮਾਨਂ ਅਟ੍ਠਮਂ।
Paṭhamakuṇḍalīvimānaṃ aṭṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / વਿਮਾਨવਤ੍ਥੁ-ਅਟ੍ਠਕਥਾ • Vimānavatthu-aṭṭhakathā / ੮. ਪਠਮਕੁਣ੍ਡਲੀવਿਮਾਨવਣ੍ਣਨਾ • 8. Paṭhamakuṇḍalīvimānavaṇṇanā
