| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. பட²மமரணஸ்ஸதிஸுத்தவண்ணனா
9. Paṭhamamaraṇassatisuttavaṇṇanā
19. நவமே நாதிகேதி ஏவங்னாமகே கா³மே. கி³ஞ்ஜகாவஸதே²தி இட்ட²காமயே பாஸாதே³. அமதோக³தா⁴தி நிப்³பா³னோக³தா⁴, நிப்³பா³னபதிட்டா²தி அத்தோ². பா⁴வேத² நோதி பா⁴வேத² நு. மரணஸ்ஸதிந்தி மரணஸ்ஸதிகம்மட்டா²னங். அஹோ வதாதி பத்த²னத்தே² நிபாதோ. ப³ஹுங் வத மே கதங் அஸ்ஸாதி தும்ஹாகங் ஸாஸனே மம கிச்சங் ப³ஹு கதங் அஸ்ஸ. தத³ந்தரந்தி தங் அந்தரங் க²ணங் ஓகாஸங். அஸ்ஸஸித்வா வா பஸ்ஸஸாமீதி எத்த² அஸ்ஸாஸோ வுச்சதி அந்தோ பவிஸனவாதோ, பஸ்ஸாஸோ ப³ஹி நிக்க²மனவாதோ. இதி அயங் பி⁴க்கு² யாவ அந்தோ பவிட்ட²வாதோ ப³ஹி நிக்க²மதி, ப³ஹி நிக்க²ந்தோ வாதோ அந்தோ பவிஸதி, தாவ ஜீவிதங் பத்தெ²ந்தோ ஏவமாஹ. த³ந்த⁴ந்தி மந்த³ங் க³ருகங் அஸீக⁴ப்பவத்தங். ஆஸவானங் க²யாயாதி அரஹத்தப²லத்தா²ய. இமஸ்மிங் ஸுத்தே மரணஸ்ஸதி அரஹத்தங் பாபெத்வா கதி²தாதி.
19. Navame nātiketi evaṃnāmake gāme. Giñjakāvasatheti iṭṭhakāmaye pāsāde. Amatogadhāti nibbānogadhā, nibbānapatiṭṭhāti attho. Bhāvetha noti bhāvetha nu. Maraṇassatinti maraṇassatikammaṭṭhānaṃ. Aho vatāti patthanatthe nipāto. Bahuṃvata me kataṃ assāti tumhākaṃ sāsane mama kiccaṃ bahu kataṃ assa. Tadantaranti taṃ antaraṃ khaṇaṃ okāsaṃ. Assasitvā vā passasāmīti ettha assāso vuccati anto pavisanavāto, passāso bahi nikkhamanavāto. Iti ayaṃ bhikkhu yāva anto paviṭṭhavāto bahi nikkhamati, bahi nikkhanto vāto anto pavisati, tāva jīvitaṃ patthento evamāha. Dandhanti mandaṃ garukaṃ asīghappavattaṃ. Āsavānaṃ khayāyāti arahattaphalatthāya. Imasmiṃ sutte maraṇassati arahattaṃ pāpetvā kathitāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. பட²மமரணஸ்ஸதிஸுத்தங் • 9. Paṭhamamaraṇassatisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. பட²மமரணஸ்ஸதிஸுத்தவண்ணனா • 9. Paṭhamamaraṇassatisuttavaṇṇanā
