| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๙. ปฐมมรณสฺสติสุตฺตวณฺณนา
9. Paṭhamamaraṇassatisuttavaṇṇanā
๑๙. นวเม นาติเกติ เอวํนามเก คาเมฯ คิญฺชกาวสเถติ อิฎฺฐกามเย ปาสาเทฯ อมโตคธาติ นิพฺพาโนคธา, นิพฺพานปติฎฺฐาติ อโตฺถฯ ภาเวถ โนติ ภาเวถ นุฯ มรณสฺสตินฺติ มรณสฺสติกมฺมฎฺฐานํฯ อโห วตาติ ปตฺถนเตฺถ นิปาโตฯ พหุํ วต เม กตํ อสฺสาติ ตุมฺหากํ สาสเน มม กิจฺจํ พหุ กตํ อสฺสฯ ตทนฺตรนฺติ ตํ อนฺตรํ ขณํ โอกาสํฯ อสฺสสิตฺวา วา ปสฺสสามีติ เอตฺถ อสฺสาโส วุจฺจติ อโนฺต ปวิสนวาโต, ปสฺสาโส พหิ นิกฺขมนวาโตฯ อิติ อยํ ภิกฺขุ ยาว อโนฺต ปวิฎฺฐวาโต พหิ นิกฺขมติ, พหิ นิกฺขโนฺต วาโต อโนฺต ปวิสติ, ตาว ชีวิตํ ปเตฺถโนฺต เอวมาหฯ ทนฺธนฺติ มนฺทํ ครุกํ อสีฆปฺปวตฺตํฯ อาสวานํ ขยายาติ อรหตฺตผลตฺถายฯ อิมสฺมิํ สุเตฺต มรณสฺสติ อรหตฺตํ ปาเปตฺวา กถิตาติฯ
19. Navame nātiketi evaṃnāmake gāme. Giñjakāvasatheti iṭṭhakāmaye pāsāde. Amatogadhāti nibbānogadhā, nibbānapatiṭṭhāti attho. Bhāvetha noti bhāvetha nu. Maraṇassatinti maraṇassatikammaṭṭhānaṃ. Aho vatāti patthanatthe nipāto. Bahuṃvata me kataṃ assāti tumhākaṃ sāsane mama kiccaṃ bahu kataṃ assa. Tadantaranti taṃ antaraṃ khaṇaṃ okāsaṃ. Assasitvā vā passasāmīti ettha assāso vuccati anto pavisanavāto, passāso bahi nikkhamanavāto. Iti ayaṃ bhikkhu yāva anto paviṭṭhavāto bahi nikkhamati, bahi nikkhanto vāto anto pavisati, tāva jīvitaṃ patthento evamāha. Dandhanti mandaṃ garukaṃ asīghappavattaṃ. Āsavānaṃ khayāyāti arahattaphalatthāya. Imasmiṃ sutte maraṇassati arahattaṃ pāpetvā kathitāti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๙. ปฐมมรณสฺสติสุตฺตํ • 9. Paṭhamamaraṇassatisuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๙. ปฐมมรณสฺสติสุตฺตวณฺณนา • 9. Paṭhamamaraṇassatisuttavaṇṇanā
