| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਪਠਮਮਾਰਪਾਸਸੁਤ੍ਤવਣ੍ਣਨਾ
4. Paṭhamamārapāsasuttavaṇṇanā
੧੪੦. ਉਪਾਯਮਨਸਿਕਾਰੇਨਾਤਿ ਅਨਿਚ੍ਚਾਦੀਸੁ ਅਨਿਚ੍ਚਾਦਿਤੋ ਮਨਸਿਕਰਣੇਨ। ਉਪਾਯવੀਰਿਯੇਨਾਤਿ ਅਨੁਪ੍ਪਨ੍ਨਾਕੁਸਲਾਨਂ ਅਨੁਪ੍ਪਾਦਨਾਯ વਿਧਿਨਾ ਪવਤ੍ਤવੀਰਿਯੇਨ। ਕਾਰਣવੀਰਿਯੇਨਾਤਿ ਅਨੁਪ੍ਪਨ੍ਨਾਨੁਪ੍ਪਾਦਨਾਦਿਅਤ੍ਥਸ੍ਸ ਕਾਰਣਭੂਤੇਨ વੀਰਿਯੇਨ। ਅਨੁਪ੍ਪਨ੍ਨਪਾਪਕਾਨੁਪ੍ਪਾਦਨਾਦਿਅਤ੍ਥਾਨਿ ਹਿ વੀਰਿਯਾਨਿ ਯਦਤ੍ਥਂ ਹੋਨ੍ਤਿ, ਤਂ ਅਤ੍ਥਂ ਸਾਧੇਨ੍ਤਿਯੇવਾਤਿ ਏਤਸ੍ਸ ਅਤ੍ਥਸ੍ਸ ਦੀਪਕੋ ਸਮ੍ਮਾ-ਸਦ੍ਦੋ। ਯੋਨਿਸੋਸਮ੍ਮਾਸਦ੍ਦੇਨ ਹਿ ਉਪਾਯਕਾਰਣਤ੍ਥਦੀਪਕਤਂ ਸਨ੍ਧਾਯ ‘‘ਉਪਾਯવੀਰਿਯੇਨ ਕਾਰਣવੀਰਿਯੇਨਾ’’ਤਿ વੁਤ੍ਤਂ। ਅਰਹਤ੍ਤਫਲવਿਮੁਤ੍ਤਿ ਉਕ੍ਕਟ੍ਠਨਿਦ੍ਦੇਸੇਨ। ਮਾਰੇਨ ‘‘ਮਯ੍ਹਂ ਖੋ, ਭਿਕ੍ਖવੇ’’ਤਿਆਦਿਕਂ ਭਗવਤੋ વਚਨਂ ਸੁਤ੍વਾ વੁਤ੍ਤਂ ‘‘ਅਰਹਤ੍ਤਂ ਪਤ੍વਾਪਿ ਨ ਤੁਸ੍ਸਤੀ’’ਤਿਆਦਿ।
140.Upāyamanasikārenāti aniccādīsu aniccādito manasikaraṇena. Upāyavīriyenāti anuppannākusalānaṃ anuppādanāya vidhinā pavattavīriyena. Kāraṇavīriyenāti anuppannānuppādanādiatthassa kāraṇabhūtena vīriyena. Anuppannapāpakānuppādanādiatthāni hi vīriyāni yadatthaṃ honti, taṃ atthaṃ sādhentiyevāti etassa atthassa dīpako sammā-saddo. Yonisosammāsaddena hi upāyakāraṇatthadīpakataṃ sandhāya ‘‘upāyavīriyena kāraṇavīriyenā’’ti vuttaṃ. Arahattaphalavimutti ukkaṭṭhaniddesena. Mārena ‘‘mayhaṃ kho, bhikkhave’’tiādikaṃ bhagavato vacanaṃ sutvā vuttaṃ ‘‘arahattaṃ patvāpi na tussatī’’tiādi.
ਕਿਲੇਸਪਾਸੇਨਾਤਿ ਕਿਲੇਸਮਾਰਸ੍ਸ ਉਪਾਯਭੂਤੇਨ। ਕਿਲੇਸਮਾਰੋ ਹਿ ਸਤ੍ਤੇ ਕਾਮਗੁਣਪਾਸੇਹਿ ਨਿਬਨ੍ਧਤਿ, ਨ ਪਨ ਸਯਮੇવ। ਤੇਨਾਹ ‘‘ਯੇ ਦਿਬ੍ਬਾ ਕਾਮਗੁਣਸਙ੍ਖਾਤਾ’’ਤਿਆਦਿ। ਮਾਰਬਨ੍ਧਨੇਤਿ ਕਿਲੇਸਮਾਰਸ੍ਸ ਬਨ੍ਧਨਟ੍ਠਾਨੇ, ਭવਚਾਰਕੇਤਿ ਅਤ੍ਥੋ। ਨ ਮੇ ਸਮਣ ਮੋਕ੍ਖਸੀਤਿ ਇਦਂ ਮਾਰੋ ‘‘ਅਨੁਤ੍ਤਰਾ વਿਮੁਤ੍ਤਿ ਅਨੁਪ੍ਪਤ੍ਤਾ, વਿਮੁਤ੍ਤਾ ਸਬ੍ਬਪਾਸੇਹੀ’’ਤਿ ਚ ਭਗવਤੋ વਚਨਂ ਅਸਦ੍ਦਹਨ੍ਤੋ વਦਤਿ ਸਦ੍ਦਹਨ੍ਤੋਪਿ વਾ ‘‘ਏવਮਯਂ ਪਰੇਸਂ ਸਤ੍ਤਾਨਂ ਮੋਕ੍ਖਾਯ ਉਸ੍ਸਾਹਂ ਨ ਕਰੇਯ੍ਯਾ’’ਤਿ ਅਤ੍ਤਨੋ ਕੋਹਞ੍ਞੇ ਠਤ੍વਾ વਦਤਿ।
Kilesapāsenāti kilesamārassa upāyabhūtena. Kilesamāro hi satte kāmaguṇapāsehi nibandhati, na pana sayameva. Tenāha ‘‘ye dibbā kāmaguṇasaṅkhātā’’tiādi. Mārabandhaneti kilesamārassa bandhanaṭṭhāne, bhavacāraketi attho. Na me samaṇa mokkhasīti idaṃ māro ‘‘anuttarā vimutti anuppattā, vimuttā sabbapāsehī’’ti ca bhagavato vacanaṃ asaddahanto vadati saddahantopi vā ‘‘evamayaṃ paresaṃ sattānaṃ mokkhāya ussāhaṃ na kareyyā’’ti attano kohaññe ṭhatvā vadati.
ਪਠਮਮਾਰਪਾਸਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭhamamārapāsasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਪਠਮਮਾਰਪਾਸਸੁਤ੍ਤਂ • 4. Paṭhamamārapāsasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਪਠਮਮਾਰਪਾਸਸੁਤ੍ਤવਣ੍ਣਨਾ • 4. Paṭhamamārapāsasuttavaṇṇanā
