| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. батамамахаабан̃хасуд̇д̇аван̣н̣анаа
7. Paṭhamamahāpañhasuttavaṇṇanā
27. сад̇д̇амз вужжзт̇аад̇и вужжзяяа. д̣̇уд̇ияабад̣̇збийд̇и ‘‘анусаасанияаа ваа анусаасани’’нд̇и звам̣ д̣̇уд̇ияаваагязби. д̇з гира бхигкуу. на жзва самбааяиссанд̇ийд̇и на жзва саммад̣̇зва багаарзхи г̇ахзссанд̇и н̃аабзссанд̇и. д̇знааха ‘‘самбаад̣̇зд̇ваа гат̇зд̇ум̣ на сагкиссанд̇ий’’д̇и. яасмаа ависаяз бан̃хам̣ бужчид̇аа хонд̇и, д̇асмаа вигхаад̇ам̣ аабаж̇ж̇иссанд̇ийд̇и яож̇анаа. ан̃н̃ат̇аа аараад̇ханам̣ наама над̇т̇ийд̇и иминаа сабажжаяанаамаруубаанам̣ яаат̇аавад̇о аваб̣од̇хо зва ид̇о б̣аахирагаанам̣ над̇т̇и, гуд̇о бавзд̣̇анаад̇и д̣̇ассзд̇и. аараад̇хананд̇и яаат̇аавабавзд̣̇анзна жид̇д̇асса барид̇осанам̣.
27. Sattame vuccethāti vucceyya. Dutiyapadepīti ‘‘anusāsaniyā vā anusāsani’’nti evaṃ dutiyavākyepi. Te kira bhikkhū. Na ceva sampāyissantīti na ceva sammadeva pakārehi gahessanti ñāpessanti. Tenāha ‘‘sampādetvā kathetuṃ na sakkhissantī’’ti. Yasmā avisaye pañhaṃ pucchitā honti, tasmā vighātaṃ āpajjissantīti yojanā. Aññathā ārādhanaṃ nāma natthīti iminā sapaccayanāmarūpānaṃ yāthāvato avabodho eva ito bāhirakānaṃ natthi, kuto pavedanāti dasseti. Ārādhananti yāthāvapavedanena cittassa paritosanaṃ.
зго бан̃ход̇и зго бан̃хамаг̇г̇о, згам̣ бан̃хаг̇авзсананд̇и ад̇т̇о. зго уд̣̇д̣̇зсод̇и згам̣ уд̣̇д̣̇исанам̣ ад̇т̇асса сам̣кид̇д̇аважанам̣. взяяаагаран̣анд̇и нид̣̇д̣̇исанам̣ ад̇т̇асса виварид̇ваа гат̇анам̣. хзд̇унаад̇и ‘‘анд̇аванд̇ад̇о анажжанд̇игад̇о д̇аавагаалигад̇о нижжаббадигкзбад̇о’’д̇и звамаад̣̇инаа наязна яат̇аа имз сан̇каараа зд̇арахи, звам̣ ад̇ийд̇з анааг̇ад̇з жа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаад̇и ад̇ийд̇аанааг̇ад̇зсу наязна.
Eko pañhoti eko pañhamaggo, ekaṃ pañhagavesananti attho. Eko uddesoti ekaṃ uddisanaṃ atthassa saṃkhittavacanaṃ. Veyyākaraṇanti niddisanaṃ atthassa vivaritvā kathanaṃ. Hetunāti ‘‘antavantato anaccantikato tāvakālikato niccappaṭikkhepato’’ti evamādinā nayena yathā ime saṅkhārā etarahi, evaṃ atīte anāgate ca aniccā saṅkhatā paṭiccasamuppannā khayadhammā vayadhammā virāgadhammāti atītānāgatesu nayena.
саб̣б̣з сад̇д̇аад̇и анавасзсаа сад̇д̇аа. д̇з бана бхавабхзд̣̇ад̇о сан̇кзбзнзва бхинд̣̇ид̇ваа д̣̇ассзнд̇о ‘‘гаамабхаваад̣̇ийсуу’’д̇иаад̣̇имааха . б̣яад̇хигаран̣аанамби б̣аахирад̇т̇асамаасо ход̇и яат̇аа ‘‘урасиломо’’д̇и ааха ‘‘аахаарад̇о тид̇и зд̇зсанд̇и аахаарадтид̇игаа’’д̇и. д̇идтад̇и зд̇знаад̇и ваа тид̇и, аахааро тид̇и зд̇зсанд̇и аахаарадтид̇игаад̇и звам̣ ваа зд̇т̇а самаасавиг̇г̇ахо д̣̇адтаб̣б̣о. аахаарадтид̇игаад̇и бажжаяадтид̇игаа, бажжаяааяад̇д̇авуд̇д̇игаад̇и ад̇т̇о. бажжаяад̇т̇о хзд̇т̇а аахаарасад̣̇д̣̇о ‘‘аяамаахааро ануббаннасса ваа гаамажчанд̣̇асса уббаад̣̇ааяаа’’д̇иаад̣̇ийсу (сам̣. ни. 4.232) вияа. зван̃хи ‘‘саб̣б̣з сад̇д̇аа’’д̇и иминаа асан̃н̃асад̇д̇аа бариг̇г̇ахид̇аа хонд̇и. саа банааяам̣ аахаарадтид̇игад̇аа ниббарияааяад̇о сан̇каарад̇хаммо. д̇знааху адтагат̇аажарияаа ‘‘аахаарадтид̇игаад̇и ааг̇ад̇адтаанз сан̇кааралого взд̣̇ид̇аб̣б̣о’’д̇и (баараа. адта. 1.1 взран̃ж̇аган̣д̣аван̣н̣анаа; висуд̣̇д̇хи. 1.136). яад̣̇и звам̣ ‘‘саб̣б̣з сад̇д̇аа’’д̇и ид̣̇ам̣ гат̇анд̇и? буг̇г̇алаад̇хидтаанад̣̇зсанаад̇и нааяам̣ д̣̇осо. д̇знзвааха – ‘‘згад̇хаммз, бхигкавз, бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амасмим̣ згад̇хаммз? саб̣б̣з сад̇д̇аа аахаарадтид̇игаа’’д̇и. явааяам̣ буг̇г̇алаад̇хидтаанааяа гат̇ааяа саб̣б̣зсам̣ сан̇каараанам̣ бажжаяааяад̇д̇авуд̇д̇ид̇ааяа аахаарабарияааязна сааман̃н̃ад̇о бажжаяад̇хаммо вуд̇д̇о, аяам̣ аахааро наама зго д̇хаммо.
Sabbe sattāti anavasesā sattā. Te pana bhavabhedato saṅkhepeneva bhinditvā dassento ‘‘kāmabhavādīsū’’tiādimāha . Byadhikaraṇānampi bāhiratthasamāso hoti yathā ‘‘urasilomo’’ti āha ‘‘āhārato ṭhiti etesanti āhāraṭṭhitikā’’ti. Tiṭṭhati etenāti vā ṭhiti, āhāro ṭhiti etesanti āhāraṭṭhitikāti evaṃ vā ettha samāsaviggaho daṭṭhabbo. Āhāraṭṭhitikāti paccayaṭṭhitikā, paccayāyattavuttikāti attho. Paccayattho hettha āhārasaddo ‘‘ayamāhāro anuppannassa vā kāmacchandassa uppādāyā’’tiādīsu (saṃ. ni. 4.232) viya. Evañhi ‘‘sabbe sattā’’ti iminā asaññasattā pariggahitā honti. Sā panāyaṃ āhāraṭṭhitikatā nippariyāyato saṅkhāradhammo. Tenāhu aṭṭhakathācariyā ‘‘āhāraṭṭhitikāti āgataṭṭhāne saṅkhāraloko veditabbo’’ti (pārā. aṭṭha. 1.1 verañjakaṇḍavaṇṇanā; visuddhi. 1.136). Yadi evaṃ ‘‘sabbe sattā’’ti idaṃ kathanti? Puggalādhiṭṭhānadesanāti nāyaṃ doso. Tenevāha – ‘‘ekadhamme, bhikkhave, bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamasmiṃ ekadhamme? Sabbe sattā āhāraṭṭhitikā’’ti. Yvāyaṃ puggalādhiṭṭhānāya kathāya sabbesaṃ saṅkhārānaṃ paccayāyattavuttitāya āhārapariyāyena sāmaññato paccayadhammo vutto, ayaṃ āhāro nāma eko dhammo.
жод̣̇аго вуд̇д̇амби ад̇т̇ам̣ яаат̇аавад̇о аббадивиж̇жхамаано нзяяад̇т̇ам̣ суд̇д̇абад̣̇ам̣ нийд̇ад̇т̇ад̇о д̣̇аханд̇о ‘‘саб̣б̣з сад̇д̇аа’’д̇и важанамад̇д̇з тад̇ваа ‘‘нану жаа’’д̇иаад̣̇инаа жод̣̇зд̇и. аажарияо авибарийд̇ам̣ д̇ад̇т̇а яат̇аад̇хиббзд̇амад̇т̇ам̣ бавзд̣̇знд̇о ‘‘на вируж̇жхад̇ий’’д̇и вад̇ваа ‘‘д̇зсан̃хи жхаанам̣ аахааро ход̇ий’’д̇и ааха. жхаананд̇и згавогаарабхаваавахам̣ сан̃н̃ааяа вираж̇ж̇анавасзна бавад̇д̇аруубааважаражад̇уд̇т̇аж̇жхаанам̣. баал̣ияам̣ бана ‘‘анаахаараа’’д̇и важанам̣ асан̃н̃абхавз жад̇уннам̣ аахаараанам̣ абхаавам̣ санд̇хааяа вуд̇д̇ам̣, на бажжаяаахаарасса абхаавад̇о. звам̣ санд̇збийд̇и ид̣̇ам̣ саасанз язсу д̇хаммзсу висзсад̇о аахаарасад̣̇д̣̇о нирул̣хо, ‘‘аахаарадтид̇игаа’’д̇и зд̇т̇а яад̣̇и д̇зязва г̇аяханд̇и, аб̣яаабид̇ад̣̇осамаабанно. ат̇а саб̣б̣оби бажжаяад̇хаммо аахаарод̇и ад̇хиббзд̇о, имааяа аахаарабаал̣ияаа вирод̇хо аабаннод̇и д̣̇ассзд̇ум̣ аарад̣̇д̇хам̣. ‘‘на вируж̇жхад̇ий’’д̇и язнаад̇хиббааязна вуд̇д̇ам̣, д̇ам̣ виваранд̇о ‘‘зд̇асмин̃хи суд̇д̇з’’д̇иаад̣̇имааха. габ̣ал̣ийгаараахаараад̣̇ийнам̣ ож̇адтамагаруубаахаран̣аад̣̇и ниббарияааязна аахаарабхааво. яат̇аа хи габ̣ал̣ийгаараахааро ож̇адтамагаруубаахаран̣зна руубагааяам̣ убад̇т̇амбхзнд̇и, звам̣ пассаад̣̇аяо взд̣̇анаад̣̇иаахаран̣зна наамагааяам̣ убад̇т̇амбхзд̇и, д̇асмаа сад̇иби ж̇анагабхаавз убад̇т̇амбхагабхааво ож̇аад̣̇ийсу саад̇исаяо лаб̣бхамаано мукяо аахаарадтод̇и д̇з зва ниббарияааязна аахааралагкан̣аа д̇хаммаа вуд̇д̇аа.
Codako vuttampi atthaṃ yāthāvato appaṭivijjhamāno neyyatthaṃ suttapadaṃ nītatthato dahanto ‘‘sabbe sattā’’ti vacanamatte ṭhatvā ‘‘nanu cā’’tiādinā codeti. Ācariyo aviparītaṃ tattha yathādhippetamatthaṃ pavedento ‘‘na virujjhatī’’ti vatvā ‘‘tesañhi jhānaṃ āhāro hotī’’ti āha. Jhānanti ekavokārabhavāvahaṃ saññāya virajjanavasena pavattarūpāvacaracatutthajjhānaṃ. Pāḷiyaṃ pana ‘‘anāhārā’’ti vacanaṃ asaññabhave catunnaṃ āhārānaṃ abhāvaṃ sandhāya vuttaṃ, na paccayāhārassa abhāvato. Evaṃ santepīti idaṃ sāsane yesu dhammesu visesato āhārasaddo niruḷho, ‘‘āhāraṭṭhitikā’’ti ettha yadi teyeva gayhanti, abyāpitadosamāpanno. Atha sabbopi paccayadhammo āhāroti adhippeto, imāya āhārapāḷiyā virodho āpannoti dassetuṃ āraddhaṃ. ‘‘Na virujjhatī’’ti yenādhippāyena vuttaṃ, taṃ vivaranto ‘‘etasmiñhi sutte’’tiādimāha. Kabaḷīkārāhārādīnaṃ ojaṭṭhamakarūpāharaṇādi nippariyāyena āhārabhāvo. Yathā hi kabaḷīkārāhāro ojaṭṭhamakarūpāharaṇena rūpakāyaṃ upatthambhenti, evaṃ phassādayo vedanādiāharaṇena nāmakāyaṃ upatthambheti, tasmā satipi janakabhāve upatthambhakabhāvo ojādīsu sātisayo labbhamāno mukhyo āhāraṭṭhoti te eva nippariyāyena āhāralakkhaṇā dhammā vuttā.
ид̇хаад̇и имасмим̣ суд̇д̇з барияааязна бажжаяо аахаарод̇и вуд̇д̇о, саб̣б̣о бажжаяад̇хаммо ад̇д̇ано палам̣ аахарад̇ийд̇и имам̣ барияааяам̣ лабхад̇ийд̇и. д̇знааха ‘‘саб̣б̣ад̇хаммаанан̃хий’’д̇иаад̣̇и. д̇ад̇т̇а саб̣б̣ад̇хаммаананд̇и саб̣б̣зсам̣ сан̇кад̇ад̇хаммаанам̣. ид̣̇аани яат̇аавуд̇д̇амад̇т̇ам̣ суд̇д̇зна самад̇т̇зд̇ум̣ ‘‘д̇знзваахаа’’д̇иаад̣̇и вуд̇д̇ам̣. аяанд̇и бажжаяаахааро. ниббарияааяаахаароби г̇ахид̇ова ход̇ийд̇и яаавад̇аа соби бажжаяабхаавзнзва ж̇анаго убад̇т̇амбхаго жа худ̇ваа д̇ам̣ д̇ам̣ палам̣ аахарад̇ийд̇и вад̇д̇аб̣б̣ад̇ам̣ лабхад̇ийд̇и.
Idhāti imasmiṃ sutte pariyāyena paccayo āhāroti vutto, sabbo paccayadhammo attano phalaṃ āharatīti imaṃ pariyāyaṃ labhatīti. Tenāha ‘‘sabbadhammānañhī’’tiādi. Tattha sabbadhammānanti sabbesaṃ saṅkhatadhammānaṃ. Idāni yathāvuttamatthaṃ suttena samatthetuṃ ‘‘tenevāhā’’tiādi vuttaṃ. Ayanti paccayāhāro. Nippariyāyāhāropi gahitova hotīti yāvatā sopi paccayabhāveneva janako upatthambhako ca hutvā taṃ taṃ phalaṃ āharatīti vattabbataṃ labhatīti.
д̇ад̇т̇аад̇и барияааяаахааро, ниббарияааяаахаарод̇и д̣̇вийсу аахаарзсу асан̃н̃абхавз яад̣̇иби ниббарияааяаахааро на лаб̣бхад̇и, барияааяаахааро бана лаб̣бхад̇зва. ид̣̇аани д̇амзвад̇т̇ам̣ вид̇т̇аарад̇о д̣̇ассзд̇ум̣ ‘‘ануббаннз хи б̣уд̣̇д̇хз’’д̇иаад̣̇и вуд̇д̇ам̣. уббаннз б̣уд̣̇д̇хз д̇ид̇т̇агарамад̇аниссид̇аанам̣ жхаанабхааванааяа асиж̇жханад̇о ‘‘ануббаннз б̣уд̣̇д̇хз’’д̇и вуд̇д̇ам̣. саасанигаа д̇аад̣̇исам̣ жхаанам̣ на ниб̣б̣ад̇д̇знд̇ийд̇и ‘‘д̇ид̇т̇ааяад̇анз баб̣б̣аж̇ид̇аа’’д̇и вуд̇д̇ам̣. д̇ид̇т̇ияаа хи убабад̇д̇ивисзсз вимуд̇д̇исан̃н̃ино сан̃н̃аавирааг̇аавирааг̇зсу аад̣̇ийнаваанисам̣сад̣̇ассинова худ̇ваа асан̃н̃асамаабад̇д̇им̣ ниб̣б̣ад̇д̇зд̇ваа агкан̣абхуумияам̣ уббаж̇ж̇анд̇и, на саасанигаа. вааяогасин̣з бариггаммам̣ гад̇ваад̇и вааяогасин̣з батамаад̣̇ийни д̇ийн̣и жхаанаани ниб̣б̣ад̇д̇зд̇ваа д̇ад̇ияаж̇жхаанз жин̣н̣авасий худ̇ваа д̇ад̇о вудтааяа жад̇уд̇т̇аж̇жхаанаад̇хиг̇амааяа баригаммам̣ гад̇ваа. д̇знзвааха ‘‘жад̇уд̇т̇аж̇жхаанам̣ ниб̣б̣ад̇д̇зд̇ваа’’д̇и.
Tatthāti pariyāyāhāro, nippariyāyāhāroti dvīsu āhāresu asaññabhave yadipi nippariyāyāhāro na labbhati, pariyāyāhāro pana labbhateva. Idāni tamevatthaṃ vitthārato dassetuṃ ‘‘anuppanne hi buddhe’’tiādi vuttaṃ. Uppanne buddhe titthakaramatanissitānaṃ jhānabhāvanāya asijjhanato ‘‘anuppanne buddhe’’ti vuttaṃ. Sāsanikā tādisaṃ jhānaṃ na nibbattentīti ‘‘titthāyatane pabbajitā’’ti vuttaṃ. Titthiyā hi upapattivisese vimuttisaññino saññāvirāgāvirāgesu ādīnavānisaṃsadassinova hutvā asaññasamāpattiṃ nibbattetvā akkhaṇabhūmiyaṃ uppajjanti, na sāsanikā. Vāyokasiṇe parikkammaṃ katvāti vāyokasiṇe paṭhamādīni tīṇi jhānāni nibbattetvā tatiyajjhāne ciṇṇavasī hutvā tato vuṭṭhāya catutthajjhānādhigamāya parikammaṃ katvā. Tenevāha ‘‘catutthajjhānaṃ nibbattetvā’’ti.
гасмаа (д̣̇ий. ни. дий. 1.68-73; д̣̇ий. ни. абхи. дий. 1.68-73) банзд̇т̇а вааяогасин̣зязва баригаммам̣ вуд̇д̇анд̇и? вужжад̇з, яат̇зва хи руубабадибхааг̇абхууд̇зсу гасин̣ависзсзсу руубавибхааванзна руубавирааг̇абхааванаасан̇каад̇о аруубасамаабад̇д̇ивисзсо сажчигарийяад̇и, звам̣ абариб̣яад̇д̇авиг̇г̇ахад̇ааяа аруубабадибхааг̇абхууд̇з гасин̣ависзсз аруубавибхааванзна аруубавирааг̇абхааванаа сан̇каад̇о руубасамаабад̇д̇ивисзсо ад̇хиг̇амийяад̇ийд̇и. зд̇т̇а жа ‘‘сан̃н̃аа рог̇о, сан̃н̃аа г̇ан̣д̣о’’д̇иаад̣̇инаа (ма. ни. 3.24), ‘‘д̇хи жид̇д̇ам̣, д̇хи вад̇зд̇ам̣ жид̇д̇а’’нд̇иаад̣̇инаа жа наязна аруубаббавад̇д̇ияаа аад̣̇ийнавад̣̇ассанзна д̇ад̣̇абхаавз жа санд̇абан̣ийд̇абхаавасаннидтаанзна руубасамаабад̇д̇ияаа абхисан̇каран̣ам̣ аруубавирааг̇абхааванаа. руубавирааг̇абхааванаа бана сад̣̇д̇хим̣ убажаарзна аруубасамаабад̇д̇ияо, д̇ад̇т̇ааби висзсзна батамааруббаж̇жхаанам̣. яад̣̇и звам̣ ‘‘барижчиннаагаасагасин̣збий’’д̇и вад̇д̇аб̣б̣ам̣, д̇ассааби аруубабадибхааг̇ад̇аа лаб̣бхад̇ийд̇и? ижчид̇амзвзд̇ам̣, гзсан̃жи аважанам̣ банзд̇т̇а буб̣б̣аажариязхи аг̇г̇ахид̇абхаавзна. яат̇аа хи руубавирааг̇абхааванаа вираж̇ж̇анийяад̇хаммаабхаавамад̇д̇зна баринибпаннаа, вираж̇ж̇анийяад̇хаммабарибхаасабхууд̇з жа висаяависзсз баад̇убхавад̇и, звам̣ аруубавирааг̇абхааванаабийд̇и вужжамаанз на гожи вирод̇хо. д̇ид̇т̇иязхзва бана д̇ассаа самаабад̇д̇ияаа бадибаж̇ж̇ид̇аб̣б̣ад̇ааяа д̇зсан̃жа висаяабат̇з суубаниб̣анд̇ханассзва д̇асса жхаанасса бадибад̇д̇ид̇о д̣̇идтиванд̇зхи буб̣б̣аажариязхи жад̇уд̇т̇зязва бхууд̇агасин̣з аруубавирааг̇абхааванаабаригаммам̣ вуд̇д̇анд̇и д̣̇адтаб̣б̣ам̣. гин̃жа ван̣н̣агасин̣зсу вияа буримабхууд̇агасин̣ад̇д̇аязби ван̣н̣аббадижчааяаава бан̣н̣ад̇д̇и аарамман̣ам̣ жхаанасса логавохаараанурод̇хзнзва бавад̇д̇ид̇о. зван̃жа гад̇ваа висуд̣̇д̇химаг̇г̇з (висуд̣̇д̇хи. 1.57) бат̇авийгасин̣асса аад̣̇аасажанд̣̇аман̣д̣алуубамаважанан̃жа самад̇т̇ид̇ам̣ ход̇и, жад̇уд̇т̇ам̣ бана бхууд̇агасин̣ам̣ бхууд̇аббадижчааяамзва жхаанасса г̇ожарабхаавам̣ г̇ажчад̇ийд̇и д̇ассзвам̣ аруубабадибхааг̇ад̇аа яуд̇д̇аад̇и вааяогасин̣зязва баригаммам̣ вуд̇д̇анд̇и взд̣̇ид̇аб̣б̣ам̣.
Kasmā (dī. ni. ṭī. 1.68-73; dī. ni. abhi. ṭī. 1.68-73) panettha vāyokasiṇeyeva parikammaṃ vuttanti? Vuccate, yatheva hi rūpapaṭibhāgabhūtesu kasiṇavisesesu rūpavibhāvanena rūpavirāgabhāvanāsaṅkhāto arūpasamāpattiviseso sacchikarīyati, evaṃ aparibyattaviggahatāya arūpapaṭibhāgabhūte kasiṇavisese arūpavibhāvanena arūpavirāgabhāvanā saṅkhāto rūpasamāpattiviseso adhigamīyatīti. Ettha ca ‘‘saññā rogo, saññā gaṇḍo’’tiādinā (ma. ni. 3.24), ‘‘dhi cittaṃ, dhi vatetaṃ citta’’ntiādinā ca nayena arūpappavattiyā ādīnavadassanena tadabhāve ca santapaṇītabhāvasanniṭṭhānena rūpasamāpattiyā abhisaṅkharaṇaṃ arūpavirāgabhāvanā. Rūpavirāgabhāvanā pana saddhiṃ upacārena arūpasamāpattiyo, tatthāpi visesena paṭhamāruppajjhānaṃ. Yadi evaṃ ‘‘paricchinnākāsakasiṇepī’’ti vattabbaṃ, tassāpi arūpapaṭibhāgatā labbhatīti? Icchitamevetaṃ, kesañci avacanaṃ panettha pubbācariyehi aggahitabhāvena. Yathā hi rūpavirāgabhāvanā virajjanīyadhammābhāvamattena parinipphannā, virajjanīyadhammaparibhāsabhūte ca visayavisese pātubhavati, evaṃ arūpavirāgabhāvanāpīti vuccamāne na koci virodho. Titthiyeheva pana tassā samāpattiyā paṭipajjitabbatāya tesañca visayapathe sūpanibandhanasseva tassa jhānassa paṭipattito diṭṭhivantehi pubbācariyehi catuttheyeva bhūtakasiṇe arūpavirāgabhāvanāparikammaṃ vuttanti daṭṭhabbaṃ. Kiñca vaṇṇakasiṇesu viya purimabhūtakasiṇattayepi vaṇṇappaṭicchāyāva paṇṇatti ārammaṇaṃ jhānassa lokavohārānurodheneva pavattito. Evañca katvā visuddhimagge (visuddhi. 1.57) pathavīkasiṇassa ādāsacandamaṇḍalūpamavacanañca samatthitaṃ hoti, catutthaṃ pana bhūtakasiṇaṃ bhūtappaṭicchāyameva jhānassa gocarabhāvaṃ gacchatīti tassevaṃ arūpapaṭibhāgatā yuttāti vāyokasiṇeyeva parikammaṃ vuttanti veditabbaṃ.
д̇хийд̇и ж̇иг̇ужчанад̇т̇з нибаад̇о, д̇асмаа д̇хи жид̇д̇анд̇и жид̇д̇ам̣ ж̇иг̇ужчаами. д̇хи вад̇зд̇ам̣ жид̇д̇анд̇и зд̇ам̣ мама жид̇д̇ам̣ ж̇иг̇ужчид̇ам̣ вад̇а ход̇у. вад̇аад̇и самбхааванз. д̇зна ж̇иг̇ужчанам̣ самбхаавзнд̇о вад̣̇ад̇и. наамаад̇и жа самбхааванз зва. д̇зна жид̇д̇асса абхаавам̣ самбхаавзд̇и. жид̇д̇асса бхааваабхаавзсу аад̣̇ийнаваанисам̣сз д̣̇ассзд̇ум̣ ‘‘жид̇д̇ан̃хий’’д̇иаад̣̇и вуд̇д̇ам̣. канд̇им̣ ружим̣ уббаад̣̇зд̇ваад̇и жид̇д̇асса абхааво зва саад̇ху судтууд̇и имам̣ д̣̇идтиниж̇жхаанагканд̇им̣ д̇ад̇т̇а жа абхиружим̣ уббаад̣̇зд̇ваа. д̇ат̇аа бхаавид̇асса жхаанасса тид̇ибхааг̇ияабхааваббад̇д̇ияаа абарихийнаж̇жхаанаа. д̇ид̇т̇ааяад̇анз баб̣б̣аж̇ид̇ассзва д̇ат̇аа жхаанабхааванаа ход̇ийд̇и ааха ‘‘мануссалогз’’д̇и. бан̣ихид̇о ахосийд̇и маран̣асса аасаннагаалз табид̇о ахоси. яад̣̇и таанаад̣̇инаа аагаарзна ниб̣б̣ад̇д̇зяяа гаммаб̣алзна, яаава бхзд̣̇аа д̇знзваагаарзна д̇идтзяяаад̇и ааха ‘‘д̇зна ирияаабат̇знаа’’д̇иаад̣̇и. зваруубаанамбийд̇и звам̣ ажзд̇анаанамби. би-сад̣̇д̣̇зна баг̇зва сажзд̇анаананд̇и д̣̇ассзд̇и. гат̇ам̣ бана ажзд̇анаанам̣ нзсам̣ бажжаяаахаарасса убагаббананд̇и жод̣̇анам̣ санд̇хааяа д̇ад̇т̇а нид̣̇ассанам̣ д̣̇ассзнд̇о ‘‘яат̇аа’’д̇иаад̣̇имааха. д̇зна на гзваламааг̇амоязва, аяамзд̇т̇а яуд̇д̇ийд̇и д̣̇ассзд̇и. д̇аава д̇идтанд̇ийд̇и уггам̣сад̇о бан̃жа махаагаббасад̇аани д̇идтанд̇и.
Dhīti jigucchanatthe nipāto, tasmā dhi cittanti cittaṃ jigucchāmi. Dhi vatetaṃ cittanti etaṃ mama cittaṃ jigucchitaṃ vata hotu. Vatāti sambhāvane. Tena jigucchanaṃ sambhāvento vadati. Nāmāti ca sambhāvane eva. Tena cittassa abhāvaṃ sambhāveti. Cittassa bhāvābhāvesu ādīnavānisaṃse dassetuṃ ‘‘cittañhī’’tiādi vuttaṃ. Khantiṃ ruciṃ uppādetvāti cittassa abhāvo eva sādhu suṭṭhūti imaṃ diṭṭhinijjhānakkhantiṃ tattha ca abhiruciṃ uppādetvā. Tathā bhāvitassa jhānassa ṭhitibhāgiyabhāvappattiyā aparihīnajjhānā. Titthāyatane pabbajitasseva tathā jhānabhāvanā hotīti āha ‘‘manussaloke’’ti. Paṇihito ahosīti maraṇassa āsannakāle ṭhapito ahosi. Yadi ṭhānādinā ākārena nibbatteyya kammabalena, yāva bhedā tenevākārena tiṭṭheyyāti āha ‘‘tena iriyāpathenā’’tiādi. Evarūpānampīti evaṃ acetanānampi. Pi-saddena pageva sacetanānanti dasseti. Kathaṃ pana acetanānaṃ nesaṃ paccayāhārassa upakappananti codanaṃ sandhāya tattha nidassanaṃ dassento ‘‘yathā’’tiādimāha. Tena na kevalamāgamoyeva, ayamettha yuttīti dasseti. Tāva tiṭṭhantīti ukkaṃsato pañca mahākappasatāni tiṭṭhanti.
яз удтаанавийриязна д̣̇ивасам̣ вийд̇инаамзд̇ваа д̇асса ниссанд̣̇апаламад̇д̇ам̣ гин̃жид̣̇зва лабхид̇ваа ж̇ийвигам̣ габбзнд̇и, д̇з удтаанапалуубаж̇ийвино. яз бана ад̇д̇ано бун̃н̃апаламзва убаж̇ийванд̇и, д̇з бун̃н̃апалуубаж̇ийвино. нзраяигаанам̣ бана нзва удтаанавийрияавасзна ж̇ийвигагаббанам̣, бун̃н̃апаласса бана лзсоби над̇т̇ийд̇и вуд̇д̇ам̣ ‘‘яз бана нзраяигаа…бз… ж̇ийвийд̇и вуд̇д̇аа’’д̇и. бадисанд̇хивин̃н̃аан̣асса аахаран̣зна маносан̃жзд̇анаа аахаарод̇и вуд̇д̇аа, на яасса гассажи палассаад̇и ад̇хиббааязна ‘‘гим̣ бан̃жа аахаараа ад̇т̇ий’’д̇и жод̣̇зд̇и. аажарияо ниббарияааяаахаарз ад̇хиббзд̇з ‘‘сияаа д̇ава жод̣̇анаа авасараа, саа бана зд̇т̇а анавасараа’’д̇и жа д̣̇ассзнд̇о ‘‘бан̃жа, на бан̃жаад̇и ид̣̇ам̣ на вад̇д̇аб̣б̣а’’нд̇и вад̇ваа барияааяаахаарассзва банзд̇т̇а ад̇хиббзд̇абхаавам̣ д̣̇ассзнд̇о ‘‘нану бажжаяо аахааро’д̇и вуд̇д̇амзд̇а’’нд̇и ааха. д̇асмаад̇и яасса гассажи бажжаяасса аахаарод̇и ижчид̇ад̇д̇аа. ид̣̇аани вуд̇д̇амзвад̇т̇ам̣ баал̣ияаа самад̇т̇знд̇о ‘‘яам̣ санд̇хааяаа’’д̇иаад̣̇имааха.
Ye uṭṭhānavīriyena divasaṃ vītināmetvā tassa nissandaphalamattaṃ kiñcideva labhitvā jīvikaṃ kappenti, te uṭṭhānaphalūpajīvino. Ye pana attano puññaphalameva upajīvanti, te puññaphalūpajīvino. Nerayikānaṃ pana neva uṭṭhānavīriyavasena jīvikakappanaṃ, puññaphalassa pana lesopi natthīti vuttaṃ ‘‘ye pana nerayikā…pe… jīvīti vuttā’’ti. Paṭisandhiviññāṇassa āharaṇena manosañcetanā āhāroti vuttā, na yassa kassaci phalassāti adhippāyena ‘‘kiṃ pañca āhārā atthī’’ti codeti. Ācariyo nippariyāyāhāre adhippete ‘‘siyā tava codanā avasarā, sā pana ettha anavasarā’’ti ca dassento ‘‘pañca, na pañcāti idaṃ na vattabba’’nti vatvā pariyāyāhārasseva panettha adhippetabhāvaṃ dassento ‘‘nanu paccayo āhāro’ti vuttameta’’nti āha. Tasmāti yassa kassaci paccayassa āhāroti icchitattā. Idāni vuttamevatthaṃ pāḷiyā samatthento ‘‘yaṃ sandhāyā’’tiādimāha.
мукяаахааравасзнаби нзраяигаанам̣ аахаарадтид̇игад̇ам̣ д̣̇ассзд̇ум̣ ‘‘габ̣ал̣ийгаараахаарам̣…бз… саад̇хзд̇ий’’д̇и вуд̇д̇ам̣. яад̣̇и звам̣ нзраяигаа сукаббадисам̣взд̣̇иноби хонд̇ийд̇и? нод̇и д̣̇ассзд̇ум̣ ‘‘кзл̣о хий’’д̇иаад̣̇и вуд̇д̇ам̣. д̇аяод̇и д̇аяо аруубаахаараа габ̣ал̣ийгаараахаарасса абхаавад̇о. авасзсаананд̇и асан̃н̃асад̇д̇зхи авасзсаанам̣ гаамабхаваад̣̇ийсу ниб̣б̣ад̇д̇асад̇д̇аанам̣. бажжаяаахааро хи саб̣б̣зсам̣ саад̇хааран̣од̇и.
Mukhyāhāravasenapi nerayikānaṃ āhāraṭṭhitikataṃ dassetuṃ ‘‘kabaḷīkārāhāraṃ…pe… sādhetī’’ti vuttaṃ. Yadi evaṃ nerayikā sukhappaṭisaṃvedinopi hontīti? Noti dassetuṃ ‘‘kheḷo hī’’tiādi vuttaṃ. Tayoti tayo arūpāhārā kabaḷīkārāhārassa abhāvato. Avasesānanti asaññasattehi avasesānaṃ kāmabhavādīsu nibbattasattānaṃ. Paccayāhāro hi sabbesaṃ sādhāraṇoti.
батамамахаабан̃хасуд̇д̇аван̣н̣анаа нидтид̇аа.
Paṭhamamahāpañhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. батамамахаабан̃хаасуд̇д̇ам̣ • 7. Paṭhamamahāpañhāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. батамамахаабан̃хасуд̇д̇аван̣н̣анаа • 7. Paṭhamamahāpañhasuttavaṇṇanā
