| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
பட²மமக்³க³வீஸதிமஹானயவண்ணனா
Paṭhamamaggavīsatimahānayavaṇṇanā
357. யஸ்ஸ புப்³ப³பா⁴கே³ ‘‘மக்³க³ங் பா⁴வேமீ’’தி அஜ்ஜா²ஸயோ பவத்தோ, ஸோ மக்³க³ங் பா⁴வேதி. ஏவங் ஸப்³ப³த்த² அஜ்ஜா²ஸயவிஸேஸேன தங்தங்பா⁴வனாவிஸேஸோ த³ட்ட²ப்³போ³.
357. Yassa pubbabhāge ‘‘maggaṃ bhāvemī’’ti ajjhāsayo pavatto, so maggaṃ bhāveti. Evaṃ sabbattha ajjhāsayavisesena taṃtaṃbhāvanāviseso daṭṭhabbo.
358. ச²ந்தா³தி⁴பதெய்யந்திஆதீ³ஸு ஏகசித்தக்க²ணே வத்தமானேஸு த⁴ம்மேஸு கத²ங் ச²ந்த³ஸ்ஸ தங்ஸஹஜாதஸ்ஸ அதி⁴பதிபா⁴வோ வீரியாதீ³னஞ்சாதி? உபனிஸ்ஸயவஸேன. யஸ்ஸ ஹி ஸசே ச²ந்த³வதோ குஸலங் நிப்ப²ஜ்ஜதி, ‘‘அஹங் நிப்பா²தெ³ஸ்ஸாமீ’’தி பவத்தமானஸ்ஸ குஸலங் நிப்ப²ன்னங், தஸ்ஸ தங்ஸஹஜாதோ ச²ந்தோ³ தேன புரிமுபனிஸ்ஸயேன விஸிட்டோ² ஸஹஜாதத⁴ம்மே அத்தனோ வஸே வத்தேதி. தஸ்மிஞ்ச பவத்தமானே தே பவத்தந்தி, நிவத்தமானே நிவத்தந்தி, தத³னுரூபப³லா ச ஹொந்தி ராஜபுரிஸா வியாதி. ஏவங் வீரியாதீ³ஸு. ஸேஸத⁴ம்மானங் பன கத்த²சி வுத்தப்பகாரப்பவத்திஸப்³பா⁴வேபி அதங்ஸபா⁴வத்தா அதி⁴பதிபா⁴வோ நத்தீ²தி த³ட்ட²ப்³போ³.
358. Chandādhipateyyantiādīsu ekacittakkhaṇe vattamānesu dhammesu kathaṃ chandassa taṃsahajātassa adhipatibhāvo vīriyādīnañcāti? Upanissayavasena. Yassa hi sace chandavato kusalaṃ nipphajjati, ‘‘ahaṃ nipphādessāmī’’ti pavattamānassa kusalaṃ nipphannaṃ, tassa taṃsahajāto chando tena purimupanissayena visiṭṭho sahajātadhamme attano vase vatteti. Tasmiñca pavattamāne te pavattanti, nivattamāne nivattanti, tadanurūpabalā ca honti rājapurisā viyāti. Evaṃ vīriyādīsu. Sesadhammānaṃ pana katthaci vuttappakārappavattisabbhāvepi ataṃsabhāvattā adhipatibhāvo natthīti daṭṭhabbo.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / லோகுத்தரகுஸலங் • Lokuttarakusalaṃ
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / பட²மமக்³க³வீஸதிமஹானயோ • Paṭhamamaggavīsatimahānayo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / பட²மமக்³க³வீஸதிமஹானயவண்ணனா • Paṭhamamaggavīsatimahānayavaṇṇanā
