| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៥. បឋមលោកធម្មសុត្តវណ្ណនា
5. Paṭhamalokadhammasuttavaṇṇanā
៥. បញ្ចមេ លោកស្ស ធម្មាតិ លោកធម្មា។ ឯតេហិ មុត្តា នាម នត្ថិ, ពុទ្ធានម្បិ ហោន្តិ។ តេនេវាហ – លោកំ អនុបរិវត្តន្តីតិ អនុពន្ធន្តិ នប្បជហន្តិ , លោកតោ ន និវត្តន្តីតិ អត្ថោ។ លោកោ ច អដ្ឋ លោកធម្មេ អនុបរិវត្តតីតិ អយញ្ច លោកោ ឯតេ អនុពន្ធតិ ន បជហតិ, តេហិ ធម្មេហិ ន និវត្តតីតិ អត្ថោ។
5. Pañcame lokassa dhammāti lokadhammā. Etehi muttā nāma natthi, buddhānampi honti. Tenevāha – lokaṃ anuparivattantīti anubandhanti nappajahanti , lokato na nivattantīti attho. Loko ca aṭṭha lokadhamme anuparivattatīti ayañca loko ete anubandhati na pajahati, tehi dhammehi na nivattatīti attho.
លាភោ អលាភោតិ លាភេ អាគតេ អលាភោ អាគតោយេវាតិ វេទិតព្ពោ។ អយសាទីសុបិ ឯសេវ នយោ។ អវេក្ខតិ វិបរិណាមធម្មេតិ ‘‘វិបរិណាមធម្មា ឥមេ’’តិ ឯវំ អវេក្ខតិ។ វិធូបិតាតិ វិធមិតា វិទ្ធំសិតា។ បទញ្ច ញត្វាតិ និព្ពានបទំ ជានិត្វា។ សម្មប្បជានាតិ ភវស្ស បារគូតិ ភវស្ស បារំ គតោ និប្ផត្តិំ មត្ថកំ បត្តោ, និព្ពានបទំ ញត្វាវ តំ បារំ គតភាវំ សម្មប្បជានាតីតិ។ ឥមស្មិំ សុត្តេ វដ្ដវិវដ្ដំ កថិតំ។
Lābho alābhoti lābhe āgate alābho āgatoyevāti veditabbo. Ayasādīsupi eseva nayo. Avekkhati vipariṇāmadhammeti ‘‘vipariṇāmadhammā ime’’ti evaṃ avekkhati. Vidhūpitāti vidhamitā viddhaṃsitā. Padañca ñatvāti nibbānapadaṃ jānitvā. Sammappajānāti bhavassa pāragūti bhavassa pāraṃ gato nipphattiṃ matthakaṃ patto, nibbānapadaṃ ñatvāva taṃ pāraṃ gatabhāvaṃ sammappajānātīti. Imasmiṃ sutte vaṭṭavivaṭṭaṃ kathitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៥. បឋមលោកធម្មសុត្តំ • 5. Paṭhamalokadhammasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៥. បឋមលោកធម្មសុត្តវណ្ណនា • 5. Paṭhamalokadhammasuttavaṇṇanā
