| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၄. ပဌမမာရပာသသုတ္တဝဏ္ဏနာ
4. Paṭhamamārapāsasuttavaṇṇanā
၁၄၀. စတုတ္ထေ ယောနိသော မနသိကာရာတိ ဥပာယမနသိကာရေန။ ယောနိသော သမ္မပ္ပဓာနာတိ ဥပာယဝီရိယေန ကာရဏဝီရိယေန။ ဝိမုတ္တီတိ အရဟတ္တဖလဝိမုတ္တိ။ အဇ္ဈဘာသီတိ ‘‘အယံ အတ္တနာ ဝီရိယံ ကတ္ဝာ အရဟတ္တံ ပတ္ဝာပိ န တုသ္သတိ, ဣဒာနိ အညေသမ္ပိ ‘ပာပုဏာထာ’တိ ဥသ္သာဟံ ကရောတိ, ပဋိဗာဟေသ္သာမိ န’’န္တိ စိန္တေတ္ဝာ အဘာသိ။
140. Catutthe yoniso manasikārāti upāyamanasikārena. Yoniso sammappadhānāti upāyavīriyena kāraṇavīriyena. Vimuttīti arahattaphalavimutti. Ajjhabhāsīti ‘‘ayaṃ attanā vīriyaṃ katvā arahattaṃ patvāpi na tussati, idāni aññesampi ‘pāpuṇāthā’ti ussāhaṃ karoti, paṭibāhessāmi na’’nti cintetvā abhāsi.
မာရပာသေနာတိ ကိလေသပာသေန။ ယေ ဒိဗ္ဗာ ယေ စ မာနုသာတိ ယေ ဒိဗ္ဗာ ကာမဂုဏသင္ခာတာ မာနုသာ ကာမဂုဏသင္ခာတာ စ မာရပာသာ နာမ အတ္ထိ, သဗ္ဗေဟိ တေဟိ တ္ဝံ ဗဒ္ဓောတိ ဝဒတိ။ မာရဗန္ဓနဗဒ္ဓောတိ မာရဗန္ဓနေန ဗဒ္ဓော, မာရဗန္ဓနေ ဝာ ဗဒ္ဓော။ န မေ သမဏ မောက္ခသီတိ သမဏ တ္ဝံ မမ ဝိသယတော န မုစ္စိသ္သသိ။ စတုတ္ထံ။
Mārapāsenāti kilesapāsena. Ye dibbā ye ca mānusāti ye dibbā kāmaguṇasaṅkhātā mānusā kāmaguṇasaṅkhātā ca mārapāsā nāma atthi, sabbehi tehi tvaṃ baddhoti vadati. Mārabandhanabaddhoti mārabandhanena baddho, mārabandhane vā baddho. Na me samaṇa mokkhasīti samaṇa tvaṃ mama visayato na muccissasi. Catutthaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. ပဌမမာရပာသသုတ္တံ • 4. Paṭhamamārapāsasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ပဌမမာရပာသသုတ္တဝဏ္ဏနာ • 4. Paṭhamamārapāsasuttavaṇṇanā
