| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
2. අනුස්‌සතිවග්‌ගො
2. Anussativaggo
1-4. පඨමමහානාමසුත්‌තාදිවණ්‌ණනා
1-4. Paṭhamamahānāmasuttādivaṇṇanā
11-14. දුතියස්‌ස පඨමාදීනි උත්‌තානත්‌ථානි. තතියෙ කබළීකාරාහාරභක්‌ඛානන්‌ති කබළීකාරාහාරූපජීවීනං. කො පන දෙවානං ආහාරො, කා ආහාරවෙලාති? සබ්‌බෙසම්‌පි කාමාවචරදෙවානං සුධා ආහාරො. සා හෙට්‌ඨිමෙහි හෙට්‌ඨිමෙහි උපරිමානං උපරිමානං පණීතතමා හොති, තං යථාසකං දිවසවසෙනෙව දිවසෙ දිවසෙ භුඤ්‌ජන්‌ති. කෙචි පන ‘‘බිළාරපදප්‌පමාණං සුධාහාරං භුඤ්‌ජන්‌ති, සො ජිව්‌හාය ඨපිතමත්‌තො යාව කෙසග්‌ගනඛග්‌ගා කායං ඵරති, තෙසංයෙව දිවසවසෙන සත්‌ත දිවසෙ යාපනසමත්‌ථො හොතී’’ති වදන්‌ති. අසමයවිමුත්‌තියා විමුත්‌තොති මග්‌ගවිමොක්‌ඛෙන විමුත්‌තො. අට්‌ඨන්‌නඤ්‌හි සමාපත්‌තීනං සමාපජ්‌ජනස්‌ස සමයොපි අත්‌ථි තස්‌ස අසමයොපි, මග්‌ගවිමොක්‌ඛෙන පන විමුච්‌චනස්‌ස සමයො වා අසමයො වා නත්‌ථි. යස්‌ස සද්‌ධා බලවතී, විපස්‌සනා ච ආරද්‌ධා, තස්‌ස ගච්‌ඡන්‌තස්‌ස තිට්‌ඨන්‌තස්‌ස නිසීදන්‌තස්‌ස නිපජ්‌ජන්‌තස්‌ස ඛාදන්‌තස්‌ස භුඤ්‌ජන්‌තස්‌ස ච මග්‌ගඵලප්‌පටිවෙධො නාම න හොතීති න වත්‌තබ්‌බං. ඉති මග්‌ගවිමොක්‌ඛෙන විමුච්‌චන්‌තස්‌ස සමයො වා අසමයො වා නත්‌ථීති මග්‌ගවිමොක්‌ඛො අසමයවිමුත්‌ති නාම. චතුත්‌ථෙ නත්‌ථි වත්‌තබ්‌බං.
11-14. Dutiyassa paṭhamādīni uttānatthāni. Tatiye kabaḷīkārāhārabhakkhānanti kabaḷīkārāhārūpajīvīnaṃ. Ko pana devānaṃ āhāro, kā āhāravelāti? Sabbesampi kāmāvacaradevānaṃ sudhā āhāro. Sā heṭṭhimehi heṭṭhimehi uparimānaṃ uparimānaṃ paṇītatamā hoti, taṃ yathāsakaṃ divasavaseneva divase divase bhuñjanti. Keci pana ‘‘biḷārapadappamāṇaṃ sudhāhāraṃ bhuñjanti, so jivhāya ṭhapitamatto yāva kesagganakhaggā kāyaṃ pharati, tesaṃyeva divasavasena satta divase yāpanasamattho hotī’’ti vadanti. Asamayavimuttiyā vimuttoti maggavimokkhena vimutto. Aṭṭhannañhi samāpattīnaṃ samāpajjanassa samayopi atthi tassa asamayopi, maggavimokkhena pana vimuccanassa samayo vā asamayo vā natthi. Yassa saddhā balavatī, vipassanā ca āraddhā, tassa gacchantassa tiṭṭhantassa nisīdantassa nipajjantassa khādantassa bhuñjantassa ca maggaphalappaṭivedho nāma na hotīti na vattabbaṃ. Iti maggavimokkhena vimuccantassa samayo vā asamayo vā natthīti maggavimokkho asamayavimutti nāma. Catutthe natthi vattabbaṃ.
පඨමමහානාමසුත්‌තාදිවණ්‌ණනා නිට්‌ඨිතා.
Paṭhamamahānāmasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
1. පඨමමහානාමසුත්‌තං • 1. Paṭhamamahānāmasuttaṃ
2. දුතියමහානාමසුත්‌තං • 2. Dutiyamahānāmasuttaṃ
3. නන්‌දියසුත්‌තං • 3. Nandiyasuttaṃ
4. සුභූතිසුත්‌තං • 4. Subhūtisuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
1-2. මහානාමසුත්‌තද්‌වයවණ්‌ණනා • 1-2. Mahānāmasuttadvayavaṇṇanā
3. නන්‌දියසුත්‌තවණ්‌ණනා • 3. Nandiyasuttavaṇṇanā
4. සුභූතිසුත්‌තවණ්‌ණනා • 4. Subhūtisuttavaṇṇanā
