| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੭. ਮਿਗਜਾਲવਗ੍ਗੋ
7. Migajālavaggo
੧. ਪਠਮਮਿਗਜਾਲਸੁਤ੍ਤਂ
1. Paṭhamamigajālasuttaṃ
੬੩. ਸਾવਤ੍ਥਿਨਿਦਾਨਂ । ਅਥ ਖੋ ਆਯਸ੍ਮਾ ਮਿਗਜਾਲੋ ਯੇਨ ਭਗવਾ…ਪੇ॰… ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਮਿਗਜਾਲੋ ਭਗવਨ੍ਤਂ ਏਤਦવੋਚ – ‘‘‘ਏਕવਿਹਾਰੀ, ਏਕવਿਹਾਰੀ’ਤਿ, ਭਨ੍ਤੇ, વੁਚ੍ਚਤਿ। ਕਿਤ੍ਤਾવਤਾ ਨੁ ਖੋ, ਭਨ੍ਤੇ, ਏਕવਿਹਾਰੀ ਹੋਤਿ, ਕਿਤ੍ਤਾવਤਾ ਚ ਪਨ ਸਦੁਤਿਯવਿਹਾਰੀ ਹੋਤੀ’’ਤਿ?
63. Sāvatthinidānaṃ . Atha kho āyasmā migajālo yena bhagavā…pe… ekamantaṃ nisinno kho āyasmā migajālo bhagavantaṃ etadavoca – ‘‘‘ekavihārī, ekavihārī’ti, bhante, vuccati. Kittāvatā nu kho, bhante, ekavihārī hoti, kittāvatā ca pana sadutiyavihārī hotī’’ti?
‘‘ਸਨ੍ਤਿ ਖੋ, ਮਿਗਜਾਲ, ਚਕ੍ਖੁવਿਞ੍ਞੇਯ੍ਯਾ ਰੂਪਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ। ਤਞ੍ਚੇ ਭਿਕ੍ਖੁ ਅਭਿਨਨ੍ਦਤਿ ਅਭਿવਦਤਿ ਅਜ੍ਝੋਸਾਯ ਤਿਟ੍ਠਤਿ। ਤਸ੍ਸ ਤਂ ਅਭਿਨਨ੍ਦਤੋ ਅਭਿવਦਤੋ ਅਜ੍ਝੋਸਾਯ ਤਿਟ੍ਠਤੋ ਉਪ੍ਪਜ੍ਜਤਿ ਨਨ੍ਦੀ 1। ਨਨ੍ਦਿਯਾ ਸਤਿ ਸਾਰਾਗੋ ਹੋਤਿ; ਸਾਰਾਗੇ ਸਤਿ ਸਂਯੋਗੋ ਹੋਤਿ। ਨਨ੍ਦਿਸਂਯੋਜਨਸਂਯੁਤ੍ਤੋ ਖੋ, ਮਿਗਜਾਲ, ਭਿਕ੍ਖੁ ਸਦੁਤਿਯવਿਹਾਰੀਤਿ વੁਚ੍ਚਤਿ। ਸਨ੍ਤਿ…ਪੇ॰… ਸਨ੍ਤਿ ਖੋ, ਮਿਗਜਾਲ, ਜਿવ੍ਹਾવਿਞ੍ਞੇਯ੍ਯਾ ਰਸਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ। ਤਞ੍ਚੇ ਭਿਕ੍ਖੁ ਅਭਿਨਨ੍ਦਤਿ ਅਭਿવਦਤਿ ਅਜ੍ਝੋਸਾਯ ਤਿਟ੍ਠਤਿ। ਤਸ੍ਸ ਤਂ ਅਭਿਨਨ੍ਦਤੋ ਅਭਿવਦਤੋ ਅਜ੍ਝੋਸਾਯ ਤਿਟ੍ਠਤੋ ਉਪ੍ਪਜ੍ਜਤਿ ਨਨ੍ਦੀ। ਨਨ੍ਦਿਯਾ ਸਤਿ ਸਾਰਾਗੋ ਹੋਤਿ; ਸਾਰਾਗੇ ਸਤਿ ਸਂਯੋਗੋ ਹੋਤਿ। ਨਨ੍ਦਿਸਂਯੋਜਨਸਂਯੁਤ੍ਤੋ ਖੋ, ਮਿਗਜਾਲ, ਭਿਕ੍ਖੁ ਸਦੁਤਿਯવਿਹਾਰੀਤਿ વੁਚ੍ਚਤਿ। ਏવਂવਿਹਾਰੀ ਚ, ਮਿਗਜਾਲ, ਭਿਕ੍ਖੁ ਕਿਞ੍ਚਾਪਿ ਅਰਞ੍ਞવਨਪਤ੍ਥਾਨਿ ਪਨ੍ਤਾਨਿ ਸੇਨਾਸਨਾਨਿ ਪਟਿਸੇવਤਿ ਅਪ੍ਪਸਦ੍ਦਾਨਿ ਅਪ੍ਪਨਿਗ੍ਘੋਸਾਨਿ વਿਜਨવਾਤਾਨਿ ਮਨੁਸ੍ਸਰਾਹਸ੍ਸੇਯ੍ਯਕਾਨਿ 2 ਪਟਿਸਲ੍ਲਾਨਸਾਰੁਪ੍ਪਾਨਿ; ਅਥ ਖੋ ਸਦੁਤਿਯવਿਹਾਰੀਤਿ વੁਚ੍ਚਤਿ। ਤਂ ਕਿਸ੍ਸ ਹੇਤੁ? ਤਣ੍ਹਾ ਹਿਸ੍ਸ ਦੁਤਿਯਾ, ਸਾਸ੍ਸ ਅਪ੍ਪਹੀਨਾ। ਤਸ੍ਮਾ ਸਦੁਤਿਯવਿਹਾਰੀ’’ਤਿ વੁਚ੍ਚਤਿ।
‘‘Santi kho, migajāla, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato uppajjati nandī 3. Nandiyā sati sārāgo hoti; sārāge sati saṃyogo hoti. Nandisaṃyojanasaṃyutto kho, migajāla, bhikkhu sadutiyavihārīti vuccati. Santi…pe… santi kho, migajāla, jivhāviññeyyā rasā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato uppajjati nandī. Nandiyā sati sārāgo hoti; sārāge sati saṃyogo hoti. Nandisaṃyojanasaṃyutto kho, migajāla, bhikkhu sadutiyavihārīti vuccati. Evaṃvihārī ca, migajāla, bhikkhu kiñcāpi araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhasseyyakāni 4 paṭisallānasāruppāni; atha kho sadutiyavihārīti vuccati. Taṃ kissa hetu? Taṇhā hissa dutiyā, sāssa appahīnā. Tasmā sadutiyavihārī’’ti vuccati.
‘‘ਸਨ੍ਤਿ ਚ ਖੋ, ਮਿਗਜਾਲ, ਚਕ੍ਖੁવਿਞ੍ਞੇਯ੍ਯਾ ਰੂਪਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ। ਤਞ੍ਚੇ ਭਿਕ੍ਖੁ ਨਾਭਿਨਨ੍ਦਤਿ ਨਾਭਿવਦਤਿ ਨਾਜ੍ਝੋਸਾਯ ਤਿਟ੍ਠਤਿ। ਤਸ੍ਸ ਤਂ ਅਨਭਿਨਨ੍ਦਤੋ ਅਨਭਿવਦਤੋ ਅਨਜ੍ਝੋਸਾਯ ਤਿਟ੍ਠਤੋ ਨਨ੍ਦੀ ਨਿਰੁਜ੍ਝਤਿ। ਨਨ੍ਦਿਯਾ ਅਸਤਿ ਸਾਰਾਗੋ ਨ ਹੋਤਿ; ਸਾਰਾਗੇ ਅਸਤਿ ਸਂਯੋਗੋ ਨ ਹੋਤਿ। ਨਨ੍ਦਿਸਂਯੋਜਨવਿਸਂਯੁਤ੍ਤੋ ਖੋ, ਮਿਗਜਾਲ, ਭਿਕ੍ਖੁ ਏਕવਿਹਾਰੀਤਿ વੁਚ੍ਚਤਿ…ਪੇ॰… ਸਨ੍ਤਿ ਚ ਖੋ, ਮਿਗਜਾਲ, ਜਿવ੍ਹਾવਿਞ੍ਞੇਯ੍ਯਾ ਰਸਾ…ਪੇ॰… ਸਨ੍ਤਿ ਚ ਖੋ, ਮਿਗਜਾਲ, ਮਨੋવਿਞ੍ਞੇਯ੍ਯਾ ਧਮ੍ਮਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ। ਤਞ੍ਚੇ ਭਿਕ੍ਖੁ ਨਾਭਿਨਨ੍ਦਤਿ ਨਾਭਿવਦਤਿ ਨਾਜ੍ਝੋਸਾਯ ਤਿਟ੍ਠਤਿ। ਤਸ੍ਸ ਤਂ ਅਨਭਿਨਨ੍ਦਤੋ ਅਨਭਿવਦਤੋ ਅਨਜ੍ਝੋਸਾਯ ਤਿਟ੍ਠਤੋ ਨਨ੍ਦੀ ਨਿਰੁਜ੍ਝਤਿ। ਨਨ੍ਦਿਯਾ ਅਸਤਿ ਸਾਰਾਗੋ ਨ ਹੋਤਿ; ਸਾਰਾਗੇ ਅਸਤਿ ਸਂਯੋਗੋ ਨ ਹੋਤਿ। ਨਨ੍ਦਿਸਂਯੋਜਨવਿਪ੍ਪਯੁਤ੍ਤੋ ਖੋ, ਮਿਗਜਾਲ, ਭਿਕ੍ਖੁ ਏਕવਿਹਾਰੀਤਿ વੁਚ੍ਚਤਿ। ਏવਂવਿਹਾਰੀ ਚ, ਮਿਗਜਾਲ, ਭਿਕ੍ਖੁ ਕਿਞ੍ਚਾਪਿ ਗਾਮਨ੍ਤੇ વਿਹਰਤਿ ਆਕਿਣ੍ਣੋ ਭਿਕ੍ਖੂਹਿ ਭਿਕ੍ਖੁਨੀਹਿ ਉਪਾਸਕੇਹਿ ਉਪਾਸਿਕਾਹਿ ਰਾਜੂਹਿ ਰਾਜਮਹਾਮਤ੍ਤੇਹਿ ਤਿਤ੍ਥਿਯੇਹਿ ਤਿਤ੍ਥਿਯਸਾવਕੇਹਿ । ਅਥ ਖੋ ਏਕવਿਹਾਰੀਤਿ વੁਚ੍ਚਤਿ। ਤਂ ਕਿਸ੍ਸ ਹੇਤੁ? ਤਣ੍ਹਾ ਹਿਸ੍ਸ ਦੁਤਿਯਾ, ਸਾਸ੍ਸ ਪਹੀਨਾ। ਤਸ੍ਮਾ ਏਕવਿਹਾਰੀਤਿ વੁਚ੍ਚਤੀ’’ਤਿ। ਪਠਮਂ।
‘‘Santi ca kho, migajāla, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati. Tassa taṃ anabhinandato anabhivadato anajjhosāya tiṭṭhato nandī nirujjhati. Nandiyā asati sārāgo na hoti; sārāge asati saṃyogo na hoti. Nandisaṃyojanavisaṃyutto kho, migajāla, bhikkhu ekavihārīti vuccati…pe… santi ca kho, migajāla, jivhāviññeyyā rasā…pe… santi ca kho, migajāla, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati. Tassa taṃ anabhinandato anabhivadato anajjhosāya tiṭṭhato nandī nirujjhati. Nandiyā asati sārāgo na hoti; sārāge asati saṃyogo na hoti. Nandisaṃyojanavippayutto kho, migajāla, bhikkhu ekavihārīti vuccati. Evaṃvihārī ca, migajāla, bhikkhu kiñcāpi gāmante viharati ākiṇṇo bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi . Atha kho ekavihārīti vuccati. Taṃ kissa hetu? Taṇhā hissa dutiyā, sāssa pahīnā. Tasmā ekavihārīti vuccatī’’ti. Paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਪਠਮਮਿਗਜਾਲਸੁਤ੍ਤવਣ੍ਣਨਾ • 1. Paṭhamamigajālasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਪਠਮਮਿਗਜਾਲਸੁਤ੍ਤવਣ੍ਣਨਾ • 1. Paṭhamamigajālasuttavaṇṇanā
