| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
4. පාචිත්‌තියකණ්‌ඩං
4. Pācittiyakaṇḍaṃ
1. ලසුණවග්‌ගො
1. Lasuṇavaggo
1. පඨමලසුණාදිසික්‌ඛාපදවණ්‌ණනා
1. Paṭhamalasuṇādisikkhāpadavaṇṇanā
797. පාචිත්‌තියෙසු ලසුණවග්‌ගස්‌ස පඨමෙ බදරසාළවං නාම බදරඵලානි සුක්‌ඛාපෙත්‌වා තෙහි කත්‌තබ්‌බබ්‍යඤ්‌ජනවිකති. ආමකමාගධලසුණඤ්‌චෙව, අජ්‌ඣොහරණඤ්‌චාති ද්‌වෙ අඞ්‌ගානි.
797. Pācittiyesu lasuṇavaggassa paṭhame badarasāḷavaṃ nāma badaraphalāni sukkhāpetvā tehi kattabbabyañjanavikati. Āmakamāgadhalasuṇañceva, ajjhoharaṇañcāti dve aṅgāni.
799-812. දුතියාදීනි උත්‌තානත්‌ථානි.
799-812. Dutiyādīni uttānatthāni.
815. ඡට්‌ඨෙ පාළියං ආසුම්‌භිත්‌වාති පාතෙත්‌වා.
815. Chaṭṭhe pāḷiyaṃ āsumbhitvāti pātetvā.
817. දධිමත්‌ථූති දධිම්‌හි පසන්‌නොදකං. රසඛීරාදීනන්‌ති මංසරසඛීරාදීනං. භුඤ්‌ජන්‌තස්‌ස භික්‌ඛුනො හත්‌ථපාසෙ ඨානං, පානීයස්‌ස වා විධූපනස්‌ස වා ගහණන්‌ති ද්‌වෙ අඞ්‌ගානි.
817.Dadhimatthūti dadhimhi pasannodakaṃ. Rasakhīrādīnanti maṃsarasakhīrādīnaṃ. Bhuñjantassa bhikkhuno hatthapāse ṭhānaṃ, pānīyassa vā vidhūpanassa vā gahaṇanti dve aṅgāni.
822. සත්‌තමෙ අවිඤ්‌ඤත්‌තියා ලද්‌ධන්‌ති අත්‌තනො විඤ්‌ඤත්‌තිං විනා ලද්‌ධං. පුබ්‌බාපරවිරුද්‌ධන්‌ති සයං කරණෙ පාචිත්‌තියන්‌ති ඉදං කාරාපනෙ දුක්‌කටවචනෙන විරුජ්‌ඣනං සන්‌ධාය වුත්‌තං. තෙනාහ ‘‘න හී’’තිආදි, ‘‘අවිඤ්‌ඤත්‌තියා ලද්‌ධ’’න්‌තිආදිවචනෙන වා විරුජ්‌ඣනං සන්‌ධාය වුත්‌තං. අඤ්‌ඤාය විඤ්‌ඤත්‌තිපි හි ඉමිස්‌සා අවිඤ්‌ඤත්‌තියා ලද්‌ධමෙවාති. ආමකධඤ්‌ඤවිඤ්‌ඤාපනාදි, තං භජ්‌ජනාදිනා අජ්‌ඣොහරණන්‌ති ද්‌වෙ අඞ්‌ගානි.
822. Sattame aviññattiyā laddhanti attano viññattiṃ vinā laddhaṃ. Pubbāparaviruddhanti sayaṃ karaṇe pācittiyanti idaṃ kārāpane dukkaṭavacanena virujjhanaṃ sandhāya vuttaṃ. Tenāha ‘‘na hī’’tiādi, ‘‘aviññattiyā laddha’’ntiādivacanena vā virujjhanaṃ sandhāya vuttaṃ. Aññāya viññattipi hi imissā aviññattiyā laddhamevāti. Āmakadhaññaviññāpanādi, taṃ bhajjanādinā ajjhoharaṇanti dve aṅgāni.
824. අට්‌ඨමෙ නිබ්‌බිට්‌ඨොති ලද්‌ධො. කෙණීති රඤ්‌ඤො දාතබ්‌බො ආයො, ආයුප්‌පත්‌තිට්‌ඨානන්‌ති අත්‌ථො . තෙනාහ ‘‘එකං ඨානන්‌තර’’න්‌තිආදි. ඨානන්‌තරන්‌ති ච ගාමජනපදාණායත්‌තං. වළඤ්‌ජියමානතිරොකුට්‌ටාදිතා, අනපලොකෙත්‌වා උච්‌චාරාදීනං ඡඩ්‌ඩනාදීති ද්‌වෙ අඞ්‌ගානි.
824. Aṭṭhame nibbiṭṭhoti laddho. Keṇīti rañño dātabbo āyo, āyuppattiṭṭhānanti attho . Tenāha ‘‘ekaṃ ṭhānantara’’ntiādi. Ṭhānantaranti ca gāmajanapadāṇāyattaṃ. Vaḷañjiyamānatirokuṭṭāditā, anapaloketvā uccārādīnaṃ chaḍḍanādīti dve aṅgāni.
830. නවමෙ ‘‘මත්‌ථකච්‌ඡින්‌නනාළිකෙරම්‌පී’’ති වුත්‌තත්‌තා හරිතූපරි ඡඩ්‌ඩනමෙව පටික්‌ඛිත්‌තං. තෙනාහ ‘‘අනික්‌ඛිත්‌තබීජෙසූ’’තිආදි. යත්‌ථ ච ඡඩ්‌ඩෙතුං වට්‌ටති, තත්‌ථ හරිතෙ වච්‌චාදිං කාතුම්‌පි වට්‌ටති එව. සබ්‌බෙසන්‌ති භික්‌ඛුභික්‌ඛුනීනං.
830. Navame ‘‘matthakacchinnanāḷikerampī’’ti vuttattā haritūpari chaḍḍanameva paṭikkhittaṃ. Tenāha ‘‘anikkhittabījesū’’tiādi. Yattha ca chaḍḍetuṃ vaṭṭati, tattha harite vaccādiṃ kātumpi vaṭṭati eva. Sabbesanti bhikkhubhikkhunīnaṃ.
836-7. දසමෙ තෙසංයෙවාති යෙසං නිච්‌චං පස්‌සති. ආරාමෙ ඨත්‌වාති ඨිතනිසන්‌නට්‌ඨානෙ එව ඨත්‌වා සමන්‌තතො ගීවං පරිවත්‌තෙත්‌වාපි පස්‌සති, අනාපත්‌ති. ඨිතට්‌ඨානතො ගන්‌ත්‌වා පස්‌සිතුං න වට්‌ටති. කෙචි පන ‘‘වට්‌ටතී’’ති වදන්‌ති. තං පන ‘‘දස්‌සනාය ගච්‌ඡෙය්‍ය, පාචිත්‌තිය’’න්‌ති සාමඤ්‌ඤතො ගමනස්‌ස පටික්‌ඛිත්‌තත්‌තා, අනාපත්‌තියම්‌පි ගමනාය අවුත්‌තත්‌තා ච න ගහෙතබ්‌බං. නච්‌චාදිතා, අනනුඤ්‌ඤාතකාරණා ගමනං, දස්‌සනාදි චාති තීණි අඞ්‌ගානි.
836-7. Dasame tesaṃyevāti yesaṃ niccaṃ passati. Ārāme ṭhatvāti ṭhitanisannaṭṭhāne eva ṭhatvā samantato gīvaṃ parivattetvāpi passati, anāpatti. Ṭhitaṭṭhānato gantvā passituṃ na vaṭṭati. Keci pana ‘‘vaṭṭatī’’ti vadanti. Taṃ pana ‘‘dassanāya gaccheyya, pācittiya’’nti sāmaññato gamanassa paṭikkhittattā, anāpattiyampi gamanāya avuttattā ca na gahetabbaṃ. Naccāditā, ananuññātakāraṇā gamanaṃ, dassanādi cāti tīṇi aṅgāni.
නිට්‌ඨිතො ලසුණවග්‌ගො පඨමො.
Niṭṭhito lasuṇavaggo paṭhamo.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga
1. පඨමසික්‌ඛාපදං • 1. Paṭhamasikkhāpadaṃ
2. දුතියසික්‌ඛාපදං • 2. Dutiyasikkhāpadaṃ
3. තතියසික්‌ඛාපදං • 3. Tatiyasikkhāpadaṃ
4. චතුත්‌ථසික්‌ඛාපදං • 4. Catutthasikkhāpadaṃ
5. පඤ්‌චමසික්‌ඛාපදං • 5. Pañcamasikkhāpadaṃ
6. ඡට්‌ඨසික්‌ඛාපදං • 6. Chaṭṭhasikkhāpadaṃ
7. සත්‌තමසික්‌ඛාපදං • 7. Sattamasikkhāpadaṃ
8. අට්‌ඨමසික්‌ඛාපදං • 8. Aṭṭhamasikkhāpadaṃ
9. නවමසික්‌ඛාපදං • 9. Navamasikkhāpadaṃ
10. දසමසික්‌ඛාපදං • 10. Dasamasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā
1. පඨමලසුණසික්‌ඛාපදවණ්‌ණනා • 1. Paṭhamalasuṇasikkhāpadavaṇṇanā
2. දුතියසික්‌ඛාපදවණ්‌ණනා • 2. Dutiyasikkhāpadavaṇṇanā
3. තතියසික්‌ඛාපදවණ්‌ණනා • 3. Tatiyasikkhāpadavaṇṇanā
4. චතුත්‌ථසික්‌ඛාපදවණ්‌ණනා • 4. Catutthasikkhāpadavaṇṇanā
5. පඤ්‌චමසික්‌ඛාපදවණ්‌ණනා • 5. Pañcamasikkhāpadavaṇṇanā
6. ඡට්‌ඨසික්‌ඛාපදවණ්‌ණනා • 6. Chaṭṭhasikkhāpadavaṇṇanā
7. සත්‌තමසික්‌ඛාපදවණ්‌ණනා • 7. Sattamasikkhāpadavaṇṇanā
8. අට්‌ඨමසික්‌ඛාපදවණ්‌ණනා • 8. Aṭṭhamasikkhāpadavaṇṇanā
9. නවමසික්‌ඛාපදවණ්‌ණනා • 9. Navamasikkhāpadavaṇṇanā
10. දසමසික්‌ඛාපදවණ්‌ණනා • 10. Dasamasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 1. ලසුණවග්‌ගවණ්‌ණනා • 1. Lasuṇavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
1. පඨමලසුණසික්‌ඛාපදවණ්‌ණනා • 1. Paṭhamalasuṇasikkhāpadavaṇṇanā
2. දුතියසික්‌ඛාපදවණ්‌ණනා • 2. Dutiyasikkhāpadavaṇṇanā
5. පඤ්‌චමසික්‌ඛාපදවණ්‌ණනා • 5. Pañcamasikkhāpadavaṇṇanā
7. සත්‌තමසික්‌ඛාපදවණ්‌ණනා • 7. Sattamasikkhāpadavaṇṇanā
8. අට්‌ඨමසික්‌ඛාපදවණ්‌ණනා • 8. Aṭṭhamasikkhāpadavaṇṇanā
10. දසමසික්‌ඛාපදවණ්‌ණනා • 10. Dasamasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
1. පඨමසික්‌ඛාපද-අත්‌ථයොජනා • 1. Paṭhamasikkhāpada-atthayojanā
2. දුතියසික්‌ඛාපදං • 2. Dutiyasikkhāpadaṃ
3. තතියසික්‌ඛාපදං • 3. Tatiyasikkhāpadaṃ
4. චතුත්‌ථසික්‌ඛාපදං • 4. Catutthasikkhāpadaṃ
5. පඤ්‌චමසික්‌ඛාපදං • 5. Pañcamasikkhāpadaṃ
6. ඡට්‌ඨසික්‌ඛාපදං • 6. Chaṭṭhasikkhāpadaṃ
7. සත්‌තමසික්‌ඛාපදං • 7. Sattamasikkhāpadaṃ
8. අට්‌ඨමසික්‌ඛාපදං • 8. Aṭṭhamasikkhāpadaṃ
9. නවමසික්‌ඛාපදං • 9. Navamasikkhāpadaṃ
10. දසමසික්‌ඛාපදං • 10. Dasamasikkhāpadaṃ
