| Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
4. баажид̇д̇ияаган̣д̣ам̣ (бхигкунийвибхан̇г̇аван̣н̣анаа)
4. Pācittiyakaṇḍaṃ (bhikkhunīvibhaṅgavaṇṇanā)
1. ласун̣аваг̇г̇о
1. Lasuṇavaggo
1. батамаласун̣асигкаабад̣̇аван̣н̣анаа
1. Paṭhamalasuṇasikkhāpadavaṇṇanā
д̇им̣сагаананд̇арам̣ д̇хаммаа, часадтисад̇асан̇г̇ахаа;
Tiṃsakānantaraṃ dhammā, chasaṭṭhisatasaṅgahā;
сан̇г̇ийд̇аа яз аяам̣ д̣̇аани, ход̇и д̇зсамби ван̣н̣анаа.
Saṅgītā ye ayaṃ dāni, hoti tesampi vaṇṇanā.
793. д̇ад̇т̇а ласун̣аваг̇г̇асса д̇аава батамасигкаабад̣̇з – д̣̇вз д̇аяо бхан̣д̣игзд̇и д̣̇вз ваа д̇аяо ваа боддалигз; самбун̣н̣амин̃ж̇аанамзд̇ам̣ ад̇хиважанам̣. на мад̇д̇ам̣ ж̇аанид̇ваад̇и бамаан̣ам̣ аж̇аанид̇ваа кзд̇д̇абааласса ваарзнд̇асса б̣ахум̣ ласун̣ам̣ хараабзси.
793. Tattha lasuṇavaggassa tāva paṭhamasikkhāpade – dve tayo bhaṇḍiketi dve vā tayo vā poṭṭalike; sampuṇṇamiñjānametaṃ adhivacanaṃ. Na mattaṃ jānitvāti pamāṇaṃ ajānitvā khettapālassa vārentassa bahuṃ lasuṇaṃ harāpesi.
ан̃н̃ад̇арам̣ хам̣саяонинд̇и суван̣н̣ахам̣саяоним̣. со д̇аасам̣ згзганд̇и со хам̣со ж̇аад̇иссаро ахоси, ат̇а буб̣б̣асинзхзна ааг̇анд̇ваа д̇аасам̣ згзгам̣ бад̇д̇ам̣ д̣̇зд̇и, д̇ам̣ д̇аабанад̇ааланажчзд̣̇анагкамам̣ суван̣н̣амзва ход̇и.
Aññataraṃ haṃsayoninti suvaṇṇahaṃsayoniṃ. So tāsaṃ ekekanti so haṃso jātissaro ahosi, atha pubbasinehena āgantvā tāsaṃ ekekaṃ pattaṃ deti, taṃ tāpanatālanacchedanakkhamaṃ suvaṇṇameva hoti.
795. мааг̇ад̇хаганд̇и маг̇ад̇хзсу ж̇аад̇ам̣. маг̇ад̇харадтз ж̇аад̇аласун̣амзва хи ид̇ха ласун̣анд̇и ад̇хиббзд̇ам̣, д̇амби бхан̣д̣игаласун̣амзва, на згад̣̇вид̇имин̃ж̇агам̣. гурунд̣̇ияам̣ бана ж̇аад̇ад̣̇зсам̣ авад̇ваа ‘‘мааг̇ад̇хагам̣ наама бхан̣д̣игаласун̣а’’нд̇и вуд̇д̇ам̣. аж̇жхохаарз аж̇жхохаарзд̇и зд̇т̇а сажз д̣̇вз д̇аяо бхан̣д̣игз згад̇оязва сан̇каад̣̇ид̇ваа аж̇жхохарад̇и, згам̣ баажид̇д̇ияам̣. бхинд̣̇ид̇ваа згзгам̣ мин̃ж̇ам̣ каад̣̇анд̇ияаа бана баяог̇аг̇ан̣анааяа баажид̇д̇ияаанийд̇и.
795.Māgadhakanti magadhesu jātaṃ. Magadharaṭṭhe jātalasuṇameva hi idha lasuṇanti adhippetaṃ, tampi bhaṇḍikalasuṇameva, na ekadvitimiñjakaṃ. Kurundiyaṃ pana jātadesaṃ avatvā ‘‘māgadhakaṃ nāma bhaṇḍikalasuṇa’’nti vuttaṃ. Ajjhohāre ajjhohāreti ettha sace dve tayo bhaṇḍike ekatoyeva saṅkhāditvā ajjhoharati, ekaṃ pācittiyaṃ. Bhinditvā ekekaṃ miñjaṃ khādantiyā pana payogagaṇanāya pācittiyānīti.
797. балан̣д̣угаад̣̇ийнам̣ ван̣н̣зна ваа мин̃ж̇ааяа ваа наанад̇д̇ам̣ взд̣̇ид̇аб̣б̣ам̣ – ван̣н̣зна д̇аава балан̣д̣уго бан̣д̣уван̣н̣о ход̇и. бхан̃ж̇анаго лохид̇аван̣н̣о. харид̇аго харид̇абан̣н̣аван̣н̣о. мин̃ж̇ааяа бана балан̣д̣угасса згаа мин̃ж̇аа ход̇и, бхан̃ж̇анагасса д̣̇вз, харид̇агасса д̇иссо. жаабаласун̣о амин̃ж̇аго, ан̇гурамад̇д̇амзва хи д̇асса ход̇и. махаабажжарияаад̣̇ийсу бана ‘‘балан̣д̣угасса д̇ийн̣и мин̃ж̇аани, бхан̃ж̇анагасса д̣̇вз, харид̇агасса зга’’нд̇и вуд̇д̇ам̣ . зд̇з балан̣д̣угаад̣̇аяо сабхаавзнзва вадданд̇и. суубасамбаагаад̣̇ийсу бана мааг̇ад̇хагамби ваддад̇и. д̇ан̃хи бажжамаанзсу муг̇г̇асуубаад̣̇ийсу ваа мажчамам̣савигад̇ияаа ваа д̇злаад̣̇ийсу ваа б̣ад̣̇арасаал̣аваад̣̇ийсу ваа амб̣иласаагаад̣̇ийсу ваа уд̇д̇арибхан̇г̇зсу ваа яад̇т̇а гад̇т̇ажи анд̇амасо яааг̇убхад̇д̇зби багкибид̇ум̣ ваддад̇и. сзсамзд̇т̇а уд̇д̇аанамзва.
797.Palaṇḍukādīnaṃ vaṇṇena vā miñjāya vā nānattaṃ veditabbaṃ – vaṇṇena tāva palaṇḍuko paṇḍuvaṇṇo hoti. Bhañjanako lohitavaṇṇo. Haritako haritapaṇṇavaṇṇo. Miñjāya pana palaṇḍukassa ekā miñjā hoti, bhañjanakassa dve, haritakassa tisso. Cāpalasuṇo amiñjako, aṅkuramattameva hi tassa hoti. Mahāpaccariyādīsu pana ‘‘palaṇḍukassa tīṇi miñjāni, bhañjanakassa dve, haritakassa eka’’nti vuttaṃ . Ete palaṇḍukādayo sabhāveneva vaṭṭanti. Sūpasampākādīsu pana māgadhakampi vaṭṭati. Tañhi paccamānesu muggasūpādīsu vā macchamaṃsavikatiyā vā telādīsu vā badarasāḷavādīsu vā ambilasākādīsu vā uttaribhaṅgesu vā yattha katthaci antamaso yāgubhattepi pakkhipituṃ vaṭṭati. Sesamettha uttānameva.
зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, д̇ижид̇д̇ам̣, д̇ивзд̣̇ананд̇и.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ласун̣асигкаабад̣̇ам̣ батамам̣.
Lasuṇasikkhāpadaṃ paṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 1. батамасигкаабад̣̇ам̣ • 1. Paṭhamasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамаласун̣асигкаабад̣̇аван̣н̣анаа • 1. Paṭhamalasuṇasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. батамасигкаабад̣̇а-ад̇т̇аяож̇анаа • 1. Paṭhamasikkhāpada-atthayojanā
