| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. பட²மமஹாஸமுத்³த³ஸுத்தங்
7. Paṭhamamahāsamuddasuttaṃ
1127. ‘‘ஸெய்யதா²பி , பி⁴க்க²வே, புரிஸோ மஹாஸமுத்³த³தோ த்³வே வா தீணி வா உத³கபு²ஸிதானி உத்³த⁴ரெய்ய. தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங் – யானி த்³வே வா தீணி வா உத³கபு²ஸிதானி உப்³ப⁴தானி, யங் வா மஹாஸமுத்³தே³ உத³க’’ந்தி? ‘‘ஏததே³வ, ப⁴ந்தே, ப³ஹுதரங், யதி³த³ங் – மஹாஸமுத்³தே³ உத³கங்; அப்பமத்தகானி த்³வே வா தீணி வா உத³கபு²ஸிதானி உப்³ப⁴தானி. ஸங்க²ம்பி ந உபெந்தி, உபனித⁴ம்பி ந உபெந்தி, கலபா⁴க³ம்பி ந உபெந்தி மஹாஸமுத்³தே³ உத³கங் உபனிதா⁴ய த்³வே வா தீணி வா உத³கபு²ஸிதானி உப்³ப⁴தானீ’’தி. ‘‘ஏவமேவ கோ², பி⁴க்க²வே, அரியஸாவகஸ்ஸ…பே॰… யோகோ³ கரணீயோ’’தி. ஸத்தமங்.
1127. ‘‘Seyyathāpi , bhikkhave, puriso mahāsamuddato dve vā tīṇi vā udakaphusitāni uddhareyya. Taṃ kiṃ maññatha, bhikkhave, katamaṃ nu kho bahutaraṃ – yāni dve vā tīṇi vā udakaphusitāni ubbhatāni, yaṃ vā mahāsamudde udaka’’nti? ‘‘Etadeva, bhante, bahutaraṃ, yadidaṃ – mahāsamudde udakaṃ; appamattakāni dve vā tīṇi vā udakaphusitāni ubbhatāni. Saṅkhampi na upenti, upanidhampi na upenti, kalabhāgampi na upenti mahāsamudde udakaṃ upanidhāya dve vā tīṇi vā udakaphusitāni ubbhatānī’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Sattamaṃ.
