| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. батамамаран̣ассад̇исуд̇д̇аван̣н̣анаа
9. Paṭhamamaraṇassatisuttavaṇṇanā
19. навамз наад̇игзд̇и звам̣наамагз г̇аамз. г̇ин̃ж̇агаавасат̇зд̇и идтагаамаяз баасаад̣̇з. амад̇ог̇ад̇хаад̇и ниб̣б̣ааног̇ад̇хаа, ниб̣б̣аанабад̇идтаад̇и ад̇т̇о. бхаавзт̇а нод̇и бхаавзт̇а ну. маран̣ассад̇инд̇и маран̣ассад̇игаммадтаанам̣. ахо вад̇аад̇и бад̇т̇анад̇т̇з нибаад̇о. б̣ахум̣ вад̇а мз гад̇ам̣ ассаад̇и д̇умхаагам̣ саасанз мама гижжам̣ б̣аху гад̇ам̣ асса. д̇ад̣̇анд̇аранд̇и д̇ам̣ анд̇арам̣ кан̣ам̣ огаасам̣. ассасид̇ваа ваа бассасаамийд̇и зд̇т̇а ассаасо вужжад̇и анд̇о бависанаваад̇о, бассаасо б̣ахи нигкаманаваад̇о. ид̇и аяам̣ бхигку яаава анд̇о бавидтаваад̇о б̣ахи нигкамад̇и, б̣ахи нигканд̇о ваад̇о анд̇о бависад̇и, д̇аава ж̇ийвид̇ам̣ бад̇т̇знд̇о звамааха. д̣̇анд̇ханд̇и манд̣̇ам̣ г̇аругам̣ асийгхаббавад̇д̇ам̣. аасаваанам̣ каяааяаад̇и арахад̇д̇апалад̇т̇ааяа. имасмим̣ суд̇д̇з маран̣ассад̇и арахад̇д̇ам̣ баабзд̇ваа гат̇ид̇аад̇и.
19. Navame nātiketi evaṃnāmake gāme. Giñjakāvasatheti iṭṭhakāmaye pāsāde. Amatogadhāti nibbānogadhā, nibbānapatiṭṭhāti attho. Bhāvetha noti bhāvetha nu. Maraṇassatinti maraṇassatikammaṭṭhānaṃ. Aho vatāti patthanatthe nipāto. Bahuṃvata me kataṃ assāti tumhākaṃ sāsane mama kiccaṃ bahu kataṃ assa. Tadantaranti taṃ antaraṃ khaṇaṃ okāsaṃ. Assasitvā vā passasāmīti ettha assāso vuccati anto pavisanavāto, passāso bahi nikkhamanavāto. Iti ayaṃ bhikkhu yāva anto paviṭṭhavāto bahi nikkhamati, bahi nikkhanto vāto anto pavisati, tāva jīvitaṃ patthento evamāha. Dandhanti mandaṃ garukaṃ asīghappavattaṃ. Āsavānaṃ khayāyāti arahattaphalatthāya. Imasmiṃ sutte maraṇassati arahattaṃ pāpetvā kathitāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. батамамаран̣ассад̇исуд̇д̇ам̣ • 9. Paṭhamamaraṇassatisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. батамамаран̣ассад̇исуд̇д̇аван̣н̣анаа • 9. Paṭhamamaraṇassatisuttavaṇṇanā
