| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၅. ပဌမလောကဓမ္မသုတ္တဝဏ္ဏနာ
5. Paṭhamalokadhammasuttavaṇṇanā
၅. ပဉ္စမေ လောကသ္သ ဓမ္မာတိ လောကဓမ္မာ။ ဧတေဟိ မုတ္တာ နာမ နတ္ထိ, ဗုဒ္ဓာနမ္ပိ ဟောန္တိ။ တေနေဝာဟ – လောကံ အနုပရိဝတ္တန္တီတိ အနုဗန္ဓန္တိ နပ္ပဇဟန္တိ , လောကတော န နိဝတ္တန္တီတိ အတ္ထော။ လောကော စ အဋ္ဌ လောကဓမ္မေ အနုပရိဝတ္တတီတိ အယဉ္စ လောကော ဧတေ အနုဗန္ဓတိ န ပဇဟတိ, တေဟိ ဓမ္မေဟိ န နိဝတ္တတီတိ အတ္ထော။
5. Pañcame lokassa dhammāti lokadhammā. Etehi muttā nāma natthi, buddhānampi honti. Tenevāha – lokaṃ anuparivattantīti anubandhanti nappajahanti , lokato na nivattantīti attho. Loko ca aṭṭha lokadhamme anuparivattatīti ayañca loko ete anubandhati na pajahati, tehi dhammehi na nivattatīti attho.
လာဘော အလာဘောတိ လာဘေ အာဂတေ အလာဘော အာဂတောယေဝာတိ ဝေဒိတဗ္ဗော။ အယသာဒီသုပိ ဧသေဝ နယော။ အဝေက္ခတိ ဝိပရိဏာမဓမ္မေတိ ‘‘ဝိပရိဏာမဓမ္မာ ဣမေ’’တိ ဧဝံ အဝေက္ခတိ။ ဝိဓူပိတာတိ ဝိဓမိတာ ဝိဒ္ဓံသိတာ။ ပဒဉ္စ ဉတ္ဝာတိ နိဗ္ဗာနပဒံ ဇာနိတ္ဝာ။ သမ္မပ္ပဇာနာတိ ဘဝသ္သ ပာရဂူတိ ဘဝသ္သ ပာရံ ဂတော နိပ္ဖတ္တိံ မတ္ထကံ ပတ္တော, နိဗ္ဗာနပဒံ ဉတ္ဝာဝ တံ ပာရံ ဂတဘာဝံ သမ္မပ္ပဇာနာတီတိ။ ဣမသ္မိံ သုတ္တေ ဝဋ္ဋဝိဝဋ္ဋံ ကထိတံ။
Lābho alābhoti lābhe āgate alābho āgatoyevāti veditabbo. Ayasādīsupi eseva nayo. Avekkhati vipariṇāmadhammeti ‘‘vipariṇāmadhammā ime’’ti evaṃ avekkhati. Vidhūpitāti vidhamitā viddhaṃsitā. Padañca ñatvāti nibbānapadaṃ jānitvā. Sammappajānāti bhavassa pāragūti bhavassa pāraṃ gato nipphattiṃ matthakaṃ patto, nibbānapadaṃ ñatvāva taṃ pāraṃ gatabhāvaṃ sammappajānātīti. Imasmiṃ sutte vaṭṭavivaṭṭaṃ kathitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၅. ပဌမလောကဓမ္မသုတ္တံ • 5. Paṭhamalokadhammasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅. ပဌမလောကဓမ္မသုတ္တဝဏ္ဏနာ • 5. Paṭhamalokadhammasuttavaṇṇanā
