| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
батамамаг̇г̇авийсад̇имахаанаяо
Paṭhamamaggavīsatimahānayo
357. ид̣̇аани яасмаа логуд̇д̇арагусалам̣ бхаавзнд̇о на гзвалам̣ убаниж̇жхааяанадтзна жхаанам̣язва бхаавзд̇и, нияяаанадтзна бана маг̇г̇амби бхаавзд̇и, убадтаанадтзна сад̇ибадтаанамби, бад̣̇аханадтзна саммаббад̇хаанамби, иж̇жханадтзна ид̣̇д̇хибаад̣̇амби, ад̇хибад̇ияадтзна инд̣̇рияамби, агамбияадтзна б̣аламби, б̣уж̇жханадтзна б̣ож̇жхан̇г̇амби, д̇ат̇адтзна сажжамби, авигкзбадтзна самат̇амби, сун̃н̃ад̇адтзна д̇хаммамби, раасадтзна канд̇хамби, ааяад̇анадтзна ааяад̇анамби, сун̃н̃асабхааваниссад̇д̇адтзна д̇хаад̇умби, бажжаяадтзна аахаарамби, пусанадтзна пассамби, взд̣̇аяид̇адтзна взд̣̇анамби, сан̃ж̇аананадтзна сан̃н̃амби, жзд̇аяид̇адтзна жзд̇анамби, виж̇аананадтзна жид̇д̇амби бхаавзд̇и, д̇асмаа зд̇зсам̣ згуунавийсад̇ияаа бад̣̇аанам̣ д̣̇ассанад̇т̇ам̣ буна гад̇амз д̇хаммаа гусалаад̇иаад̣̇и вуд̇д̇ам̣. звам̣ ‘ид̣̇амби бхаавзд̇и, ид̣̇амби бхаавзд̇ий’д̇и буг̇г̇алаж̇жхаасаязна жзва д̣̇зсанаавилаасзна жа вийсад̇и наяаа д̣̇зсид̇аа хонд̇и . д̇хаммам̣ сод̇ум̣ нисиннад̣̇звабарисааяа хи яз убаниж̇жхааяанадтзна логуд̇д̇арам̣ ‘жхаана’нд̇и гат̇ид̇з б̣уж̇жханд̇и, д̇зсам̣ саббааяавасзна жхаананд̇и гат̇ид̇ам̣…бз… яз виж̇аананадтзна ‘жид̇д̇а’нд̇и вуд̇д̇з б̣уж̇жханд̇и, д̇зсам̣ саббааяавасзна жид̇д̇анд̇и гат̇ид̇ам̣. аяамзд̇т̇а ‘буг̇г̇алаж̇жхаасаяо’.
357. Idāni yasmā lokuttarakusalaṃ bhāvento na kevalaṃ upanijjhāyanaṭṭhena jhānaṃyeva bhāveti, niyyānaṭṭhena pana maggampi bhāveti, upaṭṭhānaṭṭhena satipaṭṭhānampi, padahanaṭṭhena sammappadhānampi, ijjhanaṭṭhena iddhipādampi, adhipatiyaṭṭhena indriyampi, akampiyaṭṭhena balampi, bujjhanaṭṭhena bojjhaṅgampi, tathaṭṭhena saccampi, avikkhepaṭṭhena samathampi, suññataṭṭhena dhammampi, rāsaṭṭhena khandhampi, āyatanaṭṭhena āyatanampi, suññasabhāvanissattaṭṭhena dhātumpi, paccayaṭṭhena āhārampi, phusanaṭṭhena phassampi, vedayitaṭṭhena vedanampi, sañjānanaṭṭhena saññampi, cetayitaṭṭhena cetanampi, vijānanaṭṭhena cittampi bhāveti, tasmā etesaṃ ekūnavīsatiyā padānaṃ dassanatthaṃ puna katame dhammā kusalātiādi vuttaṃ. Evaṃ ‘idampi bhāveti, idampi bhāvetī’ti puggalajjhāsayena ceva desanāvilāsena ca vīsati nayā desitā honti . Dhammaṃ sotuṃ nisinnadevaparisāya hi ye upanijjhāyanaṭṭhena lokuttaraṃ ‘jhāna’nti kathite bujjhanti, tesaṃ sappāyavasena jhānanti kathitaṃ…pe… ye vijānanaṭṭhena ‘citta’nti vutte bujjhanti, tesaṃ sappāyavasena cittanti kathitaṃ. Ayamettha ‘puggalajjhāsayo’.
саммаасамб̣уд̣̇д̇хо бана ад̇д̇ано б̣уд̣̇д̇хасуб̣од̇хид̇ааяа д̣̇асаб̣алажад̇увзсаараж̇ж̇ажад̇убадисамбхид̣̇ад̇ааяа чаасаад̇хааран̣ан̃аан̣аяог̇зна жа д̣̇зсанам̣ яад̣̇ижчагам̣ нияамзд̇ваа д̣̇ассзд̇и. ижчанд̇о убаниж̇жхааяанадтзна логуд̇д̇арам̣ жхаананд̇и д̣̇ассзд̇и, ижчанд̇о нияяаанадтзна…бз… виж̇аананадтзна логуд̇д̇арам̣ жид̇д̇анд̇и. аяам̣ ‘д̣̇зсанаавилаасо’ наама. д̇ад̇т̇а яат̇зва логуд̇д̇арам̣ жхаананд̇и вуд̇д̇адтаанз д̣̇аса наяаа вибхад̇д̇аа, звам̣ маг̇г̇аад̣̇ийсуби д̇зязва взд̣̇ид̇аб̣б̣аа. ид̇и вийсад̇ияаа таанзсу д̣̇аса д̣̇аса гад̇ваа д̣̇вз наяасад̇аани вибхад̇д̇аани хонд̇и.
Sammāsambuddho pana attano buddhasubodhitāya dasabalacatuvesārajjacatupaṭisambhidatāya chaasādhāraṇañāṇayogena ca desanaṃ yadicchakaṃ niyametvā dasseti. Icchanto upanijjhāyanaṭṭhena lokuttaraṃ jhānanti dasseti, icchanto niyyānaṭṭhena…pe… vijānanaṭṭhena lokuttaraṃ cittanti. Ayaṃ ‘desanāvilāso’ nāma. Tattha yatheva lokuttaraṃ jhānanti vuttaṭṭhāne dasa nayā vibhattā, evaṃ maggādīsupi teyeva veditabbā. Iti vīsatiyā ṭhānesu dasa dasa katvā dve nayasatāni vibhattāni honti.
358. ид̣̇аани ад̇хибад̇ибхзд̣̇ам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇ад̇т̇а чанд̣̇ам̣ д̇хурам̣ ж̇здтагам̣ буб̣б̣ан̇г̇амам̣ гад̇ваа ниб̣б̣ад̇д̇ид̇ам̣ логуд̇д̇арам̣ жхаанам̣ чанд̣̇аад̇хибад̇зяяам̣ наама. сзсзсуби зсзва наяо. ид̇и буримасмим̣ суд̣̇д̇хигз д̣̇взнаяасад̇аани чанд̣̇аад̇хибад̇зяяаад̣̇ийсуби д̣̇вз д̣̇взд̇и наяасахассзна бхааж̇зд̇ваа батамамаг̇г̇ам̣ д̣̇ассзси д̇хаммарааж̇аа.
358. Idāni adhipatibhedaṃ dassetuṃ puna katame dhammā kusalātiādi āraddhaṃ. Tattha chandaṃ dhuraṃ jeṭṭhakaṃ pubbaṅgamaṃ katvā nibbattitaṃ lokuttaraṃ jhānaṃ chandādhipateyyaṃ nāma. Sesesupi eseva nayo. Iti purimasmiṃ suddhike dvenayasatāni chandādhipateyyādīsupi dve dveti nayasahassena bhājetvā paṭhamamaggaṃ dassesi dhammarājā.
батамамаг̇г̇о нидтид̇о.
Paṭhamamaggo niṭṭhito.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / логуд̇д̇арагусалам̣ • Lokuttarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / батамамаг̇г̇авийсад̇имахаанаяаван̣н̣анаа • Paṭhamamaggavīsatimahānayavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / батамамаг̇г̇авийсад̇имахаанаяаван̣н̣анаа • Paṭhamamaggavīsatimahānayavaṇṇanā
