| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೯. ಪಠಮಮರಣಸ್ಸತಿಸುತ್ತವಣ್ಣನಾ
9. Paṭhamamaraṇassatisuttavaṇṇanā
೧೯. ನವಮೇ ನಾತಿಕೇತಿ ಏವಂನಾಮಕೇ ಗಾಮೇ। ಗಿಞ್ಜಕಾವಸಥೇತಿ ಇಟ್ಠಕಾಮಯೇ ಪಾಸಾದೇ। ಅಮತೋಗಧಾತಿ ನಿಬ್ಬಾನೋಗಧಾ, ನಿಬ್ಬಾನಪತಿಟ್ಠಾತಿ ಅತ್ಥೋ। ಭಾವೇಥ ನೋತಿ ಭಾವೇಥ ನು। ಮರಣಸ್ಸತಿನ್ತಿ ಮರಣಸ್ಸತಿಕಮ್ಮಟ್ಠಾನಂ। ಅಹೋ ವತಾತಿ ಪತ್ಥನತ್ಥೇ ನಿಪಾತೋ। ಬಹುಂ ವತ ಮೇ ಕತಂ ಅಸ್ಸಾತಿ ತುಮ್ಹಾಕಂ ಸಾಸನೇ ಮಮ ಕಿಚ್ಚಂ ಬಹು ಕತಂ ಅಸ್ಸ। ತದನ್ತರನ್ತಿ ತಂ ಅನ್ತರಂ ಖಣಂ ಓಕಾಸಂ। ಅಸ್ಸಸಿತ್ವಾ ವಾ ಪಸ್ಸಸಾಮೀತಿ ಏತ್ಥ ಅಸ್ಸಾಸೋ ವುಚ್ಚತಿ ಅನ್ತೋ ಪವಿಸನವಾತೋ, ಪಸ್ಸಾಸೋ ಬಹಿ ನಿಕ್ಖಮನವಾತೋ। ಇತಿ ಅಯಂ ಭಿಕ್ಖು ಯಾವ ಅನ್ತೋ ಪವಿಟ್ಠವಾತೋ ಬಹಿ ನಿಕ್ಖಮತಿ, ಬಹಿ ನಿಕ್ಖನ್ತೋ ವಾತೋ ಅನ್ತೋ ಪವಿಸತಿ, ತಾವ ಜೀವಿತಂ ಪತ್ಥೇನ್ತೋ ಏವಮಾಹ। ದನ್ಧನ್ತಿ ಮನ್ದಂ ಗರುಕಂ ಅಸೀಘಪ್ಪವತ್ತಂ। ಆಸವಾನಂ ಖಯಾಯಾತಿ ಅರಹತ್ತಫಲತ್ಥಾಯ। ಇಮಸ್ಮಿಂ ಸುತ್ತೇ ಮರಣಸ್ಸತಿ ಅರಹತ್ತಂ ಪಾಪೇತ್ವಾ ಕಥಿತಾತಿ।
19. Navame nātiketi evaṃnāmake gāme. Giñjakāvasatheti iṭṭhakāmaye pāsāde. Amatogadhāti nibbānogadhā, nibbānapatiṭṭhāti attho. Bhāvetha noti bhāvetha nu. Maraṇassatinti maraṇassatikammaṭṭhānaṃ. Aho vatāti patthanatthe nipāto. Bahuṃvata me kataṃ assāti tumhākaṃ sāsane mama kiccaṃ bahu kataṃ assa. Tadantaranti taṃ antaraṃ khaṇaṃ okāsaṃ. Assasitvā vā passasāmīti ettha assāso vuccati anto pavisanavāto, passāso bahi nikkhamanavāto. Iti ayaṃ bhikkhu yāva anto paviṭṭhavāto bahi nikkhamati, bahi nikkhanto vāto anto pavisati, tāva jīvitaṃ patthento evamāha. Dandhanti mandaṃ garukaṃ asīghappavattaṃ. Āsavānaṃ khayāyāti arahattaphalatthāya. Imasmiṃ sutte maraṇassati arahattaṃ pāpetvā kathitāti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೯. ಪಠಮಮರಣಸ್ಸತಿಸುತ್ತಂ • 9. Paṭhamamaraṇassatisuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೯. ಪಠಮಮರಣಸ್ಸತಿಸುತ್ತವಣ್ಣನಾ • 9. Paṭhamamaraṇassatisuttavaṇṇanā
