| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៧. មិគជាលវគ្គោ
7. Migajālavaggo
១. បឋមមិគជាលសុត្តវណ្ណនា
1. Paṭhamamigajālasuttavaṇṇanā
៦៣. ចក្ខុវិញ្ញាណំ ទស្សនកិច្ចន្តិ វុត្តចក្ខុវិញ្ញាណេន បស្សិតព្ពន្តិ អាហ ‘‘ឥដ្ឋារម្មណភូតា’’តិ។ កមនីយាតិ កាមេតព្ពា។ មនំ អប្បាយន្តីតិ មនាបាតិ អាហ ‘‘មនវឌ្ឍនកា’’តិ។ បិយាយិតព្ពសភាវា បិយរូបា។ កាមូបសំហិតាតិ កាមបដិសំយុត្តា។ អាលម្ពិតព្ពតា ឯវ ចេត្ថ ឧបសំហិតតាតិ ‘‘អារម្មណំ កត្វា’’តិអាទិមាហ។ តណ្ហាសង្ខាតា នន្ទី តណ្ហានន្ទី, ន តុដ្ឋិនន្ទីយេវ ‘‘នន្ទិំ ចរតី’’តិអាទីសុ វិយ។ គាមន្តន្តិ គាមសមីបំ។ ‘‘អនុបចារដ្ឋាន’’ន្តិ វត្វា តំ ទស្សេតិ ‘‘យត្ថា’’តិអាទិនា។
63. Cakkhuviññāṇaṃ dassanakiccanti vuttacakkhuviññāṇena passitabbanti āha ‘‘iṭṭhārammaṇabhūtā’’ti. Kamanīyāti kāmetabbā. Manaṃ appāyantīti manāpāti āha ‘‘manavaḍḍhanakā’’ti. Piyāyitabbasabhāvā piyarūpā. Kāmūpasaṃhitāti kāmapaṭisaṃyuttā. Ālambitabbatā eva cettha upasaṃhitatāti ‘‘ārammaṇaṃ katvā’’tiādimāha. Taṇhāsaṅkhātā nandī taṇhānandī, na tuṭṭhinandīyeva ‘‘nandiṃ caratī’’tiādīsu viya. Gāmantanti gāmasamīpaṃ. ‘‘Anupacāraṭṭhāna’’nti vatvā taṃ dasseti ‘‘yatthā’’tiādinā.
ឯត្ថាតិ យថានីហតេ បាឋេ។ ‘‘ឥមំ ឯកំ បរិយាយំ ឋបេត្វា’’តិ វុត្តំ តស្ស ‘‘បន្តានី’’តិបទេន សង្គហិតត្តា។ អប្បសទ្ទានិ អប្បនិគ្ឃោសានីតិ ឯត្ថ អប្ប-សទ្ទោ អភាវត្ថោ។
Etthāti yathānīhate pāṭhe. ‘‘Imaṃ ekaṃ pariyāyaṃ ṭhapetvā’’ti vuttaṃ tassa ‘‘pantānī’’tipadena saṅgahitattā. Appasaddāni appanigghosānīti ettha appa-saddo abhāvattho.
បឋមមិគជាលសុត្តវណ្ណនា និដ្ឋិតា។
Paṭhamamigajālasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. បឋមមិគជាលសុត្តំ • 1. Paṭhamamigajālasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១. បឋមមិគជាលសុត្តវណ្ណនា • 1. Paṭhamamigajālasuttavaṇṇanā
