| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥. པཋམལོཀདྷམྨསུཏྟཝཎྞནཱ
5. Paṭhamalokadhammasuttavaṇṇanā
༥. པཉྩམེ ལོཀསྶ དྷམྨཱཏི ལོཀདྷམྨཱ། ཨེཏེཧི མུཏྟཱ ནཱམ ནཏྠི, བུདྡྷཱནམྤི ཧོནྟི། ཏེནེཝཱཧ – ལོཀཾ ཨནུཔརིཝཏྟནྟཱིཏི ཨནུབནྡྷནྟི ནཔྤཛཧནྟི , ལོཀཏོ ན ནིཝཏྟནྟཱིཏི ཨཏྠོ། ལོཀོ ཙ ཨཊྛ ལོཀདྷམྨེ ཨནུཔརིཝཏྟཏཱིཏི ཨཡཉྩ ལོཀོ ཨེཏེ ཨནུབནྡྷཏི ན པཛཧཏི, ཏེཧི དྷམྨེཧི ན ནིཝཏྟཏཱིཏི ཨཏྠོ།
5. Pañcame lokassa dhammāti lokadhammā. Etehi muttā nāma natthi, buddhānampi honti. Tenevāha – lokaṃ anuparivattantīti anubandhanti nappajahanti , lokato na nivattantīti attho. Loko ca aṭṭha lokadhamme anuparivattatīti ayañca loko ete anubandhati na pajahati, tehi dhammehi na nivattatīti attho.
ལཱབྷོ ཨལཱབྷོཏི ལཱབྷེ ཨཱགཏེ ཨལཱབྷོ ཨཱགཏོཡེཝཱཏི ཝེདིཏབྦོ། ཨཡསཱདཱིསུཔི ཨེསེཝ ནཡོ། ཨཝེཀྑཏི ཝིཔརིཎཱམདྷམྨེཏི ‘‘ཝིཔརིཎཱམདྷམྨཱ ཨིམེ’’ཏི ཨེཝཾ ཨཝེཀྑཏི། ཝིདྷཱུཔིཏཱཏི ཝིདྷམིཏཱ ཝིདྡྷཾསིཏཱ། པདཉྩ ཉཏྭཱཏི ནིབྦཱནཔདཾ ཛཱནིཏྭཱ། སམྨཔྤཛཱནཱཏི བྷཝསྶ པཱརགཱུཏི བྷཝསྶ པཱརཾ གཏོ ནིཔྥཏྟིཾ མཏྠཀཾ པཏྟོ, ནིབྦཱནཔདཾ ཉཏྭཱཝ ཏཾ པཱརཾ གཏབྷཱཝཾ སམྨཔྤཛཱནཱཏཱིཏི། ཨིམསྨིཾ སུཏྟེ ཝཊྚཝིཝཊྚཾ ཀཐིཏཾ།
Lābho alābhoti lābhe āgate alābho āgatoyevāti veditabbo. Ayasādīsupi eseva nayo. Avekkhati vipariṇāmadhammeti ‘‘vipariṇāmadhammā ime’’ti evaṃ avekkhati. Vidhūpitāti vidhamitā viddhaṃsitā. Padañca ñatvāti nibbānapadaṃ jānitvā. Sammappajānāti bhavassa pāragūti bhavassa pāraṃ gato nipphattiṃ matthakaṃ patto, nibbānapadaṃ ñatvāva taṃ pāraṃ gatabhāvaṃ sammappajānātīti. Imasmiṃ sutte vaṭṭavivaṭṭaṃ kathitaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༥. པཋམལོཀདྷམྨསུཏྟཾ • 5. Paṭhamalokadhammasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥. པཋམལོཀདྷམྨསུཏྟཝཎྞནཱ • 5. Paṭhamalokadhammasuttavaṇṇanā
