| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༩. པཋམམརཎསྶཏིསུཏྟཝཎྞནཱ
9. Paṭhamamaraṇassatisuttavaṇṇanā
༡༩. ནཝམེ ནཱཏིཀེཏི ཨེཝཾནཱམཀེ གཱམེ། གིཉྫཀཱཝསཐེཏི ཨིཊྛཀཱམཡེ པཱསཱདེ། ཨམཏོགདྷཱཏི ནིབྦཱནོགདྷཱ, ནིབྦཱནཔཏིཊྛཱཏི ཨཏྠོ། བྷཱཝེཐ ནོཏི བྷཱཝེཐ ནུ། མརཎསྶཏིནྟི མརཎསྶཏིཀམྨཊྛཱནཾ། ཨཧོ ཝཏཱཏི པཏྠནཏྠེ ནིཔཱཏོ། བཧུཾ ཝཏ མེ ཀཏཾ ཨསྶཱཏི ཏུམྷཱཀཾ སཱསནེ མམ ཀིཙྩཾ བཧུ ཀཏཾ ཨསྶ། ཏདནྟརནྟི ཏཾ ཨནྟརཾ ཁཎཾ ཨོཀཱསཾ། ཨསྶསིཏྭཱ ཝཱ པསྶསཱམཱིཏི ཨེཏྠ ཨསྶཱསོ ཝུཙྩཏི ཨནྟོ པཝིསནཝཱཏོ, པསྶཱསོ བཧི ནིཀྑམནཝཱཏོ། ཨིཏི ཨཡཾ བྷིཀྑུ ཡཱཝ ཨནྟོ པཝིཊྛཝཱཏོ བཧི ནིཀྑམཏི, བཧི ནིཀྑནྟོ ཝཱཏོ ཨནྟོ པཝིསཏི, ཏཱཝ ཛཱིཝིཏཾ པཏྠེནྟོ ཨེཝམཱཧ། དནྡྷནྟི མནྡཾ གརུཀཾ ཨསཱིགྷཔྤཝཏྟཾ། ཨཱསཝཱནཾ ཁཡཱཡཱཏི ཨརཧཏྟཕལཏྠཱཡ། ཨིམསྨིཾ སུཏྟེ མརཎསྶཏི ཨརཧཏྟཾ པཱཔེཏྭཱ ཀཐིཏཱཏི།
19. Navame nātiketi evaṃnāmake gāme. Giñjakāvasatheti iṭṭhakāmaye pāsāde. Amatogadhāti nibbānogadhā, nibbānapatiṭṭhāti attho. Bhāvetha noti bhāvetha nu. Maraṇassatinti maraṇassatikammaṭṭhānaṃ. Aho vatāti patthanatthe nipāto. Bahuṃvata me kataṃ assāti tumhākaṃ sāsane mama kiccaṃ bahu kataṃ assa. Tadantaranti taṃ antaraṃ khaṇaṃ okāsaṃ. Assasitvā vā passasāmīti ettha assāso vuccati anto pavisanavāto, passāso bahi nikkhamanavāto. Iti ayaṃ bhikkhu yāva anto paviṭṭhavāto bahi nikkhamati, bahi nikkhanto vāto anto pavisati, tāva jīvitaṃ patthento evamāha. Dandhanti mandaṃ garukaṃ asīghappavattaṃ. Āsavānaṃ khayāyāti arahattaphalatthāya. Imasmiṃ sutte maraṇassati arahattaṃ pāpetvā kathitāti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༩. པཋམམརཎསྶཏིསུཏྟཾ • 9. Paṭhamamaraṇassatisuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༩. པཋམམརཎསྶཏིསུཏྟཝཎྞནཱ • 9. Paṭhamamaraṇassatisuttavaṇṇanā
