| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༤. པཋམམཱརཔཱསསུཏྟཝཎྞནཱ
4. Paṭhamamārapāsasuttavaṇṇanā
༡༤༠. ཙཏུཏྠེ ཡོནིསོ མནསིཀཱརཱཏི ཨུཔཱཡམནསིཀཱརེན། ཡོནིསོ སམྨཔྤདྷཱནཱཏི ཨུཔཱཡཝཱིརིཡེན ཀཱརཎཝཱིརིཡེན། ཝིམུཏྟཱིཏི ཨརཧཏྟཕལཝིམུཏྟི། ཨཛ྄ཛྷབྷཱསཱིཏི ‘‘ཨཡཾ ཨཏྟནཱ ཝཱིརིཡཾ ཀཏྭཱ ཨརཧཏྟཾ པཏྭཱཔི ན ཏུསྶཏི, ཨིདཱནི ཨཉྙེསམྤི ‘པཱཔུཎཱཐཱ’ཏི ཨུསྶཱཧཾ ཀརོཏི, པཊིབཱཧེསྶཱམི ན’’ནྟི ཙིནྟེཏྭཱ ཨབྷཱསི།
140. Catutthe yoniso manasikārāti upāyamanasikārena. Yoniso sammappadhānāti upāyavīriyena kāraṇavīriyena. Vimuttīti arahattaphalavimutti. Ajjhabhāsīti ‘‘ayaṃ attanā vīriyaṃ katvā arahattaṃ patvāpi na tussati, idāni aññesampi ‘pāpuṇāthā’ti ussāhaṃ karoti, paṭibāhessāmi na’’nti cintetvā abhāsi.
མཱརཔཱསེནཱཏི ཀིལེསཔཱསེན། ཡེ དིབྦཱ ཡེ ཙ མཱནུསཱཏི ཡེ དིབྦཱ ཀཱམགུཎསངྑཱཏཱ མཱནུསཱ ཀཱམགུཎསངྑཱཏཱ ཙ མཱརཔཱསཱ ནཱམ ཨཏྠི, སབྦེཧི ཏེཧི ཏྭཾ བདྡྷོཏི ཝདཏི། མཱརབནྡྷནབདྡྷོཏི མཱརབནྡྷནེན བདྡྷོ, མཱརབནྡྷནེ ཝཱ བདྡྷོ། ན མེ སམཎ མོཀྑསཱིཏི སམཎ ཏྭཾ མམ ཝིསཡཏོ ན མུཙྩིསྶསི། ཙཏུཏྠཾ།
Mārapāsenāti kilesapāsena. Ye dibbā ye ca mānusāti ye dibbā kāmaguṇasaṅkhātā mānusā kāmaguṇasaṅkhātā ca mārapāsā nāma atthi, sabbehi tehi tvaṃ baddhoti vadati. Mārabandhanabaddhoti mārabandhanena baddho, mārabandhane vā baddho. Na me samaṇa mokkhasīti samaṇa tvaṃ mama visayato na muccissasi. Catutthaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༤. པཋམམཱརཔཱསསུཏྟཾ • 4. Paṭhamamārapāsasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. པཋམམཱརཔཱསསུཏྟཝཎྞནཱ • 4. Paṭhamamārapāsasuttavaṇṇanā
