| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൯. പഠമമരണസ്സതിസുത്തവണ്ണനാ
9. Paṭhamamaraṇassatisuttavaṇṇanā
൧൯. നവമേ നാതികേതി ഏവംനാമകേ ഗാമേ. ഗിഞ്ജകാവസഥേതി ഇട്ഠകാമയേ പാസാദേ. അമതോഗധാതി നിബ്ബാനോഗധാ, നിബ്ബാനപതിട്ഠാതി അത്ഥോ. ഭാവേഥ നോതി ഭാവേഥ നു. മരണസ്സതിന്തി മരണസ്സതികമ്മട്ഠാനം. അഹോ വതാതി പത്ഥനത്ഥേ നിപാതോ. ബഹും വത മേ കതം അസ്സാതി തുമ്ഹാകം സാസനേ മമ കിച്ചം ബഹു കതം അസ്സ. തദന്തരന്തി തം അന്തരം ഖണം ഓകാസം. അസ്സസിത്വാ വാ പസ്സസാമീതി ഏത്ഥ അസ്സാസോ വുച്ചതി അന്തോ പവിസനവാതോ, പസ്സാസോ ബഹി നിക്ഖമനവാതോ. ഇതി അയം ഭിക്ഖു യാവ അന്തോ പവിട്ഠവാതോ ബഹി നിക്ഖമതി, ബഹി നിക്ഖന്തോ വാതോ അന്തോ പവിസതി, താവ ജീവിതം പത്ഥേന്തോ ഏവമാഹ. ദന്ധന്തി മന്ദം ഗരുകം അസീഘപ്പവത്തം. ആസവാനം ഖയായാതി അരഹത്തഫലത്ഥായ. ഇമസ്മിം സുത്തേ മരണസ്സതി അരഹത്തം പാപേത്വാ കഥിതാതി.
19. Navame nātiketi evaṃnāmake gāme. Giñjakāvasatheti iṭṭhakāmaye pāsāde. Amatogadhāti nibbānogadhā, nibbānapatiṭṭhāti attho. Bhāvetha noti bhāvetha nu. Maraṇassatinti maraṇassatikammaṭṭhānaṃ. Aho vatāti patthanatthe nipāto. Bahuṃvata me kataṃ assāti tumhākaṃ sāsane mama kiccaṃ bahu kataṃ assa. Tadantaranti taṃ antaraṃ khaṇaṃ okāsaṃ. Assasitvā vā passasāmīti ettha assāso vuccati anto pavisanavāto, passāso bahi nikkhamanavāto. Iti ayaṃ bhikkhu yāva anto paviṭṭhavāto bahi nikkhamati, bahi nikkhanto vāto anto pavisati, tāva jīvitaṃ patthento evamāha. Dandhanti mandaṃ garukaṃ asīghappavattaṃ. Āsavānaṃ khayāyāti arahattaphalatthāya. Imasmiṃ sutte maraṇassati arahattaṃ pāpetvā kathitāti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൯. പഠമമരണസ്സതിസുത്തം • 9. Paṭhamamaraṇassatisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൯. പഠമമരണസ്സതിസുത്തവണ്ണനാ • 9. Paṭhamamaraṇassatisuttavaṇṇanā
