| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
২. অনুস্সতিৰগ্গো
2. Anussativaggo
১-৪. পঠমমহানামসুত্তাদিৰণ্ণনা
1-4. Paṭhamamahānāmasuttādivaṇṇanā
১১-১৪. দুতিযস্স পঠমাদীনি উত্তানত্থানি। ততিযে কবল়ীকারাহারভক্খানন্তি কবল়ীকারাহারূপজীৰীনং। কো পন দেৰানং আহারো, কা আহারৰেলাতি? সব্বেসম্পি কামাৰচরদেৰানং সুধা আহারো। সা হেট্ঠিমেহি হেট্ঠিমেহি উপরিমানং উপরিমানং পণীততমা হোতি, তং যথাসকং দিৰসৰসেনেৰ দিৰসে দিৰসে ভুঞ্জন্তি। কেচি পন ‘‘বিল়ারপদপ্পমাণং সুধাহারং ভুঞ্জন্তি, সো জিৰ্হায ঠপিতমত্তো যাৰ কেসগ্গনখগ্গা কাযং ফরতি, তেসংযেৰ দিৰসৰসেন সত্ত দিৰসে যাপনসমত্থো হোতী’’তি ৰদন্তি। অসমযৰিমুত্তিযা ৰিমুত্তোতি মগ্গৰিমোক্খেন ৰিমুত্তো। অট্ঠন্নঞ্হি সমাপত্তীনং সমাপজ্জনস্স সমযোপি অত্থি তস্স অসমযোপি, মগ্গৰিমোক্খেন পন ৰিমুচ্চনস্স সমযো ৰা অসমযো ৰা নত্থি। যস্স সদ্ধা বলৰতী, ৰিপস্সনা চ আরদ্ধা, তস্স গচ্ছন্তস্স তিট্ঠন্তস্স নিসীদন্তস্স নিপজ্জন্তস্স খাদন্তস্স ভুঞ্জন্তস্স চ মগ্গফলপ্পটিৰেধো নাম ন হোতীতি ন ৰত্তব্বং। ইতি মগ্গৰিমোক্খেন ৰিমুচ্চন্তস্স সমযো ৰা অসমযো ৰা নত্থীতি মগ্গৰিমোক্খো অসমযৰিমুত্তি নাম। চতুত্থে নত্থি ৰত্তব্বং।
11-14. Dutiyassa paṭhamādīni uttānatthāni. Tatiye kabaḷīkārāhārabhakkhānanti kabaḷīkārāhārūpajīvīnaṃ. Ko pana devānaṃ āhāro, kā āhāravelāti? Sabbesampi kāmāvacaradevānaṃ sudhā āhāro. Sā heṭṭhimehi heṭṭhimehi uparimānaṃ uparimānaṃ paṇītatamā hoti, taṃ yathāsakaṃ divasavaseneva divase divase bhuñjanti. Keci pana ‘‘biḷārapadappamāṇaṃ sudhāhāraṃ bhuñjanti, so jivhāya ṭhapitamatto yāva kesagganakhaggā kāyaṃ pharati, tesaṃyeva divasavasena satta divase yāpanasamattho hotī’’ti vadanti. Asamayavimuttiyā vimuttoti maggavimokkhena vimutto. Aṭṭhannañhi samāpattīnaṃ samāpajjanassa samayopi atthi tassa asamayopi, maggavimokkhena pana vimuccanassa samayo vā asamayo vā natthi. Yassa saddhā balavatī, vipassanā ca āraddhā, tassa gacchantassa tiṭṭhantassa nisīdantassa nipajjantassa khādantassa bhuñjantassa ca maggaphalappaṭivedho nāma na hotīti na vattabbaṃ. Iti maggavimokkhena vimuccantassa samayo vā asamayo vā natthīti maggavimokkho asamayavimutti nāma. Catutthe natthi vattabbaṃ.
পঠমমহানামসুত্তাদিৰণ্ণনা নিট্ঠিতা।
Paṭhamamahānāmasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. পঠমমহানামসুত্তং • 1. Paṭhamamahānāmasuttaṃ
২. দুতিযমহানামসুত্তং • 2. Dutiyamahānāmasuttaṃ
৩. নন্দিযসুত্তং • 3. Nandiyasuttaṃ
৪. সুভূতিসুত্তং • 4. Subhūtisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১-২. মহানামসুত্তদ্ৰযৰণ্ণনা • 1-2. Mahānāmasuttadvayavaṇṇanā
৩. নন্দিযসুত্তৰণ্ণনা • 3. Nandiyasuttavaṇṇanā
৪. সুভূতিসুত্তৰণ্ণনা • 4. Subhūtisuttavaṇṇanā
