| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. батамамаран̣ассад̇исуд̇д̇аван̣н̣анаа
9. Paṭhamamaraṇassatisuttavaṇṇanā
19. навамз звам̣наамагз г̇аамзд̇и наад̇игаанаамагам̣ г̇аамам̣ ниссааяа. д̣̇виннам̣ жуул̣абид̇имахаабид̇ибуд̇д̇аанам̣ д̣̇вз г̇аамаа, д̇зсу згасмим̣ г̇аамз. н̃аад̇ийнан̃хи ниваасадтаанабхууд̇о г̇аамо н̃аад̇иго, н̃аад̇игоязва наад̇иго н̃а-гаарасса на-гаараад̣̇зсо ‘‘анимид̇д̇аа на нааяарз’’д̇иаад̣̇ийсу (висуд̣̇д̇хи. 1.174; сам̣. ни. адта. 1.1.20; ж̇аа. адта. 2.2.34) вияа. со гира г̇аамо язсам̣ д̇ад̣̇аа д̇зсам̣ буб̣б̣абурисзна ад̇д̇ано н̃аад̇ийнам̣ саад̇хааран̣абхаавзна нивасид̇о, д̇зна н̃аад̇игод̇и бан̃н̃ааяид̇т̇а. ат̇а бажчаа д̣̇вийхи д̣̇ааяаад̣̇зхи д̣̇вид̇хаа вибхаж̇ид̇ваа барибхуд̇д̇о. г̇ин̃ж̇агаа вужжад̇и идтагаа, г̇ин̃ж̇агаахиязва гад̇о аавасат̇од̇и г̇ин̃ж̇агаавасат̇о. со хи ааваасо яат̇аа суд̇хаабаригаммзна баяож̇анам̣ над̇т̇и, звам̣ идтагаахи зва жинид̇ваа чаад̣̇зд̇ваа гад̇о. д̇асмим̣ гира бад̣̇зсз мад̇д̇игаа сагкарамарумбаваалугаад̣̇ийхи асаммиссаа гат̇инаа сан̣хасукумаа, д̇ааяа гад̇аани гулаалабхааж̇анааниби силаамаяаани вияа д̣̇ал̣хаани. д̇асмаа д̇з убаасагаа д̇ааяа мад̇д̇игааяа д̣̇ийгхабут̇уу идтагаа гаарзд̇ваа табзд̇ваа табзд̇ваа д̣̇ваараваад̇абаанагаваадад̇улааяо саб̣б̣ам̣ д̣̇аб̣б̣асамбхаарзна винаа д̇аахи идтагаахиязва баасаад̣̇ам̣ гаарзсум̣. д̇зна вуд̇д̇ам̣ ‘‘идтагаамаяз баасаад̣̇з’’д̇и.
19. Navame evaṃnāmake gāmeti nātikānāmakaṃ gāmaṃ nissāya. Dvinnaṃ cūḷapitimahāpitiputtānaṃ dve gāmā, tesu ekasmiṃ gāme. Ñātīnañhi nivāsaṭṭhānabhūto gāmo ñātiko, ñātikoyeva nātiko ña-kārassa na-kārādeso ‘‘animittā na nāyare’’tiādīsu (visuddhi. 1.174; saṃ. ni. aṭṭha. 1.1.20; jā. aṭṭha. 2.2.34) viya. So kira gāmo yesaṃ tadā tesaṃ pubbapurisena attano ñātīnaṃ sādhāraṇabhāvena nivasito, tena ñātikoti paññāyittha. Atha pacchā dvīhi dāyādehi dvidhā vibhajitvā paribhutto. Giñjakā vuccati iṭṭhakā, giñjakāhiyeva kato āvasathoti giñjakāvasatho. So hi āvāso yathā sudhāparikammena payojanaṃ natthi, evaṃ iṭṭhakāhi eva cinitvā chādetvā kato. Tasmiṃ kira padese mattikā sakkharamarumpavālukādīhi asammissā kathinā saṇhasukhumā, tāya katāni kulālabhājanānipi silāmayāni viya daḷhāni. Tasmā te upāsakā tāya mattikāya dīghaputhū iṭṭhakā kāretvā ṭhapetvā ṭhapetvā dvāravātapānakavāṭatulāyo sabbaṃ dabbasambhārena vinā tāhi iṭṭhakāhiyeva pāsādaṃ kāresuṃ. Tena vuttaṃ ‘‘iṭṭhakāmaye pāsāde’’ti.
рад̇д̇инд̣̇иванд̇и згарад̇д̇ид̣̇ивам̣. бхаг̇авад̇о саасананд̇и арияамаг̇г̇аббадивзд̇хаавахам̣ сад̇т̇у оваад̣̇ам̣. б̣аху вад̇а мз гад̇ам̣ ассаад̇и б̣аху вад̇а маяаа ад̇д̇ахид̇ам̣ баб̣б̣аж̇ид̇агижжам̣ гад̇ам̣ бхавзяяа.
Rattindivanti ekarattidivaṃ. Bhagavato sāsananti ariyamaggappaṭivedhāvahaṃ satthu ovādaṃ. Bahu vata me kataṃ assāti bahu vata mayā attahitaṃ pabbajitakiccaṃ kataṃ bhaveyya.
д̇ад̣̇анд̇аранд̇и д̇ад̇д̇агам̣ взлам̣. згабин̣д̣абаад̇анд̇и згам̣ д̣̇ивасам̣ яаабанаббахонагам̣ бин̣д̣абаад̇ам̣. яаава анд̇о бавидтаваад̇о б̣ахи нигкамад̇и, б̣ахи нигканд̇аваад̇о ваа анд̇о бависад̇ийд̇и згассзва бавзсанигкамо вияа вуд̇д̇ам̣, д̇ам̣ наасигааваад̇абхаавасааман̃н̃знаад̇и д̣̇адтаб̣б̣ам̣.
Tadantaranti tattakaṃ velaṃ. Ekapiṇḍapātanti ekaṃ divasaṃ yāpanappahonakaṃ piṇḍapātaṃ. Yāva anto paviṭṭhavāto bahi nikkhamati, bahi nikkhantavātovā anto pavisatīti ekasseva pavesanikkhamo viya vuttaṃ, taṃ nāsikāvātabhāvasāmaññenāti daṭṭhabbaṃ.
батамамаран̣ассад̇исуд̇д̇аван̣н̣анаа нидтид̇аа.
Paṭhamamaraṇassatisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. батамамаран̣ассад̇исуд̇д̇ам̣ • 9. Paṭhamamaraṇassatisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. батамамаран̣ассад̇исуд̇д̇аван̣н̣анаа • 9. Paṭhamamaraṇassatisuttavaṇṇanā
