| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. பட²மமஹாபத²வீஸுத்தங்
5. Paṭhamamahāpathavīsuttaṃ
1125. ‘‘ஸெய்யதா²பி , பி⁴க்க²வே, புரிஸோ மஹாபத²வியா ஸத்த கோலட்டி²மத்தியோ கு³ளிகா உபனிக்கி²பெய்ய. தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங் – யா வா ஸத்த கோலட்டி²மத்தியோ கு³ளிகா உபனிக்கி²த்தா, அயங் வா மஹாபத²வீ’’தி? ‘‘ஏததே³வ, ப⁴ந்தே, ப³ஹுதரங், யதி³த³ங் – மஹாபத²வீ; அப்பமத்திகா ஸத்த கோலட்டி²மத்தியோ கு³ளிகா உபனிக்கி²த்தா. ஸங்க²ம்பி ந உபெந்தி, உபனித⁴ம்பி ந உபெந்தி, கலபா⁴க³ம்பி ந உபெந்தி மஹாபத²விங் உபனிதா⁴ய ஸத்த கோலட்டி²மத்தியோ கு³ளிகா உபனிக்கி²த்தா’’தி. ‘‘ஏவமேவ கோ², பி⁴க்க²வே, அரியஸாவகஸ்ஸ…பே॰… யோகோ³ கரணீயோ’’தி. பஞ்சமங்.
1125. ‘‘Seyyathāpi , bhikkhave, puriso mahāpathaviyā satta kolaṭṭhimattiyo guḷikā upanikkhipeyya. Taṃ kiṃ maññatha, bhikkhave, katamaṃ nu kho bahutaraṃ – yā vā satta kolaṭṭhimattiyo guḷikā upanikkhittā, ayaṃ vā mahāpathavī’’ti? ‘‘Etadeva, bhante, bahutaraṃ, yadidaṃ – mahāpathavī; appamattikā satta kolaṭṭhimattiyo guḷikā upanikkhittā. Saṅkhampi na upenti, upanidhampi na upenti, kalabhāgampi na upenti mahāpathaviṃ upanidhāya satta kolaṭṭhimattiyo guḷikā upanikkhittā’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Pañcamaṃ.
