| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2. அனுஸ்ஸதிவக்³கோ³
2. Anussativaggo
1-4. பட²மமஹானாமஸுத்தாதி³வண்ணனா
1-4. Paṭhamamahānāmasuttādivaṇṇanā
11-14. து³தியஸ்ஸ பட²மாதீ³னி உத்தானத்தா²னி. ததியே கப³ளீகாராஹாரப⁴க்கா²னந்தி கப³ளீகாராஹாரூபஜீவீனங். கோ பன தே³வானங் ஆஹாரோ, கா ஆஹாரவேலாதி? ஸப்³பே³ஸம்பி காமாவசரதே³வானங் ஸுதா⁴ ஆஹாரோ. ஸா ஹெட்டி²மேஹி ஹெட்டி²மேஹி உபரிமானங் உபரிமானங் பணீததமா ஹோதி, தங் யதா²ஸகங் தி³வஸவஸேனேவ தி³வஸே தி³வஸே பு⁴ஞ்ஜந்தி. கேசி பன ‘‘பி³ளாரபத³ப்பமாணங் ஸுதா⁴ஹாரங் பு⁴ஞ்ஜந்தி, ஸோ ஜிவ்ஹாய ட²பிதமத்தோ யாவ கேஸக்³க³னக²க்³கா³ காயங் ப²ரதி, தேஸங்யேவ தி³வஸவஸேன ஸத்த தி³வஸே யாபனஸமத்தோ² ஹோதீ’’தி வத³ந்தி. அஸமயவிமுத்தியா விமுத்தோதி மக்³க³விமொக்கே²ன விமுத்தோ. அட்ட²ன்னஞ்ஹி ஸமாபத்தீனங் ஸமாபஜ்ஜனஸ்ஸ ஸமயோபி அத்தி² தஸ்ஸ அஸமயோபி, மக்³க³விமொக்கே²ன பன விமுச்சனஸ்ஸ ஸமயோ வா அஸமயோ வா நத்தி². யஸ்ஸ ஸத்³தா⁴ ப³லவதீ, விபஸ்ஸனா ச ஆரத்³தா⁴, தஸ்ஸ க³ச்ச²ந்தஸ்ஸ திட்ட²ந்தஸ்ஸ நிஸீத³ந்தஸ்ஸ நிபஜ்ஜந்தஸ்ஸ கா²த³ந்தஸ்ஸ பு⁴ஞ்ஜந்தஸ்ஸ ச மக்³க³ப²லப்படிவேதோ⁴ நாம ந ஹோதீதி ந வத்தப்³ப³ங். இதி மக்³க³விமொக்கே²ன விமுச்சந்தஸ்ஸ ஸமயோ வா அஸமயோ வா நத்தீ²தி மக்³க³விமொக்கோ² அஸமயவிமுத்தி நாம. சதுத்தே² நத்தி² வத்தப்³ப³ங்.
11-14. Dutiyassa paṭhamādīni uttānatthāni. Tatiye kabaḷīkārāhārabhakkhānanti kabaḷīkārāhārūpajīvīnaṃ. Ko pana devānaṃ āhāro, kā āhāravelāti? Sabbesampi kāmāvacaradevānaṃ sudhā āhāro. Sā heṭṭhimehi heṭṭhimehi uparimānaṃ uparimānaṃ paṇītatamā hoti, taṃ yathāsakaṃ divasavaseneva divase divase bhuñjanti. Keci pana ‘‘biḷārapadappamāṇaṃ sudhāhāraṃ bhuñjanti, so jivhāya ṭhapitamatto yāva kesagganakhaggā kāyaṃ pharati, tesaṃyeva divasavasena satta divase yāpanasamattho hotī’’ti vadanti. Asamayavimuttiyā vimuttoti maggavimokkhena vimutto. Aṭṭhannañhi samāpattīnaṃ samāpajjanassa samayopi atthi tassa asamayopi, maggavimokkhena pana vimuccanassa samayo vā asamayo vā natthi. Yassa saddhā balavatī, vipassanā ca āraddhā, tassa gacchantassa tiṭṭhantassa nisīdantassa nipajjantassa khādantassa bhuñjantassa ca maggaphalappaṭivedho nāma na hotīti na vattabbaṃ. Iti maggavimokkhena vimuccantassa samayo vā asamayo vā natthīti maggavimokkho asamayavimutti nāma. Catutthe natthi vattabbaṃ.
பட²மமஹானாமஸுத்தாதி³வண்ணனா நிட்டி²தா.
Paṭhamamahānāmasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
1. பட²மமஹானாமஸுத்தங் • 1. Paṭhamamahānāmasuttaṃ
2. து³தியமஹானாமஸுத்தங் • 2. Dutiyamahānāmasuttaṃ
3. நந்தி³யஸுத்தங் • 3. Nandiyasuttaṃ
4. ஸுபூ⁴திஸுத்தங் • 4. Subhūtisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
1-2. மஹானாமஸுத்தத்³வயவண்ணனா • 1-2. Mahānāmasuttadvayavaṇṇanā
3. நந்தி³யஸுத்தவண்ணனா • 3. Nandiyasuttavaṇṇanā
4. ஸுபூ⁴திஸுத்தவண்ணனா • 4. Subhūtisuttavaṇṇanā
