| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. பட²மலோகத⁴ம்மஸுத்தவண்ணனா
5. Paṭhamalokadhammasuttavaṇṇanā
5. பஞ்சமே லோகஸ்ஸ த⁴ம்மாதி ஸத்தலோகஸ்ஸ அவஸ்ஸங்பா⁴வித⁴ம்மா. தேனாஹ ‘‘ஏதேஹி முத்தா நாம நத்தி²’’திஆதி³. கா⁴ஸச்சா²த³னாதீ³னங் லத்³தி⁴ லாபோ⁴, தானி ஏவ வா லத்³த⁴ப்³ப³தோ லாபோ⁴, தத³பா⁴வோ அலாபோ⁴, லாப⁴க்³க³ஹணேன செத்த² தப்³பி³ஸயோ அனுரோதோ⁴ க³ஹிதோ, அலாப⁴க்³க³ஹணேன விரோதோ⁴. யஸ்மா லோஹிதே ஸதி தது³பகா⁴தவஸேன புப்³போ³ விய அனுரோதோ⁴ லத்³தா⁴வஸரோ ஏவ ஹோதி, தஸ்மா வுத்தங் ‘‘லாபே⁴ ஆக³தே அலாபோ⁴ ஆக³தோயேவா’’தி. ஏஸ நயோ யஸாதீ³ஸுபி. ஸேஸங் ஸுவிஞ்ஞெய்யமேவ.
5. Pañcame lokassa dhammāti sattalokassa avassaṃbhāvidhammā. Tenāha ‘‘etehi muttā nāma natthi’’tiādi. Ghāsacchādanādīnaṃ laddhi lābho, tāni eva vā laddhabbato lābho, tadabhāvo alābho, lābhaggahaṇena cettha tabbisayo anurodho gahito, alābhaggahaṇena virodho. Yasmā lohite sati tadupaghātavasena pubbo viya anurodho laddhāvasaro eva hoti, tasmā vuttaṃ ‘‘lābhe āgate alābho āgatoyevā’’ti. Esa nayo yasādīsupi. Sesaṃ suviññeyyameva.
பட²மலோகத⁴ம்மஸுத்தவண்ணனா நிட்டி²தா.
Paṭhamalokadhammasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. பட²மலோகத⁴ம்மஸுத்தங் • 5. Paṭhamalokadhammasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. பட²மலோகத⁴ம்மஸுத்தவண்ணனா • 5. Paṭhamalokadhammasuttavaṇṇanā
