| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. батамамахаабан̃хасуд̇д̇аван̣н̣анаа
7. Paṭhamamahāpañhasuttavaṇṇanā
27. сад̇д̇амз абхиж̇аанаат̇аад̇и абхиж̇аанид̇ваа бажжагкам̣ гад̇ваа вихарат̇а. абхин̃н̃ааяаад̇и абхиж̇аанид̇ваа. ид̇хаад̇и имааяа. д̇хаммад̣̇зсанааяа ваа д̇хаммад̣̇зсананд̇и яад̣̇ид̣̇ам̣ саман̣асса г̇од̇амасса д̇хаммад̣̇зсанааяа сад̣̇д̇хим̣ амхаагам̣ д̇хаммад̣̇зсанам̣, амхаагам̣ ваа д̇хаммад̣̇зсанааяа сад̣̇д̇хим̣ саман̣асса г̇од̇амасса д̇хаммад̣̇зсанам̣ аараб̣бха наанаагаран̣ам̣ вужжзт̇а, д̇ам̣ гим̣ наамаад̇и вад̣̇анд̇и. д̣̇уд̇ияабад̣̇зби зсзва наяо. ид̇и д̇з маж̇жхз бхиннасуван̣н̣ам̣ вияа саасанзна сад̣̇д̇хим̣ ад̇д̇ано лад̣̇д̇хим̣ важанамад̇д̇зна самад̇хурам̣ табаяим̣су. нзва абхинанд̣̇им̣сууд̇и ‘‘звамзд̇а’’нд̇и на самбадижчим̣су. наббадиггосим̣сууд̇и ‘‘на ид̣̇ам̣ зва’’нд̇и наббадисзд̇хзсум̣. гасмаа? д̇з гира ‘‘д̇ид̇т̇ияаа наама анд̇хасад̣̇исаа ж̇аанид̇ваа ваа аж̇аанид̇ваа ваа гат̇зяяу’’нд̇и наабхинанд̣̇им̣су.
27. Sattame abhijānāthāti abhijānitvā paccakkhaṃ katvā viharatha. Abhiññāyāti abhijānitvā. Idhāti imāya. Dhammadesanāya vā dhammadesananti yadidaṃ samaṇassa gotamassa dhammadesanāya saddhiṃ amhākaṃ dhammadesanaṃ, amhākaṃ vā dhammadesanāya saddhiṃ samaṇassa gotamassa dhammadesanaṃ ārabbha nānākaraṇaṃ vuccetha, taṃ kiṃ nāmāti vadanti. Dutiyapadepi eseva nayo. Iti te majjhe bhinnasuvaṇṇaṃ viya sāsanena saddhiṃ attano laddhiṃ vacanamattena samadhuraṃ ṭhapayiṃsu. Neva abhinandiṃsūti ‘‘evameta’’nti na sampaṭicchiṃsu. Nappaṭikkosiṃsūti ‘‘na idaṃ eva’’nti nappaṭisedhesuṃ. Kasmā? Te kira ‘‘titthiyā nāma andhasadisā jānitvā vā ajānitvā vā katheyyu’’nti nābhinandiṃsu.
на самбааяиссанд̇ийд̇и самбаад̣̇зд̇ваа гат̇зд̇ум̣ на сагкиссанд̇и. уд̇д̇ари жа вигхаад̇анд̇и асамбаад̣̇анад̇о уд̇д̇аримби д̣̇угкам̣ аабаж̇ж̇иссанд̇и. самбаад̣̇зд̇ваа гат̇зд̇ум̣ асаггонд̇аанан̃хи д̣̇угкам̣ уббаж̇ж̇ад̇и. яат̇аа д̇ам̣, бхигкавз, ависаяасминд̇и зд̇т̇а жа д̇анд̇и нибаад̇амад̇д̇ам̣. яат̇аад̇и гааран̣аважанам̣, яасмаа ависаяз бан̃хам̣ бужчид̇аа хонд̇ийд̇и ад̇т̇о. ид̇о ваа бана суд̇ваад̇и ид̇о ваа бана мама саасанад̇о суд̇ваа. ид̇од̇и д̇ат̇ааг̇ад̇ад̇оби д̇ат̇ааг̇ад̇асаавагад̇оби. аараад̇хзяяаад̇и барид̇осзяяа, ан̃н̃ат̇аа аараад̇ханам̣ наама над̇т̇ийд̇и д̣̇ассзд̇и.
Nasampāyissantīti sampādetvā kathetuṃ na sakkhissanti. Uttari ca vighātanti asampādanato uttarimpi dukkhaṃ āpajjissanti. Sampādetvā kathetuṃ asakkontānañhi dukkhaṃ uppajjati. Yathā taṃ, bhikkhave, avisayasminti ettha ca tanti nipātamattaṃ. Yathāti kāraṇavacanaṃ, yasmā avisaye pañhaṃ pucchitā hontīti attho. Ito vā pana sutvāti ito vā pana mama sāsanato sutvā. Itoti tathāgatatopi tathāgatasāvakatopi. Ārādheyyāti paritoseyya, aññathā ārādhanaṃ nāma natthīti dasseti.
згад̇хаммзд̇и згасмим̣ д̇хаммз. иминаа уд̣̇д̣̇зсо д̣̇ассид̇о. барад̇о гад̇амасмим̣ згад̇хаммзд̇и иминаа бан̃хо д̣̇ассид̇о. саб̣б̣з сад̇д̇аа аахаарадтид̇игаад̇и ид̣̇ам̣ банзд̇т̇а взяяаагаран̣ам̣. сзсзсуби зсзва наяо. саммаа ниб̣б̣инд̣̇амаанод̇иаад̣̇ийсу бана саммаа хзд̇унаа наязна ниб̣б̣ид̣̇аанубассанааяа ниб̣б̣инд̣̇анд̇о угган̣танд̇о, вирааг̇аанубассанааяа вираж̇ж̇анд̇о, бадисан̇каанубассанааяа мужжанасса убааяам̣ гад̇ваа вимужжамаано, ад̇химогкавасзна ваа вимужжамаано саннидтаанам̣ гурумаанод̇и ад̇т̇о. уд̣̇аяаб̣б̣аязхи барижчинд̣̇ид̇ваа буб̣б̣анд̇аабаранд̇ад̣̇ассанзна саммаа барияанд̇ад̣̇ассаавий. саммад̣̇ад̇т̇ам̣ абхисамзжжаад̇и саммаа сабхааг̇ад̇т̇ам̣ н̃аан̣зна абхисамааг̇анд̇ваа. д̣̇угкассанд̇агаро ход̇ийд̇и сагалаваддад̣̇угкасса барияанд̇ам̣ баривадумам̣ гаро ход̇и.
Ekadhammeti ekasmiṃ dhamme. Iminā uddeso dassito. Parato katamasmiṃ ekadhammeti iminā pañho dassito. Sabbe sattā āhāraṭṭhitikāti idaṃ panettha veyyākaraṇaṃ. Sesesupi eseva nayo. Sammā nibbindamānotiādīsu pana sammā hetunā nayena nibbidānupassanāya nibbindanto ukkaṇṭhanto, virāgānupassanāya virajjanto, paṭisaṅkhānupassanāya muccanassa upāyaṃ katvā vimuccamāno, adhimokkhavasena vā vimuccamāno sanniṭṭhānaṃ kurumānoti attho. Udayabbayehi paricchinditvā pubbantāparantadassanena sammā pariyantadassāvī. Sammadatthaṃ abhisameccāti sammā sabhāgatthaṃ ñāṇena abhisamāgantvā. Dukkhassantakaro hotīti sakalavaṭṭadukkhassa pariyantaṃ parivaṭumaṃ karo hoti.
саб̣б̣з сад̇д̇аад̇и гаамабхаваад̣̇ийсу згавогаарабхаваад̣̇ийсу жа саб̣б̣абхавзсу саб̣б̣з сад̇д̇аа. аахаарадтид̇игаад̇и аахаарад̇о тид̇и зд̇зсанд̇и аахаарадтид̇игаа. ид̇и саб̣б̣асад̇д̇аанамби тид̇ихзд̇у аахааро наама зго д̇хаммо, д̇асмим̣ згад̇хаммз. нану жа звам̣ санд̇з яам̣ вуд̇д̇ам̣ – ‘‘асан̃н̃асад̇д̇аа д̣̇зваа ахзд̇угаа анаахаараа апассагаа’’д̇иаад̣̇и (вибха. 1017), д̇ам̣ вируж̇жхад̇ийд̇и. на вируж̇жхад̇и. д̇зсан̃хи жхаанам̣ аахааро ход̇и. звам̣ санд̇зби ‘‘жад̇д̇ааромз, бхигкавз, аахаараа’’д̇и (сам̣. ни. 2.11) ид̣̇ам̣ вируж̇жхад̇ийд̇и. ид̣̇амби на вируж̇жхад̇и. зд̇асмин̃хи суд̇д̇з ниббарияааязна аахааралагкан̣аа д̇хаммаа аахаараад̇и вуд̇д̇аа, ид̇ха бана барияааязна бажжаяо аахаарод̇и вуд̇д̇о. саб̣б̣ад̇хаммаанан̃хи бажжаяо лад̣̇д̇хум̣ ваддад̇и. со жа яам̣ яам̣ палам̣ ж̇анзд̇и, д̇ам̣ д̇ам̣ аахарад̇и наама. д̇асмаа аахаарод̇и вужжад̇и. д̇знзвааха – ‘‘авиж̇ж̇амбаахам̣, бхигкавз, саахаарам̣ вад̣̇аами, но анаахаарам̣. го жа, бхигкавз, авиж̇ж̇ааяа аахааро? бан̃жа нийваран̣аад̇исса важанийяа’’нд̇и (а. ни. 10.61). аяам̣ ид̇ха ад̇хиббзд̇о. зд̇асмин̃хи бажжаяаахаарз г̇ахид̇з барияааяаахаароби ниббарияааяаахаароби саб̣б̣о г̇ахид̇ова ход̇и.
Sabbe sattāti kāmabhavādīsu ekavokārabhavādīsu ca sabbabhavesu sabbe sattā. Āhāraṭṭhitikāti āhārato ṭhiti etesanti āhāraṭṭhitikā. Iti sabbasattānampi ṭhitihetu āhāro nāma eko dhammo, tasmiṃ ekadhamme. Nanu ca evaṃ sante yaṃ vuttaṃ – ‘‘asaññasattā devā ahetukā anāhārā aphassakā’’tiādi (vibha. 1017), taṃ virujjhatīti. Na virujjhati. Tesañhi jhānaṃ āhāro hoti. Evaṃ santepi ‘‘cattārome, bhikkhave, āhārā’’ti (saṃ. ni. 2.11) idaṃ virujjhatīti. Idampi na virujjhati. Etasmiñhi sutte nippariyāyena āhāralakkhaṇā dhammā āhārāti vuttā, idha pana pariyāyena paccayo āhāroti vutto. Sabbadhammānañhi paccayo laddhuṃ vaṭṭati. So ca yaṃ yaṃ phalaṃ janeti, taṃ taṃ āharati nāma. Tasmā āhāroti vuccati. Tenevāha – ‘‘avijjampāhaṃ, bhikkhave, sāhāraṃ vadāmi, no anāhāraṃ. Ko ca, bhikkhave, avijjāya āhāro? Pañca nīvaraṇātissa vacanīya’’nti (a. ni. 10.61). Ayaṃ idha adhippeto. Etasmiñhi paccayāhāre gahite pariyāyāhāropi nippariyāyāhāropi sabbo gahitova hoti.
д̇ад̇т̇а асан̃н̃ийбхавз бажжаяаахааро лаб̣бхад̇и. ануббаннз хи б̣уд̣̇д̇хз д̇ид̇т̇ааяад̇анз баб̣б̣аж̇ид̇аа вааяогасин̣з баригаммам̣ гад̇ваа жад̇уд̇т̇аж̇жхаанам̣ ниб̣б̣ад̇д̇зд̇ваа д̇ад̇о вудтааяа ‘‘д̇хи жид̇д̇ам̣, д̇хи вад̇зд̇ам̣ жид̇д̇ам̣, жид̇д̇асса наама абхаавоязва саад̇ху. жид̇д̇ан̃хи ниссааяа вад̇хаб̣анд̇хаад̣̇ибажжаяам̣ д̣̇угкам̣ уббаж̇ж̇ад̇и. жид̇д̇з асад̇и над̇т̇зд̇а’’нд̇и канд̇им̣ ружим̣ уббаад̣̇зд̇ваа абарихийнаж̇жхаанаа гаалам̣ гад̇ваа асан̃н̃ийбхавз ниб̣б̣ад̇д̇анд̇и. яо яасса ирияаабат̇о мануссалогз бан̣ихид̇о ахоси, со д̇зна ирияаабат̇зна ниб̣б̣ад̇д̇ид̇ваа жид̇д̇аруубасад̣̇исо худ̇ваа бан̃жа габбасад̇аани д̇идтад̇и. зд̇д̇агам̣ ад̣̇д̇хаанам̣ саяид̇о вияа ход̇и. зваруубаанамби сад̇д̇аанам̣ бажжаяаахааро лаб̣бхад̇и. д̇з хи яам̣ жхаанам̣ бхаавзд̇ваа ниб̣б̣ад̇д̇аа, д̇ад̣̇зва нзсам̣ бажжаяо ход̇и. яат̇аа ж̇ияаавзг̇зна кид̇д̇асаро яаава ж̇ияаавзг̇о ад̇т̇и, д̇аава г̇ажчад̇и. звам̣ яаава жхаанабажжаяо ад̇т̇и, д̇аава д̇идтанд̇и. д̇асмим̣ нидтид̇з кийн̣авзг̇о вияа саро бад̇анд̇и. жаванагаалз жа д̇зсам̣ со руубагааяо анд̇арад̇хааяад̇и, гаамааважарасан̃н̃аа уббаж̇ж̇ад̇и, д̇зна сан̃н̃уббаад̣̇зна д̇з д̣̇зваа д̇амхаа гааяаа жуд̇аад̇и бан̃н̃ааяанд̇и.
Tattha asaññībhave paccayāhāro labbhati. Anuppanne hi buddhe titthāyatane pabbajitā vāyokasiṇe parikammaṃ katvā catutthajjhānaṃ nibbattetvā tato vuṭṭhāya ‘‘dhi cittaṃ, dhi vatetaṃ cittaṃ, cittassa nāma abhāvoyeva sādhu. Cittañhi nissāya vadhabandhādipaccayaṃ dukkhaṃ uppajjati. Citte asati nattheta’’nti khantiṃ ruciṃ uppādetvā aparihīnajjhānā kālaṃ katvā asaññībhave nibbattanti. Yo yassa iriyāpatho manussaloke paṇihito ahosi, so tena iriyāpathena nibbattitvā cittarūpasadiso hutvā pañca kappasatāni tiṭṭhati. Ettakaṃ addhānaṃ sayito viya hoti. Evarūpānampi sattānaṃ paccayāhāro labbhati. Te hi yaṃ jhānaṃ bhāvetvā nibbattā, tadeva nesaṃ paccayo hoti. Yathā jiyāvegena khittasaro yāva jiyāvego atthi, tāva gacchati. Evaṃ yāva jhānapaccayo atthi, tāva tiṭṭhanti. Tasmiṃ niṭṭhite khīṇavego viya saro patanti. Cavanakāle ca tesaṃ so rūpakāyo antaradhāyati, kāmāvacarasaññā uppajjati, tena saññuppādena te devā tamhā kāyā cutāti paññāyanti.
яз бана д̇з нзраяигаа нзва вудтаанапалуубаж̇ийвий, на бун̃н̃апалуубаж̇ийвийд̇и вуд̇д̇аа, д̇зсам̣ го аахаарод̇и? д̇зсам̣ гаммамзва аахааро . гим̣ бан̃жа аахаараа ад̇т̇ийд̇и? бан̃жа, на бан̃жаад̇и ид̣̇ам̣ на вад̇д̇аб̣б̣ам̣, нану ‘‘бажжаяо аахааро’’д̇и вуд̇д̇амзд̇ам̣. д̇асмаа язна гаммзна нираяз ниб̣б̣ад̇д̇анд̇и, д̇ад̣̇зва д̇зсам̣ тид̇ибажжаяад̇д̇аа аахааро ход̇и. яам̣ санд̇хааяа ид̣̇ам̣ вуд̇д̇ам̣ – ‘‘на жа д̇аава гаалам̣ гарод̇и, яаава на д̇ам̣ баабагаммам̣ б̣яанд̇ий ход̇ий’’д̇и (ма. ни. 3.250, 268; а. ни. 3.36).
Ye pana te nerayikā neva vuṭṭhānaphalūpajīvī, na puññaphalūpajīvīti vuttā, tesaṃ ko āhāroti? Tesaṃ kammameva āhāro . Kiṃ pañca āhārā atthīti? Pañca, na pañcāti idaṃ na vattabbaṃ, nanu ‘‘paccayo āhāro’’ti vuttametaṃ. Tasmā yena kammena niraye nibbattanti, tadeva tesaṃ ṭhitipaccayattā āhāro hoti. Yaṃ sandhāya idaṃ vuttaṃ – ‘‘na ca tāva kālaṃ karoti, yāva na taṃ pāpakammaṃ byantī hotī’’ti (ma. ni. 3.250, 268; a. ni. 3.36).
габ̣ал̣ийгаараахаарам̣ аараб̣бхааби жзд̇т̇а виваад̣̇о на гаад̇аб̣б̣о. мукз уббаж̇ж̇анакзл̣оби хи д̇зсам̣ аахаарагижжам̣ саад̇хзд̇и. кзл̣о хи нираяз д̣̇угкавзд̣̇анийяо худ̇ваа бажжаяо ход̇и, саг̇г̇з сукавзд̣̇анияо. ид̇и гаамабхавз ниббарияааязна жад̇д̇ааро аахаараа, руубааруубабхавзсу табзд̇ваа асан̃н̃з сзсаанам̣ д̇аяо, асан̃н̃аанан̃жзва авасзсаанан̃жа бажжаяаахаарод̇и иминаа аагаарзна саб̣б̣з сад̇д̇аа аахаарадтид̇игаад̇и взд̣̇ид̇аб̣б̣аа. д̇ад̇т̇а жад̇д̇ааро аахааро яо ваа бана гожи бажжаяаахааро д̣̇угкасажжам̣, аахаарасамудтаабигаа буримад̇ан̣хаа самуд̣̇аяасажжам̣, убхиннам̣ аббавад̇д̇и нирод̇хасажжам̣, нирод̇хаббаж̇аананаа бан̃н̃аа маг̇г̇асажжанд̇и звам̣ жад̇усажжавасзна саб̣б̣аваарзсу яож̇анаа гаад̇аб̣б̣аа.
Kabaḷīkārāhāraṃ ārabbhāpi cettha vivādo na kātabbo. Mukhe uppajjanakheḷopi hi tesaṃ āhārakiccaṃ sādheti. Kheḷo hi niraye dukkhavedanīyo hutvā paccayo hoti, sagge sukhavedaniyo. Iti kāmabhave nippariyāyena cattāro āhārā, rūpārūpabhavesu ṭhapetvā asaññe sesānaṃ tayo, asaññānañceva avasesānañca paccayāhāroti iminā ākārena sabbe sattā āhāraṭṭhitikāti veditabbā. Tattha cattāro āhāro yo vā pana koci paccayāhāro dukkhasaccaṃ, āhārasamuṭṭhāpikā purimataṇhā samudayasaccaṃ, ubhinnaṃ appavatti nirodhasaccaṃ, nirodhappajānanā paññā maggasaccanti evaṃ catusaccavasena sabbavāresu yojanā kātabbā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. батамамахаабан̃хаасуд̇д̇ам̣ • 7. Paṭhamamahāpañhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. батамамахаабан̃хасуд̇д̇аван̣н̣анаа • 7. Paṭhamamahāpañhasuttavaṇṇanā
