| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੯. ਪਠਮਮਰਣਸ੍ਸਤਿਸੁਤ੍ਤવਣ੍ਣਨਾ
9. Paṭhamamaraṇassatisuttavaṇṇanā
੧੯. ਨવਮੇ ਏવਂਨਾਮਕੇ ਗਾਮੇਤਿ ਨਾਤਿਕਾਨਾਮਕਂ ਗਾਮਂ ਨਿਸ੍ਸਾਯ। ਦ੍વਿਨ੍ਨਂ ਚੂਲ਼ਪਿਤਿਮਹਾਪਿਤਿਪੁਤ੍ਤਾਨਂ ਦ੍વੇ ਗਾਮਾ, ਤੇਸੁ ਏਕਸ੍ਮਿਂ ਗਾਮੇ। ਞਾਤੀਨਞ੍ਹਿ ਨਿવਾਸਟ੍ਠਾਨਭੂਤੋ ਗਾਮੋ ਞਾਤਿਕੋ, ਞਾਤਿਕੋਯੇવ ਨਾਤਿਕੋ ਞ-ਕਾਰਸ੍ਸ ਨ-ਕਾਰਾਦੇਸੋ ‘‘ਅਨਿਮਿਤ੍ਤਾ ਨ ਨਾਯਰੇ’’ਤਿਆਦੀਸੁ (વਿਸੁਦ੍ਧਿ॰ ੧.੧੭੪; ਸਂ॰ ਨਿ॰ ਅਟ੍ਠ॰ ੧.੧.੨੦; ਜਾ॰ ਅਟ੍ਠ॰ ੨.੨.੩੪) વਿਯ। ਸੋ ਕਿਰ ਗਾਮੋ ਯੇਸਂ ਤਦਾ ਤੇਸਂ ਪੁਬ੍ਬਪੁਰਿਸੇਨ ਅਤ੍ਤਨੋ ਞਾਤੀਨਂ ਸਾਧਾਰਣਭਾવੇਨ ਨਿવਸਿਤੋ, ਤੇਨ ਞਾਤਿਕੋਤਿ ਪਞ੍ਞਾਯਿਤ੍ਥ। ਅਥ ਪਚ੍ਛਾ ਦ੍વੀਹਿ ਦਾਯਾਦੇਹਿ ਦ੍વਿਧਾ વਿਭਜਿਤ੍વਾ ਪਰਿਭੁਤ੍ਤੋ। ਗਿਞ੍ਜਕਾ વੁਚ੍ਚਤਿ ਇਟ੍ਠਕਾ, ਗਿਞ੍ਜਕਾਹਿਯੇવ ਕਤੋ ਆવਸਥੋਤਿ ਗਿਞ੍ਜਕਾવਸਥੋ। ਸੋ ਹਿ ਆવਾਸੋ ਯਥਾ ਸੁਧਾਪਰਿਕਮ੍ਮੇਨ ਪਯੋਜਨਂ ਨਤ੍ਥਿ, ਏવਂ ਇਟ੍ਠਕਾਹਿ ਏવ ਚਿਨਿਤ੍વਾ ਛਾਦੇਤ੍વਾ ਕਤੋ। ਤਸ੍ਮਿਂ ਕਿਰ ਪਦੇਸੇ ਮਤ੍ਤਿਕਾ ਸਕ੍ਖਰਮਰੁਮ੍ਪવਾਲੁਕਾਦੀਹਿ ਅਸਮ੍ਮਿਸ੍ਸਾ ਕਥਿਨਾ ਸਣ੍ਹਸੁਖੁਮਾ, ਤਾਯ ਕਤਾਨਿ ਕੁਲਾਲਭਾਜਨਾਨਿਪਿ ਸਿਲਾਮਯਾਨਿ વਿਯ ਦਲ਼੍ਹਾਨਿ। ਤਸ੍ਮਾ ਤੇ ਉਪਾਸਕਾ ਤਾਯ ਮਤ੍ਤਿਕਾਯ ਦੀਘਪੁਥੂ ਇਟ੍ਠਕਾ ਕਾਰੇਤ੍વਾ ਠਪੇਤ੍વਾ ਠਪੇਤ੍વਾ ਦ੍વਾਰવਾਤਪਾਨਕવਾਟਤੁਲਾਯੋ ਸਬ੍ਬਂ ਦਬ੍ਬਸਮ੍ਭਾਰੇਨ વਿਨਾ ਤਾਹਿ ਇਟ੍ਠਕਾਹਿਯੇવ ਪਾਸਾਦਂ ਕਾਰੇਸੁਂ। ਤੇਨ વੁਤ੍ਤਂ ‘‘ਇਟ੍ਠਕਾਮਯੇ ਪਾਸਾਦੇ’’ਤਿ।
19. Navame evaṃnāmake gāmeti nātikānāmakaṃ gāmaṃ nissāya. Dvinnaṃ cūḷapitimahāpitiputtānaṃ dve gāmā, tesu ekasmiṃ gāme. Ñātīnañhi nivāsaṭṭhānabhūto gāmo ñātiko, ñātikoyeva nātiko ña-kārassa na-kārādeso ‘‘animittā na nāyare’’tiādīsu (visuddhi. 1.174; saṃ. ni. aṭṭha. 1.1.20; jā. aṭṭha. 2.2.34) viya. So kira gāmo yesaṃ tadā tesaṃ pubbapurisena attano ñātīnaṃ sādhāraṇabhāvena nivasito, tena ñātikoti paññāyittha. Atha pacchā dvīhi dāyādehi dvidhā vibhajitvā paribhutto. Giñjakā vuccati iṭṭhakā, giñjakāhiyeva kato āvasathoti giñjakāvasatho. So hi āvāso yathā sudhāparikammena payojanaṃ natthi, evaṃ iṭṭhakāhi eva cinitvā chādetvā kato. Tasmiṃ kira padese mattikā sakkharamarumpavālukādīhi asammissā kathinā saṇhasukhumā, tāya katāni kulālabhājanānipi silāmayāni viya daḷhāni. Tasmā te upāsakā tāya mattikāya dīghaputhū iṭṭhakā kāretvā ṭhapetvā ṭhapetvā dvāravātapānakavāṭatulāyo sabbaṃ dabbasambhārena vinā tāhi iṭṭhakāhiyeva pāsādaṃ kāresuṃ. Tena vuttaṃ ‘‘iṭṭhakāmaye pāsāde’’ti.
ਰਤ੍ਤਿਨ੍ਦਿવਨ੍ਤਿ ਏਕਰਤ੍ਤਿਦਿવਂ। ਭਗવਤੋ ਸਾਸਨਨ੍ਤਿ ਅਰਿਯਮਗ੍ਗਪ੍ਪਟਿવੇਧਾવਹਂ ਸਤ੍ਥੁ ਓવਾਦਂ। ਬਹੁ વਤ ਮੇ ਕਤਂ ਅਸ੍ਸਾਤਿ ਬਹੁ વਤ ਮਯਾ ਅਤ੍ਤਹਿਤਂ ਪਬ੍ਬਜਿਤਕਿਚ੍ਚਂ ਕਤਂ ਭવੇਯ੍ਯ।
Rattindivanti ekarattidivaṃ. Bhagavato sāsananti ariyamaggappaṭivedhāvahaṃ satthu ovādaṃ. Bahu vata me kataṃ assāti bahu vata mayā attahitaṃ pabbajitakiccaṃ kataṃ bhaveyya.
ਤਦਨ੍ਤਰਨ੍ਤਿ ਤਤ੍ਤਕਂ વੇਲਂ। ਏਕਪਿਣ੍ਡਪਾਤਨ੍ਤਿ ਏਕਂ ਦਿવਸਂ ਯਾਪਨਪ੍ਪਹੋਨਕਂ ਪਿਣ੍ਡਪਾਤਂ। ਯਾવ ਅਨ੍ਤੋ ਪવਿਟ੍ਠવਾਤੋ ਬਹਿ ਨਿਕ੍ਖਮਤਿ, ਬਹਿ ਨਿਕ੍ਖਨ੍ਤવਾਤੋ વਾ ਅਨ੍ਤੋ ਪવਿਸਤੀਤਿ ਏਕਸ੍ਸੇવ ਪવੇਸਨਿਕ੍ਖਮੋ વਿਯ વੁਤ੍ਤਂ, ਤਂ ਨਾਸਿਕਾવਾਤਭਾવਸਾਮਞ੍ਞੇਨਾਤਿ ਦਟ੍ਠਬ੍ਬਂ।
Tadantaranti tattakaṃ velaṃ. Ekapiṇḍapātanti ekaṃ divasaṃ yāpanappahonakaṃ piṇḍapātaṃ. Yāva anto paviṭṭhavāto bahi nikkhamati, bahi nikkhantavātovā anto pavisatīti ekasseva pavesanikkhamo viya vuttaṃ, taṃ nāsikāvātabhāvasāmaññenāti daṭṭhabbaṃ.
ਪਠਮਮਰਣਸ੍ਸਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭhamamaraṇassatisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਪਠਮਮਰਣਸ੍ਸਤਿਸੁਤ੍ਤਂ • 9. Paṭhamamaraṇassatisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਪਠਮਮਰਣਸ੍ਸਤਿਸੁਤ੍ਤવਣ੍ਣਨਾ • 9. Paṭhamamaraṇassatisuttavaṇṇanā
