| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. батамамахаабан̃хаасуд̇д̇ам̣
7. Paṭhamamahāpañhāsuttaṃ
27. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа бависим̣су. ат̇а ко д̇зсам̣ бхигкуунам̣ зд̇ад̣̇ахоси – ‘‘ад̇иббаг̇о ко д̇аава саавад̇т̇ияам̣ бин̣д̣ааяа жарид̇ум̣; яам̣нууна маяам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяаамаа’’д̇и.
27. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisiṃsu. Atha kho tesaṃ bhikkhūnaṃ etadahosi – ‘‘atippago kho tāva sāvatthiyaṃ piṇḍāya carituṃ; yaṃnūna mayaṃ yena aññatitthiyānaṃ paribbājakānaṃ ārāmo tenupasaṅkameyyāmā’’ti.
ат̇а ко д̇з бхигкуу язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамим̣су; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з бхигкуу д̇з ан̃н̃ад̇ид̇т̇ияаа бариб̣б̣ааж̇агаа зд̇ад̣̇авожум̣ –
Atha kho te bhikkhū yena aññatitthiyānaṃ paribbājakānaṃ ārāmo tenupasaṅkamiṃsu; upasaṅkamitvā tehi aññatitthiyehi paribbājakehi saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinne kho te bhikkhū te aññatitthiyā paribbājakā etadavocuṃ –
‘‘саман̣о, аавусо, г̇од̇амо саавагаанам̣ звам̣ д̇хаммам̣ д̣̇зсзд̇и – ‘зт̇а д̇умхз, бхигкавз, саб̣б̣ам̣ д̇хаммам̣ абхиж̇аанаат̇а, саб̣б̣ам̣ д̇хаммам̣ абхин̃н̃ааяа вихарат̇аа’д̇и; маяамби ко, аавусо, саавагаанам̣ звам̣ д̇хаммам̣ д̣̇зсзма – ‘зт̇а д̇умхз, аавусо, саб̣б̣ам̣ д̇хаммам̣ абхиж̇аанаат̇а, саб̣б̣ам̣ д̇хаммам̣ абхин̃н̃ааяа вихарат̇аа’д̇и. ид̇ха но, аавусо, го висзсо го ад̇хиббаяаасо гим̣ наанаагаран̣ам̣ саман̣асса ваа г̇од̇амасса амхаагам̣ ваа, яад̣̇ид̣̇ам̣ д̇хаммад̣̇зсанааяа ваа д̇хаммад̣̇зсанам̣ анусаасанияаа ваа анусаасани’’нд̇и?
‘‘Samaṇo, āvuso, gotamo sāvakānaṃ evaṃ dhammaṃ deseti – ‘etha tumhe, bhikkhave, sabbaṃ dhammaṃ abhijānātha, sabbaṃ dhammaṃ abhiññāya viharathā’ti; mayampi kho, āvuso, sāvakānaṃ evaṃ dhammaṃ desema – ‘etha tumhe, āvuso, sabbaṃ dhammaṃ abhijānātha, sabbaṃ dhammaṃ abhiññāya viharathā’ti. Idha no, āvuso, ko viseso ko adhippayāso kiṃ nānākaraṇaṃ samaṇassa vā gotamassa amhākaṃ vā, yadidaṃ dhammadesanāya vā dhammadesanaṃ anusāsaniyā vā anusāsani’’nti?
ат̇а ко д̇з бхигкуу д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ бхаасид̇ам̣ нзва абхинанд̣̇им̣су наббадиггосим̣су. анабхинанд̣̇ид̇ваа аббадиггосид̇ваа удтааяаасанаа баггамим̣су – ‘‘бхаг̇авад̇о санд̇игз зд̇асса бхаасид̇асса ад̇т̇ам̣ ааж̇ааниссаамаа’’д̇и.
Atha kho te bhikkhū tesaṃ aññatitthiyānaṃ paribbājakānaṃ bhāsitaṃ neva abhinandiṃsu nappaṭikkosiṃsu. Anabhinanditvā appaṭikkositvā uṭṭhāyāsanā pakkamiṃsu – ‘‘bhagavato santike etassa bhāsitassa atthaṃ ājānissāmā’’ti.
ат̇а ко д̇з бхигкуу саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ –
Atha kho te bhikkhū sāvatthiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ –
‘‘ид̇ха маяам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа бависимхаа. д̇зсам̣ но, бханд̇з, амхаагам̣ зд̇ад̣̇ахоси – ‘ад̇иббаг̇о ко д̇аава саавад̇т̇ияам̣ бин̣д̣ааяа жарид̇ум̣; яам̣нууна маяам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяаамаа’д̇и. ат̇а ко маяам̣, бханд̇з, язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамимхаа; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇имхаа. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇имхаа. згаманд̇ам̣ нисиннз ко, бханд̇з, ан̃н̃ад̇ид̇т̇ияаа бариб̣б̣ааж̇агаа амхз зд̇ад̣̇авожум̣ –
‘‘Idha mayaṃ, bhante, pubbaṇhasamayaṃ nivāsetvā pattacīvaramādāya sāvatthiṃ piṇḍāya pavisimhā. Tesaṃ no, bhante, amhākaṃ etadahosi – ‘atippago kho tāva sāvatthiyaṃ piṇḍāya carituṃ; yaṃnūna mayaṃ yena aññatitthiyānaṃ paribbājakānaṃ ārāmo tenupasaṅkameyyāmā’ti. Atha kho mayaṃ, bhante, yena aññatitthiyānaṃ paribbājakānaṃ ārāmo tenupasaṅkamimhā; upasaṅkamitvā tehi aññatitthiyehi paribbājakehi saddhiṃ sammodimhā. Sammodanīyaṃ kathaṃ sāraṇīyaṃ vītisāretvā ekamantaṃ nisīdimhā. Ekamantaṃ nisinne kho, bhante, aññatitthiyā paribbājakā amhe etadavocuṃ –
‘саман̣о, аавусо, г̇од̇амо саавагаанам̣ звам̣ д̇хаммам̣ д̣̇зсзд̇и – зт̇а д̇умхз, бхигкавз, саб̣б̣ам̣ д̇хаммам̣ абхиж̇аанаат̇а, саб̣б̣ам̣ д̇хаммам̣ абхин̃н̃ааяа вихарат̇аад̇и; маяамби ко, аавусо, саавагаанам̣ звам̣ д̇хаммам̣ д̣̇зсзма – зт̇а д̇умхз, аавусо, саб̣б̣ам̣ д̇хаммам̣ абхиж̇аанаат̇а, саб̣б̣ам̣ д̇хаммам̣ абхин̃н̃ааяа вихарат̇аад̇и. ид̇ха но, аавусо, го висзсо го ад̇хиббаяаасо гим̣ наанаагаран̣ам̣ саман̣асса ваа г̇од̇амасса амхаагам̣ ваа, яад̣̇ид̣̇ам̣ д̇хаммад̣̇зсанааяа ваа д̇хаммад̣̇зсанам̣ анусаасанияаа ваа анусаасани’нд̇и?
‘Samaṇo, āvuso, gotamo sāvakānaṃ evaṃ dhammaṃ deseti – etha tumhe, bhikkhave, sabbaṃ dhammaṃ abhijānātha, sabbaṃ dhammaṃ abhiññāya viharathāti; mayampi kho, āvuso, sāvakānaṃ evaṃ dhammaṃ desema – etha tumhe, āvuso, sabbaṃ dhammaṃ abhijānātha, sabbaṃ dhammaṃ abhiññāya viharathāti. Idha no, āvuso, ko viseso ko adhippayāso kiṃ nānākaraṇaṃ samaṇassa vā gotamassa amhākaṃ vā, yadidaṃ dhammadesanāya vā dhammadesanaṃ anusāsaniyā vā anusāsani’nti?
‘‘ат̇а ко маяам̣, бханд̇з, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ бхаасид̇ам̣ нзва абхинанд̣̇имхаа наббадиггосимхаа. анабхинанд̣̇ид̇ваа аббадиггосид̇ваа удтааяаасанаа баггамимхаа – ‘бхаг̇авад̇о санд̇игз зд̇асса бхаасид̇асса ад̇т̇ам̣ ааж̇ааниссаамаа’’’д̇и.
‘‘Atha kho mayaṃ, bhante, tesaṃ aññatitthiyānaṃ paribbājakānaṃ bhāsitaṃ neva abhinandimhā nappaṭikkosimhā. Anabhinanditvā appaṭikkositvā uṭṭhāyāsanā pakkamimhā – ‘bhagavato santike etassa bhāsitassa atthaṃ ājānissāmā’’’ti.
‘‘звам̣ваад̣̇ино, бхигкавз, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘зго, аавусо, бан̃хо зго уд̣̇д̣̇зсо згам̣ взяяаагаран̣ам̣, д̣̇вз бан̃хаа д̣̇вз уд̣̇д̣̇зсаа д̣̇вз взяяаагаран̣аани, д̇аяо бан̃хаа д̇аяо уд̣̇д̣̇зсаа д̇ийн̣и взяяаагаран̣аани, жад̇д̇ааро бан̃хаа жад̇д̇ааро уд̣̇д̣̇зсаа жад̇д̇аари взяяаагаран̣аани, бан̃жа бан̃хаа бан̃жуд̣̇д̣̇зсаа бан̃жа взяяаагаран̣аани, ча бан̃хаа ча уд̣̇д̣̇зсаа ча взяяаагаран̣аани, сад̇д̇а бан̃хаа сад̇д̇уд̣̇д̣̇зсаа сад̇д̇а взяяаагаран̣аани, адта бан̃хаа адтуд̣̇д̣̇зсаа адта взяяаагаран̣аани, нава бан̃хаа навуд̣̇д̣̇зсаа нава взяяаагаран̣аани, д̣̇аса бан̃хаа д̣̇асуд̣̇д̣̇зсаа д̣̇аса взяяаагаран̣ааний’д̇и. звам̣ будтаа, бхигкавз, ан̃н̃ад̇ид̇т̇ияаа бариб̣б̣ааж̇агаа на жзва самбааяиссанд̇и, уд̇д̇ари жа вигхаад̇ам̣ аабаж̇ж̇иссанд̇и. д̇ам̣ гисса хзд̇у? яат̇аа д̇ам̣, бхигкавз, ависаяасмим̣. наахам̣ д̇ам̣, бхигкавз, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа яо имзсам̣ бан̃хаанам̣ взяяаагаран̣зна жид̇д̇ам̣ аараад̇хзяяа, ан̃н̃ад̇ра д̇ат̇ааг̇ад̇зна ваа д̇ат̇ааг̇ад̇асаавагзна ваа ид̇о ваа бана суд̇ваа.
‘‘Evaṃvādino, bhikkhave, aññatitthiyā paribbājakā evamassu vacanīyā – ‘eko, āvuso, pañho eko uddeso ekaṃ veyyākaraṇaṃ, dve pañhā dve uddesā dve veyyākaraṇāni, tayo pañhā tayo uddesā tīṇi veyyākaraṇāni, cattāro pañhā cattāro uddesā cattāri veyyākaraṇāni, pañca pañhā pañcuddesā pañca veyyākaraṇāni, cha pañhā cha uddesā cha veyyākaraṇāni, satta pañhā sattuddesā satta veyyākaraṇāni, aṭṭha pañhā aṭṭhuddesā aṭṭha veyyākaraṇāni, nava pañhā navuddesā nava veyyākaraṇāni, dasa pañhā dasuddesā dasa veyyākaraṇānī’ti. Evaṃ puṭṭhā, bhikkhave, aññatitthiyā paribbājakā na ceva sampāyissanti, uttari ca vighātaṃ āpajjissanti. Taṃ kissa hetu? Yathā taṃ, bhikkhave, avisayasmiṃ. Nāhaṃ taṃ, bhikkhave, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yo imesaṃ pañhānaṃ veyyākaraṇena cittaṃ ārādheyya, aññatra tathāgatena vā tathāgatasāvakena vā ito vā pana sutvā.
‘‘‘зго бан̃хо зго уд̣̇д̣̇зсо згам̣ взяяаагаран̣а’нд̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? згад̇хаммз, бхигкавз, бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амасмим̣ згад̇хаммз? ‘саб̣б̣з сад̇д̇аа аахаарадтид̇игаа’ – имасмим̣ ко, бхигкавз, згад̇хаммз бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘зго бан̃хо зго уд̣̇д̣̇зсо згам̣ взяяаагаран̣а’нд̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Eko pañho eko uddeso ekaṃ veyyākaraṇa’nti, iti kho panetaṃ vuttaṃ. Kiñcetaṃ paṭicca vuttaṃ? Ekadhamme, bhikkhave, bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamasmiṃ ekadhamme? ‘Sabbe sattā āhāraṭṭhitikā’ – imasmiṃ kho, bhikkhave, ekadhamme bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Eko pañho eko uddeso ekaṃ veyyākaraṇa’nti, iti yaṃ taṃ vuttaṃ idametaṃ paṭicca vuttaṃ.
‘‘‘д̣̇вз бан̃хаа д̣̇вз уд̣̇д̣̇зсаа д̣̇вз взяяаагаран̣ааний’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̣̇вийсу, бхигкавз, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу д̣̇вийсу? наамз жа руубз жа – имзсу ко, бхигкавз, д̣̇вийсу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘д̣̇вз бан̃хаа д̣̇вз уд̣̇д̣̇зсаа д̣̇вз взяяаагаран̣ааний’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Dve pañhā dve uddesā dve veyyākaraṇānī’ti, iti kho panetaṃ vuttaṃ. Kiñcetaṃ paṭicca vuttaṃ? Dvīsu, bhikkhave, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu dvīsu? Nāme ca rūpe ca – imesu kho, bhikkhave, dvīsu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Dve pañhā dve uddesā dve veyyākaraṇānī’ti, iti yaṃ taṃ vuttaṃ idametaṃ paṭicca vuttaṃ.
‘‘‘д̇аяо бан̃хаа д̇аяо уд̣̇д̣̇зсаа д̇ийн̣и взяяаагаран̣ааний’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̇ийсу, бхигкавз, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и . гад̇амзсу д̇ийсу? д̇ийсу взд̣̇анаасу – имзсу ко, бхигкавз, д̇ийсу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘д̇аяо бан̃хаа д̇аяо уд̣̇д̣̇зсаа д̇ийн̣и взяяаагаран̣ааний’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Tayo pañhā tayo uddesā tīṇi veyyākaraṇānī’ti, iti kho panetaṃ vuttaṃ. Kiñcetaṃ paṭicca vuttaṃ? Tīsu, bhikkhave, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti . Katamesu tīsu? Tīsu vedanāsu – imesu kho, bhikkhave, tīsu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Tayo pañhā tayo uddesā tīṇi veyyākaraṇānī’ti, iti yaṃ taṃ vuttaṃ idametaṃ paṭicca vuttaṃ.
‘‘‘жад̇д̇ааро бан̃хаа жад̇д̇ааро уд̣̇д̣̇зсаа жад̇д̇аари взяяаагаран̣ааний’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? жад̇уусу , бхигкавз, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу жад̇уусу? жад̇уусу аахаарзсу – имзсу ко, бхигкавз, жад̇уусу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘жад̇д̇ааро бан̃хаа жад̇д̇ааро уд̣̇д̣̇зсаа жад̇д̇аари взяяаагаран̣ааний’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Cattāro pañhā cattāro uddesā cattāri veyyākaraṇānī’ti, iti kho panetaṃ vuttaṃ. Kiñcetaṃ paṭicca vuttaṃ? Catūsu , bhikkhave, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu catūsu? Catūsu āhāresu – imesu kho, bhikkhave, catūsu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Cattāro pañhā cattāro uddesā cattāri veyyākaraṇānī’ti, iti yaṃ taṃ vuttaṃ idametaṃ paṭicca vuttaṃ.
‘‘‘бан̃жа бан̃хаа бан̃жуд̣̇д̣̇зсаа бан̃жа взяяаагаран̣ааний’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? бан̃жасу, бхигкавз, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу бан̃жасу? бан̃жасу убаад̣̇аанагканд̇хзсу – имзсу ко, бхигкавз, бан̃жасу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и . ‘бан̃жа бан̃хаа бан̃жуд̣̇д̣̇зсаа бан̃жа взяяаагаран̣ааний’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Pañca pañhā pañcuddesā pañca veyyākaraṇānī’ti, iti kho panetaṃ vuttaṃ. Kiñcetaṃ paṭicca vuttaṃ? Pañcasu, bhikkhave, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu pañcasu? Pañcasu upādānakkhandhesu – imesu kho, bhikkhave, pañcasu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti . ‘Pañca pañhā pañcuddesā pañca veyyākaraṇānī’ti, iti yaṃ taṃ vuttaṃ idametaṃ paṭicca vuttaṃ.
‘‘‘ча бан̃хаа ча уд̣̇д̣̇зсаа ча взяяаагаран̣ааний’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? часу, бхигкавз, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу часу? часу аж̇жхад̇д̇игзсу ааяад̇анзсу – имзсу ко, бхигкавз, часу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘ча бан̃хаа ча уд̣̇д̣̇зсаа ча взяяаагаран̣ааний’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Cha pañhā cha uddesā cha veyyākaraṇānī’ti, iti kho panetaṃ vuttaṃ. Kiñcetaṃ paṭicca vuttaṃ? Chasu, bhikkhave, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu chasu? Chasu ajjhattikesu āyatanesu – imesu kho, bhikkhave, chasu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Cha pañhā cha uddesā cha veyyākaraṇānī’ti, iti yaṃ taṃ vuttaṃ idametaṃ paṭicca vuttaṃ.
‘‘‘сад̇д̇а бан̃хаа сад̇д̇уд̣̇д̣̇зсаа сад̇д̇а взяяаагаран̣ааний’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? сад̇д̇асу, бхигкавз, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу сад̇д̇асу? сад̇д̇асу вин̃н̃аан̣адтид̇ийсу – имзсу ко, бхигкавз, сад̇д̇асу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘сад̇д̇а бан̃хаа сад̇д̇уд̣̇д̣̇зсаа сад̇д̇а взяяаагаран̣ааний’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Satta pañhā sattuddesā satta veyyākaraṇānī’ti, iti kho panetaṃ vuttaṃ. Kiñcetaṃ paṭicca vuttaṃ? Sattasu, bhikkhave, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu sattasu? Sattasu viññāṇaṭṭhitīsu – imesu kho, bhikkhave, sattasu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Satta pañhā sattuddesā satta veyyākaraṇānī’ti, iti yaṃ taṃ vuttaṃ idametaṃ paṭicca vuttaṃ.
‘‘‘адта бан̃хаа адтуд̣̇д̣̇зсаа адта взяяаагаран̣ааний’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? адтасу, бхигкавз , д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу адтасу? адтасу логад̇хаммзсу – имзсу ко, бхигкавз, адтасу д̇хаммзсу бхигку саммаа ниб̣б̣инд̣̇амаано…бз… д̣̇угкассанд̇агаро ход̇и. ‘адта бан̃хаа адтуд̣̇д̣̇зсаа адта взяяаагаран̣ааний’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Aṭṭha pañhā aṭṭhuddesā aṭṭha veyyākaraṇānī’ti, iti kho panetaṃ vuttaṃ. Kiñcetaṃ paṭicca vuttaṃ? Aṭṭhasu, bhikkhave , dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu aṭṭhasu? Aṭṭhasu lokadhammesu – imesu kho, bhikkhave, aṭṭhasu dhammesu bhikkhu sammā nibbindamāno…pe… dukkhassantakaro hoti. ‘Aṭṭha pañhā aṭṭhuddesā aṭṭha veyyākaraṇānī’ti, iti yaṃ taṃ vuttaṃ idametaṃ paṭicca vuttaṃ.
‘‘‘нава бан̃хаа навуд̣̇д̣̇зсаа нава взяяаагаран̣ааний’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? навасу, бхигкавз, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу навасу? навасу сад̇д̇ааваасзсу – имзсу ко, бхигкавз, навасу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘нава бан̃хаа навуд̣̇д̣̇зсаа нава взяяаагаран̣ааний’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Nava pañhā navuddesā nava veyyākaraṇānī’ti, iti kho panetaṃ vuttaṃ. Kiñcetaṃ paṭicca vuttaṃ? Navasu, bhikkhave, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu navasu? Navasu sattāvāsesu – imesu kho, bhikkhave, navasu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Nava pañhā navuddesā nava veyyākaraṇānī’ti, iti yaṃ taṃ vuttaṃ idametaṃ paṭicca vuttaṃ.
‘‘‘д̣̇аса бан̃хаа д̣̇асуд̣̇д̣̇зсаа д̣̇аса взяяаагаран̣ааний’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̣̇асасу, бхигкавз, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу д̣̇асасу? д̣̇асасу агусалзсу гаммабат̇зсу – имзсу ко, бхигкавз, д̣̇асасу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и . ‘д̣̇аса бан̃хаа д̣̇асуд̣̇д̣̇зсаа д̣̇аса взяяаагаран̣ааний’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇а’’нд̇и. сад̇д̇амам̣.
‘‘‘Dasa pañhā dasuddesā dasa veyyākaraṇānī’ti, iti kho panetaṃ vuttaṃ. Kiñcetaṃ paṭicca vuttaṃ? Dasasu, bhikkhave, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu dasasu? Dasasu akusalesu kammapathesu – imesu kho, bhikkhave, dasasu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti . ‘Dasa pañhā dasuddesā dasa veyyākaraṇānī’ti, iti yaṃ taṃ vuttaṃ idametaṃ paṭicca vutta’’nti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. батамамахаабан̃хасуд̇д̇аван̣н̣анаа • 7. Paṭhamamahāpañhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. батамамахаабан̃хасуд̇д̇аван̣н̣анаа • 7. Paṭhamamahāpañhasuttavaṇṇanā
