| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
батамамахаасан̇г̇ийд̇игат̇ааван̣н̣анаа
Paṭhamamahāsaṅgītikathāvaṇṇanā
батамамахаасан̇г̇ийд̇и наама жзсаад̇и зд̇т̇а жа-сад̣̇д̣̇о вад̇д̇аб̣б̣асамбин̣д̣анад̇т̇о, убан̃н̃аасад̇т̇о ваа, убан̃н̃аасод̇и жа ваагяаарамбхо вужжад̇и. зсаа хи г̇ант̇агаараанам̣ багад̇и, яад̣̇ид̣̇ам̣ гин̃жи вад̇ваа буна абарам̣ вад̇д̇умаарабханд̇аанам̣ жа-сад̣̇д̣̇аббаяог̇о. яат̇аабажжаяам̣ д̇ад̇т̇а д̇ад̇т̇а д̣̇зсид̇ад̇д̇аа виббагин̣н̣аанам̣ д̇хаммавинаяаанам̣ сабхааг̇ад̇т̇авасзна сан̇г̇ахзд̇ваа г̇ааяанам̣ гат̇анам̣ сан̇г̇ийд̇и, махаависаяад̇д̇аа бууж̇анийяад̇д̇аа жа махад̇ий сан̇г̇ийд̇и махаасан̇г̇ийд̇и. д̣̇уд̇ияаад̣̇им̣ убаад̣̇ааяа жзсаа ‘‘батамамахаасан̇г̇ийд̇ий’’д̇и вуд̇д̇аа. нид̣̇ад̣̇аад̇и д̣̇зсанам̣ д̣̇зсагаалаад̣̇ивасзна авид̣̇ид̇ам̣ вид̣̇ид̇ам̣ гад̇ваа нид̣̇ассзд̇ийд̇и нид̣̇аанам̣, д̇ад̇т̇а госаллад̇т̇ам̣.
Paṭhamamahāsaṅgīti nāma cesāti ettha ca-saddo vattabbasampiṇḍanattho, upaññāsattho vā, upaññāsoti ca vākyārambho vuccati. Esā hi ganthakārānaṃ pakati, yadidaṃ kiñci vatvā puna aparaṃ vattumārabhantānaṃ ca-saddappayogo. Yathāpaccayaṃ tattha tattha desitattā vippakiṇṇānaṃ dhammavinayānaṃ sabhāgatthavasena saṅgahetvā gāyanaṃ kathanaṃ saṅgīti, mahāvisayattā pūjanīyattā ca mahatī saṅgīti mahāsaṅgīti. Dutiyādiṃ upādāya cesā ‘‘paṭhamamahāsaṅgītī’’ti vuttā. Nidadāti desanaṃ desakālādivasena aviditaṃ viditaṃ katvā nidassetīti nidānaṃ, tattha kosallatthaṃ.
взнзяяаанам̣ маг̇г̇апалуббад̇д̇ихзд̇убхууд̇аава гирияаа ниббарияааязна б̣уд̣̇д̇хагижжанд̇и ааха ‘‘д̇хаммажаггаббавад̇д̇анан̃хи аад̣̇им̣ гад̇ваа’’д̇и. д̇ад̇т̇а сад̇ибадтаанаад̣̇ид̇хаммо зва бавад̇д̇анадтзна жагганд̇и д̇хаммажаггам̣, жагганд̇и ваа аан̣аа, д̇ам̣ д̇хаммад̇о анабзд̇ад̇д̇аа д̇хаммажаггам̣, д̇хаммзна н̃ааязна жагганд̇иби д̇хаммажаггам̣. гад̇аб̣уд̣̇д̇хагижжзд̇и нидтид̇аб̣уд̣̇д̇хагижжз бхаг̇авад̇и логанаат̇зд̇и самб̣анд̇хо. гусинаарааяанд̇и самийбад̇т̇з зд̇ам̣ бхуммаважанам̣. убавад̇д̇анз маллаанам̣ саалаванзд̇и д̇асса наг̇арасса убавад̇д̇анабхууд̇ам̣ малларааж̇уунам̣ саалавануяяаанам̣ д̣̇ассзд̇и. д̇ад̇т̇а наг̇арам̣ бависанд̇аа уяяаанад̇о убзжжа вад̇д̇анд̇и г̇ажчанд̇и зд̇знаад̇и ‘‘убавад̇д̇ана’’нд̇и уяяаанасса жа наг̇арасса жа маж̇жхз саалаванам̣ вужжад̇и. гусинаарааяа хи д̣̇агкин̣абажчимад̣̇исааяа д̇ам̣ уяяаанам̣ ход̇и, д̇ад̇о уяяаанад̇о саалаванарааж̇ивирааж̇ид̇о маг̇г̇о баажийнаабхимуко г̇анд̇ваа наг̇арасса д̣̇агкин̣ад̣̇ваараабхимуко уд̇д̇арзна нивад̇д̇о, д̇зна маг̇г̇зна мануссаа наг̇арам̣ бависанд̇и, д̇асмаа д̇ам̣ ‘‘убавад̇д̇ана’’нд̇и вужжад̇и. д̇ад̇т̇а гира убавад̇д̇анз ан̃н̃аман̃н̃асам̣садтавидабаанам̣ самбанначааяаанам̣ саалабанд̇ийнаманд̇арз бхаг̇авад̇о бариниб̣б̣аанаман̃жо бан̃н̃ад̇д̇о, д̇ам̣ санд̇хааяа вуд̇д̇ам̣ ‘‘яамагасаалаанаманд̇арз’’д̇и. убаад̣̇ийяад̇и гаммагилзсзхийд̇и убаад̣̇и, вибаагагканд̇хаа гадад̇д̇аа жа руубам̣. д̇ад̣̇зва гаммагилзсзхи саммаа аббахийнад̇ааяа сзсо, над̇т̇и зд̇т̇а убаад̣̇исзсод̇и анубаад̣̇исзсаа, ниб̣б̣аанад̇хаад̇у, д̇ааяа. ид̇т̇амбхууд̇алагкан̣з жааяам̣ гаран̣анид̣̇д̣̇зсо. бариниб̣б̣аанзд̇и нимид̇д̇ад̇т̇з бхуммам̣, бариниб̣б̣аанахзд̇у д̇асмим̣ таанз саннибад̇ид̇аананд̇и ад̇т̇о. сан̇гхасса т̇зро ж̇здто сан̇гхад̇т̇зро. зд̇т̇а жа сан̇гхасад̣̇д̣̇асса бхигкусад̇асахассасад̣̇д̣̇асаабзгкад̇д̇зби г̇амагад̇д̇аа т̇зрасад̣̇д̣̇зна самаасо яат̇аа д̣̇звад̣̇ад̇д̇асса г̇аругуланд̇и. ааяасмаа махаагассабо д̇хаммавинаяасан̇г̇ааяанад̇т̇ам̣ бхигкуунам̣ уссаахам̣ ж̇анзсийд̇и самб̣анд̇хо.
Veneyyānaṃ maggaphaluppattihetubhūtāva kiriyā nippariyāyena buddhakiccanti āha ‘‘dhammacakkappavattanañhi ādiṃ katvā’’ti. Tattha satipaṭṭhānādidhammo eva pavattanaṭṭhena cakkanti dhammacakkaṃ, cakkanti vā āṇā, taṃ dhammato anapetattā dhammacakkaṃ, dhammena ñāyena cakkantipi dhammacakkaṃ. Katabuddhakicceti niṭṭhitabuddhakicce bhagavati lokanātheti sambandho. Kusinārāyanti samīpatthe etaṃ bhummavacanaṃ. Upavattane mallānaṃ sālavaneti tassa nagarassa upavattanabhūtaṃ mallarājūnaṃ sālavanuyyānaṃ dasseti. Tattha nagaraṃ pavisantā uyyānato upecca vattanti gacchanti etenāti ‘‘upavattana’’nti uyyānassa ca nagarassa ca majjhe sālavanaṃ vuccati. Kusinārāya hi dakkhiṇapacchimadisāya taṃ uyyānaṃ hoti, tato uyyānato sālavanarājivirājito maggo pācīnābhimukho gantvā nagarassa dakkhiṇadvārābhimukho uttarena nivatto, tena maggena manussā nagaraṃ pavisanti, tasmā taṃ ‘‘upavattana’’nti vuccati. Tattha kira upavattane aññamaññasaṃsaṭṭhaviṭapānaṃ sampannachāyānaṃ sālapantīnamantare bhagavato parinibbānamañco paññatto, taṃ sandhāya vuttaṃ ‘‘yamakasālānamantare’’ti. Upādīyati kammakilesehīti upādi, vipākakkhandhā kaṭattā ca rūpaṃ. Tadeva kammakilesehi sammā appahīnatāya seso, natthi ettha upādisesoti anupādisesā, nibbānadhātu, tāya. Itthambhūtalakkhaṇe cāyaṃ karaṇaniddeso. Parinibbāneti nimittatthe bhummaṃ, parinibbānahetu tasmiṃ ṭhāne sannipatitānanti attho. Saṅghassa thero jeṭṭho saṅghatthero. Ettha ca saṅghasaddassa bhikkhusatasahassasaddasāpekkhattepi gamakattā therasaddena samāso yathā devadattassa garukulanti. Āyasmā mahākassapo dhammavinayasaṅgāyanatthaṃ bhikkhūnaṃ ussāhaṃ janesīti sambandho.
д̇ат̇аа уссаахам̣ ж̇ананасса гааран̣амааха сад̇д̇аахабариниб̣б̣уд̇зд̇иаад̣̇и. сад̇д̇а ахаани самаахадаани сад̇д̇аахам̣, сад̇д̇аахам̣ бариниб̣б̣уд̇асса ассаад̇и сад̇д̇аахабариниб̣б̣уд̇о, сад̇д̇аахабариниб̣б̣уд̇з субхад̣̇д̣̇зна вуд̣дхабаб̣б̣аж̇ид̇зна вуд̇д̇аважанамануссаранд̇од̇и самб̣анд̇хо. алам̣, аавусод̇иаад̣̇инаа д̇зна вуд̇д̇аважанам̣ д̣̇ассзд̇и. д̇ад̇т̇а аланд̇и бадигкзбаважанам̣. д̇зна махаасаман̣знаад̇и ниссаггз гаран̣аважанам̣, д̇ад̇о махаасаман̣ад̇о судту муд̇д̇аа маяанд̇и ад̇т̇о, убад̣̇д̣̇уд̇аа жа хома д̇ад̣̇аад̇и ад̇хиббааяо, хомаад̇и ваа ад̇ийд̇ад̇т̇з вад̇д̇амаанаважанам̣, ахумхаад̇и ад̇т̇о. таанам̣ ко банзд̇ам̣ виж̇ж̇ад̇ийд̇и д̇идтад̇и зд̇т̇а палам̣ д̇ад̣̇ааяад̇д̇авуд̇д̇ид̇ааяаад̇и таанам̣, хзд̇у. код̇и авад̇хааран̣з, зд̇ам̣ гааран̣ам̣ виж̇ж̇ад̇зва, но на виж̇ж̇ад̇ийд̇и ад̇т̇о. гим̣ д̇ам̣ гааран̣анд̇и? ааха яам̣ баабабхигкууд̇иаад̣̇и. зд̇т̇а яанд̇и нибаад̇амад̇д̇ам̣, гааран̣анид̣̇д̣̇зсо ваа, язна гааран̣зна анд̇арад̇хаабзяяум̣, д̇ад̣̇зд̇ам̣ гааран̣ам̣ виж̇ж̇ад̇ийд̇и ад̇т̇о. ад̇ийд̇о ад̇игганд̇о сад̇т̇аа зд̇т̇а, зд̇ассаад̇и ваа ад̇ийд̇асад̇т̇угам̣, бааважанам̣. бад̇хаанам̣ важанам̣ бааважанам̣, д̇хаммавинаяанд̇и вуд̇д̇ам̣ ход̇и. багкам̣ лабхид̇ваад̇и алаж̇ж̇ийбагкам̣ лабхид̇ваа. на жирассзваад̇и на жирзнзва. яаава жа д̇хаммавинаяо д̇идтад̇ийд̇и яад̇д̇агам̣ гаалам̣ д̇хаммо жа винаяо жа лаж̇ж̇ийбуг̇г̇алзсу д̇идтад̇и.
Tathā ussāhaṃ jananassa kāraṇamāha sattāhaparinibbutetiādi. Satta ahāni samāhaṭāni sattāhaṃ, sattāhaṃ parinibbutassa assāti sattāhaparinibbuto, sattāhaparinibbute subhaddena vuḍḍhapabbajitena vuttavacanamanussarantoti sambandho. Alaṃ, āvusotiādinā tena vuttavacanaṃ dasseti. Tattha alanti paṭikkhepavacanaṃ. Tena mahāsamaṇenāti nissakke karaṇavacanaṃ, tato mahāsamaṇato suṭṭhu muttā mayanti attho, upaddutā ca homa tadāti adhippāyo, homāti vā atītatthe vattamānavacanaṃ, ahumhāti attho. Ṭhānaṃ kho panetaṃ vijjatīti tiṭṭhati ettha phalaṃ tadāyattavuttitāyāti ṭhānaṃ, hetu. Khoti avadhāraṇe, etaṃ kāraṇaṃ vijjateva, no na vijjatīti attho. Kiṃ taṃ kāraṇanti? Āha yaṃ pāpabhikkhūtiādi. Ettha yanti nipātamattaṃ, kāraṇaniddeso vā, yena kāraṇena antaradhāpeyyuṃ, tadetaṃ kāraṇaṃ vijjatīti attho. Atīto atikkanto satthā ettha, etassāti vā atītasatthukaṃ, pāvacanaṃ. Padhānaṃ vacanaṃ pāvacanaṃ, dhammavinayanti vuttaṃ hoti. Pakkhaṃ labhitvāti alajjīpakkhaṃ labhitvā. Na cirassevāti na cireneva. Yāva ca dhammavinayo tiṭṭhatīti yattakaṃ kālaṃ dhammo ca vinayo ca lajjīpuggalesu tiṭṭhati.
вуд̇д̇ан̃хзд̇ам̣ бхаг̇авад̇аад̇и бариниб̣б̣аанаман̃жз нибаннзна бхаг̇авад̇аа вуд̇д̇анд̇и ад̇т̇о. д̣̇зсид̇о бан̃н̃ад̇д̇од̇и суд̇д̇аабхид̇хаммабидагасан̇г̇ахид̇асса д̇хаммасса жзва винаяабидагасан̇г̇ахид̇асса винаяасса жа ад̇исаж̇ж̇анам̣ баб̣од̇ханам̣ д̣̇зсанаа. д̇ассзва багаарад̇о н̃аабанам̣ асан̇гарад̇о табанам̣ бан̃н̃аабанам̣. со во мамажжаязна сад̇т̇аад̇и со д̇хаммавинаяо д̇умхаагам̣ мамажжаязна сад̇т̇аа маяи бариниб̣б̣уд̇з сад̇т̇угижжам̣ саад̇хзссад̇и. саасананд̇и барияад̇д̇ибадибад̇д̇ибадивзд̇хавасзна д̇ивид̇хам̣ саасанам̣, ниббарияааяад̇о бана сад̇д̇ад̇д̇им̣са б̣од̇хибагкияад̇хаммаа. ад̣̇д̇ханияанд̇и ад̣̇д̇хаанагкамам̣, д̇ад̣̇зва жирадтид̇игам̣ асса бхавзяяаад̇и самб̣анд̇хо.
Vuttañhetaṃ bhagavatāti parinibbānamañce nipannena bhagavatā vuttanti attho. Desito paññattoti suttābhidhammapiṭakasaṅgahitassa dhammassa ceva vinayapiṭakasaṅgahitassa vinayassa ca atisajjanaṃ pabodhanaṃ desanā. Tasseva pakārato ñāpanaṃ asaṅkarato ṭhapanaṃ paññāpanaṃ. So vo mamaccayena satthāti so dhammavinayo tumhākaṃ mamaccayena satthā mayi parinibbute satthukiccaṃ sādhessati. Sāsananti pariyattipaṭipattipaṭivedhavasena tividhaṃ sāsanaṃ, nippariyāyato pana sattattiṃsa bodhipakkhiyadhammā. Addhaniyanti addhānakkhamaṃ, tadeva ciraṭṭhitikaṃ assa bhaveyyāti sambandho.
ид̣̇аани саммаасамб̣уд̣̇д̇хзна ад̇д̇ано гад̇ам̣ ануг̇г̇ахависзсам̣ вибхаавзнд̇о ааха яан̃жаахам̣ бхаг̇авад̇аад̇иаад̣̇и. д̇ад̇т̇а яан̃жааханд̇и зд̇асса ануг̇г̇ахид̇од̇и зд̇зна самб̣анд̇хо. д̇ад̇т̇а яанд̇и яасмаа, язна гааран̣знаад̇и вуд̇д̇ам̣ ход̇и. гирияаабараамасанам̣ ваа зд̇ам̣, д̇зна ануг̇г̇ахид̇од̇и зд̇т̇а ануг̇г̇ахан̣ам̣ бараамасад̇и. д̇хаарзссасийд̇иаад̣̇игам̣ бхаг̇авад̇аа махаагассабад̇т̇зрзна сад̣̇д̇хим̣ жийварабаривад̇д̇анам̣ гаад̇угаамзна вуд̇д̇аважанам̣. д̇хаарзссаси бана мз д̇вам̣ гассабаад̇и ‘‘гассаба, д̇вам̣ имаани барибхог̇аж̇ин̣н̣аани бам̣сугуулаани баарубид̇ум̣ сагкиссасий’’д̇и вад̣̇ад̇и, д̇ан̃жа ко на гааяаб̣алам̣ санд̇хааяа, бадибад̇д̇ибууран̣ам̣ бана санд̇хааяа звамааха. саан̣аани бам̣сугуулаанийд̇и мад̇агал̣зварам̣ баливзтзд̇ваа чад̣д̣ид̇аани д̇умб̣амад̇д̇з гимаяо бабподзд̇ваа г̇ахид̇аани саан̣аваагамаяаани бам̣сугуулажийвараани. рат̇игаад̣̇ийнам̣ яад̇т̇а гад̇т̇ажи бам̣суунам̣ убари тид̇ад̇д̇аа аб̣бхуг̇г̇ад̇адтзна д̇зсу гууламиваад̇и бам̣сугуулам̣. ат̇а ваа бам̣су вияа гужчид̇абхаавам̣ улад̇и г̇ажчад̇ийд̇и бам̣сугууланд̇и бам̣сугууласад̣̇д̣̇асса ад̇т̇о д̣̇адтаб̣б̣о. ниб̣б̣асанаанийд̇и нидтид̇авасанагижжаани, барибхог̇аж̇ин̣н̣аанийд̇и ад̇т̇о. згамзва д̇ам̣ жийварам̣ анзгааваяавад̇д̇аа б̣ахуважанам̣ гад̇ам̣. саад̇хааран̣абарибхог̇знаад̇и ад̇д̇анаа самаанабарибхог̇зна, саад̇хааран̣абарибхог̇зна жа самасамадтабанзна жа ануг̇г̇ахид̇од̇и самб̣анд̇хо.
Idāni sammāsambuddhena attano kataṃ anuggahavisesaṃ vibhāvento āha yañcāhaṃ bhagavatātiādi. Tattha yañcāhanti etassa anuggahitoti etena sambandho. Tattha yanti yasmā, yena kāraṇenāti vuttaṃ hoti. Kiriyāparāmasanaṃ vā etaṃ, tena anuggahitoti ettha anuggahaṇaṃ parāmasati. Dhāressasītiādikaṃ bhagavatā mahākassapattherena saddhiṃ cīvaraparivattanaṃ kātukāmena vuttavacanaṃ. Dhāressasi pana me tvaṃ kassapāti ‘‘kassapa, tvaṃ imāni paribhogajiṇṇāni paṃsukūlāni pārupituṃ sakkhissasī’’ti vadati, tañca kho na kāyabalaṃ sandhāya, paṭipattipūraṇaṃ pana sandhāya evamāha. Sāṇāni paṃsukūlānīti matakaḷevaraṃ paliveṭhetvā chaḍḍitāni tumbamatte kimayo papphoṭetvā gahitāni sāṇavākamayāni paṃsukūlacīvarāni. Rathikādīnaṃ yattha katthaci paṃsūnaṃ upari ṭhitattā abbhuggataṭṭhena tesu kūlamivāti paṃsukūlaṃ. Atha vā paṃsu viya kucchitabhāvaṃ ulati gacchatīti paṃsukūlanti paṃsukūlasaddassa attho daṭṭhabbo. Nibbasanānīti niṭṭhitavasanakiccāni, paribhogajiṇṇānīti attho. Ekameva taṃ cīvaraṃ anekāvayavattā bahuvacanaṃ kataṃ. Sādhāraṇaparibhogenāti attanā samānaparibhogena, sādhāraṇaparibhogena ca samasamaṭṭhapanena ca anuggahitoti sambandho.
ид̣̇аани наваанубуб̣б̣авихаарачал̣абхин̃н̃ааббабхзд̣̇з уд̇д̇аримануссад̇хаммз ад̇д̇анаа самасамадтабанад̇т̇ааяа бхаг̇авад̇аа вуд̇д̇ам̣ гассабасам̣яуд̇д̇з (сам̣. ни. 2.152) ааг̇ад̇ам̣ баал̣им̣ бзяяааламукзна аад̣̇иг̇г̇ахан̣зна жа сан̇кибид̇ваа д̣̇ассзнд̇о ааха ахам̣, бхигкавзд̇иаад̣̇и. д̇ад̇т̇а яаавад̣̇з ааган̇каамийд̇и яаавад̣̇зва ааган̇каами, яад̇д̇агам̣ гаалам̣ ижчаамийд̇и ад̇т̇о, ‘‘яаавад̣̇зваа’’д̇иби баато. наваанубуб̣б̣авихаарачал̣абхин̃н̃ааббабхзд̣̇зд̇и зд̇т̇а наваанубуб̣б̣авихааро наама анубадибаадияаа самаабаж̇ж̇ид̇аб̣б̣абхаавад̇о звам̣сан̃н̃ид̇аа нирод̇хасамаабад̇д̇ияаа саха адта руубааруубасамаабад̇д̇ияо. чал̣абхин̃н̃аа наама аасавагкаяан̃аан̣зна сад̣̇д̇хим̣ бан̃жаабхин̃н̃ааяо. ад̇д̇анаа самасамадтабанзнаад̇и ‘‘ахам̣ яад̇д̇агам̣ гаалам̣ яад̇д̇агз самаабад̇д̇ивихаарз абхин̃н̃ааяо жа вал̣ан̃ж̇зми, д̇ат̇аа гассабобий’’д̇и звам̣ яат̇аавуд̇д̇ауд̇д̇аримануссад̇хаммз ад̇д̇анаа самасамам̣ гад̇ваа табанзна, ид̣̇ан̃жа уд̇д̇аримануссад̇хаммасааман̃н̃зна т̇зрасса басам̣саамад̇д̇зна вуд̇д̇ам̣, на бхаг̇авад̇аа сад̣̇д̇хим̣ саб̣б̣ат̇аа самад̇ааяа. бхаг̇авад̇о хи г̇ун̣ависзсам̣ убаад̣̇ааяа саавагаа бажжзгаб̣уд̣̇д̇хаа жа галамби галабхааг̇амби на убзнд̇и, д̇асса гиман̃н̃ам̣ аан̣ан̣яам̣ бхависсад̇и ан̃н̃ад̇ра д̇хаммавинаяасан̇г̇ааяанаад̇и ад̇хиббааяо. д̇ад̇т̇а д̇ассаад̇и д̇асса ануг̇г̇ахасса, д̇асса мзд̇и ваа ад̇т̇о г̇ахзд̇аб̣б̣о. бод̇т̇агзсу хи гзсужи ‘‘д̇асса мз’’д̇и баато д̣̇иссад̇и. аан̣ан̣яам̣ ан̣ан̣абхааво. сагагаважаиссарияаануббад̣̇аанзнаад̇и зд̇т̇а жийварасса нид̣̇ассанавасзна гаважассзва г̇ахан̣ам̣ гад̇ам̣, самаабад̇д̇ияаа нид̣̇ассанавасзна иссарияам̣ г̇ахид̇ам̣.
Idāni navānupubbavihārachaḷabhiññāppabhede uttarimanussadhamme attanā samasamaṭṭhapanatthāya bhagavatā vuttaṃ kassapasaṃyutte (saṃ. ni. 2.152) āgataṃ pāḷiṃ peyyālamukhena ādiggahaṇena ca saṅkhipitvā dassento āha ahaṃ, bhikkhavetiādi. Tattha yāvade ākaṅkhāmīti yāvadeva ākaṅkhāmi, yattakaṃ kālaṃ icchāmīti attho, ‘‘yāvadevā’’tipi pāṭho. Navānupubbavihārachaḷabhiññāppabhedeti ettha navānupubbavihāro nāma anupaṭipāṭiyā samāpajjitabbabhāvato evaṃsaññitā nirodhasamāpattiyā saha aṭṭha rūpārūpasamāpattiyo. Chaḷabhiññā nāma āsavakkhayañāṇena saddhiṃ pañcābhiññāyo. Attanā samasamaṭṭhapanenāti ‘‘ahaṃ yattakaṃ kālaṃ yattake samāpattivihāre abhiññāyo ca vaḷañjemi, tathā kassapopī’’ti evaṃ yathāvuttauttarimanussadhamme attanā samasamaṃ katvā ṭhapanena, idañca uttarimanussadhammasāmaññena therassa pasaṃsāmattena vuttaṃ, na bhagavatā saddhiṃ sabbathā samatāya. Bhagavato hi guṇavisesaṃ upādāya sāvakā paccekabuddhā ca kalampi kalabhāgampi na upenti, tassa kimaññaṃ āṇaṇyaṃ bhavissati aññatra dhammavinayasaṅgāyanāti adhippāyo. Tattha tassāti tassa anuggahassa, tassa meti vā attho gahetabbo. Potthakesu hi kesuci ‘‘tassa me’’ti pāṭho dissati. Āṇaṇyaṃ aṇaṇabhāvo. Sakakavacaissariyānuppadānenāti ettha cīvarassa nidassanavasena kavacasseva gahaṇaṃ kataṃ, samāpattiyā nidassanavasena issariyaṃ gahitaṃ.
ид̣̇аани яат̇аавуд̇д̇амад̇т̇ам̣ баал̣ияаа вибхаавзнд̇о ааха яат̇аахаад̇иаад̣̇и. д̇ад̇т̇а згамид̣̇ааханд̇и зд̇т̇а ид̣̇анд̇и нибаад̇амад̇д̇ам̣. згам̣ самаяанд̇и згасмим̣ самаязд̇и ад̇т̇о. баавааяаад̇и бааваанаг̇арад̇о. ад̣̇д̇хаанамаг̇г̇аббадибаннод̇и д̣̇ийгхамаг̇г̇аббадибанно. д̣̇ийгхабарияааяо хзд̇т̇а ад̣̇д̇хаанасад̣̇д̣̇о. саб̣б̣ам̣ субхад̣̇д̣̇аган̣д̣ам̣ вид̇т̇аарад̇о взд̣̇ид̇аб̣б̣анд̇и бан̃жасад̇игагканд̇хагз ааг̇ад̇ам̣ субхад̣̇д̣̇аган̣д̣ам̣ ид̇ха аанзд̇ваа вид̇т̇аарзд̇аб̣б̣ам̣.
Idāni yathāvuttamatthaṃ pāḷiyā vibhāvento āha yathāhātiādi. Tattha ekamidāhanti ettha idanti nipātamattaṃ. Ekaṃ samayanti ekasmiṃ samayeti attho. Pāvāyāti pāvānagarato. Addhānamaggappaṭipannoti dīghamaggappaṭipanno. Dīghapariyāyo hettha addhānasaddo. Sabbaṃ subhaddakaṇḍaṃ vitthārato veditabbanti pañcasatikakkhandhake āgataṃ subhaddakaṇḍaṃ idha ānetvā vitthāretabbaṃ.
д̇ад̇о баранд̇и субхад̣̇д̣̇аган̣д̣ад̇о барам̣. саб̣б̣ам̣ субхад̣̇д̣̇аган̣д̣ам̣ вид̇т̇аарад̇о взд̣̇ид̇аб̣б̣анд̇и иминаа ‘‘яам̣ на ижчиссаама, на д̇ам̣ гариссаамаа’’д̇и зд̇ам̣ барияанд̇ам̣ субхад̣̇д̣̇аган̣д̣абаал̣им̣ д̣̇ассзд̇ваа ид̣̇аани авасзсам̣ уссаахаж̇ананаббагаараббавад̇д̇ам̣ баал̣имзва д̣̇ассзнд̇о ханд̣̇а маяам̣ аавусод̇иаад̣̇имааха. д̇ад̇т̇а бурз ад̇хаммо д̣̇иббад̇ийд̇и зд̇т̇а ‘‘ад̇хаммо наама д̣̇асагусалагаммабат̇абадибагкабхууд̇о ад̇хаммо’’д̇и саарад̇т̇ад̣̇ийбанияам̣ (саарад̇т̇а. дий. 1.батамамахаасан̇г̇ийд̇игат̇ааван̣н̣анаа) вуд̇д̇ам̣. д̇хаммасан̇г̇ахан̣ад̇т̇ам̣ уссаахаж̇ананаббасан̇г̇ад̇д̇аа бана д̇хаммавинаяаанам̣ асан̇г̇ааяанахзд̇уд̣̇осаг̇ан̣о самбхавад̇и, со зва зд̇т̇а ад̇хаммо д̣̇иббад̇и д̇аббадибагко д̇хаммо жа бадиб̣аахийяад̇ийд̇и вад̇д̇аб̣б̣ам̣. аби жа ‘‘ад̇хаммаваад̣̇ино б̣алаванд̇о хонд̇и д̇хаммаваад̣̇ино д̣̇уб̣б̣алаа хонд̇ий’’д̇и вужжамаанад̇д̇аа язна ад̇хаммзна д̇з субхад̣̇д̣̇аваж̇ж̇ибуд̇д̇агаад̣̇аяо ад̇хаммаваад̣̇ино, язна жа д̇хаммзна ид̇арз д̇хаммаваад̣̇инова хонд̇и. д̇зязва ид̇ха ‘‘ад̇хаммо’’ ‘‘д̇хаммо’’д̇и жа вад̇д̇аб̣б̣аа. д̇асмаа сийлавибад̇д̇иаад̣̇ихзд̇уго баабижчад̇аад̣̇ид̣̇осаг̇ан̣о ад̇хаммо, д̇аббадибагко сийласамбад̣̇аад̣̇ихзд̇уго аббижчад̇аад̣̇иг̇ун̣асамуухо д̇хаммод̇и жа г̇ахзд̇аб̣б̣ам̣. бурз д̣̇иббад̇ийд̇и аби наама д̣̇иббад̇и. ат̇а ваа яаава ад̇хаммо д̇хаммам̣ бадиб̣аахид̇ум̣ самад̇т̇о ход̇и, д̇ад̇о бурзд̇арамзваад̇и ад̇т̇о. д̣̇иббад̇ийд̇и д̣̇иббиссад̇и. бурзсад̣̇д̣̇аяог̇зна хи анааг̇ад̇ад̇т̇з аяам̣ вад̇д̇амаанаббаяог̇о, яат̇аа бураа вассад̇и д̣̇звод̇и. авинаяод̇и бахаанавинаяаад̣̇ийнам̣ бадибагкабхууд̇о авинаяо.
Tato paranti subhaddakaṇḍato paraṃ. Sabbaṃ subhaddakaṇḍaṃ vitthārato veditabbanti iminā ‘‘yaṃ na icchissāma, na taṃ karissāmā’’ti etaṃ pariyantaṃ subhaddakaṇḍapāḷiṃ dassetvā idāni avasesaṃ ussāhajananappakārappavattaṃ pāḷimeva dassento handa mayaṃ āvusotiādimāha. Tattha pure adhammo dippatīti ettha ‘‘adhammo nāma dasakusalakammapathapaṭipakkhabhūto adhammo’’ti sāratthadīpaniyaṃ (sārattha. ṭī. 1.paṭhamamahāsaṅgītikathāvaṇṇanā) vuttaṃ. Dhammasaṅgahaṇatthaṃ ussāhajananappasaṅgattā pana dhammavinayānaṃ asaṅgāyanahetudosagaṇo sambhavati, so eva ettha adhammo dippati tappaṭipakkho dhammo ca paṭibāhīyatīti vattabbaṃ. Api ca ‘‘adhammavādino balavanto honti dhammavādino dubbalā hontī’’ti vuccamānattā yena adhammena te subhaddavajjiputtakādayo adhammavādino, yena ca dhammena itare dhammavādinova honti. Teyeva idha ‘‘adhammo’’ ‘‘dhammo’’ti ca vattabbā. Tasmā sīlavipattiādihetuko pāpicchatādidosagaṇo adhammo, tappaṭipakkho sīlasampadādihetuko appicchatādiguṇasamūho dhammoti ca gahetabbaṃ. Pure dippatīti api nāma dippati. Atha vā yāva adhammo dhammaṃ paṭibāhituṃ samattho hoti, tato puretaramevāti attho. Dippatīti dippissati. Puresaddayogena hi anāgatatthe ayaṃ vattamānappayogo, yathā purā vassati devoti. Avinayoti pahānavinayādīnaṃ paṭipakkhabhūto avinayo.
д̇зна хийд̇и уяяож̇анад̇т̇з нибаад̇о. сагаланаван̇г̇асад̇т̇усаасанабарияад̇д̇ид̇харзд̇и сагалам̣ суд̇д̇аг̇зяяаад̣̇инаван̇г̇ам̣ зд̇т̇а, зд̇асса ваа ад̇т̇ийд̇и сагаланаван̇г̇ам̣, сад̇т̇усаасанам̣. ад̇т̇агаамзна барияаабун̣ид̇аб̣б̣ад̇о д̣̇идтад̇хаммигаад̣̇ибурисад̇т̇абарияад̇д̇ибхаавад̇о жа ‘‘барияад̇д̇ий’’д̇и д̇ийн̣и бидагаани вужжанд̇и, д̇ам̣ сагаланаван̇г̇асад̇т̇усаасанасан̇каад̇ам̣ барияад̇д̇им̣ д̇хаарзнд̇ийд̇и сагаланаван̇г̇асад̇т̇усаасанабааяад̇д̇ид̇хараа, д̇аад̣̇исзд̇и ад̇т̇о. самат̇абхааванаасинзхаабхаавзна сугкаа луукаа асинид̣̇д̇хаа вибассанаа зд̇зсанд̇и сугкавибассагаа. д̇ибидагасаб̣б̣абарияад̇д̇иббабхзд̣̇ад̇харзд̇и д̇ин̣н̣ам̣ бидагаанам̣ самаахааро д̇ибидагам̣, д̇ад̣̇зва наван̇г̇аад̣̇ивасзна анзгабхзд̣̇абхиннам̣ саб̣б̣ам̣ барияад̇д̇иббабхзд̣̇ам̣ д̇хаарзнд̇ийд̇и д̇ибидагасаб̣б̣абарияад̇д̇иббабхзд̣̇ад̇хараа.
Tena hīti uyyojanatthe nipāto. Sakalanavaṅgasatthusāsanapariyattidhareti sakalaṃ suttageyyādinavaṅgaṃ ettha, etassa vā atthīti sakalanavaṅgaṃ, satthusāsanaṃ. Atthakāmena pariyāpuṇitabbato diṭṭhadhammikādipurisatthapariyattibhāvato ca ‘‘pariyattī’’ti tīṇi piṭakāni vuccanti, taṃ sakalanavaṅgasatthusāsanasaṅkhātaṃ pariyattiṃ dhārentīti sakalanavaṅgasatthusāsanapaayattidharā, tādiseti attho. Samathabhāvanāsinehābhāvena sukkhā lūkhā asiniddhā vipassanā etesanti sukkhavipassakā. Tipiṭakasabbapariyattippabhedadhareti tiṇṇaṃ piṭakānaṃ samāhāro tipiṭakaṃ, tadeva navaṅgādivasena anekabhedabhinnaṃ sabbaṃ pariyattippabhedaṃ dhārentīti tipiṭakasabbapariyattippabhedadharā.
гисса банаад̇и гасмаа бана. сигкад̇ийд̇и сзгко. д̇амзвааха ‘‘сагаран̣ийяо’’д̇и. убаримаг̇г̇ад̇д̇аяагижжасса абарияосид̇ад̇д̇аа сагижжод̇и ад̇т̇о. ассаад̇и анзна. б̣ахугаарад̇д̇аад̇и б̣ахубагаарад̇д̇аа. ассаад̇и бхавзяяа. ад̇ивияа виссад̇т̇од̇и ад̇ивияа виссаасиго. нанд̇и аананд̣̇ад̇т̇зрам̣ овад̣̇ад̇ийд̇и самб̣анд̇хо. аананд̣̇ад̇т̇зрасса гад̣̇аажи асан̃н̃ад̇ааяа навагааяа сад̣̇д̇хивихааригабарисааяа ж̇анабад̣̇ажааригаажаран̣ам̣, д̇зсан̃жа сад̣̇д̇хивихааригаанам̣ згагкан̣з уббаб̣б̣аж̇ж̇анан̃жа бадижжа махаагассабад̇т̇зро д̇ам̣ ниг̇г̇ан̣ханд̇о звамааха ‘‘на вааяам̣ гумаараго мад̇д̇аман̃н̃аасий’’д̇и. зд̇т̇а жа ваа-сад̣̇д̣̇о бад̣̇абууран̣о, аяам̣ гумааро ад̇д̇ано бамаан̣ам̣ на бадиж̇аанаад̇ийд̇и т̇зрам̣ д̇аж̇ж̇знд̇о ааха. д̇ад̇раад̇и звам̣ сад̇и.
Kissa panāti kasmā pana. Sikkhatīti sekkho. Tamevāha ‘‘sakaraṇīyo’’ti. Uparimaggattayakiccassa apariyositattā sakiccoti attho. Assāti anena. Bahukārattāti bahupakārattā. Assāti bhaveyya. Ativiya vissatthoti ativiya vissāsiko. Nanti ānandattheraṃ ovadatīti sambandho. Ānandattherassa kadāci asaññatāya navakāya saddhivihārikaparisāya janapadacārikācaraṇaṃ, tesañca saddhivihārikānaṃ ekakkhaṇe uppabbajjanañca paṭicca mahākassapatthero taṃ niggaṇhanto evamāha ‘‘na vāyaṃ kumārako mattamaññāsī’’ti. Ettha ca vā-saddo padapūraṇo, ayaṃ kumāro attano pamāṇaṃ na paṭijānātīti theraṃ tajjento āha. Tatrāti evaṃ sati.
гин̃жааби сзгкод̇и ид̣̇ам̣ на сзгкаанам̣ аг̇ад̇иг̇аманасаб̣бхаавзна вуд̇д̇ам̣, асзгкаанан̃н̃зва бана ужжинид̇ваа г̇ахид̇ад̇д̇аад̇и д̣̇адтаб̣б̣ам̣. д̇асмаа ‘‘гин̃жааби сзгко, д̇ат̇ааби т̇зро ааяасманд̇амби аананд̣̇ам̣ ужжинад̇уу’’д̇и звамзд̇т̇а самб̣анд̇хо взд̣̇ид̇аб̣б̣о, на бана гин̃жааби сзгко, д̇ат̇ааби абхаб̣б̣о аг̇ад̇им̣ г̇анд̇унд̇и яож̇зд̇аб̣б̣ам̣. абхаб̣б̣од̇иаад̣̇и банасса сабхаавагат̇анам̣. д̇ад̇т̇а чанд̣̇аад̇и чанд̣̇зна синзхзна. аг̇ад̇им̣ г̇анд̇унд̇и агад̇д̇аб̣б̣ам̣ гаад̇ум̣. барияад̇д̇од̇и ад̇хийд̇о уг̇г̇ахид̇о.
Kiñcāpi sekkhoti idaṃ na sekkhānaṃ agatigamanasabbhāvena vuttaṃ, asekkhānaññeva pana uccinitvā gahitattāti daṭṭhabbaṃ. Tasmā ‘‘kiñcāpi sekkho, tathāpi thero āyasmantampi ānandaṃ uccinatū’’ti evamettha sambandho veditabbo, na pana kiñcāpi sekkho, tathāpi abhabbo agatiṃ gantunti yojetabbaṃ. Abhabbotiādi panassa sabhāvakathanaṃ. Tattha chandāti chandena sinehena. Agatiṃ gantunti akattabbaṃ kātuṃ. Pariyattoti adhīto uggahito.
рааж̇аг̇ахам̣ ко махааг̇ожаранд̇и зд̇т̇а г̇ааво жаранд̇и зд̇т̇аад̇и г̇ожаро, г̇уннам̣ г̇ожарадтаанам̣. г̇ожаро вияаад̇и г̇ожаро, бхигкаажаран̣адтаанам̣. со маханд̇о ассаад̇и махааг̇ожарам̣, рааж̇аг̇ахам̣. уггодзяяаад̇и ниваарзяяа.
Rājagahaṃkho mahāgocaranti ettha gāvo caranti etthāti gocaro, gunnaṃ gocaraṭṭhānaṃ. Gocaro viyāti gocaro, bhikkhācaraṇaṭṭhānaṃ. So mahanto assāti mahāgocaraṃ, rājagahaṃ. Ukkoṭeyyāti nivāreyya.
сад̇д̇асу саад̇хугийл̣анад̣̇ивасзсууд̇и зд̇т̇а сам̣взг̇авад̇т̇ум̣ гид̇д̇зд̇ваа гид̇д̇зд̇ваа саад̇хугам̣ зва бууж̇аавасзна гийл̣анад̇о саад̇хугийл̣анам̣. убагадтаад̇и аасаннаа. вассам̣ убанзд̇и убаг̇ажчад̇и зд̇т̇аад̇и вассуубанааяигаа.
Sattasu sādhukīḷanadivasesūti ettha saṃvegavatthuṃ kittetvā kittetvā sādhukaṃ eva pūjāvasena kīḷanato sādhukīḷanaṃ. Upakaṭṭhāti āsannā. Vassaṃ upaneti upagacchati etthāti vassūpanāyikā.
д̇ад̇ра суд̣̇анд̇и д̇ассам̣ саавад̇т̇ияам̣, суд̣̇анд̇и нибаад̇амад̇д̇ам̣. уссаннад̇хаад̇уганд̇и убажид̇абид̇д̇асзмхаад̣̇ид̇хаад̇угам̣. самассаасзд̇унд̇и санд̇аббзд̇ум̣. д̣̇уд̇ияад̣̇ивасзд̇и ж̇зд̇аванавихаарам̣ бавидтад̣̇ивасад̇о д̣̇уд̇ияад̣̇ивасзд̇и вад̣̇анд̇и. вирижжад̇и зд̇знаад̇и вирзжанам̣. осад̇хабарибхаавид̇ам̣ кийрамзва вирзжананд̇и кийравирзжанам̣. яам̣ санд̇хааяаад̇и яам̣ бхзсаж̇ж̇абаанам̣ санд̇хааяа вуд̇д̇ам̣. бхзсаж̇ж̇амад̇д̇аад̇и аббамад̇д̇агам̣ бхзсаж̇ж̇ам̣. аббад̇т̇о хи аяам̣ мад̇д̇аа-сад̣̇д̣̇о мад̇д̇аа сукабарижжааг̇аад̇иаад̣̇ийсу (д̇ха. ба. 290) вияа.
Tatra sudanti tassaṃ sāvatthiyaṃ, sudanti nipātamattaṃ. Ussannadhātukanti upacitapittasemhādidhātukaṃ. Samassāsetunti santappetuṃ. Dutiyadivaseti jetavanavihāraṃ paviṭṭhadivasato dutiyadivaseti vadanti. Viriccati etenāti virecanaṃ. Osadhaparibhāvitaṃ khīrameva virecananti khīravirecanaṃ. Yaṃ sandhāyāti yaṃ bhesajjapānaṃ sandhāya vuttaṃ. Bhesajjamattāti appamattakaṃ bhesajjaṃ. Appattho hi ayaṃ mattā-saddo mattā sukhapariccāgātiādīsu (dha. pa. 290) viya.
кан̣д̣апуллаббадисан̇каран̣анд̇и зд̇т̇а кан̣д̣анд̇и чиннам̣, пулланд̇и бхиннам̣, д̇зсам̣ бадисан̇каран̣ам̣ абхинавагаран̣ам̣.
Khaṇḍaphullappaṭisaṅkharaṇanti ettha khaṇḍanti chinnaṃ, phullanti bhinnaṃ, tesaṃ paṭisaṅkharaṇaṃ abhinavakaraṇaṃ.
барижчзд̣̇авасзна взд̣̇ияад̇и д̣̇иссад̇ийд̇и баривзн̣ам̣. д̇ад̇т̇аад̇и д̇зсу вихаарзсу кан̣д̣апуллаббадисан̇каран̣анд̇и самб̣анд̇хо. батамам̣ маасанд̇и вассаанасса батамам̣ маасам̣, ажжанд̇асам̣яог̇з жзд̇ам̣ убаяог̇аважанам̣. сзнаасанавад̇д̇аанам̣ б̣ахуунам̣ бан̃н̃ад̇д̇ад̇д̇аа, сзнаасанагканд̇хагз (жуул̣ава. 294 аад̣̇аяо) сзнаасанабадиб̣ад̣̇д̇хаанам̣ б̣ахуунам̣ гаммаанам̣ вихид̇ад̇д̇аа ‘‘бхаг̇авад̇аа…бз… ван̣н̣ид̇а’’нд̇и вуд̇д̇ам̣.
Paricchedavasena vediyati dissatīti pariveṇaṃ. Tatthāti tesu vihāresu khaṇḍaphullappaṭisaṅkharaṇanti sambandho. Paṭhamaṃ māsanti vassānassa paṭhamaṃ māsaṃ, accantasaṃyoge cetaṃ upayogavacanaṃ. Senāsanavattānaṃ bahūnaṃ paññattattā, senāsanakkhandhake (cūḷava. 294 ādayo) senāsanapaṭibaddhānaṃ bahūnaṃ kammānaṃ vihitattā ‘‘bhagavatā…pe… vaṇṇita’’nti vuttaṃ.
д̣̇уд̇ияад̣̇ивасзд̇и ‘‘кан̣д̣апуллаббадисан̇каран̣ам̣ гаромаа’’д̇и жинд̇ид̇ад̣̇ивасад̇о д̣̇уд̇ияад̣̇ивасз. вассуубанааяигад̣̇ивасзязва д̇з звам̣ жинд̇зсум̣. сирияаа нигзд̇анамиваад̇и сирияаа ниваасанадтаанам̣ вияа. згасмим̣ баанийяад̇ид̇т̇з саннибад̇анд̇аа багкино вияа саб̣б̣зсам̣ ж̇анаанам̣ жагкууни ман̣д̣абзязва нибад̇анд̇ийд̇и вуд̇д̇ам̣ ‘зганибаад̇ад̇ид̇т̇амива жа д̣̇звамануссанаяанавихан̇г̇аана’’нд̇и. логарааман̣зяяаганд̇и логз раман̣ийяабхаавам̣, раман̣ам̣ арахад̇ийд̇и ваа логарааман̣зяяагам̣ . д̣̇адтаб̣б̣асаараман̣д̣анд̇и д̣̇адтаб̣б̣зсу саарам̣ д̣̇адтаб̣б̣асаарам̣, д̇ад̇о виббасаннанд̇и д̣̇адтаб̣б̣асаараман̣д̣ам̣. ат̇а ваа д̣̇адтаб̣б̣о саарабхууд̇о висидтад̇аро ман̣д̣о ман̣д̣анам̣ алан̇гааро зд̇ассаад̇и д̣̇адтаб̣б̣асаараман̣д̣о, ман̣д̣або. ман̣д̣ам̣ суурияарасмим̣ баад̇и ниваарзд̇ийд̇и ман̣д̣або. вивид̇хаани гусумад̣̇аамаани жзва муд̇д̇оламб̣агаани жа виниг̇г̇аланд̇ам̣ вамзнд̇ам̣ нигкаамзнд̇амива жаару собханам̣ вид̇аанам̣ зд̇т̇аад̇и вивид̇хагусумад̣̇аамоламб̣агавиниг̇г̇аланд̇ажаарувид̇аано. наанаабубпуубахааравижид̇д̇асубаринидтид̇абхуумигаммад̇д̇аа зва ‘‘рад̇анавижид̇д̇аман̣игоддимад̇аламиваа’’д̇и вуд̇д̇ам̣. зд̇т̇а жа ман̣ияо годдзд̇ваа гад̇ад̇алам̣ ман̣игоддимад̇алам̣ наама, д̇амиваад̇и вуд̇д̇ам̣ ход̇и. аасанаараханд̇и нисийд̣̇анаарахам̣. д̣̇анд̇акажид̇анд̇и д̣̇анд̇зхи кажид̇ам̣.
Dutiyadivaseti ‘‘khaṇḍaphullappaṭisaṅkharaṇaṃ karomā’’ti cintitadivasato dutiyadivase. Vassūpanāyikadivaseyeva te evaṃ cintesuṃ. Siriyā niketanamivāti siriyā nivāsanaṭṭhānaṃ viya. Ekasmiṃ pānīyatitthe sannipatantā pakkhino viya sabbesaṃ janānaṃ cakkhūni maṇḍapeyeva nipatantīti vuttaṃ ‘ekanipātatitthamiva ca devamanussanayanavihaṅgāna’’nti. Lokarāmaṇeyyakanti loke ramaṇīyabhāvaṃ, ramaṇaṃ arahatīti vā lokarāmaṇeyyakaṃ . Daṭṭhabbasāramaṇḍanti daṭṭhabbesu sāraṃ daṭṭhabbasāraṃ, tato vippasannanti daṭṭhabbasāramaṇḍaṃ. Atha vā daṭṭhabbo sārabhūto visiṭṭhataro maṇḍo maṇḍanaṃ alaṅkāro etassāti daṭṭhabbasāramaṇḍo, maṇḍapo. Maṇḍaṃ sūriyarasmiṃ pāti nivāretīti maṇḍapo. Vividhāni kusumadāmāni ceva muttolambakāni ca viniggalantaṃ vamentaṃ nikkhāmentamiva cāru sobhanaṃ vitānaṃ etthāti vividhakusumadāmolambakaviniggalantacāruvitāno. Nānāpupphūpahāravicittasupariniṭṭhitabhūmikammattā eva ‘‘ratanavicittamaṇikoṭṭimatalamivā’’ti vuttaṃ. Ettha ca maṇiyo koṭṭetvā katatalaṃ maṇikoṭṭimatalaṃ nāma, tamivāti vuttaṃ hoti. Āsanārahanti nisīdanārahaṃ. Dantakhacitanti dantehi khacitaṃ.
ааваж̇ж̇зсийд̇и убанаамзси. анубаад̣̇ааяаад̇и д̇ан̣хаад̣̇идтивасзна ган̃жи д̇хаммам̣ аг̇г̇ахзд̇ваа. гат̇аад̣̇осод̇и гат̇ааяа асажжам̣ наама над̇т̇и.
Āvajjesīti upanāmesi. Anupādāyāti taṇhādiṭṭhivasena kañci dhammaṃ aggahetvā. Kathādosoti kathāya asaccaṃ nāma natthi.
яат̇аавуд̣дханд̇и вуд̣дхабадибаадим̣ анад̇иггамид̇ваа. згзд̇и маж̇жхимабхаан̣агаанам̣язва згз. буб̣б̣з вуд̇д̇амби хи саб̣б̣ам̣ маж̇жхимабхаан̣агаа вад̣̇анд̇иязваад̇и взд̣̇ид̇аб̣б̣ам̣. д̣̇ийгхабхаан̣агаа бана ‘‘бад̣̇асаава т̇зро саннибаад̇амааг̇ад̇о’’д̇и вад̣̇анд̇и. д̇зсу гзжи ‘‘аагаасзнаа’’д̇и, ‘‘д̇з саб̣б̣зби д̇ат̇аа д̇ат̇аа ааг̇ад̇ад̣̇ивасаанамби ад̇т̇ид̇ааяа згамзгам̣ г̇ахзд̇ваа д̇ат̇аа д̇ат̇аа вад̣̇им̣суу’’д̇и вад̣̇анд̇и.
Yathāvuḍḍhanti vuḍḍhapaṭipāṭiṃ anatikkamitvā. Eketi majjhimabhāṇakānaṃyeva eke. Pubbe vuttampi hi sabbaṃ majjhimabhāṇakā vadantiyevāti veditabbaṃ. Dīghabhāṇakā pana ‘‘padasāva thero sannipātamāgato’’ti vadanti. Tesu keci ‘‘ākāsenā’’ti, ‘‘te sabbepi tathā tathā āgatadivasānampi atthitāya ekamekaṃ gahetvā tathā tathā vadiṃsū’’ti vadanti.
гам̣ д̇хурам̣ гад̇ваад̇и гам̣ ж̇здтагам̣ гад̇ваа. б̣ийж̇аним̣ г̇ахзд̇ваад̇и зд̇т̇а б̣ийж̇анийг̇ахан̣ам̣ барисааяа д̇хаммагат̇игаанам̣ хад̇т̇агуггужжавинод̣̇анамукавигаарабадижчаад̣̇анад̇т̇ам̣ д̇хаммад̇аавасзна аажин̣н̣анд̇и взд̣̇ид̇аб̣б̣ам̣. д̇знзва хи ажжанд̇асан̃н̃ад̇аббад̇д̇аа б̣уд̣̇д̇хааби саавагааби д̇хаммагат̇игаанам̣ д̇хаммад̇аад̣̇ассанад̇т̇амзва жид̇д̇аб̣ийж̇аним̣ г̇ан̣ханд̇и. батамам̣, аавусо убаали, баарааж̇игам̣ гад̇т̇а бан̃н̃ад̇д̇анд̇и зд̇т̇а гат̇ам̣ сан̇г̇ийд̇ияаа буб̣б̣з батамабхааво сид̣̇д̇ход̇и? баад̇имогкуд̣̇д̣̇зсаануггамаад̣̇инаа буб̣б̣з батамабхаавасса сид̣̇д̇хад̇д̇аа. язбхуяязна хи д̇ийн̣и бидагаани бхаг̇авад̇о д̇харамаанагаалзязва иминаа ануггамзна саж̇жхааяид̇аани, д̇знзва гамзна бажчааби сан̇г̇ийд̇аани висзсад̇о винаяаабхид̇хаммабидагаанийд̇и д̣̇адтаб̣б̣ам̣. гисмим̣ вад̇т̇усминд̇и нимид̇д̇ад̇т̇з бхуммам̣. анд̇араа жа, бханд̇з, рааж̇аг̇ахам̣ анд̇араа жа наал̣анд̣̇анд̇и рааж̇аг̇ахасса жа наал̣анд̣̇ааяа жа анд̇араа, виварз маж̇жхзд̇и ад̇т̇о. анд̇араа-сад̣̇д̣̇зна бана яуд̇д̇ад̇д̇аа убаяог̇аважанам̣ гад̇ам̣. рааж̇ааг̇аарагзд̇и ран̃н̃о гийл̣анад̇т̇ааяа гад̇з аг̇аарагз. амб̣аладтигааяанд̇и ран̃н̃о звам̣наамагам̣ уяяаанам̣. гзна сад̣̇д̇хинд̇и ид̇ха гасмаа вуд̇д̇анд̇и? яасмаа банзд̇ам̣ на бхаг̇авад̇аа зва вуд̇д̇ам̣, ран̃н̃ааби гин̃жи гин̃жи вуд̇д̇амад̇т̇и, д̇асмаа ‘‘гамаараб̣бхаа’’д̇и авад̇ваа звам̣ вуд̇д̇анд̇и д̣̇адтаб̣б̣ам̣. взд̣̇зхибуд̇д̇знаад̇и аяам̣ госаларан̃н̃о д̇хийд̇ааяа буд̇д̇о, на вид̣̇зхаран̃н̃о д̇хийд̇ааяа. яасмаа маад̇аа банасса бан̣д̣ид̇аа, д̇асмаа саа взд̣̇зна н̃аан̣зна ийхад̇и гхадад̇и вааяамад̇ийд̇и ‘‘взд̣̇зхий’’д̇и баагаданаамаа ж̇аад̇аад̇и взд̣̇ид̇аб̣б̣аа.
Kaṃ dhuraṃ katvāti kaṃ jeṭṭhakaṃ katvā. Bījaniṃ gahetvāti ettha bījanīgahaṇaṃ parisāya dhammakathikānaṃ hatthakukkuccavinodanamukhavikārapaṭicchādanatthaṃ dhammatāvasena āciṇṇanti veditabbaṃ. Teneva hi accantasaññatappattā buddhāpi sāvakāpi dhammakathikānaṃ dhammatādassanatthameva cittabījaniṃ gaṇhanti. Paṭhamaṃ, āvuso upāli, pārājikaṃ kattha paññattanti ettha kathaṃ saṅgītiyā pubbe paṭhamabhāvo siddhoti? Pātimokkhuddesānukkamādinā pubbe paṭhamabhāvassa siddhattā. Yebhuyyena hi tīṇi piṭakāni bhagavato dharamānakāleyeva iminā anukkamena sajjhāyitāni, teneva kamena pacchāpi saṅgītāni visesato vinayābhidhammapiṭakānīti daṭṭhabbaṃ. Kismiṃ vatthusminti nimittatthe bhummaṃ. Antarā ca, bhante, rājagahaṃ antarā ca nāḷandanti rājagahassa ca nāḷandāya ca antarā, vivare majjheti attho. Antarā-saddena pana yuttattā upayogavacanaṃ kataṃ. Rājāgāraketi rañño kīḷanatthāya kate agārake. Ambalaṭṭhikāyanti rañño evaṃnāmakaṃ uyyānaṃ. Kena saddhinti idha kasmā vuttanti? Yasmā panetaṃ na bhagavatā eva vuttaṃ, raññāpi kiñci kiñci vuttamatthi, tasmā ‘‘kamārabbhā’’ti avatvā evaṃ vuttanti daṭṭhabbaṃ. Vedehiputtenāti ayaṃ kosalarañño dhītāya putto, na videharañño dhītāya. Yasmā mātā panassa paṇḍitā, tasmā sā vedena ñāṇena īhati ghaṭati vāyamatīti ‘‘vedehī’’ti pākaṭanāmā jātāti veditabbā.
звам̣ нимид̇д̇абаяож̇анагаалад̣̇зсад̣̇зсагагаарагагаран̣аббагаарзхи батамамахаасан̇г̇ийд̇им̣ д̣̇ассзд̇ваа ид̣̇аани д̇ад̇т̇а вавад̇т̇аабид̇зсу д̇хаммавинаязсу наанаббагаарагосаллад̇т̇ам̣ згавид̇хаад̣̇ибхзд̣̇з д̣̇ассзд̇ум̣ д̇ад̣̇зд̇ам̣ саб̣б̣амбийд̇иаад̣̇имааха. д̇ад̇т̇а ануд̇д̇арам̣ саммаасамб̣од̇хинд̇и зд̇т̇а анааваран̣ан̃аан̣абад̣̇адтаанам̣ маг̇г̇ан̃аан̣ам̣, маг̇г̇ан̃аан̣абад̣̇адтаанан̃жа анааваран̣ан̃аан̣ам̣ ‘‘саммаасамб̣од̇хий’’д̇и вужжад̇и. бажжавзгканд̇зна ваад̇и уд̣̇аанаад̣̇ивасзна бавад̇д̇ад̇хаммам̣ санд̇хааяааха. вимуд̇д̇ирасанд̇и арахад̇д̇апалассаад̣̇ам̣, вимуд̇д̇исамбад̇д̇игам̣ ваа аг̇г̇апаланибпаад̣̇анад̇о, вимуд̇д̇игижжам̣ ваа гилзсаанам̣ ажжанд̇авимуд̇д̇исамбаад̣̇анад̇о. авасзсам̣ б̣уд̣̇д̇хаважанам̣ д̇хаммод̇и зд̇т̇а яад̣̇иби д̇хаммо зва винаяоби барияад̇д̇ияаад̣̇ибхаавад̇о, д̇ат̇ааби винаяасад̣̇д̣̇асаннид̇хаанзна бхиннаад̇хигаран̣абхаавзна баяуд̇д̇о д̇хамма-сад̣̇д̣̇о винаяад̇анд̇ивирахид̇ам̣ д̇анд̇им̣ д̣̇ийбзд̇и, яат̇аа бун̃н̃ан̃аан̣асамбхааро г̇об̣алиб̣ад̣̇д̣̇анд̇иаад̣̇и.
Evaṃ nimittapayojanakāladesadesakakārakakaraṇappakārehi paṭhamamahāsaṅgītiṃ dassetvā idāni tattha vavatthāpitesu dhammavinayesu nānappakārakosallatthaṃ ekavidhādibhede dassetuṃ tadetaṃ sabbampītiādimāha. Tattha anuttaraṃ sammāsambodhinti ettha anāvaraṇañāṇapadaṭṭhānaṃ maggañāṇaṃ, maggañāṇapadaṭṭhānañca anāvaraṇañāṇaṃ ‘‘sammāsambodhī’’ti vuccati. Paccavekkhantena vāti udānādivasena pavattadhammaṃ sandhāyāha. Vimuttirasanti arahattaphalassādaṃ, vimuttisampattikaṃ vā aggaphalanipphādanato, vimuttikiccaṃ vā kilesānaṃ accantavimuttisampādanato. Avasesaṃ buddhavacanaṃ dhammoti ettha yadipi dhammo eva vinayopi pariyattiyādibhāvato, tathāpi vinayasaddasannidhānena bhinnādhikaraṇabhāvena payutto dhamma-saddo vinayatantivirahitaṃ tantiṃ dīpeti, yathā puññañāṇasambhāro gobalibaddantiādi.
анзгаж̇аад̇исам̣сааранд̇и имиссаа г̇аат̇ааяа аяам̣ сан̇кзбад̇т̇о – ахам̣ имасса ад̇д̇абхааваг̇зхасса гаарагам̣ д̇ан̣хаавад̣дхагим̣ г̇авзсанд̇о язна н̃аан̣зна д̇ам̣ д̣̇адтум̣ саггаа, д̇ам̣ б̣од̇хин̃аан̣ам̣ аниб̣б̣исам̣ алабханд̇о зва абхинийхаарад̇о бабхуд̇и зд̇д̇агам̣ гаалам̣ анзгаж̇аад̇исад̇асахассасан̇кяам̣ имам̣ сам̣саараваддам̣ санд̇хаависсам̣ сам̣сарим̣, яасмаа ж̇арааб̣яаад̇химаран̣амиссад̇ааяа ж̇аад̇и наамзсаа бунаббунам̣ убаг̇анд̇ум̣ д̣̇угкаа, на жа саа д̇асмим̣ ад̣̇идтз нивад̇д̇ад̇и, д̇асмаа д̇ам̣ г̇авзсанд̇о санд̇хаависсанд̇и ад̇т̇о. д̣̇идтосийд̇и ид̣̇аани маяаа саб̣б̣ан̃н̃уд̇ан̃н̃аан̣ам̣ бадивиж̇жханд̇зна д̣̇идто аси. буна г̇зханд̇и буна имам̣ ад̇д̇абхаавасан̇каад̇ам̣ мама г̇зхам̣. на гаахасийд̇и на гариссаси. гааран̣амааха саб̣б̣аа д̇зд̇иаад̣̇и. д̇ава саб̣б̣аа авасзсагилзсапаасугаа маяаа бхаг̇г̇аа. имасса д̇аяаа гад̇асса ад̇д̇абхааваг̇зхасса авиж̇ж̇аасан̇каад̇ам̣ гуудам̣ ган̣н̣игаман̣д̣алам̣ висан̇кад̇ам̣ вид̣̇д̇хам̣сид̇ам̣. висан̇каарам̣ ниб̣б̣аанам̣ аарамман̣агаран̣авасзна г̇ад̇ам̣ мама жид̇д̇ам̣. ахан̃жа д̇ан̣хаанам̣ каяасан̇каад̇ам̣ арахад̇д̇амаг̇г̇апалам̣ аж̇жхаг̇аа бад̇д̇осмийд̇и ад̇т̇о. гзжи бана ‘‘висан̇каараг̇ад̇ам̣ жид̇д̇амзва д̇ан̣хаанам̣ каяам̣ аж̇жхаг̇аа’’д̇и звамби ад̇т̇ам̣ вад̣̇анд̇и.
Anekajātisaṃsāranti imissā gāthāya ayaṃ saṅkhepattho – ahaṃ imassa attabhāvagehassa kārakaṃ taṇhāvaḍḍhakiṃ gavesanto yena ñāṇena taṃ daṭṭhuṃ sakkā, taṃ bodhiñāṇaṃ anibbisaṃ alabhanto eva abhinīhārato pabhuti ettakaṃ kālaṃ anekajātisatasahassasaṅkhyaṃ imaṃ saṃsāravaṭṭaṃ sandhāvissaṃ saṃsariṃ, yasmā jarābyādhimaraṇamissatāya jāti nāmesā punappunaṃ upagantuṃ dukkhā, na ca sā tasmiṃ adiṭṭhe nivattati, tasmā taṃ gavesanto sandhāvissanti attho. Diṭṭhosīti idāni mayā sabbaññutaññāṇaṃ paṭivijjhantena diṭṭho asi. Puna gehanti puna imaṃ attabhāvasaṅkhātaṃ mama gehaṃ. Na kāhasīti na karissasi. Kāraṇamāha sabbā tetiādi. Tava sabbā avasesakilesaphāsukā mayā bhaggā. Imassa tayā katassa attabhāvagehassa avijjāsaṅkhātaṃ kūṭaṃ kaṇṇikamaṇḍalaṃ visaṅkhataṃ viddhaṃsitaṃ. Visaṅkhāraṃ nibbānaṃ ārammaṇakaraṇavasena gataṃ mama cittaṃ. Ahañca taṇhānaṃ khayasaṅkhātaṃ arahattamaggaphalaṃ ajjhagā pattosmīti attho. Keci pana ‘‘visaṅkhāragataṃ cittameva taṇhānaṃ khayaṃ ajjhagā’’ti evampi atthaṃ vadanti.
гзжийд̇и канд̇хагабхаан̣агаа. баадибад̣̇ад̣̇ивасзд̇и ид̣̇ам̣ бажжавзгканд̇асса уббаннаад̇и зд̇зна самб̣анд̇хид̇аб̣б̣ам̣, на саб̣б̣ан̃н̃убхааваббад̇д̇ассаад̇и зд̇зна. соманассамаяан̃аан̣знаад̇и соманассасамбаяуд̇д̇ан̃аан̣зна. ааманд̇аяаамийд̇и нивзд̣̇аяаами, б̣од̇хзмийд̇и ад̇т̇о. анд̇арзд̇и анд̇араал̣з, взмаж̇жхзд̇и ад̇т̇о.
Kecīti khandhakabhāṇakā. Pāṭipadadivaseti idaṃ paccavekkhantassa uppannāti etena sambandhitabbaṃ, na sabbaññubhāvappattassāti etena. Somanassamayañāṇenāti somanassasampayuttañāṇena. Āmantayāmīti nivedayāmi, bodhemīti attho. Antareti antarāḷe, vemajjheti attho.
суд̇д̇анд̇абидаганд̇и яат̇аа гаммамзва гамманд̇ам̣, звам̣ суд̇д̇амзва суд̇д̇анд̇анд̇и взд̣̇ид̇аб̣б̣ам̣. асан̇г̇ийд̇анд̇и сан̇г̇ийд̇игканд̇хага (жуул̣ава. 437 аад̣̇аяо) гат̇аавад̇т̇уббагаран̣аад̣̇игам̣. сол̣асахи ваарзхи убалагкид̇ад̇д̇аа ‘‘сол̣аса бариваараа’’д̇и вуд̇д̇ам̣. д̇ат̇аа хи бариваарабаал̣ияам̣ (бари. 1 аад̣̇аяо) батамам̣ баарааж̇игам̣ гад̇т̇а бан̃н̃ад̇д̇анд̇иаад̣̇инаа вуд̇д̇ам̣. бан̃н̃ад̇д̇ивааро гат̇аабад̇д̇ивааро вибад̇д̇ивааро сан̇г̇ахавааро самудтаанавааро ад̇хигаран̣авааро самат̇авааро самужжаяаваарод̇и имз адта ваараа, д̇ад̣̇ананд̇арам̣ ‘‘мзт̇унам̣ д̇хаммам̣ бадисзванабажжаяаа баарааж̇игам̣ гад̇т̇а бан̃н̃ад̇д̇а’’нд̇и (бари. 188) звам̣ бажжаяамад̇д̇ависзсзна буна вуд̇д̇аа д̇зязва адта ваараа жаад̇и имзсам̣ сол̣асаннам̣ ваараанам̣ васзна бхигкувибхан̇г̇асса жа бхигкунийвибхан̇г̇асса жа багаасид̇ад̇д̇аа сол̣асахи ваарзхи убалагкид̇о баривааро ‘‘сол̣асабаривааро’’д̇и вуд̇д̇од̇и взд̣̇ид̇аб̣б̣о.
Suttantapiṭakanti yathā kammameva kammantaṃ, evaṃ suttameva suttantanti veditabbaṃ. Asaṅgītanti saṅgītikkhandhaka (cūḷava. 437 ādayo) kathāvatthuppakaraṇādikaṃ. Soḷasahi vārehi upalakkhitattā ‘‘soḷasa parivārā’’ti vuttaṃ. Tathā hi parivārapāḷiyaṃ (pari. 1 ādayo) paṭhamaṃ pārājikaṃ kattha paññattantiādinā vuttaṃ. Paññattivāro kathāpattivāro vipattivāro saṅgahavāro samuṭṭhānavāro adhikaraṇavāro samathavāro samuccayavāroti ime aṭṭha vārā, tadanantaraṃ ‘‘methunaṃ dhammaṃ paṭisevanapaccayā pārājikaṃ kattha paññatta’’nti (pari. 188) evaṃ paccayamattavisesena puna vuttā teyeva aṭṭha vārā cāti imesaṃ soḷasannaṃ vārānaṃ vasena bhikkhuvibhaṅgassa ca bhikkhunīvibhaṅgassa ca pakāsitattā soḷasahi vārehi upalakkhito parivāro ‘‘soḷasaparivāro’’ti vuttoti veditabbo.
д̣̇ал̣хийгаммасит̇илагаран̣аббаяож̇анаад̇и ид̣̇ам̣ логаваж̇ж̇абан̣н̣ад̇д̇иваж̇ж̇зсу яат̇ааггамам̣ яож̇зд̇аб̣б̣ам̣. сан̃н̃амавзлам̣ абхибхавид̇ваа бавад̇д̇о аажааро аж̇жхаажааро, вийд̇иггамо. д̇знаад̇и вивид̇ханаяад̇д̇аад̣̇ихзд̇унаа. зд̇анд̇и вивид̇хависзсанаяад̇д̇аад̇иаад̣̇иг̇аат̇ааважанам̣. зд̇ассаад̇и винаяасса.
Daḷhīkammasithilakaraṇappayojanāti idaṃ lokavajjapaṇṇattivajjesu yathākkamaṃ yojetabbaṃ. Saññamavelaṃ abhibhavitvā pavatto ācāro ajjhācāro, vītikkamo. Tenāti vividhanayattādihetunā. Etanti vividhavisesanayattātiādigāthāvacanaṃ. Etassāti vinayassa.
ид̇арам̣ банаад̇и суд̇д̇ам̣. ад̇д̇ад̇т̇абарад̇т̇аад̣̇ибхзд̣̇зд̇и зд̇т̇а аад̣̇и-сад̣̇д̣̇зна д̣̇идтад̇хаммигасамбарааяигад̇т̇з логияалогуд̇д̇араад̣̇иад̇т̇з жа сан̇г̇ан̣хаад̇и. взнзяаж̇жхаасаяаануломзна вуд̇д̇ад̇д̇аад̇и винаяам̣ вияа иссарабхаавад̇о аан̣аабад̇идтаабанавасзна ад̣̇зсзд̇ваа взнзяяаанам̣ аж̇жхаасаяаануломзна жарид̇аануруубам̣ вуд̇д̇ад̇д̇аа. анубуб̣б̣асигкаад̣̇ивасзна ад̣̇зсзд̇ваа взнзяяаанам̣ гааланд̇арз абхиниб̣б̣ад̇д̇им̣ д̣̇ассзнд̇о ааха ‘‘сассамива пала’’нд̇и. убааяасаман̇г̇ийнам̣язва ниббаж̇ж̇анабхаавам̣ д̣̇ассзнд̇о ‘‘д̇хзну вияа кийра’’нд̇и ааха. на хи д̇хзнум̣ висаан̣аад̣̇ийсу, агаалз ваа авиж̇аад̇ам̣ ваа д̣̇оханд̇о кийрам̣ бадилабхад̇и.
Itaraṃ panāti suttaṃ. Attatthaparatthādibhedeti ettha ādi-saddena diṭṭhadhammikasamparāyikatthe lokiyalokuttarādiatthe ca saṅgaṇhāti. Veneyajjhāsayānulomena vuttattāti vinayaṃ viya issarabhāvato āṇāpatiṭṭhāpanavasena adesetvā veneyyānaṃ ajjhāsayānulomena caritānurūpaṃ vuttattā. Anupubbasikkhādivasena adesetvā veneyyānaṃ kālantare abhinibbattiṃ dassento āha ‘‘sassamiva phala’’nti. Upāyasamaṅgīnaṃyeva nippajjanabhāvaṃ dassento ‘‘dhenu viya khīra’’nti āha. Na hi dhenuṃ visāṇādīsu, akāle vā avijātaṃ vā dohanto khīraṃ paṭilabhati.
яанд̇и яасмаа. зд̇т̇аад̇и абхид̇хаммз. абхид̇хаммзд̇и субинанд̇зна суггависсадтияаа анаабад̇д̇ибхаавзби агусалажзд̇анаа убалаб̣бхад̇ийд̇иаад̣̇инаа винаяабан̃н̃ад̇д̇ияаа сан̇гаравирахид̇з д̇хаммз, ‘‘буб̣б̣аабаравирод̇хаабхаавад̇о сан̇гаравирахид̇з д̇хаммз’’д̇иби вад̣̇анд̇и. аарамман̣аад̣̇ийхийд̇и аарамман̣асамбаяуд̇д̇агаммад̣̇ваарабадибад̣̇аад̣̇ийхи. лагкан̣ийяад̇д̇аад̇и сан̃ж̇аанид̇аб̣б̣ад̇д̇аа. яам̣ банзд̇т̇а ависидтанд̇и зд̇т̇а винаяабидаганд̇иаад̣̇ийсу д̇ийсу сад̣̇д̣̇зсу яам̣ ависидтам̣ самаанам̣, д̇ам̣ бидагасад̣̇д̣̇анд̇и ад̇т̇о. маа бидагасамбад̣̇аанзнаад̇и баал̣исамбад̣̇аанавасзна маа г̇ан̣хид̇т̇аад̇и вуд̇д̇ам̣ ход̇и. яат̇аавуд̇д̇знаад̇и звам̣ д̣̇увид̇хад̇т̇знаад̇иаад̣̇инаа вуд̇д̇аббагаарзна.
Yanti yasmā. Etthāti abhidhamme. Abhidhammeti supinantena sukkavissaṭṭhiyā anāpattibhāvepi akusalacetanā upalabbhatītiādinā vinayapaññattiyā saṅkaravirahite dhamme, ‘‘pubbāparavirodhābhāvato saṅkaravirahite dhamme’’tipi vadanti. Ārammaṇādīhīti ārammaṇasampayuttakammadvārapaṭipadādīhi. Lakkhaṇīyattāti sañjānitabbattā. Yaṃ panettha avisiṭṭhanti ettha vinayapiṭakantiādīsu tīsu saddesu yaṃ avisiṭṭhaṃ samānaṃ, taṃ piṭakasaddanti attho. Mā piṭakasampadānenāti pāḷisampadānavasena mā gaṇhitthāti vuttaṃ hoti. Yathāvuttenāti evaṃ duvidhatthenātiādinā vuttappakārena.
д̣̇зсанаасаасанагат̇аабхзд̣̇анд̇и зд̇т̇а д̣̇зсанаабхзд̣̇ам̣ саасанабхзд̣̇ам̣ гат̇аабхзд̣̇анд̇и бхзд̣̇асад̣̇д̣̇о бажжзгам̣ яож̇зд̇аб̣б̣о. бхзд̣̇анд̇и жа наанад̇д̇анд̇и ад̇т̇о. д̇зсууд̇и бидагзсу. сигкаа жа бахаанаани жа г̇амбхийрабхааво жа сигкаабахаанаг̇амбхийрабхааво, д̇ан̃жа яат̇аарахам̣ барид̣̇ийбаязд̇и ад̇т̇о. барияад̇д̇ибхзд̣̇анд̇и барияаабун̣анабхзд̣̇ам̣ вибхааваязд̇и самб̣анд̇хо. яахим̣ яасмим̣ винаяаад̣̇игз яам̣ самбад̇д̇ин̃жа вибад̇д̇ин̃жа яат̇аа баабун̣аад̇и, д̇амби саб̣б̣ам̣ вибхааваязд̇и самб̣анд̇хо. ат̇а ваа яам̣ барияад̇д̇ибхзд̣̇ам̣ самбад̇д̇им̣ вибад̇д̇ин̃жа яахим̣ яат̇аа баабун̣аад̇и, д̇амби саб̣б̣ам̣ вибхааваязд̇и яож̇зд̇аб̣б̣ам̣. барид̣̇ийбанаа вибхааванаа жаад̇и хздтаа г̇аат̇аасу вуд̇д̇асса ануруубад̇о вуд̇д̇ам̣, ад̇т̇ад̇о бана згамзва.
Desanāsāsanakathābhedanti ettha desanābhedaṃ sāsanabhedaṃ kathābhedanti bhedasaddo paccekaṃ yojetabbo. Bhedanti ca nānattanti attho. Tesūti piṭakesu. Sikkhā ca pahānāni ca gambhīrabhāvo ca sikkhāpahānagambhīrabhāvo, tañca yathārahaṃ paridīpayeti attho. Pariyattibhedanti pariyāpuṇanabhedaṃ vibhāvayeti sambandho. Yahiṃ yasmiṃ vinayādike yaṃ sampattiñca vipattiñca yathā pāpuṇāti, tampi sabbaṃ vibhāvayeti sambandho. Atha vā yaṃ pariyattibhedaṃ sampattiṃ vipattiñca yahiṃ yathā pāpuṇāti, tampi sabbaṃ vibhāvayeti yojetabbaṃ. Paridīpanā vibhāvanā cāti heṭṭhā gāthāsu vuttassa anurūpato vuttaṃ, atthato pana ekameva.
аан̣аарахзнаад̇и аан̣ам̣ бан̣зд̇ум̣ арахад̇ийд̇и аан̣аарахо, бхаг̇аваа саммаасамб̣уд̣̇д̇хад̇д̇аа. со хи махаагаарун̣игад̇ааяа жа авибарийд̇ад̇о д̣̇зсагабхаавзна бамаан̣аважанад̇д̇аа жа аан̣ам̣ бан̣зд̇ум̣ арахад̇и. вохаарабарамад̇т̇аанамби самбхавад̇о ааха ‘‘аан̣ааб̣аахуллад̇о’’д̇и. ид̇о барзсуби зсзва наяо. батаманд̇и винаяабидагам̣. бажураабараад̇хаа сзяяасагад̇т̇зраад̣̇аяо. д̇з хи д̣̇осаб̣аахуллад̇о ‘‘бажураабараад̇хаа’’д̇и вуд̇д̇аа . бажуро б̣ахуго б̣ахуло абараад̇хо д̣̇осо вийд̇иггамо язсанд̇з бажураабараад̇хаа. анзгаж̇жхаасаяаад̇иаад̣̇ийсу аасаяова аж̇жхаасаяо, со жа ад̇т̇ад̇о д̣̇идти н̃аан̣ан̃жа. жарияаад̇и рааг̇ажарияаад̣̇игаа ча муулажарияаа. ат̇а ваа жарияаад̇и жарид̇ам̣, д̇ам̣ сужарид̇ад̣̇ужжарид̇авасзна д̣̇увид̇хам̣. ад̇химуд̇д̇и наама сад̇д̇аанам̣ буб̣б̣абарижаяавасзна абхиружи, саа д̣̇увид̇хаа хийнабан̣ийд̇абхзд̣̇зна. яат̇аануломанд̇и аж̇жхаасаяаад̣̇ийнам̣ ануруубам̣. яат̇аад̇хамманд̇и д̇хаммасабхааваануруубам̣.
Āṇārahenāti āṇaṃ paṇetuṃ arahatīti āṇāraho, bhagavā sammāsambuddhattā. So hi mahākāruṇikatāya ca aviparītato desakabhāvena pamāṇavacanattā ca āṇaṃ paṇetuṃ arahati. Vohāraparamatthānampi sambhavato āha ‘‘āṇābāhullato’’ti. Ito paresupi eseva nayo. Paṭhamanti vinayapiṭakaṃ. Pacurāparādhā seyyasakattherādayo. Te hi dosabāhullato ‘‘pacurāparādhā’’ti vuttā . Pacuro bahuko bahulo aparādho doso vītikkamo yesante pacurāparādhā. Anekajjhāsayātiādīsu āsayova ajjhāsayo, so ca atthato diṭṭhi ñāṇañca. Cariyāti rāgacariyādikā cha mūlacariyā. Atha vā cariyāti caritaṃ, taṃ sucaritaduccaritavasena duvidhaṃ. Adhimutti nāma sattānaṃ pubbaparicayavasena abhiruci, sā duvidhā hīnapaṇītabhedena. Yathānulomanti ajjhāsayādīnaṃ anurūpaṃ. Yathādhammanti dhammasabhāvānurūpaṃ.
сам̣вараасам̣варод̇и зд̇т̇а куд̣̇д̣̇аго маханд̇о жа сам̣варод̇и ад̇т̇о. вуд̣дхиад̇т̇о хзд̇т̇а а-гааро. д̣̇идтивинивзтанаад̇и д̣̇идтияаа виможанам̣. суд̇д̇анд̇абаал̣ияам̣ вивижжзва гаамзхийд̇иаад̣̇инаа (д̣̇ий. ни. 1.226; сам̣. ни. 2.152) самаад̇хид̣̇зсанааб̣аахуллад̇о суд̇д̇анд̇абидагз ‘‘ад̇хижид̇д̇асигкаа’’д̇и вуд̇д̇ам̣. вийд̇иггамаббахаанам̣ гилзсаананд̇и сам̣гилзсад̇хаммаанам̣, гаммагилзсаанам̣ ваа яо гааяаважийд̣̇ваарзхи вийд̇иггамо, д̇асса бахаанам̣. анусаяавасзна санд̇аанаманувад̇д̇анд̇аа гилзсаа барияудтид̇ааби сийлабхзд̣̇авасзна вийд̇иггамид̇ум̣ на лабханд̇ийд̇и ааха ‘‘вийд̇иггамабадибагкад̇д̇аа сийлассаа’’д̇и. барияудтаанаббахаананд̇и огаасад̣̇аанавасзна жид̇д̇з гусалаббавад̇д̇им̣ барияаад̣̇ияид̇ваа самуббад̇д̇ивасзна таанам̣ барияудтаанам̣, д̇асса бахаанам̣. анусаяаббахаананд̇и арияамаг̇г̇зна аббахийнабхаавзна санд̇аанз гааран̣алаабхз уббаж̇ж̇анаарахаа т̇аамаг̇ад̇аа гаамарааг̇аад̣̇аяо сад̇д̇а гилзсаа санд̇аанз ану ану саяанад̇о анусаяаа наама, д̇зсам̣ бахаанам̣.
Saṃvarāsaṃvaroti ettha khuddako mahanto ca saṃvaroti attho. Vuḍḍhiattho hettha a-kāro. Diṭṭhiviniveṭhanāti diṭṭhiyā vimocanaṃ. Suttantapāḷiyaṃ vivicceva kāmehītiādinā (dī. ni. 1.226; saṃ. ni. 2.152) samādhidesanābāhullato suttantapiṭake ‘‘adhicittasikkhā’’ti vuttaṃ. Vītikkamappahānaṃ kilesānanti saṃkilesadhammānaṃ, kammakilesānaṃ vā yo kāyavacīdvārehi vītikkamo, tassa pahānaṃ. Anusayavasena santānamanuvattantā kilesā pariyuṭṭhitāpi sīlabhedavasena vītikkamituṃ na labhantīti āha ‘‘vītikkamapaṭipakkhattā sīlassā’’ti. Pariyuṭṭhānappahānanti okāsadānavasena citte kusalappavattiṃ pariyādiyitvā samuppattivasena ṭhānaṃ pariyuṭṭhānaṃ, tassa pahānaṃ. Anusayappahānanti ariyamaggena appahīnabhāvena santāne kāraṇalābhe uppajjanārahā thāmagatā kāmarāgādayo satta kilesā santāne anu anu sayanato anusayā nāma, tesaṃ pahānaṃ.
д̇ад̣̇ан̇г̇аббахаананд̇и д̇зна д̇зна д̣̇аанасийлаад̣̇игусалан̇г̇зна д̇асса д̇асса агусалан̇г̇асса бахаанам̣ д̇ад̣̇ан̇г̇аббахаанам̣. д̣̇ужжарид̇асам̣гилзсасса бахаананд̇и гааяаважийд̣̇ужжарид̇амзва яад̇т̇а уббаж̇ж̇ад̇и, д̇ам̣ санд̇аанам̣ саммаа гилзсзд̇и убад̇аабзд̇ийд̇и сам̣гилзсо, д̇асса д̇ад̣̇ан̇г̇авасзна бахаанам̣. самаад̇хисса гаамажчанд̣̇абадибагкад̇д̇аа суд̇д̇анд̇абидагз д̇ан̣хаасам̣гилзсасса бахаанам̣ вуд̇д̇ам̣. ад̇д̇аад̣̇исун̃н̃асабхаавад̇хаммаббагаасанад̇о абхид̇хаммабидагз д̣̇идтисам̣гилзсасса бахаанам̣ вуд̇д̇ам̣.
Tadaṅgappahānanti tena tena dānasīlādikusalaṅgena tassa tassa akusalaṅgassa pahānaṃ tadaṅgappahānaṃ. Duccaritasaṃkilesassa pahānanti kāyavacīduccaritameva yattha uppajjati, taṃ santānaṃ sammā kileseti upatāpetīti saṃkileso, tassa tadaṅgavasena pahānaṃ. Samādhissa kāmacchandapaṭipakkhattā suttantapiṭake taṇhāsaṃkilesassa pahānaṃ vuttaṃ. Attādisuññasabhāvadhammappakāsanato abhidhammapiṭake diṭṭhisaṃkilesassa pahānaṃ vuttaṃ.
згамзгасмин̃жзд̇т̇аад̇и зд̇т̇а зд̇зсу д̇ийсу бидагзсу згзгасмим̣ бидагзд̇и ад̇т̇о. д̇хаммод̇и баал̣ийд̇и зд̇т̇а д̇хаммасса сийлаад̣̇ивисидтад̇т̇аяог̇ад̇о, б̣уд̣̇д̇хаанам̣ сабхааванируд̇д̇ибхаавад̇о жа багадтаанам̣ уггадтаанам̣ важанаббаб̣анд̇хаанам̣ аал̣и банд̇ийд̇и баал̣и, барияад̇д̇ид̇хаммо. саммуд̇ибарамад̇т̇абхзд̣̇асса ад̇т̇асса ануруубаваажагабхаавзна барамад̇т̇асад̣̇д̣̇зсу зганд̇зна бхаг̇авад̇аа манасаа вавад̇т̇аабид̇о наамабан̃н̃ад̇д̇иббаб̣анд̇хо баал̣ид̇хаммо наама. д̣̇зсанааяа д̇хаммасса жа го висзсод̇и жз? яат̇аавуд̇д̇анаязна манасаа вавад̇т̇аабид̇ад̇хаммасса барзсам̣ б̣од̇ханабхаавзна ад̇исаж̇ж̇анаа ваажааяа багаасанаа ‘‘д̣̇зсанаа’’д̇и взд̣̇ид̇аб̣б̣аа. д̇знааха – ‘‘д̣̇зсанаад̇и д̇ассаа манасаа вавад̇т̇аабид̇ааяа баал̣ияаа д̣̇зсанаа’’д̇и. д̇ад̣̇убхаяамби бана барамад̇т̇ад̇о сад̣̇д̣̇о зва барамад̇т̇авинимуд̇д̇ааяа саммуд̇ияаа абхааваа. имамзва наяам̣ г̇ахзд̇ваа гзжи аажарияаа ‘‘д̇хаммо жа д̣̇зсанаа жа барамад̇т̇ад̇о сад̣̇д̣̇о зваа’’д̇и вохаранд̇и, д̇зби анубаваж̇ж̇ааязва. яат̇аа ‘‘гаамааважарабадисанд̇хивибаагаа барид̇д̇аарамман̣аа’’д̇и вужжанд̇и, звам̣самбад̣̇амид̣̇ам̣ д̣̇адтаб̣б̣ам̣. на хи ‘‘гаамааважарабадисанд̇хивибаагаа ниб̣б̣ад̇д̇ид̇абарамад̇т̇ависаяааязваа’’д̇и саггаа вад̇д̇ум̣ ид̇т̇ибурисаад̣̇иаагаарабаривид̇аггабуб̣б̣агаанам̣ рааг̇аад̣̇иагусалаанам̣ мзд̇д̇аад̣̇игусалаанан̃жа аарамман̣ам̣ г̇ахзд̇вааби самуббаж̇ж̇анад̇о. барамад̇т̇ад̇хаммамуулагад̇д̇аа банасса баригаббасса барамад̇т̇ависаяад̇аа саггаа бан̃н̃абзд̇ум̣, звамид̇хаабийд̇и д̣̇адтаб̣б̣ам̣. д̇ийсуби жзд̇зсу зд̇з д̇хаммад̇т̇ад̣̇зсанаабадивзд̇хаа г̇амбхийраад̇и самб̣анд̇хо. зд̇т̇а жа бидагааваяаваанам̣ д̇хаммаад̣̇ийнам̣ вужжамаано г̇амбхийрабхааво д̇ам̣самуд̣̇ааяасса бидагассааби вуд̇д̇о язваад̇и д̣̇адтаб̣б̣о. д̣̇угкзна ог̇аяханд̇и, д̣̇угко ваа ог̇аахо ог̇ааханам̣ анд̇обависанамзд̇зсууд̇и д̣̇угког̇аахаа. зд̇т̇аад̇и зд̇зсу бидагзсу, нид̣̇д̇хааран̣з жзд̇ам̣ бхуммаважанам̣.
Ekamekasmiñcetthāti ettha etesu tīsu piṭakesu ekekasmiṃ piṭaketi attho. Dhammoti pāḷīti ettha dhammassa sīlādivisiṭṭhatthayogato, buddhānaṃ sabhāvaniruttibhāvato ca pakaṭṭhānaṃ ukkaṭṭhānaṃ vacanappabandhānaṃ āḷi pantīti pāḷi, pariyattidhammo. Sammutiparamatthabhedassa atthassa anurūpavācakabhāvena paramatthasaddesu ekantena bhagavatā manasā vavatthāpito nāmapaññattippabandho pāḷidhammo nāma. Desanāya dhammassa ca ko visesoti ce? Yathāvuttanayena manasā vavatthāpitadhammassa paresaṃ bodhanabhāvena atisajjanā vācāya pakāsanā ‘‘desanā’’ti veditabbā. Tenāha – ‘‘desanāti tassā manasā vavatthāpitāya pāḷiyā desanā’’ti. Tadubhayampi pana paramatthato saddo eva paramatthavinimuttāya sammutiyā abhāvā. Imameva nayaṃ gahetvā keci ācariyā ‘‘dhammo ca desanā ca paramatthato saddo evā’’ti voharanti, tepi anupavajjāyeva. Yathā ‘‘kāmāvacarapaṭisandhivipākā parittārammaṇā’’ti vuccanti, evaṃsampadamidaṃ daṭṭhabbaṃ. Na hi ‘‘kāmāvacarapaṭisandhivipākā nibbattitaparamatthavisayāyevā’’ti sakkā vattuṃ itthipurisādiākāraparivitakkapubbakānaṃ rāgādiakusalānaṃ mettādikusalānañca ārammaṇaṃ gahetvāpi samuppajjanato. Paramatthadhammamūlakattā panassa parikappassa paramatthavisayatā sakkā paññapetuṃ, evamidhāpīti daṭṭhabbaṃ. Tīsupi cetesu ete dhammatthadesanāpaṭivedhā gambhīrāti sambandho. Ettha ca piṭakāvayavānaṃ dhammādīnaṃ vuccamāno gambhīrabhāvo taṃsamudāyassa piṭakassāpi vutto yevāti daṭṭhabbo. Dukkhena ogayhanti, dukkho vā ogāho ogāhanaṃ antopavisanametesūti dukkhogāhā. Etthāti etesu piṭakesu, niddhāraṇe cetaṃ bhummavacanaṃ.
хзд̇уно палам̣ хзд̇упалам̣. д̇хаммаабхилаабод̇и ад̇т̇аб̣яан̃ж̇анаго авибарийд̇аабхилаабо. висаяад̇о асаммохад̇о жаад̇и логияалогуд̇д̇араанам̣ яат̇ааггамам̣ аваб̣од̇хаббагаарад̣̇ассанам̣, зд̇асса аваб̣од̇ход̇и иминаа самб̣анд̇хо. логияо хи д̇хаммад̇т̇аад̣̇им̣ ааламб̣ид̇ваава бавад̇д̇анад̇о висаяад̇о аваб̣од̇ход̇и вужжад̇и. логуд̇д̇аро бана ниб̣б̣аанаарамман̣ад̇ааяа д̇ам̣ анааламб̣амааноби д̇аб̣б̣исаяамохавид̣̇д̇хам̣санзна д̇хаммаад̣̇ийсу бавад̇д̇анад̇о асаммохад̇о аваб̣од̇ход̇и вужжад̇и. ад̇т̇аануруубам̣ д̇хаммзсууд̇и гаарияаануруубам̣ гааран̣зсууд̇и ад̇т̇о. бан̃н̃ад̇д̇ибат̇аануруубам̣ бан̃н̃ад̇д̇ийсууд̇и чаб̣б̣ид̇ханаамабан̃н̃ад̇д̇ияаа бат̇о бан̃н̃ад̇д̇ибат̇о, д̇асса ануруубам̣ бан̃н̃ад̇д̇ийсууд̇и ад̇т̇о.
Hetuno phalaṃ hetuphalaṃ. Dhammābhilāpoti atthabyañjanako aviparītābhilāpo. Visayato asammohato cāti lokiyalokuttarānaṃ yathākkamaṃ avabodhappakāradassanaṃ, etassa avabodhoti iminā sambandho. Lokiyo hi dhammatthādiṃ ālambitvāva pavattanato visayato avabodhoti vuccati. Lokuttaro pana nibbānārammaṇatāya taṃ anālambamānopi tabbisayamohaviddhaṃsanena dhammādīsu pavattanato asammohato avabodhoti vuccati. Atthānurūpaṃ dhammesūti kāriyānurūpaṃ kāraṇesūti attho. Paññattipathānurūpaṃ paññattīsūti chabbidhanāmapaññattiyā patho paññattipatho, tassa anurūpaṃ paññattīsūti attho.
д̇хаммаж̇аад̇анд̇и гааран̣аббабхзд̣̇о гааран̣амзва ваа. ад̇т̇аж̇аад̇анд̇и гаарияаббабхзд̣̇о, гаарияамзва ваа. яаа жааяам̣ д̣̇зсанаад̇и самб̣анд̇хо. яо жзд̇т̇аад̇и зд̇аасу д̇хаммад̇т̇ад̣̇зсанаасу яо бадивзд̇ход̇и ад̇т̇о. зд̇т̇аад̇и зд̇зсу д̇ийсу бидагзсу.
Dhammajātanti kāraṇappabhedo kāraṇameva vā. Atthajātanti kāriyappabhedo, kāriyameva vā. Yā cāyaṃ desanāti sambandho. Yo cetthāti etāsu dhammatthadesanāsu yo paṭivedhoti attho. Etthāti etesu tīsu piṭakesu.
алаг̇ад̣̇д̣̇уубамаад̇и зд̇т̇а алаг̇ад̣̇д̣̇асад̣̇д̣̇зна алаг̇ад̣̇д̣̇аг̇г̇ахан̣ам̣ вужжад̇и вийн̣ааваад̣̇анам̣ вийн̣аад̇иаад̣̇ийсу вияа, г̇ахан̣ан̃жзд̇т̇а яат̇аа д̣ам̣сад̇и, д̇ат̇аа д̣̇уг̇г̇ахан̣ам̣ д̣̇адтаб̣б̣ам̣, ид̇араг̇г̇ахан̣з вирод̇хаабхааваа. д̇асмаа алаг̇ад̣̇д̣̇асса г̇ахан̣ам̣ убамаа зд̇иссаад̇и алаг̇ад̣̇д̣̇уубамаа. алаг̇ад̣̇д̣̇од̇и жзд̇т̇а аасивисо вужжад̇и. со хи алам̣ барияад̇д̇о, ж̇ийвид̇ахаран̣асамад̇т̇о ваа висасан̇каад̇о г̇ад̣̇о ассаад̇и ‘‘алам̣г̇ад̣̇о’’д̇и вад̇д̇аб̣б̣з ‘‘алаг̇ад̣̇д̣̇о’’д̇и вужжад̇и.
Alagaddūpamāti ettha alagaddasaddena alagaddaggahaṇaṃ vuccati vīṇāvādanaṃ vīṇātiādīsu viya, gahaṇañcettha yathā ḍaṃsati, tathā duggahaṇaṃ daṭṭhabbaṃ, itaraggahaṇe virodhābhāvā. Tasmā alagaddassa gahaṇaṃ upamā etissāti alagaddūpamā. Alagaddoti cettha āsiviso vuccati. So hi alaṃ pariyatto, jīvitaharaṇasamattho vā visasaṅkhāto gado assāti ‘‘alaṃgado’’ti vattabbe ‘‘alagaddo’’ti vuccati.
ваддад̇о ниссаран̣ам̣ ад̇т̇о баяож̇анам̣ зд̇иссаад̇и ниссаран̣ад̇т̇аа. бхан̣д̣ааг̇аариго вияаад̇и бхан̣д̣ааг̇аариго, д̇хаммарад̇анаанубаалаго, д̇асса ад̇т̇анирабзгкасса барияад̇д̇и бхан̣д̣ааг̇ааригабарияад̇д̇и. д̣̇уг̇г̇ахид̇аанийд̇и д̣̇удту г̇ахид̇аани. д̇знааха ‘‘убаарамбхаад̣̇ихзд̇у барияаабудаа’’д̇и. зд̇т̇а жа убаарамбхо наама барияад̇д̇им̣ ниссааяа баравамбханам̣. аад̣̇и-сад̣̇д̣̇зна ид̇иваад̣̇аббамогкалаабхасаггаараад̣̇им̣ сан̇г̇ан̣хаад̇и. яам̣ санд̇хааяаад̇и яам̣ барияад̇д̇ид̣̇уг̇г̇ахан̣ам̣ санд̇хааяа. вуд̇д̇анд̇и алаг̇ад̣̇д̣̇уубамасуд̇д̇з (ма. ни. 1.238) вуд̇д̇ам̣. д̇ан̃жасса ад̇т̇ам̣ наанубхонд̇ийд̇и д̇ан̃жа асса д̇хаммасса сийлабарибууран̣аад̣̇исан̇каад̇ам̣ ад̇т̇ам̣ зд̇з д̣̇уг̇г̇ахид̇аг̇аахино наанубхонд̇и на винд̣̇анд̇и. бадивид̣̇д̇хаагуббод̇и бадивид̣̇д̇хаарахад̇д̇апало.
Vaṭṭato nissaraṇaṃ attho payojanaṃ etissāti nissaraṇatthā. Bhaṇḍāgāriko viyāti bhaṇḍāgāriko, dhammaratanānupālako, tassa atthanirapekkhassa pariyatti bhaṇḍāgārikapariyatti. Duggahitānīti duṭṭhu gahitāni. Tenāha ‘‘upārambhādihetu pariyāpuṭā’’ti. Ettha ca upārambho nāma pariyattiṃ nissāya paravambhanaṃ. Ādi-saddena itivādappamokkhalābhasakkārādiṃ saṅgaṇhāti. Yaṃ sandhāyāti yaṃ pariyattiduggahaṇaṃ sandhāya. Vuttanti alagaddūpamasutte (ma. ni. 1.238) vuttaṃ. Tañcassa atthaṃ nānubhontīti tañca assa dhammassa sīlaparipūraṇādisaṅkhātaṃ atthaṃ ete duggahitagāhino nānubhonti na vindanti. Paṭividdhākuppoti paṭividdhaarahattaphalo.
ид̣̇аани д̇ийсу бидагзсу яат̇аарахам̣ самбад̇д̇ивибад̇д̇ияо нид̣̇д̇хаарзд̇ваа д̣̇ассзнд̇о ааха винаяз банаад̇иаад̣̇и. д̇ад̇т̇а д̇аасам̣язваад̇и авад̇хааран̣ам̣ чал̣абхин̃н̃аажад̇убадисамбхид̣̇аанам̣ винаяз бабхзд̣̇аважанаабхаавам̣ санд̇хааяа вуд̇д̇ам̣. взран̃ж̇аган̣д̣з (баараа. 12) хи д̇иссо виж̇ж̇аава вибхад̇д̇аа. д̣̇уд̇ияз д̇аасам̣язваад̇и авад̇хааран̣ам̣ жад̇ассо бадисамбхид̣̇аа абзгкид̇ваа гад̇ам̣ д̇иссаннамби виж̇ж̇аанам̣ часу абхин̃н̃аасу анд̇обавидтад̇д̇аа. д̇аасан̃жаад̇и зд̇т̇а жа-сад̣̇д̣̇зна сзсаанамби д̇ад̇т̇а ад̇т̇ибхаавам̣ д̣̇ийбзд̇и. абхид̇хаммабидагз хи д̇иссо виж̇ж̇аа ча абхин̃н̃аа жад̇ассо бадисамбхид̣̇аа жа вуд̇д̇аа зва. бадисамбхид̣̇аанам̣ д̇ад̇т̇зва саммаа вибхад̇д̇абхаавам̣ д̣̇ийбзд̇ум̣ д̇ад̇т̇зваад̇и авад̇хааран̣ам̣ гад̇ам̣. убаад̣̇иннапассод̇и маг̇г̇зна маг̇г̇абадибаад̣̇анапассо. д̇зсанд̇и д̇зсам̣ бидагаанам̣. зд̇анд̇и зд̇ам̣ б̣уд̣̇д̇хаважанам̣.
Idāni tīsu piṭakesu yathārahaṃ sampattivipattiyo niddhāretvā dassento āha vinaye panātiādi. Tattha tāsaṃyevāti avadhāraṇaṃ chaḷabhiññācatupaṭisambhidānaṃ vinaye pabhedavacanābhāvaṃ sandhāya vuttaṃ. Verañjakaṇḍe (pārā. 12) hi tisso vijjāva vibhattā. Dutiye tāsaṃyevāti avadhāraṇaṃ catasso paṭisambhidā apekkhitvā kataṃ tissannampi vijjānaṃ chasu abhiññāsu antopaviṭṭhattā. Tāsañcāti ettha ca-saddena sesānampi tattha atthibhāvaṃ dīpeti. Abhidhammapiṭake hi tisso vijjā cha abhiññā catasso paṭisambhidā ca vuttā eva. Paṭisambhidānaṃ tattheva sammā vibhattabhāvaṃ dīpetuṃ tatthevāti avadhāraṇaṃ kataṃ. Upādinnaphassoti maggena maggapaṭipādanaphasso. Tesanti tesaṃ piṭakānaṃ. Etanti etaṃ buddhavacanaṃ.
жад̇уд̇д̇им̣сзва суд̇д̇анд̇аад̇и г̇аат̇ааяа аяамад̇т̇аяож̇анаа – яасса нигааяасса суд̇д̇аг̇ан̣анад̇о жад̇уд̇д̇им̣сзва суд̇д̇анд̇аа ваг̇г̇асан̇г̇ахавасзна д̇аяо ваг̇г̇аа яасса сан̇г̇ахассаад̇и д̇иваг̇г̇о сан̇г̇ахо, зса батамо нигааяо ид̇ха д̣̇ийгханигааяод̇и. ануломигод̇и абажжанийго, ад̇т̇аануломанад̇о анвад̇т̇анаамод̇и вуд̇д̇ам̣ ход̇и. зганигааяамбийд̇и згасамуухамби. звам̣ жид̇д̇анд̇и звам̣ вижид̇д̇ам̣. яат̇аяид̣̇анд̇и яат̇аа имз. бон̣игажигкаллигаа кад̇д̇ияаа, д̇зсам̣ ниваасо ‘‘бон̣иганигааяо жигкаллиганигааяо’’д̇и вужжад̇и. бан̃жад̣̇асаваг̇г̇абариг̇г̇аход̇и бан̃жад̣̇асахи ваг̇г̇зхи бариг̇г̇ахид̇о. суд̇д̇анд̇аанам̣ сахассаани сад̇д̇а суд̇д̇асад̇аани жаад̇и баатз суд̇д̇анд̇аанам̣ сад̇д̇асахассаани сад̇д̇а суд̇д̇асад̇аани жаад̇и яож̇зд̇аб̣б̣ам̣. гад̇т̇ажи бана ‘‘сад̇д̇а суд̇д̇асахассаани, сад̇д̇а суд̇д̇асад̇аани жаа’’д̇и баато. буб̣б̣з нид̣̇ассид̇аад̇и суд̇д̇анд̇абидаганид̣̇д̣̇зсз нид̣̇ассид̇аа.
Catuttiṃsevasuttantāti gāthāya ayamatthayojanā – yassa nikāyassa suttagaṇanato catuttiṃseva suttantā vaggasaṅgahavasena tayo vaggā yassa saṅgahassāti tivaggo saṅgaho, esa paṭhamo nikāyo idha dīghanikāyoti. Anulomikoti apaccanīko, atthānulomanato anvatthanāmoti vuttaṃ hoti. Ekanikāyampīti ekasamūhampi. Evaṃ cittanti evaṃ vicittaṃ. Yathayidanti yathā ime. Poṇikacikkhallikā khattiyā, tesaṃ nivāso ‘‘poṇikanikāyo cikkhallikanikāyo’’ti vuccati. Pañcadasavaggapariggahoti pañcadasahi vaggehi pariggahito. Suttantānaṃ sahassāni satta suttasatāni cāti pāṭhe suttantānaṃ sattasahassāni satta suttasatāni cāti yojetabbaṃ. Katthaci pana ‘‘satta suttasahassāni, satta suttasatāni cā’’ti pāṭho. Pubbe nidassitāti suttantapiṭakaniddese nidassitā.
взд̣̇анд̇и н̃аан̣ам̣. д̇удтинд̇и бийд̇им̣. д̇хаммагканд̇хавасзнаад̇и д̇хаммараасивасзна. д̣̇ваасийд̇исахассаани б̣уд̣̇д̇хад̇о г̇ан̣хинд̇и самб̣анд̇хо. д̣̇вз сахассаани бхигкуд̇од̇и д̇хаммасзнаабад̇иаад̣̇ийнам̣ бхигкуунам̣ санд̇игаа д̇зхиязва д̣̇зсид̇аани д̣̇вз сахассаани г̇ан̣хим̣. мзд̇и мама хад̣̇аяз, ид̇и аананд̣̇ад̇т̇зро ад̇д̇аанам̣ нид̣̇д̣̇исад̇и. яз д̇хаммаа мама хад̣̇аяз бавад̇д̇ино, д̇з жад̇ураасийд̇исахассаанийд̇и яож̇анаа. ид̣̇ан̃жа бхаг̇авад̇о д̇харамаанагаалз уг̇г̇ахид̇ад̇хаммагканд̇хавасзна вуд̇д̇ам̣, бариниб̣б̣уд̇з бана бхаг̇авад̇и аананд̣̇ад̇т̇зрзна д̣̇зсид̇аанам̣ субхасуд̇д̇а(д̣̇аий. ни. 1.444 аад̣̇аяо) г̇обагамог̇г̇аллаанасуд̇д̇аанам̣ (ма. ни. 3.79 аад̣̇аяо), д̇ад̇ияасан̇г̇ийд̇ияам̣ мог̇г̇алибуд̇д̇ад̇иссад̇т̇зрзна гат̇ид̇агат̇аавад̇т̇уббагаран̣асса жа васзна д̇хаммагканд̇хаанам̣ жад̇ураасийд̇исахассад̇оби ад̇хигад̇аа взд̣̇ид̇аб̣б̣аа.
Vedanti ñāṇaṃ. Tuṭṭhinti pītiṃ. Dhammakkhandhavasenāti dhammarāsivasena. Dvāsītisahassāni buddhato gaṇhinti sambandho. Dve sahassāni bhikkhutoti dhammasenāpatiādīnaṃ bhikkhūnaṃ santikā tehiyeva desitāni dve sahassāni gaṇhiṃ. Meti mama hadaye, iti ānandatthero attānaṃ niddisati. Ye dhammā mama hadaye pavattino, te caturāsītisahassānīti yojanā. Idañca bhagavato dharamānakāle uggahitadhammakkhandhavasena vuttaṃ, parinibbute pana bhagavati ānandattherena desitānaṃ subhasutta(daī. ni. 1.444 ādayo) gopakamoggallānasuttānaṃ (ma. ni. 3.79 ādayo), tatiyasaṅgītiyaṃ moggaliputtatissattherena kathitakathāvatthuppakaraṇassa ca vasena dhammakkhandhānaṃ caturāsītisahassatopi adhikatā veditabbā.
згаанусанд̇хигам̣ суд̇д̇анд̇и сад̇ибадтаанаад̣̇и (д̣̇ий. ни. 2.372 аад̣̇аяо; ма. ни. 1.105 аад̣̇аяо). анзгаанусанд̇хиганд̇и бариниб̣б̣аанасуд̇д̇аад̣̇и (д̣̇ий. ни. 2.134 аад̣̇аяо). д̇ан̃хи наанаатаанзсу наанаад̇хаммад̣̇зсанаанам̣ васзна бавад̇д̇ам̣. д̇игад̣̇угабхааж̇анам̣ д̇хаммасан̇г̇ан̣ияам̣ нигкзбаган̣д̣а(д̇ха. са. 985 аад̣̇аяо) адтагат̇ааган̣д̣авасзна (д̇ха. са. 1384 аад̣̇аяо) г̇ахзд̇аб̣б̣ам̣. жид̇д̇аваарабхааж̇ананд̇и ид̣̇ам̣ жид̇д̇уббаад̣̇аган̣д̣авасзна (д̇ха. са. 1 аад̣̇аяо) вуд̇д̇ам̣. ад̇т̇и вад̇т̇ууд̇иаад̣̇ийсу вад̇т̇у наама суд̣̇иннаган̣д̣аад̣̇и (баараа. 24 аад̣̇аяо). маад̇игаад̇и сигкаабад̣̇ам̣. анд̇араабад̇д̇ийд̇и сигкаабад̣̇анд̇арзсу ан̃н̃асмим̣ вад̇т̇усмим̣ бан̃н̃ад̇д̇аа аабад̇д̇и. д̇игажчзд̣̇од̇и д̇игабаажид̇д̇ияаад̣̇ид̇игабарижчзд̣̇о . б̣уд̣̇д̇хаважанам̣ сан̇г̇ахид̇анд̇и самб̣анд̇хо. ассаад̇и б̣уд̣̇д̇хаважанасса. сан̇г̇ийд̇ибарияосаанз саад̇хугаарам̣ д̣̇ад̣̇амаанаа вияаад̇и самб̣анд̇хо. ажчарам̣ бахарид̇ум̣ яуд̇д̇аани ажчарияаани, бубпавассажзлугкзбаад̣̇ийни. яаа ‘‘бан̃жасад̇аа’’д̇и жа ‘‘т̇зригаа’’д̇и жа бавужжад̇и, аяам̣ батамамахаасан̇г̇ийд̇и наамаад̇и самб̣анд̇хо.
Ekānusandhikaṃ suttanti satipaṭṭhānādi (dī. ni. 2.372 ādayo; ma. ni. 1.105 ādayo). Anekānusandhikanti parinibbānasuttādi (dī. ni. 2.134 ādayo). Tañhi nānāṭhānesu nānādhammadesanānaṃ vasena pavattaṃ. Tikadukabhājanaṃ dhammasaṅgaṇiyaṃ nikkhepakaṇḍa(dha. sa. 985 ādayo) aṭṭhakathākaṇḍavasena (dha. sa. 1384 ādayo) gahetabbaṃ. Cittavārabhājananti idaṃ cittuppādakaṇḍavasena (dha. sa. 1 ādayo) vuttaṃ. Atthi vatthūtiādīsu vatthu nāma sudinnakaṇḍādi (pārā. 24 ādayo). Mātikāti sikkhāpadaṃ. Antarāpattīti sikkhāpadantaresu aññasmiṃ vatthusmiṃ paññattā āpatti. Tikacchedoti tikapācittiyāditikaparicchedo . Buddhavacanaṃ saṅgahitanti sambandho. Assāti buddhavacanassa. Saṅgītipariyosāne sādhukāraṃ dadamānā viyāti sambandho. Accharaṃ paharituṃ yuttāni acchariyāni, pupphavassacelukkhepādīni. Yā ‘‘pañcasatā’’ti ca ‘‘therikā’’ti ca pavuccati, ayaṃ paṭhamamahāsaṅgīti nāmāti sambandho.
ид̇и саманд̇абаасаад̣̇игааяа винаяадтагат̇ааяа вимад̇ивинод̣̇анияам̣
Iti samantapāsādikāya vinayaṭṭhakathāya vimativinodaniyaṃ
батамамахаасан̇г̇ийд̇игат̇ааван̣н̣анаанаяо нидтид̇о.
Paṭhamamahāsaṅgītikathāvaṇṇanānayo niṭṭhito.
