| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. батамамаарабаасасуд̇д̇аван̣н̣анаа
4. Paṭhamamārapāsasuttavaṇṇanā
140. жад̇уд̇т̇з яонисо манасигаараад̇и убааяаманасигаарзна. яонисо саммаббад̇хаанаад̇и убааяавийриязна гааран̣авийриязна. вимуд̇д̇ийд̇и арахад̇д̇апалавимуд̇д̇и. аж̇жхабхаасийд̇и ‘‘аяам̣ ад̇д̇анаа вийрияам̣ гад̇ваа арахад̇д̇ам̣ бад̇вааби на д̇уссад̇и, ид̣̇аани ан̃н̃зсамби ‘баабун̣аат̇аа’д̇и уссаахам̣ гарод̇и, бадиб̣аахзссаами на’’нд̇и жинд̇зд̇ваа абхааси.
140. Catutthe yoniso manasikārāti upāyamanasikārena. Yoniso sammappadhānāti upāyavīriyena kāraṇavīriyena. Vimuttīti arahattaphalavimutti. Ajjhabhāsīti ‘‘ayaṃ attanā vīriyaṃ katvā arahattaṃ patvāpi na tussati, idāni aññesampi ‘pāpuṇāthā’ti ussāhaṃ karoti, paṭibāhessāmi na’’nti cintetvā abhāsi.
маарабаасзнаад̇и гилзсабаасзна. яз д̣̇иб̣б̣аа яз жа маанусаад̇и яз д̣̇иб̣б̣аа гаамаг̇ун̣асан̇каад̇аа маанусаа гаамаг̇ун̣асан̇каад̇аа жа маарабаасаа наама ад̇т̇и, саб̣б̣зхи д̇зхи д̇вам̣ б̣ад̣̇д̇ход̇и вад̣̇ад̇и. маараб̣анд̇ханаб̣ад̣̇д̇ход̇и маараб̣анд̇ханзна б̣ад̣̇д̇хо, маараб̣анд̇ханз ваа б̣ад̣̇д̇хо. на мз саман̣а могкасийд̇и саман̣а д̇вам̣ мама висаяад̇о на мужжиссаси. жад̇уд̇т̇ам̣.
Mārapāsenāti kilesapāsena. Ye dibbā ye ca mānusāti ye dibbā kāmaguṇasaṅkhātā mānusā kāmaguṇasaṅkhātā ca mārapāsā nāma atthi, sabbehi tehi tvaṃ baddhoti vadati. Mārabandhanabaddhoti mārabandhanena baddho, mārabandhane vā baddho. Na me samaṇa mokkhasīti samaṇa tvaṃ mama visayato na muccissasi. Catutthaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. батамамаарабаасасуд̇д̇ам̣ • 4. Paṭhamamārapāsasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4. батамамаарабаасасуд̇д̇аван̣н̣анаа • 4. Paṭhamamārapāsasuttavaṇṇanā
