| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
5. பட²மலோகத⁴ம்மஸுத்தவண்ணனா
5. Paṭhamalokadhammasuttavaṇṇanā
5. பஞ்சமே லோகஸ்ஸ த⁴ம்மாதி லோகத⁴ம்மா. ஏதேஹி முத்தா நாம நத்தி², பு³த்³தா⁴னம்பி ஹொந்தி. தேனேவாஹ – லோகங் அனுபரிவத்தந்தீதி அனுப³ந்த⁴ந்தி நப்பஜஹந்தி , லோகதோ ந நிவத்தந்தீதி அத்தோ². லோகோ ச அட்ட² லோகத⁴ம்மே அனுபரிவத்ததீதி அயஞ்ச லோகோ ஏதே அனுப³ந்த⁴தி ந பஜஹதி, தேஹி த⁴ம்மேஹி ந நிவத்ததீதி அத்தோ².
5. Pañcame lokassa dhammāti lokadhammā. Etehi muttā nāma natthi, buddhānampi honti. Tenevāha – lokaṃ anuparivattantīti anubandhanti nappajahanti , lokato na nivattantīti attho. Loko ca aṭṭha lokadhamme anuparivattatīti ayañca loko ete anubandhati na pajahati, tehi dhammehi na nivattatīti attho.
லாபோ⁴ அலாபோ⁴தி லாபே⁴ ஆக³தே அலாபோ⁴ ஆக³தோயேவாதி வேதி³தப்³போ³. அயஸாதீ³ஸுபி ஏஸேவ நயோ. அவெக்க²தி விபரிணாமத⁴ம்மேதி ‘‘விபரிணாமத⁴ம்மா இமே’’தி ஏவங் அவெக்க²தி. விதூ⁴பிதாதி வித⁴மிதா வித்³த⁴ங்ஸிதா. பத³ஞ்ச ஞத்வாதி நிப்³பா³னபத³ங் ஜானித்வா. ஸம்மப்பஜானாதி ப⁴வஸ்ஸ பாரகூ³தி ப⁴வஸ்ஸ பாரங் க³தோ நிப்ப²த்திங் மத்த²கங் பத்தோ, நிப்³பா³னபத³ங் ஞத்வாவ தங் பாரங் க³தபா⁴வங் ஸம்மப்பஜானாதீதி. இமஸ்மிங் ஸுத்தே வட்டவிவட்டங் கதி²தங்.
Lābho alābhoti lābhe āgate alābho āgatoyevāti veditabbo. Ayasādīsupi eseva nayo. Avekkhati vipariṇāmadhammeti ‘‘vipariṇāmadhammā ime’’ti evaṃ avekkhati. Vidhūpitāti vidhamitā viddhaṃsitā. Padañca ñatvāti nibbānapadaṃ jānitvā. Sammappajānāti bhavassa pāragūti bhavassa pāraṃ gato nipphattiṃ matthakaṃ patto, nibbānapadaṃ ñatvāva taṃ pāraṃ gatabhāvaṃ sammappajānātīti. Imasmiṃ sutte vaṭṭavivaṭṭaṃ kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. பட²மலோகத⁴ம்மஸுத்தங் • 5. Paṭhamalokadhammasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5. பட²மலோகத⁴ம்மஸுத்தவண்ணனா • 5. Paṭhamalokadhammasuttavaṇṇanā
