| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
батамамахаасан̇г̇ийд̇игат̇ааван̣н̣анаа
Paṭhamamahāsaṅgītikathāvaṇṇanā
батамамахаасан̇г̇ийд̇и наама жаад̇и зд̇т̇а жа-сад̣̇д̣̇о ад̇ирзгад̇т̇о, д̇зна ан̃н̃ааби ад̇т̇ийд̇и д̣̇ийбзд̇и. д̇амби саалаванам̣ убаг̇анд̇ваа мид̇д̇асухаж̇ж̇з абалогзд̇ваа нивад̇д̇анад̇о убавад̇д̇ананд̇и баагадам̣ ж̇аад̇ам̣ гира. яамагасаалаананд̇и згаа гира саалабанд̇и сийсабхааг̇з, згаа баад̣̇абхааг̇з. д̇ад̇рааби зго д̇арун̣асаало сийсабхааг̇асса аасаннз ход̇и, зго баад̣̇абхааг̇асса, муулаканд̇хавидабабад̇д̇зхи ан̃н̃аман̃н̃ам̣ сам̣сиб̣б̣ид̇ваа тид̇асаалаананд̇иби вуд̇д̇ам̣. анубаад̣̇исзсааяа ниб̣б̣аанад̇хаад̇уяаад̇и ид̇т̇амбхууд̇алагкан̣з гаран̣аважанам̣ ‘‘гад̇агижжо бийд̇иж̇а хааса жзд̇о авзрамукзнаабхад̇агун̣д̣алзнаа’’д̇иаад̣̇ийсу вияа. бариниб̣б̣аанз бариниб̣б̣аанахзд̇у, д̇асмим̣ таанз ваа маа сожид̇т̇а жид̇д̇зна, маа барид̣̇звид̇т̇а ваажааяа ‘‘барид̣̇званам̣ вилааба’’нд̇и важанад̇о. махаасаман̣знаад̇и ниссаггад̇т̇з гаран̣аважанам̣. суурияам̣’суубхи бадугараа’бхаа’рин̣асса д̇аан̣аа ид̇яад̇рзва. яан̃жа бхаг̇авад̇о ануг̇г̇ахам̣, д̇асса ануг̇г̇ахассаад̇и аажарияаа. згажжз бана ‘‘яам̣ яасмаа ахам̣ ануг̇г̇ахид̇о’’д̇и вад̣̇анд̇и. ниб̣б̣асанаанийд̇и нидтид̇авасанагижжаани, маяаа барибхун̃ж̇ид̇ваа абанийд̇аани . яад̣̇и суяуд̇д̇аани д̇хаарзссасийд̇и бужчад̇и, гаважасад̣̇исаани саан̣аани. иссарияасад̣̇исаа нава анубуб̣б̣авихаараад̣̇аяо. адта самаабад̇д̇ияо нирод̇хасамаабад̇д̇и жа бадилаабхаггамзна ‘‘анубуб̣б̣авихаараа’’д̇и вуд̇д̇аа.
Paṭhamamahāsaṅgīti nāma cāti ettha ca-saddo atirekattho, tena aññāpi atthīti dīpeti. Tampi sālavanaṃ upagantvā mittasuhajje apaloketvā nivattanato upavattananti pākaṭaṃ jātaṃ kira. Yamakasālānanti ekā kira sālapanti sīsabhāge, ekā pādabhāge. Tatrāpi eko taruṇasālo sīsabhāgassa āsanne hoti, eko pādabhāgassa, mūlakhandhaviṭapapattehi aññamaññaṃ saṃsibbitvā ṭhitasālānantipi vuttaṃ. Anupādisesāya nibbānadhātuyāti itthambhūtalakkhaṇe karaṇavacanaṃ ‘‘katakicco pītija hāsa ceto averamukhenābhatakuṇḍalenā’’tiādīsu viya. Parinibbāne parinibbānahetu, tasmiṃ ṭhāne vā mā socittha cittena, mā paridevittha vācāya ‘‘paridevanaṃ vilāpa’’nti vacanato. Mahāsamaṇenāti nissakkatthe karaṇavacanaṃ. Sūriyaṃ’sūbhi paṭukarā’bhā’riṇassa tāṇā ityatreva. Yañca bhagavato anuggahaṃ, tassa anuggahassāti ācariyā. Ekacce pana ‘‘yaṃ yasmā ahaṃ anuggahito’’ti vadanti. Nibbasanānīti niṭṭhitavasanakiccāni, mayā paribhuñjitvā apanītāni . Yadi suyuttāni dhāressasīti pucchati, kavacasadisāni sāṇāni. Issariyasadisā nava anupubbavihārādayo. Aṭṭha samāpattiyo nirodhasamāpatti ca paṭilābhakkamena ‘‘anupubbavihārā’’ti vuttā.
анааг̇ад̇з саннигадтз, д̇ат̇аад̇ийд̇з жиранд̇анз;
Anāgate sannikaṭṭhe, tathātīte cirantane;
гаалад̣̇ваязби гавийхи, бураасад̣̇д̣̇о баяуж̇ж̇ад̇з.
Kāladvayepi kavīhi, purāsaddo payujjate.
сад̇т̇усаасанамзва барияад̇д̇и сад̇т̇усаасанабарияад̇д̇и, саа суд̇д̇аг̇зяяаад̣̇ивасзна наван̇г̇аа. д̇ибидагамзва саб̣б̣абарияад̇д̇иббабхзд̣̇ам̣ д̇хаарзнд̇ийд̇и д̇ибидагасаб̣б̣абарияад̇д̇иббабхзд̣̇ад̇хараа. ‘‘винаа на саггаа’’д̇и на вад̇д̇аб̣б̣ам̣ ‘‘д̇ибидагасаб̣б̣абарияад̇д̇иббабхзд̣̇ад̇харз’’д̇и вуд̇д̇ад̇д̇аа, звам̣ санд̇зби ад̇т̇и висзсо д̇зхи саммукааби асаммукааби суд̇ам̣, т̇зрзна бана асаммукаабадиг̇г̇ахид̇ам̣ наама над̇т̇ийд̇и. на вааяанд̇и зд̇т̇а ваад̇и вибхаасаа, ан̃н̃аасиби на ан̃н̃аасибийд̇и ад̇т̇о. д̇ад̇ра ужжинанз. б̣ахусад̣̇д̣̇о вибуллад̇т̇о ‘‘ананд̇абаарам̣ б̣аху взд̣̇ид̇аб̣б̣амид̇яа’’д̇рзва. буб̣б̣з ‘‘д̇ибидагасаб̣б̣абааяад̇д̇иббабхзд̣̇ад̇харз’’д̇и вуд̇д̇ад̇д̇аа ‘‘б̣аху жаанзна…бз… барияад̇д̇о’’д̇и на яуж̇ж̇ад̇ийд̇и жз? на, д̇ибидагасса ананд̇ад̇д̇аа, д̇асмаа амхз убаад̣̇ааяа д̇зна б̣аху барияад̇д̇од̇и ад̇хиббааяо. ид̇арат̇аа аананд̣̇ад̇т̇зро д̇зхи аббассуд̇од̇и аабаж̇ж̇ад̇и, ‘‘асаммукаа бадиг̇г̇ахид̇ам̣ наама над̇т̇ий’’д̇и важанавирод̇хо жа. ад̣дхамаасо ад̇игганд̇од̇и зд̇т̇а зго д̣̇ивасо надто, со баадибад̣̇ад̣̇ивасо, голаахалад̣̇ивасо наама со, д̇асмаа ид̇ха на г̇ахид̇о. сам̣взг̇авад̇т̇ум̣ гид̇д̇зд̇ваа гийл̣анад̇о саад̇хугийл̣анам̣ наама. свзбийд̇и аби-сад̣̇д̣̇о абзгкааманд̇аанун̃н̃ааяа. субхасуд̇д̇ам̣ ‘‘ажирабариниб̣б̣уд̇з бхаг̇авад̇ий’’д̇и (д̣̇ий. ни. 1.444) вуд̇д̇ад̇д̇аа жад̇ураасийд̇ид̇хаммагканд̇хасахассзсу анд̇ог̇ад̇хам̣ на ход̇ийд̇и жз? на, бхаг̇авад̇о гаалз лад̣̇д̇ханаяад̇д̇аа гат̇аавад̇т̇у вияа. чад̣д̣ид̇аа бад̇ид̇аа углаабаа чад̣д̣ид̇абад̇ид̇ауглаабаа. аан̣аа зва аббадихад̇адтзна жагганд̇и аан̣аажаггам̣. згад̇о зд̇т̇а нибад̇анд̇ийд̇и зганибаад̇анам̣. аагаасзна ааг̇анд̇ваа нисийд̣̇ийд̇и згзд̇и зд̇ам̣ д̣̇уд̇ияаваарз г̇аманам̣ санд̇хааяаад̇и ааяасмаа убад̇иссо . батамам̣ ваа аагаасзна г̇анд̇ваа барисам̣ бад̇ваа бхигкубанд̇им̣ абийл̣знд̇о бат̇авияам̣ нимуж̇ж̇ид̇ваа аасанз зва ад̇д̇аанам̣ д̣̇ассзси. убхаяат̇аа жа аабаат̇ам̣ г̇ад̇о, д̇зна убхаяамби яуж̇ж̇ад̇и, ан̃н̃ат̇аа д̣̇вийсу згам̣ абхууд̇ам̣ аабаж̇ж̇ад̇и.
Satthusāsanameva pariyatti satthusāsanapariyatti, sā suttageyyādivasena navaṅgā. Tipiṭakameva sabbapariyattippabhedaṃ dhārentīti tipiṭakasabbapariyattippabhedadharā. ‘‘Vinā na sakkā’’ti na vattabbaṃ ‘‘tipiṭakasabbapariyattippabhedadhare’’ti vuttattā, evaṃ santepi atthi viseso tehi sammukhāpi asammukhāpi sutaṃ, therena pana asammukhāpaṭiggahitaṃ nāma natthīti. Na vāyanti ettha vāti vibhāsā, aññāsipi na aññāsipīti attho. Tatra uccinane. Bahusaddo vipullattho ‘‘anantapāraṃ bahu veditabbamitya’’treva. Pubbe ‘‘tipiṭakasabbapaayattippabhedadhare’’ti vuttattā ‘‘bahu cānena…pe… pariyatto’’ti na yujjatīti ce? Na, tipiṭakassa anantattā, tasmā amhe upādāya tena bahu pariyattoti adhippāyo. Itarathā ānandatthero tehi appassutoti āpajjati, ‘‘asammukhā paṭiggahitaṃ nāma natthī’’ti vacanavirodho ca. Aḍḍhamāso atikkantoti ettha eko divaso naṭṭho, so pāṭipadadivaso, kolāhaladivaso nāma so, tasmā idha na gahito. Saṃvegavatthuṃ kittetvā kīḷanato sādhukīḷanaṃ nāma. Svepīti api-saddo apekkhāmantānuññāya. Subhasuttaṃ ‘‘aciraparinibbute bhagavatī’’ti (dī. ni. 1.444) vuttattā caturāsītidhammakkhandhasahassesu antogadhaṃ na hotīti ce? Na, bhagavato kāle laddhanayattā kathāvatthu viya. Chaḍḍitā patitā uklāpā chaḍḍitapatitauklāpā. Āṇā eva appaṭihataṭṭhena cakkanti āṇācakkaṃ. Ekato ettha nipatantīti ekanipātanaṃ. Ākāsena āgantvā nisīdīti eketi etaṃ dutiyavāre gamanaṃ sandhāyāti āyasmā upatisso . Paṭhamaṃ vā ākāsena gantvā parisaṃ patvā bhikkhupantiṃ apīḷento pathaviyaṃ nimujjitvā āsane eva attānaṃ dassesi. Ubhayathā ca āpāthaṃ gato, tena ubhayampi yujjati, aññathā dvīsu ekaṃ abhūtaṃ āpajjati.
ат̇а ко ааяасмаа махаагассабо ааяасманд̇ам̣ убаалим̣ бужчи…бз… ааяасмаа убаалид̇т̇зро виссаж̇ж̇зсийд̇и ид̣̇ам̣ буб̣б̣з ‘‘батамам̣ аавусо убаалий’’д̇иаад̣̇инаа (жуул̣ава. 439) вуд̇д̇абужчаависсаж̇ж̇анам̣ сан̇кибид̇ваа сан̇г̇ийд̇игаарагзхи д̣̇ассид̇аважананд̇и г̇ан̣тибад̣̇з ликид̇ам̣. д̇ат̇аа ход̇у, гимад̇т̇ам̣ банзд̇т̇а ‘‘нид̣̇аанамби бужчи, буг̇г̇аламби бужчи, вад̇т̇умби бужчий’’д̇и звам̣ буб̣б̣з д̣̇ассид̇аануггамзна авад̇ваа ‘‘вад̇т̇умби бужчи, нид̣̇аанамби бужчи, буг̇г̇аламби бужчий’’д̇и звам̣ ануггамо гад̇од̇и? ‘‘вад̇т̇умуулагад̇д̇аа сигкаабад̣̇абан̃н̃ад̇д̇ияаа уббадибаадияаа вуд̇д̇а’’нд̇и вад̣̇анд̇и згз. зд̇т̇а бана вижааран̣аа взран̃ж̇аган̣д̣з самбад̇д̇з гарийяад̇и. рааж̇ааг̇аарагзд̇и звам̣наамагз уяяаанз. абхираманаарахам̣ гира рааж̇ааг̇аарамби. д̇ад̇т̇а, яасса васзнзд̇ам̣ звам̣ наамам̣ лабхад̇и. ат̇а ко ‘‘ааяасмаа махаагассабо’’д̇иаад̣̇инаа буб̣б̣з вуд̇д̇амзва сан̇кибид̇ваа д̣̇ассзд̇и сан̇г̇ийд̇игаараго васийг̇ан̣о. яад̣̇и звам̣ яат̇аа нид̣̇аанамби бужчи, буг̇г̇аламби бужчийд̇и зд̇т̇а бужчааггамо д̣̇ассид̇о, д̇ат̇аа аананд̣̇ад̇т̇зрасса виссаж̇ж̇анаггамоби гимад̇т̇ам̣ на д̣̇ассид̇од̇и жз? иминаануггамзна сан̇г̇ахам̣ бан̃жаби нигааяаа анаарул̣хаад̇и д̣̇ассанад̇т̇ам̣. гат̇ам̣ бана аарул̣хаад̇и? ааяасмаа махаагассабо бан̃жаби нигааяз ануггамзнзва бужчи, аананд̣̇ад̇т̇зро бана ануггамзнзва бужчид̇амби абужчид̇амби д̇асса д̇асса суд̇д̇асса сабхаавам̣ анд̇араа уббаннам̣ вад̇т̇ум̣ уд̣̇д̣̇зсанид̣̇д̣̇зсаггамам̣ маад̇игаавибхан̇г̇аггаманд̇и звамаад̣̇исаб̣б̣ам̣ ануруубаважанам̣ багкибид̇ваа виссаж̇ж̇зси, д̇знзвааха ‘‘зд̇знзва убааязна бан̃жаби нигааяз бужчий’’д̇и. ат̇а ваа ‘‘амб̣аладтигааяам̣ рааж̇ааг̇аарагз’’д̇и вад̇д̇аб̣б̣з ‘‘рааж̇ааг̇аарагз амб̣аладтигааяа’’нд̇и уббадибаадиважанзнаби имамад̇т̇ам̣ д̣̇ийбзд̇и. ‘‘амб̣аладтигааяам̣ вихарад̇и рааж̇ааг̇аарагз’’д̇и хи вуд̇д̇ам̣.
Athakho āyasmā mahākassapo āyasmantaṃ upāliṃ pucchi…pe… āyasmā upālitthero vissajjesīti idaṃ pubbe ‘‘paṭhamaṃ āvuso upālī’’tiādinā (cūḷava. 439) vuttapucchāvissajjanaṃ saṅkhipitvā saṅgītikārakehi dassitavacananti gaṇṭhipade likhitaṃ. Tathā hotu, kimatthaṃ panettha ‘‘nidānampi pucchi, puggalampi pucchi, vatthumpi pucchī’’ti evaṃ pubbe dassitānukkamena avatvā ‘‘vatthumpi pucchi, nidānampi pucchi, puggalampi pucchī’’ti evaṃ anukkamo katoti? ‘‘Vatthumūlakattā sikkhāpadapaññattiyā uppaṭipāṭiyā vutta’’nti vadanti eke. Ettha pana vicāraṇā verañjakaṇḍe sampatte karīyati. Rājāgāraketi evaṃnāmake uyyāne. Abhiramanārahaṃ kira rājāgārampi. Tattha, yassa vasenetaṃ evaṃ nāmaṃ labhati. Atha kho ‘‘āyasmā mahākassapo’’tiādinā pubbe vuttameva saṅkhipitvā dasseti saṅgītikārako vasīgaṇo. Yadi evaṃ yathā nidānampi pucchi, puggalampi pucchīti ettha pucchākkamo dassito, tathā ānandattherassa vissajjanakkamopi kimatthaṃ na dassitoti ce? Iminānukkamena saṅgahaṃ pañcapi nikāyā anāruḷhāti dassanatthaṃ. Kathaṃ pana āruḷhāti? Āyasmā mahākassapo pañcapi nikāye anukkameneva pucchi, ānandatthero pana anukkameneva pucchitampi apucchitampi tassa tassa suttassa sabhāvaṃ antarā uppannaṃ vatthuṃ uddesaniddesakkamaṃ mātikāvibhaṅgakkamanti evamādisabbaṃ anurūpavacanaṃ pakkhipitvā vissajjesi, tenevāha ‘‘eteneva upāyena pañcapi nikāye pucchī’’ti. Atha vā ‘‘ambalaṭṭhikāyaṃ rājāgārake’’ti vattabbe ‘‘rājāgārake ambalaṭṭhikāya’’nti uppaṭipāṭivacanenapi imamatthaṃ dīpeti. ‘‘Ambalaṭṭhikāyaṃ viharati rājāgārake’’ti hi vuttaṃ.
г̇ахагааранд̇и имасса ад̇д̇абхааваг̇зхасса гаарагам̣ д̇ан̣хаавад̣дхагим̣ г̇авзсанд̇о язна н̃аан̣зна саггаа со д̣̇адтум̣, д̇ассад̇т̇ааяа д̣̇ийбан̇гарабаад̣̇амуулз гад̇аабхинийхааро зд̇д̇агам̣ гаалам̣ анзгаж̇аад̇исам̣саарам̣ д̇ам̣ н̃аан̣ам̣ авинд̣̇анд̇о вижаринд̇и ад̇т̇о. д̣̇угкаа ж̇аад̇и бунаббунанд̇и ид̣̇ам̣ г̇ахагаарагаг̇авзсанасса гааран̣аважанам̣. саб̣б̣аа д̇з паасугаад̇и д̇ава саб̣б̣аа анавасзсагилзсапаасугаа маяаа бхаг̇г̇аа. г̇ахагуудам̣ наама авиж̇ж̇аа. соманассасахаг̇ад̇ам̣ н̃аан̣ам̣ соманассамаяам̣. на хи соманассамаяам̣ н̃аан̣ам̣ канд̇хасабхаавабхзд̣̇ад̇о. д̣̇ал̣хийгаммасит̇илагаран̣аббаяож̇анаад̇и язбхуяяад̇ааяа вуд̇д̇ам̣, д̇ам̣ бана д̇ад̇т̇а д̇ад̇т̇а багаасаяиссаама. ан̃н̃аман̃н̃асан̇гаравирахид̇з д̇хаммз жа винаяз жаад̇и зд̇т̇а баан̣аад̇ибаад̇о агусаланд̇и звамаад̣̇ийсу маран̣аад̇хиббааяасса ж̇ийвид̇инд̣̇рияубажчзд̣̇агаббаяог̇асамудтаабигаа жзд̇анаа агусалам̣, на баан̣асан̇каад̇аж̇ийвид̇инд̣̇рияасса убажчзд̣̇агасан̇каад̇о ад̇ибаад̇о. д̇ат̇аа ад̣̇иннасса барасанд̇агасса аад̣̇аанасан̇каад̇аа вин̃н̃ад̇д̇и аб̣яаагад̇о д̇хаммо, д̇аб̣б̣ин̃н̃ад̇д̇исамудтаабигаа т̇зяяажзд̇анаа агусало д̇хаммод̇и (бадтаа. 1.1.27) звамаад̣̇инаа ан̃н̃аман̃н̃асан̇гаравирахид̇з д̇хаммз бадиб̣ало винзд̇ум̣. ж̇аад̇аруубараж̇ад̇ам̣ барасанд̇агам̣ т̇зяяажид̇д̇зна г̇ан̣ханд̇асса яат̇аавад̇т̇ум̣ баарааж̇игат̇уллажжаяад̣̇уггадзсу ан̃н̃ад̇арам̣, бхан̣д̣ааг̇ааригасийсзна д̣̇ияяамаанам̣ г̇ан̣ханд̇асса баажид̇д̇ияам̣, ад̇д̇ад̇т̇ааяа г̇ан̣ханд̇асса ниссаг̇г̇ияам̣ баажид̇д̇ияам̣, гзвалам̣ лолад̇ааяа г̇ан̣ханд̇асса анаамаасад̣̇уггадам̣, руубияачад̣д̣агасаммад̇асса анаабад̇д̇ийд̇и звам̣ ан̃н̃аман̃н̃асан̇гаравирахид̇з винаязби бадиб̣ало винзд̇унд̇и ад̇т̇о. бхаавзд̇ийд̇и вад̣дхзд̇и, зд̇зна палавасзна ж̇аванавасзна жа жид̇д̇асса вуд̣̇д̇хим̣ д̣̇ассзд̇и. ‘‘ависидта’’нд̇и баато, саад̇хааран̣анд̇и ад̇т̇о.
Gahakāranti imassa attabhāvagehassa kārakaṃ taṇhāvaḍḍhakiṃ gavesanto yena ñāṇena sakkā so daṭṭhuṃ, tassatthāya dīpaṅkarapādamūle katābhinīhāro ettakaṃ kālaṃ anekajātisaṃsāraṃ taṃ ñāṇaṃ avindanto vicarinti attho. Dukkhā jāti punappunanti idaṃ gahakārakagavesanassa kāraṇavacanaṃ. Sabbā te phāsukāti tava sabbā anavasesakilesaphāsukā mayā bhaggā. Gahakūṭaṃ nāma avijjā. Somanassasahagataṃ ñāṇaṃ somanassamayaṃ. Na hi somanassamayaṃ ñāṇaṃ khandhasabhāvabhedato. Daḷhīkammasithilakaraṇappayojanāti yebhuyyatāya vuttaṃ, taṃ pana tattha tattha pakāsayissāma. Aññamaññasaṅkaravirahite dhamme ca vinaye cāti ettha pāṇātipāto akusalanti evamādīsu maraṇādhippāyassa jīvitindriyupacchedakappayogasamuṭṭhāpikā cetanā akusalaṃ, na pāṇasaṅkhātajīvitindriyassa upacchedakasaṅkhāto atipāto. Tathā adinnassa parasantakassa ādānasaṅkhātā viññatti abyākato dhammo, tabbiññattisamuṭṭhāpikā theyyacetanā akusalo dhammoti (paṭṭhā. 1.1.27) evamādinā aññamaññasaṅkaravirahite dhamme paṭibalo vinetuṃ. Jātarūparajataṃ parasantakaṃ theyyacittena gaṇhantassa yathāvatthuṃ pārājikathullaccayadukkaṭesu aññataraṃ, bhaṇḍāgārikasīsena diyyamānaṃ gaṇhantassa pācittiyaṃ, attatthāya gaṇhantassa nissaggiyaṃ pācittiyaṃ, kevalaṃ lolatāya gaṇhantassa anāmāsadukkaṭaṃ, rūpiyachaḍḍakasammatassa anāpattīti evaṃ aññamaññasaṅkaravirahite vinayepi paṭibalo vinetunti attho. Bhāvetīti vaḍḍheti, etena phalavasena javanavasena ca cittassa vuddhiṃ dasseti. ‘‘Avisiṭṭha’’nti pāṭho, sādhāraṇanti attho.
д̣̇зсзнд̇асса васзнзд̇т̇а, д̣̇зсанаа бидагад̇д̇аяам̣;
Desentassa vasenettha, desanā piṭakattayaṃ;
саасид̇аб̣б̣авасзнзд̇ам̣, саасананд̇иби вужжад̇и.
Sāsitabbavasenetaṃ, sāsanantipi vuccati.
гат̇зд̇аб̣б̣асса ад̇т̇асса, васзнааби гат̇аад̇и жа;
Kathetabbassa atthassa, vasenāpi kathāti ca;
д̣̇зсанаа саасанаа гат̇аа, бхзд̣̇амбзвам̣ багаасаяз.
Desanā sāsanā kathā, bhedampevaṃ pakāsaye.
саасанасса набум̣сагад̇д̇аа ‘‘яат̇аа…бз… д̇хаммасаасанааний’’д̇и вуд̇д̇ам̣. д̣̇ужжарид̇асам̣гилзсам̣ наама ад̇т̇ад̇о жзд̇анаа, д̇ат̇аагаараббавад̇д̇ажид̇д̇уббаад̣̇о ваа. анижжаад̣̇илагкан̣ам̣ бадивиж̇жхид̇ваа бавад̇д̇ад̇д̇аа вибассанаажид̇д̇аани висаяад̇о логияаа’бхисамаяо асаммохад̇о логуд̇д̇аро, логуд̇д̇аро зва ваа абхисамаяо висаяад̇о ниб̣б̣аанасан̇каад̇асса ад̇т̇асса, ид̇арасса маг̇г̇аад̣̇игасса асаммохад̇од̇иби згз. зд̇т̇а ‘‘бадивзд̇хо’’д̇и вуд̇д̇ам̣ н̃аан̣ам̣, д̇ам̣ гат̇ам̣ г̇амбхийранд̇и жз? г̇амбхийрасса уд̣̇агасса бамаан̣аг̇г̇ахан̣агаалз д̣̇ийгхзна бамаан̣зна бхавид̇аб̣б̣ам̣, звам̣ алаб̣бханзяяабхаавад̣̇ассанад̇т̇ам̣ ид̣̇аанийд̇и вуд̇д̇анд̇и згз. яасса жад̇т̇ааяа маг̇г̇апалад̇т̇ааяа. д̇ан̃жа ад̇т̇ам̣ наанубхонд̇и наад̇хиг̇ажчанд̇и ган̃жи ад̇д̇анаа ад̇хиббзд̇ам̣, ид̇иваад̣̇абамогкан̃жа. гасмаа? ад̇т̇асса анубабаригкид̇ваа г̇ахид̇ад̇д̇аа. ад̇хиг̇ад̇апалад̇д̇аа бадивид̣̇д̇хаагуббо. буна кийн̣аасаваг̇г̇ахан̣зна араханд̇амзва д̣̇ассзд̇и, на сзгкам̣. со хи яат̇аа бхан̣д̣ааг̇аариго ран̃н̃о гадагамагудаад̣̇им̣ г̇обзд̇ваа ижчид̇ижчид̇агкан̣з убанзд̇и, звам̣ сахзд̇угаанам̣ сад̇д̇аанам̣ маг̇г̇апалад̇т̇ааяа д̇хаммам̣ д̣̇зсзси. д̇аасам̣язва д̇ад̇т̇а винаяабидагз бабхзд̣̇ад̇о вуд̇д̇ад̇д̇аа, вааяамид̇ваа д̇аа зва баабун̣аад̇ийд̇и аажарияаа. гимад̇т̇ам̣ д̇иссова виж̇ж̇аа д̇ад̇т̇а вибхад̇д̇аад̇и? сийласамбад̇д̇ияаа зд̇абарамубаниссаяабхаавад̇о. ‘‘абарзхиби сад̇д̇ахан̇г̇зхи саманнааг̇ад̇о бхигку винаяад̇харо ход̇и. аабад̇д̇им̣ ж̇аанаад̇и, анаабад̇д̇им̣, лахугам̣ аабад̇д̇им̣, г̇аругам̣ аабад̇д̇им̣, анзгавихид̇ам̣ буб̣б̣зниваасам̣ ануссарад̇и…бз… д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и…бз… аасаваанан̃жа каяаа…бз… убасамбаж̇ж̇а вихарад̇ий’’д̇и (бари. 327) суд̇д̇амзд̇т̇а саад̇хагам̣. винаяам̣ барияаабун̣ид̇ваа сийласамбад̇д̇им̣ ниссааяа аасавагкаяан̃аан̣зна сахзва вияа д̣̇иб̣б̣ажагкубуб̣б̣зниваасаануссад̇ин̃аан̣аани бадилабхад̇и. висум̣ зд̇зсам̣ баригаммагижжам̣ над̇т̇ийд̇и д̣̇ассанад̇т̇ам̣ д̇аасам̣язваад̇и вуд̇д̇анд̇и жа вад̣̇анд̇и згз. абхид̇хаммз бана д̇иссовиж̇ж̇аа ча абхин̃н̃аа жад̇ассо жа бадисамбхид̣̇аа ан̃н̃з жа саммаббад̇хаанаад̣̇аяо г̇ун̣ависзсаа вибхад̇д̇аа. гин̃жааби вибхад̇д̇аа, д̇ат̇ааби висзсад̇о бан̃н̃ааж̇аад̇игад̇д̇аа жад̇ассо бадисамбхид̣̇аа баабун̣аад̇ийд̇и д̣̇ассанад̇т̇ам̣ д̇аасам̣ д̇ад̇т̇зваад̇и авад̇хааран̣авибаллаасо гад̇о. ад̇д̇анаа д̣̇уг̇г̇ахид̇зна д̇хаммзнаад̇и баатасзсо. гад̇д̇ари жзд̇ам̣ гаран̣аважанам̣, хзд̇уд̇т̇з жа, ад̇д̇анаа д̣̇уг̇г̇ахид̇ахзд̇ууд̇и ад̇хиббааяо. гасмаа банаад̇и ‘‘ануломиго’’д̇и вуд̇д̇ад̇т̇ам̣ д̣̇ийбзд̇и.
Sāsanassa napuṃsakattā ‘‘yathā…pe… dhammasāsanānī’’ti vuttaṃ. Duccaritasaṃkilesaṃ nāma atthato cetanā, tathākārappavattacittuppādo vā. Aniccādilakkhaṇaṃ paṭivijjhitvā pavattattā vipassanācittāni visayato lokiyā’bhisamayo asammohato lokuttaro, lokuttaro eva vā abhisamayo visayato nibbānasaṅkhātassa atthassa, itarassa maggādikassa asammohatotipi eke. Ettha ‘‘paṭivedho’’ti vuttaṃ ñāṇaṃ, taṃ kathaṃ gambhīranti ce? Gambhīrassa udakassa pamāṇaggahaṇakāle dīghena pamāṇena bhavitabbaṃ, evaṃ alabbhaneyyabhāvadassanatthaṃ idānīti vuttanti eke. Yassa catthāya maggaphalatthāya. Tañca atthaṃ nānubhonti nādhigacchanti kañci attanā adhippetaṃ, itivādapamokkhañca. Kasmā? Atthassa anupaparikkhitvā gahitattā. Adhigataphalattā paṭividdhākuppo. Puna khīṇāsavaggahaṇena arahantameva dasseti, na sekkhaṃ. So hi yathā bhaṇḍāgāriko rañño kaṭakamakuṭādiṃ gopetvā icchiticchitakkhaṇe upaneti, evaṃ sahetukānaṃ sattānaṃ maggaphalatthāya dhammaṃ desesi. Tāsaṃyeva tattha vinayapiṭake pabhedato vuttattā, vāyamitvā tā eva pāpuṇātīti ācariyā. Kimatthaṃ tissova vijjā tattha vibhattāti? Sīlasampattiyā etaparamupanissayabhāvato. ‘‘Aparehipi sattahaṅgehi samannāgato bhikkhu vinayadharo hoti. Āpattiṃ jānāti, anāpattiṃ, lahukaṃ āpattiṃ, garukaṃ āpattiṃ, anekavihitaṃ pubbenivāsaṃ anussarati…pe… dibbena cakkhunā visuddhena atikkantamānusakena satte passati…pe… āsavānañca khayā…pe… upasampajja viharatī’’ti (pari. 327) suttamettha sādhakaṃ. Vinayaṃ pariyāpuṇitvā sīlasampattiṃ nissāya āsavakkhayañāṇena saheva viya dibbacakkhupubbenivāsānussatiñāṇāni paṭilabhati. Visuṃ etesaṃ parikammakiccaṃ natthīti dassanatthaṃ tāsaṃyevāti vuttanti ca vadanti eke. Abhidhamme pana tissovijjā cha abhiññā catasso ca paṭisambhidā aññe ca sammappadhānādayo guṇavisesā vibhattā. Kiñcāpi vibhattā, tathāpi visesato paññājātikattā catasso paṭisambhidā pāpuṇātīti dassanatthaṃ tāsaṃ tatthevāti avadhāraṇavipallāso kato. Attanā duggahitena dhammenāti pāṭhaseso. Kattari cetaṃ karaṇavacanaṃ, hetutthe ca, attanā duggahitahetūti adhippāyo. Kasmā panāti ‘‘anulomiko’’ti vuttatthaṃ dīpeti.
батамамахаасан̇г̇ийд̇игат̇ааван̣н̣анаанаяо.
Paṭhamamahāsaṅgītikathāvaṇṇanānayo.
