| Library / Tipiṭaka / ཏིཔིཊཀ • Tipiṭaka / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā |
པཋམམགྒཝཱིསཏིམཧཱནཡཝཎྞནཱ
Paṭhamamaggavīsatimahānayavaṇṇanā
༣༥༧. ཡསྶ པུབྦབྷཱགེ ‘‘མགྒཾ བྷཱཝེམཱི’’ཏི ཨཛ྄ཛྷཱསཡོ པཝཏྟོ, སོ མགྒཾ བྷཱཝེཏི། ཨེཝཾ སབྦཏྠ ཨཛ྄ཛྷཱསཡཝིསེསེན ཏཾཏཾབྷཱཝནཱཝིསེསོ དཊྛབྦོ།
357. Yassa pubbabhāge ‘‘maggaṃ bhāvemī’’ti ajjhāsayo pavatto, so maggaṃ bhāveti. Evaṃ sabbattha ajjhāsayavisesena taṃtaṃbhāvanāviseso daṭṭhabbo.
༣༥༨. ཚནྡཱདྷིཔཏེཡྻནྟིཨཱདཱིསུ ཨེཀཙིཏྟཀྑཎེ ཝཏྟམཱནེསུ དྷམྨེསུ ཀཐཾ ཚནྡསྶ ཏཾསཧཛཱཏསྶ ཨདྷིཔཏིབྷཱཝོ ཝཱིརིཡཱདཱིནཉྩཱཏི? ཨུཔནིསྶཡཝསེན། ཡསྶ ཧི སཙེ ཚནྡཝཏོ ཀུསལཾ ནིཔྥཛྫཏི, ‘‘ཨཧཾ ནིཔྥཱདེསྶཱམཱི’’ཏི པཝཏྟམཱནསྶ ཀུསལཾ ནིཔྥནྣཾ, ཏསྶ ཏཾསཧཛཱཏོ ཚནྡོ ཏེན པུརིམུཔནིསྶཡེན ཝིསིཊྛོ སཧཛཱཏདྷམྨེ ཨཏྟནོ ཝསེ ཝཏྟེཏི། ཏསྨིཉྩ པཝཏྟམཱནེ ཏེ པཝཏྟནྟི, ནིཝཏྟམཱནེ ནིཝཏྟནྟི, ཏདནུརཱུཔབལཱ ཙ ཧོནྟི རཱཛཔུརིསཱ ཝིཡཱཏི། ཨེཝཾ ཝཱིརིཡཱདཱིསུ། སེསདྷམྨཱནཾ པན ཀཏྠཙི ཝུཏྟཔྤཀཱརཔྤཝཏྟིསབྦྷཱཝེཔི ཨཏཾསབྷཱཝཏྟཱ ཨདྷིཔཏིབྷཱཝོ ནཏྠཱིཏི དཊྛབྦོ།
358. Chandādhipateyyantiādīsu ekacittakkhaṇe vattamānesu dhammesu kathaṃ chandassa taṃsahajātassa adhipatibhāvo vīriyādīnañcāti? Upanissayavasena. Yassa hi sace chandavato kusalaṃ nipphajjati, ‘‘ahaṃ nipphādessāmī’’ti pavattamānassa kusalaṃ nipphannaṃ, tassa taṃsahajāto chando tena purimupanissayena visiṭṭho sahajātadhamme attano vase vatteti. Tasmiñca pavattamāne te pavattanti, nivattamāne nivattanti, tadanurūpabalā ca honti rājapurisā viyāti. Evaṃ vīriyādīsu. Sesadhammānaṃ pana katthaci vuttappakārappavattisabbhāvepi ataṃsabhāvattā adhipatibhāvo natthīti daṭṭhabbo.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / དྷམྨསངྒཎཱིཔཱལི༹ • Dhammasaṅgaṇīpāḷi / ལོཀུཏྟརཀུསལཾ • Lokuttarakusalaṃ
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / དྷམྨསངྒཎི-ཨཊྛཀཐཱ • Dhammasaṅgaṇi-aṭṭhakathā / པཋམམགྒཝཱིསཏིམཧཱནཡོ • Paṭhamamaggavīsatimahānayo
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / དྷམྨསངྒཎཱི-ཨནུཊཱིཀཱ • Dhammasaṅgaṇī-anuṭīkā / པཋམམགྒཝཱིསཏིམཧཱནཡཝཎྞནཱ • Paṭhamamaggavīsatimahānayavaṇṇanā
