| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౪. పఠమమారపాససుత్తవణ్ణనా
4. Paṭhamamārapāsasuttavaṇṇanā
౧౪౦. చతుత్థే యోనిసో మనసికారాతి ఉపాయమనసికారేన. యోనిసో సమ్మప్పధానాతి ఉపాయవీరియేన కారణవీరియేన. విముత్తీతి అరహత్తఫలవిముత్తి. అజ్ఝభాసీతి ‘‘అయం అత్తనా వీరియం కత్వా అరహత్తం పత్వాపి న తుస్సతి, ఇదాని అఞ్ఞేసమ్పి ‘పాపుణాథా’తి ఉస్సాహం కరోతి, పటిబాహేస్సామి న’’న్తి చిన్తేత్వా అభాసి.
140. Catutthe yoniso manasikārāti upāyamanasikārena. Yoniso sammappadhānāti upāyavīriyena kāraṇavīriyena. Vimuttīti arahattaphalavimutti. Ajjhabhāsīti ‘‘ayaṃ attanā vīriyaṃ katvā arahattaṃ patvāpi na tussati, idāni aññesampi ‘pāpuṇāthā’ti ussāhaṃ karoti, paṭibāhessāmi na’’nti cintetvā abhāsi.
మారపాసేనాతి కిలేసపాసేన. యే దిబ్బా యే చ మానుసాతి యే దిబ్బా కామగుణసఙ్ఖాతా మానుసా కామగుణసఙ్ఖాతా చ మారపాసా నామ అత్థి, సబ్బేహి తేహి త్వం బద్ధోతి వదతి. మారబన్ధనబద్ధోతి మారబన్ధనేన బద్ధో, మారబన్ధనే వా బద్ధో. న మే సమణ మోక్ఖసీతి సమణ త్వం మమ విసయతో న ముచ్చిస్ససి. చతుత్థం.
Mārapāsenāti kilesapāsena. Ye dibbā ye ca mānusāti ye dibbā kāmaguṇasaṅkhātā mānusā kāmaguṇasaṅkhātā ca mārapāsā nāma atthi, sabbehi tehi tvaṃ baddhoti vadati. Mārabandhanabaddhoti mārabandhanena baddho, mārabandhane vā baddho. Na me samaṇa mokkhasīti samaṇa tvaṃ mama visayato na muccissasi. Catutthaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౪. పఠమమారపాససుత్తం • 4. Paṭhamamārapāsasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. పఠమమారపాససుత్తవణ్ణనా • 4. Paṭhamamārapāsasuttavaṇṇanā
