| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๔. ปฐมมารปาสสุตฺตวณฺณนา
4. Paṭhamamārapāsasuttavaṇṇanā
๑๔๐. จตุเตฺถ โยนิโส มนสิการาติ อุปายมนสิกาเรนฯ โยนิโส สมฺมปฺปธานาติ อุปายวีริเยน การณวีริเยนฯ วิมุตฺตีติ อรหตฺตผลวิมุตฺติฯ อชฺฌภาสีติ ‘‘อยํ อตฺตนา วีริยํ กตฺวา อรหตฺตํ ปตฺวาปิ น ตุสฺสติ, อิทานิ อเญฺญสมฺปิ ‘ปาปุณาถา’ติ อุสฺสาหํ กโรติ, ปฎิพาเหสฺสามิ น’’นฺติ จิเนฺตตฺวา อภาสิฯ
140. Catutthe yoniso manasikārāti upāyamanasikārena. Yoniso sammappadhānāti upāyavīriyena kāraṇavīriyena. Vimuttīti arahattaphalavimutti. Ajjhabhāsīti ‘‘ayaṃ attanā vīriyaṃ katvā arahattaṃ patvāpi na tussati, idāni aññesampi ‘pāpuṇāthā’ti ussāhaṃ karoti, paṭibāhessāmi na’’nti cintetvā abhāsi.
มารปาเสนาติ กิเลสปาเสนฯ เย ทิพฺพา เย จ มานุสาติ เย ทิพฺพา กามคุณสงฺขาตา มานุสา กามคุณสงฺขาตา จ มารปาสา นาม อตฺถิ, สเพฺพหิ เตหิ ตฺวํ พโทฺธติ วทติฯ มารพนฺธนพโทฺธติ มารพนฺธเนน พโทฺธ, มารพนฺธเน วา พโทฺธฯ น เม สมณ โมกฺขสีติ สมณ ตฺวํ มม วิสยโต น มุจฺจิสฺสสิฯ จตุตฺถํฯ
Mārapāsenāti kilesapāsena. Ye dibbā ye ca mānusāti ye dibbā kāmaguṇasaṅkhātā mānusā kāmaguṇasaṅkhātā ca mārapāsā nāma atthi, sabbehi tehi tvaṃ baddhoti vadati. Mārabandhanabaddhoti mārabandhanena baddho, mārabandhane vā baddho. Na me samaṇa mokkhasīti samaṇa tvaṃ mama visayato na muccissasi. Catutthaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. ปฐมมารปาสสุตฺตํ • 4. Paṭhamamārapāsasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๔. ปฐมมารปาสสุตฺตวณฺณนา • 4. Paṭhamamārapāsasuttavaṇṇanā
