| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. மிக³ஜாலவக்³கோ³
7. Migajālavaggo
1. பட²மமிக³ஜாலஸுத்தங்
1. Paṭhamamigajālasuttaṃ
63. ஸாவத்தி²னிதா³னங் . அத² கோ² ஆயஸ்மா மிக³ஜாலோ யேன ப⁴க³வா…பே॰… ஏகமந்தங் நிஸின்னோ கோ² ஆயஸ்மா மிக³ஜாலோ ப⁴க³வந்தங் ஏதத³வோச – ‘‘‘ஏகவிஹாரீ, ஏகவிஹாரீ’தி, ப⁴ந்தே, வுச்சதி. கித்தாவதா நு கோ², ப⁴ந்தே, ஏகவிஹாரீ ஹோதி, கித்தாவதா ச பன ஸது³தியவிஹாரீ ஹோதீ’’தி?
63. Sāvatthinidānaṃ . Atha kho āyasmā migajālo yena bhagavā…pe… ekamantaṃ nisinno kho āyasmā migajālo bhagavantaṃ etadavoca – ‘‘‘ekavihārī, ekavihārī’ti, bhante, vuccati. Kittāvatā nu kho, bhante, ekavihārī hoti, kittāvatā ca pana sadutiyavihārī hotī’’ti?
‘‘ஸந்தி கோ², மிக³ஜால, சக்கு²விஞ்ஞெய்யா ரூபா இட்டா² கந்தா மனாபா பியரூபா காமூபஸங்ஹிதா ரஜனீயா. தஞ்சே பி⁴க்கு² அபி⁴னந்த³தி அபி⁴வத³தி அஜ்ஜோ²ஸாய திட்ட²தி. தஸ்ஸ தங் அபி⁴னந்த³தோ அபி⁴வத³தோ அஜ்ஜோ²ஸாய திட்ட²தோ உப்பஜ்ஜதி நந்தீ³ 1. நந்தி³யா ஸதி ஸாராகோ³ ஹோதி; ஸாராகே³ ஸதி ஸங்யோகோ³ ஹோதி. நந்தி³ஸங்யோஜனஸங்யுத்தோ கோ², மிக³ஜால, பி⁴க்கு² ஸது³தியவிஹாரீதி வுச்சதி. ஸந்தி…பே॰… ஸந்தி கோ², மிக³ஜால, ஜிவ்ஹாவிஞ்ஞெய்யா ரஸா இட்டா² கந்தா மனாபா பியரூபா காமூபஸங்ஹிதா ரஜனீயா. தஞ்சே பி⁴க்கு² அபி⁴னந்த³தி அபி⁴வத³தி அஜ்ஜோ²ஸாய திட்ட²தி. தஸ்ஸ தங் அபி⁴னந்த³தோ அபி⁴வத³தோ அஜ்ஜோ²ஸாய திட்ட²தோ உப்பஜ்ஜதி நந்தீ³. நந்தி³யா ஸதி ஸாராகோ³ ஹோதி; ஸாராகே³ ஸதி ஸங்யோகோ³ ஹோதி. நந்தி³ஸங்யோஜனஸங்யுத்தோ கோ², மிக³ஜால, பி⁴க்கு² ஸது³தியவிஹாரீதி வுச்சதி. ஏவங்விஹாரீ ச, மிக³ஜால, பி⁴க்கு² கிஞ்சாபி அரஞ்ஞவனபத்தா²னி பந்தானி ஸேனாஸனானி படிஸேவதி அப்பஸத்³தா³னி அப்பனிக்³கோ⁴ஸானி விஜனவாதானி மனுஸ்ஸராஹஸ்ஸெய்யகானி 2 படிஸல்லானஸாருப்பானி; அத² கோ² ஸது³தியவிஹாரீதி வுச்சதி. தங் கிஸ்ஸ ஹேது? தண்ஹா ஹிஸ்ஸ து³தியா, ஸாஸ்ஸ அப்பஹீனா. தஸ்மா ஸது³தியவிஹாரீ’’தி வுச்சதி.
‘‘Santi kho, migajāla, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato uppajjati nandī 3. Nandiyā sati sārāgo hoti; sārāge sati saṃyogo hoti. Nandisaṃyojanasaṃyutto kho, migajāla, bhikkhu sadutiyavihārīti vuccati. Santi…pe… santi kho, migajāla, jivhāviññeyyā rasā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato uppajjati nandī. Nandiyā sati sārāgo hoti; sārāge sati saṃyogo hoti. Nandisaṃyojanasaṃyutto kho, migajāla, bhikkhu sadutiyavihārīti vuccati. Evaṃvihārī ca, migajāla, bhikkhu kiñcāpi araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhasseyyakāni 4 paṭisallānasāruppāni; atha kho sadutiyavihārīti vuccati. Taṃ kissa hetu? Taṇhā hissa dutiyā, sāssa appahīnā. Tasmā sadutiyavihārī’’ti vuccati.
‘‘ஸந்தி ச கோ², மிக³ஜால, சக்கு²விஞ்ஞெய்யா ரூபா இட்டா² கந்தா மனாபா பியரூபா காமூபஸங்ஹிதா ரஜனீயா. தஞ்சே பி⁴க்கு² நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி. தஸ்ஸ தங் அனபி⁴னந்த³தோ அனபி⁴வத³தோ அனஜ்ஜோ²ஸாய திட்ட²தோ நந்தீ³ நிருஜ்ஜ²தி. நந்தி³யா அஸதி ஸாராகோ³ ந ஹோதி; ஸாராகே³ அஸதி ஸங்யோகோ³ ந ஹோதி. நந்தி³ஸங்யோஜனவிஸங்யுத்தோ கோ², மிக³ஜால, பி⁴க்கு² ஏகவிஹாரீதி வுச்சதி…பே॰… ஸந்தி ச கோ², மிக³ஜால, ஜிவ்ஹாவிஞ்ஞெய்யா ரஸா…பே॰… ஸந்தி ச கோ², மிக³ஜால, மனோவிஞ்ஞெய்யா த⁴ம்மா இட்டா² கந்தா மனாபா பியரூபா காமூபஸங்ஹிதா ரஜனீயா. தஞ்சே பி⁴க்கு² நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி. தஸ்ஸ தங் அனபி⁴னந்த³தோ அனபி⁴வத³தோ அனஜ்ஜோ²ஸாய திட்ட²தோ நந்தீ³ நிருஜ்ஜ²தி. நந்தி³யா அஸதி ஸாராகோ³ ந ஹோதி; ஸாராகே³ அஸதி ஸங்யோகோ³ ந ஹோதி. நந்தி³ஸங்யோஜனவிப்பயுத்தோ கோ², மிக³ஜால, பி⁴க்கு² ஏகவிஹாரீதி வுச்சதி. ஏவங்விஹாரீ ச, மிக³ஜால, பி⁴க்கு² கிஞ்சாபி கா³மந்தே விஹரதி ஆகிண்ணோ பி⁴க்கூ²ஹி பி⁴க்கு²னீஹி உபாஸகேஹி உபாஸிகாஹி ராஜூஹி ராஜமஹாமத்தேஹி தித்தி²யேஹி தித்தி²யஸாவகேஹி . அத² கோ² ஏகவிஹாரீதி வுச்சதி. தங் கிஸ்ஸ ஹேது? தண்ஹா ஹிஸ்ஸ து³தியா, ஸாஸ்ஸ பஹீனா. தஸ்மா ஏகவிஹாரீதி வுச்சதீ’’தி. பட²மங்.
‘‘Santi ca kho, migajāla, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati. Tassa taṃ anabhinandato anabhivadato anajjhosāya tiṭṭhato nandī nirujjhati. Nandiyā asati sārāgo na hoti; sārāge asati saṃyogo na hoti. Nandisaṃyojanavisaṃyutto kho, migajāla, bhikkhu ekavihārīti vuccati…pe… santi ca kho, migajāla, jivhāviññeyyā rasā…pe… santi ca kho, migajāla, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati. Tassa taṃ anabhinandato anabhivadato anajjhosāya tiṭṭhato nandī nirujjhati. Nandiyā asati sārāgo na hoti; sārāge asati saṃyogo na hoti. Nandisaṃyojanavippayutto kho, migajāla, bhikkhu ekavihārīti vuccati. Evaṃvihārī ca, migajāla, bhikkhu kiñcāpi gāmante viharati ākiṇṇo bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi . Atha kho ekavihārīti vuccati. Taṃ kissa hetu? Taṇhā hissa dutiyā, sāssa pahīnā. Tasmā ekavihārīti vuccatī’’ti. Paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. பட²மமிக³ஜாலஸுத்தவண்ணனா • 1. Paṭhamamigajālasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. பட²மமிக³ஜாலஸுத்தவண்ணனா • 1. Paṭhamamigajālasuttavaṇṇanā
