| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៩. បឋមមរណស្សតិសុត្តវណ្ណនា
9. Paṭhamamaraṇassatisuttavaṇṇanā
១៩. នវមេ ឯវំនាមកេ គាមេតិ នាតិកានាមកំ គាមំ និស្សាយ។ ទ្វិន្នំ ចូឡបិតិមហាបិតិបុត្តានំ ទ្វេ គាមា, តេសុ ឯកស្មិំ គាមេ។ ញាតីនញ្ហិ និវាសដ្ឋានភូតោ គាមោ ញាតិកោ, ញាតិកោយេវ នាតិកោ ញ-ការស្ស ន-ការាទេសោ ‘‘អនិមិត្តា ន នាយរេ’’តិអាទីសុ (វិសុទ្ធិ. ១.១៧៤; សំ. និ. អដ្ឋ. ១.១.២០; ជា. អដ្ឋ. ២.២.៣៤) វិយ។ សោ កិរ គាមោ យេសំ តទា តេសំ បុព្ពបុរិសេន អត្តនោ ញាតីនំ សាធារណភាវេន និវសិតោ, តេន ញាតិកោតិ បញ្ញាយិត្ថ។ អថ បច្ឆា ទ្វីហិ ទាយាទេហិ ទ្វិធា វិភជិត្វា បរិភុត្តោ។ គិញ្ជកា វុច្ចតិ ឥដ្ឋកា, គិញ្ជកាហិយេវ កតោ អាវសថោតិ គិញ្ជកាវសថោ។ សោ ហិ អាវាសោ យថា សុធាបរិកម្មេន បយោជនំ នត្ថិ, ឯវំ ឥដ្ឋកាហិ ឯវ ចិនិត្វា ឆាទេត្វា កតោ។ តស្មិំ កិរ បទេសេ មត្តិកា សក្ខរមរុម្បវាលុកាទីហិ អសម្មិស្សា កថិនា សណ្ហសុខុមា, តាយ កតានិ កុលាលភាជនានិបិ សិលាមយានិ វិយ ទឡ្ហានិ។ តស្មា តេ ឧបាសកា តាយ មត្តិកាយ ទីឃបុថូ ឥដ្ឋកា ការេត្វា ឋបេត្វា ឋបេត្វា ទ្វារវាតបានកវាដតុលាយោ សព្ពំ ទព្ពសម្ភារេន វិនា តាហិ ឥដ្ឋកាហិយេវ បាសាទំ ការេសុំ។ តេន វុត្តំ ‘‘ឥដ្ឋកាមយេ បាសាទេ’’តិ។
19. Navame evaṃnāmake gāmeti nātikānāmakaṃ gāmaṃ nissāya. Dvinnaṃ cūḷapitimahāpitiputtānaṃ dve gāmā, tesu ekasmiṃ gāme. Ñātīnañhi nivāsaṭṭhānabhūto gāmo ñātiko, ñātikoyeva nātiko ña-kārassa na-kārādeso ‘‘animittā na nāyare’’tiādīsu (visuddhi. 1.174; saṃ. ni. aṭṭha. 1.1.20; jā. aṭṭha. 2.2.34) viya. So kira gāmo yesaṃ tadā tesaṃ pubbapurisena attano ñātīnaṃ sādhāraṇabhāvena nivasito, tena ñātikoti paññāyittha. Atha pacchā dvīhi dāyādehi dvidhā vibhajitvā paribhutto. Giñjakā vuccati iṭṭhakā, giñjakāhiyeva kato āvasathoti giñjakāvasatho. So hi āvāso yathā sudhāparikammena payojanaṃ natthi, evaṃ iṭṭhakāhi eva cinitvā chādetvā kato. Tasmiṃ kira padese mattikā sakkharamarumpavālukādīhi asammissā kathinā saṇhasukhumā, tāya katāni kulālabhājanānipi silāmayāni viya daḷhāni. Tasmā te upāsakā tāya mattikāya dīghaputhū iṭṭhakā kāretvā ṭhapetvā ṭhapetvā dvāravātapānakavāṭatulāyo sabbaṃ dabbasambhārena vinā tāhi iṭṭhakāhiyeva pāsādaṃ kāresuṃ. Tena vuttaṃ ‘‘iṭṭhakāmaye pāsāde’’ti.
រត្តិន្ទិវន្តិ ឯករត្តិទិវំ។ ភគវតោ សាសនន្តិ អរិយមគ្គប្បដិវេធាវហំ សត្ថុ ឱវាទំ។ ពហុ វត មេ កតំ អស្សាតិ ពហុ វត មយា អត្តហិតំ បព្ពជិតកិច្ចំ កតំ ភវេយ្យ។
Rattindivanti ekarattidivaṃ. Bhagavato sāsananti ariyamaggappaṭivedhāvahaṃ satthu ovādaṃ. Bahu vata me kataṃ assāti bahu vata mayā attahitaṃ pabbajitakiccaṃ kataṃ bhaveyya.
តទន្តរន្តិ តត្តកំ វេលំ។ ឯកបិណ្ឌបាតន្តិ ឯកំ ទិវសំ យាបនប្បហោនកំ បិណ្ឌបាតំ។ យាវ អន្តោ បវិដ្ឋវាតោ ពហិ និក្ខមតិ, ពហិ និក្ខន្តវាតោ វា អន្តោ បវិសតីតិ ឯកស្សេវ បវេសនិក្ខមោ វិយ វុត្តំ, តំ នាសិកាវាតភាវសាមញ្ញេនាតិ ទដ្ឋព្ពំ។
Tadantaranti tattakaṃ velaṃ. Ekapiṇḍapātanti ekaṃ divasaṃ yāpanappahonakaṃ piṇḍapātaṃ. Yāva anto paviṭṭhavāto bahi nikkhamati, bahi nikkhantavātovā anto pavisatīti ekasseva pavesanikkhamo viya vuttaṃ, taṃ nāsikāvātabhāvasāmaññenāti daṭṭhabbaṃ.
បឋមមរណស្សតិសុត្តវណ្ណនា និដ្ឋិតា។
Paṭhamamaraṇassatisuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៩. បឋមមរណស្សតិសុត្តំ • 9. Paṭhamamaraṇassatisuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៩. បឋមមរណស្សតិសុត្តវណ្ណនា • 9. Paṭhamamaraṇassatisuttavaṇṇanā
