| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. பட²மமாரபாஸஸுத்தவண்ணனா
4. Paṭhamamārapāsasuttavaṇṇanā
140. சதுத்தே² யோனிஸோ மனஸிகாராதி உபாயமனஸிகாரேன. யோனிஸோ ஸம்மப்பதா⁴னாதி உபாயவீரியேன காரணவீரியேன. விமுத்தீதி அரஹத்தப²லவிமுத்தி. அஜ்ஜ²பா⁴ஸீதி ‘‘அயங் அத்தனா வீரியங் கத்வா அரஹத்தங் பத்வாபி ந துஸ்ஸதி, இதா³னி அஞ்ஞேஸம்பி ‘பாபுணாதா²’தி உஸ்ஸாஹங் கரோதி, படிபா³ஹெஸ்ஸாமி ந’’ந்தி சிந்தெத்வா அபா⁴ஸி.
140. Catutthe yoniso manasikārāti upāyamanasikārena. Yoniso sammappadhānāti upāyavīriyena kāraṇavīriyena. Vimuttīti arahattaphalavimutti. Ajjhabhāsīti ‘‘ayaṃ attanā vīriyaṃ katvā arahattaṃ patvāpi na tussati, idāni aññesampi ‘pāpuṇāthā’ti ussāhaṃ karoti, paṭibāhessāmi na’’nti cintetvā abhāsi.
மாரபாஸேனாதி கிலேஸபாஸேன. யே தி³ப்³பா³ யே ச மானுஸாதி யே தி³ப்³பா³ காமகு³ணஸங்கா²தா மானுஸா காமகு³ணஸங்கா²தா ச மாரபாஸா நாம அத்தி², ஸப்³பே³ஹி தேஹி த்வங் ப³த்³தோ⁴தி வத³தி. மாரப³ந்த⁴னப³த்³தோ⁴தி மாரப³ந்த⁴னேன ப³த்³தோ⁴, மாரப³ந்த⁴னே வா ப³த்³தோ⁴. ந மே ஸமண மொக்க²ஸீதி ஸமண த்வங் மம விஸயதோ ந முச்சிஸ்ஸஸி. சதுத்த²ங்.
Mārapāsenāti kilesapāsena. Ye dibbā ye ca mānusāti ye dibbā kāmaguṇasaṅkhātā mānusā kāmaguṇasaṅkhātā ca mārapāsā nāma atthi, sabbehi tehi tvaṃ baddhoti vadati. Mārabandhanabaddhoti mārabandhanena baddho, mārabandhane vā baddho. Na me samaṇa mokkhasīti samaṇa tvaṃ mama visayato na muccissasi. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. பட²மமாரபாஸஸுத்தங் • 4. Paṭhamamārapāsasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. பட²மமாரபாஸஸுத்தவண்ணனா • 4. Paṭhamamārapāsasuttavaṇṇanā
