| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೭. ಮಿಗಜಾಲವಗ್ಗೋ
7. Migajālavaggo
೧. ಪಠಮಮಿಗಜಾಲಸುತ್ತವಣ್ಣನಾ
1. Paṭhamamigajālasuttavaṇṇanā
೬೩. ಚಕ್ಖುವಿಞ್ಞಾಣಂ ದಸ್ಸನಕಿಚ್ಚನ್ತಿ ವುತ್ತಚಕ್ಖುವಿಞ್ಞಾಣೇನ ಪಸ್ಸಿತಬ್ಬನ್ತಿ ಆಹ ‘‘ಇಟ್ಠಾರಮ್ಮಣಭೂತಾ’’ತಿ। ಕಮನೀಯಾತಿ ಕಾಮೇತಬ್ಬಾ। ಮನಂ ಅಪ್ಪಾಯನ್ತೀತಿ ಮನಾಪಾತಿ ಆಹ ‘‘ಮನವಡ್ಢನಕಾ’’ತಿ। ಪಿಯಾಯಿತಬ್ಬಸಭಾವಾ ಪಿಯರೂಪಾ। ಕಾಮೂಪಸಂಹಿತಾತಿ ಕಾಮಪಟಿಸಂಯುತ್ತಾ। ಆಲಮ್ಬಿತಬ್ಬತಾ ಏವ ಚೇತ್ಥ ಉಪಸಂಹಿತತಾತಿ ‘‘ಆರಮ್ಮಣಂ ಕತ್ವಾ’’ತಿಆದಿಮಾಹ। ತಣ್ಹಾಸಙ್ಖಾತಾ ನನ್ದೀ ತಣ್ಹಾನನ್ದೀ, ನ ತುಟ್ಠಿನನ್ದೀಯೇವ ‘‘ನನ್ದಿಂ ಚರತೀ’’ತಿಆದೀಸು ವಿಯ। ಗಾಮನ್ತನ್ತಿ ಗಾಮಸಮೀಪಂ। ‘‘ಅನುಪಚಾರಟ್ಠಾನ’’ನ್ತಿ ವತ್ವಾ ತಂ ದಸ್ಸೇತಿ ‘‘ಯತ್ಥಾ’’ತಿಆದಿನಾ।
63. Cakkhuviññāṇaṃ dassanakiccanti vuttacakkhuviññāṇena passitabbanti āha ‘‘iṭṭhārammaṇabhūtā’’ti. Kamanīyāti kāmetabbā. Manaṃ appāyantīti manāpāti āha ‘‘manavaḍḍhanakā’’ti. Piyāyitabbasabhāvā piyarūpā. Kāmūpasaṃhitāti kāmapaṭisaṃyuttā. Ālambitabbatā eva cettha upasaṃhitatāti ‘‘ārammaṇaṃ katvā’’tiādimāha. Taṇhāsaṅkhātā nandī taṇhānandī, na tuṭṭhinandīyeva ‘‘nandiṃ caratī’’tiādīsu viya. Gāmantanti gāmasamīpaṃ. ‘‘Anupacāraṭṭhāna’’nti vatvā taṃ dasseti ‘‘yatthā’’tiādinā.
ಏತ್ಥಾತಿ ಯಥಾನೀಹತೇ ಪಾಠೇ। ‘‘ಇಮಂ ಏಕಂ ಪರಿಯಾಯಂ ಠಪೇತ್ವಾ’’ತಿ ವುತ್ತಂ ತಸ್ಸ ‘‘ಪನ್ತಾನೀ’’ತಿಪದೇನ ಸಙ್ಗಹಿತತ್ತಾ। ಅಪ್ಪಸದ್ದಾನಿ ಅಪ್ಪನಿಗ್ಘೋಸಾನೀತಿ ಏತ್ಥ ಅಪ್ಪ-ಸದ್ದೋ ಅಭಾವತ್ಥೋ।
Etthāti yathānīhate pāṭhe. ‘‘Imaṃ ekaṃ pariyāyaṃ ṭhapetvā’’ti vuttaṃ tassa ‘‘pantānī’’tipadena saṅgahitattā. Appasaddāni appanigghosānīti ettha appa-saddo abhāvattho.
ಪಠಮಮಿಗಜಾಲಸುತ್ತವಣ್ಣನಾ ನಿಟ್ಠಿತಾ।
Paṭhamamigajālasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೧. ಪಠಮಮಿಗಜಾಲಸುತ್ತಂ • 1. Paṭhamamigajālasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧. ಪಠಮಮಿಗಜಾಲಸುತ್ತವಣ್ಣನಾ • 1. Paṭhamamigajālasuttavaṇṇanā
