| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๕. ปฐมโลกธมฺมสุตฺตวณฺณนา
5. Paṭhamalokadhammasuttavaṇṇanā
๕. ปญฺจเม โลกสฺส ธมฺมาติ โลกธมฺมาฯ เอเตหิ มุตฺตา นาม นตฺถิ, พุทฺธานมฺปิ โหนฺติฯ เตเนวาห – โลกํ อนุปริวตฺตนฺตีติ อนุพนฺธนฺติ นปฺปชหนฺติ , โลกโต น นิวตฺตนฺตีติ อโตฺถฯ โลโก จ อฎฺฐ โลกธเมฺม อนุปริวตฺตตีติ อยญฺจ โลโก เอเต อนุพนฺธติ น ปชหติ, เตหิ ธเมฺมหิ น นิวตฺตตีติ อโตฺถฯ
5. Pañcame lokassa dhammāti lokadhammā. Etehi muttā nāma natthi, buddhānampi honti. Tenevāha – lokaṃ anuparivattantīti anubandhanti nappajahanti , lokato na nivattantīti attho. Loko ca aṭṭha lokadhamme anuparivattatīti ayañca loko ete anubandhati na pajahati, tehi dhammehi na nivattatīti attho.
ลาโภ อลาโภติ ลาเภ อาคเต อลาโภ อาคโตเยวาติ เวทิตโพฺพฯ อยสาทีสุปิ เอเสว นโยฯ อเวกฺขติ วิปริณามธเมฺมติ ‘‘วิปริณามธมฺมา อิเม’’ติ เอวํ อเวกฺขติฯ วิธูปิตาติ วิธมิตา วิทฺธํสิตาฯ ปทญฺจ ญตฺวาติ นิพฺพานปทํ ชานิตฺวาฯ สมฺมปฺปชานาติ ภวสฺส ปารคูติ ภวสฺส ปารํ คโต นิปฺผตฺติํ มตฺถกํ ปโตฺต, นิพฺพานปทํ ญตฺวาว ตํ ปารํ คตภาวํ สมฺมปฺปชานาตีติฯ อิมสฺมิํ สุเตฺต วฎฺฎวิวฎฺฎํ กถิตํฯ
Lābho alābhoti lābhe āgate alābho āgatoyevāti veditabbo. Ayasādīsupi eseva nayo. Avekkhati vipariṇāmadhammeti ‘‘vipariṇāmadhammā ime’’ti evaṃ avekkhati. Vidhūpitāti vidhamitā viddhaṃsitā. Padañca ñatvāti nibbānapadaṃ jānitvā. Sammappajānāti bhavassa pāragūti bhavassa pāraṃ gato nipphattiṃ matthakaṃ patto, nibbānapadaṃ ñatvāva taṃ pāraṃ gatabhāvaṃ sammappajānātīti. Imasmiṃ sutte vaṭṭavivaṭṭaṃ kathitaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๕. ปฐมโลกธมฺมสุตฺตํ • 5. Paṭhamalokadhammasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕. ปฐมโลกธมฺมสุตฺตวณฺณนา • 5. Paṭhamalokadhammasuttavaṇṇanā
